«Սա ընդամենը հետևանք է այն որոշումների, որոնք իրականացվում են հանրապետության նախագահի, ՀՀԿ խորհրդի կողմից»,- անդրադառնալով նոր վարչապետի նշանակմանը՝ այսօրվա ասուլիսում ասաց ԱԺ ՀՀԿ խմբակցության քարտուղար Գագիկ Մելիքյանը։
ԳԱԱ նախագահ Ռադիկ Մարտիրոսյանն իր խոսքում կարևորեց նման համաժողովների կազմակերպումն ու նշեց, որ Հայաստանում գիտությանը միշտ էլ մեծ տեղ են հատկացրել. «Այսօր ԳԱԱ-ն ունի 138 արտասահմանյան անդամներ՝ 17 տարբեր երկրներից. բոլորն էլ փայլուն գիտնականներ են։ Հիմնարար գիտությունը եղել է մեր այցեքարտն աշխարհում։ Մի երկու բան ունենք, որ աշխարհում հայտնի են՝ հայկական կոնյակը, գինին, բայց գիտությունը միշտ էլ եղել է»։
«Պետք է հստակ հասկանան՝ ինչ կտա, մյուս կողմից էլ՝ չպետք է մտածենք, թե դա… քարտուղարը գործում է՝ ըստ կանոնադրության, պայմանագրի շրջանակներում։ Ինքը կարող է այդ շրջանակներում ավելի էֆեկտիվ դարձնել այդ կազմակերպությունը, ու Հայաստանի տեսանկյունից՝ լուծել այն խնդիրները, որոնք կապահովեն մեր անվտանգությունը։ Այդ պաշտոնը նման հնարավորություն տալիս է։ Դրա համար Ադրբեջանն ու մյուս պետություններն ամեն ինչ անում են, որպեսզի դա չլինի»,- պատասխանեց նա։
Պաշտպանության նախկին նախարար Վաղարշակ Հարությունյանն այսօրվա ասուլիսին, պատասխանելով լրագրողների հարցին՝ ցուցադրված զինատեսակներից որո՞նք են ռուսական վարկի դիմաց գնված, և ի՞նչ նկատի ուներ Սերժ Սարգսյանը 2014 թվականին, երբ հայտարարեց, որ՝ Հայաստանն ունի բալիստիկ հրթիռներ, որոնց գործողության շառավիղը 300 կմ-ից ավելի է, և որոնք շատ կարճ ժամանակում ցանկացած ծաղկուն բնակավայր կարող են վերածել այնպիսի ավերակների, ինչպիսին հիմա Աղդամի ավերակներն են, ասաց.
Ռուսաստանի կողմից «Իսկանդերի» տրամադրումը Հայաստանին նա համարում է Հայաստանի լավ արտաքին քաղաքականության արդյունքը. «Բալանսը երբեք չի խախտվել, խախտումներ եղել են տարբեր զինատեսակների տեսանկյունից, բայց ընդհանուր բալանսը չի խախտվել։ Մենք ունենք ռազմավարական առավելություն և դա ուղղակի ավելացրել ենք։ Այնպես որ, սա հայ-ռուսական դաշնակցային հարաբերությունների հաստատումն է, որովհետև այդ տեսակի զենք որևէ այլ պետության չեն վաճառել։ Այս զենքն ի վիճակի է օգտագործել նաև միջուկային գլխիկ։ Միայն դաշնակցային պետությանն են այս զենքը տալիս։ Այս զենքից միայն Ռուսաստանն ու Հայաստանն ունեն»։
«Ապշելու է, երբ երրորդ դարի փիլիսոփան նման ճշգրիտ ձևով է արտահայտվել Տիեզերքում մոլորակների գոյության մասին, երբ նույնիսկ չգիտեին՝ երկրագունդը մոլորա՞կ է, թե՞ ոչ։ Ջորդանո Բրունոն 12 դար հետո նույն բանը կրկնեց։ Դրանից էլ անցավ ևս 400 տարի, և աստղադիտակով առաջին անգամ սկսեցին դիտել Օրիոնում դիսկային ստրուկտուրաներ, որոնք այն տեղն են, որտեղ մոլորակներն են առաջանում»,- ասաց նա։
Քաղաքագետը կարծում է, որ նոր զինատեսակներ, հատկապես՝ «Իսկանդեր» տրամադրելով Հայաստանին՝ Ռուսաստանը մեսիջ է հղում ինչպես՝ հայ հասարակությանը, այնպես էլ՝ Ադրբեջանին. «Սակայն այն կարծիքին չեմ, որ սահմանին կրակոցները, էսկալացիան կդադարեցվեն «Իսկանդերի» վաճառքից հետո»,- նշեց նա՝ նկատելով, որ այն ուղղակի կզսպի պատերազմի վերսկսման հավանականությունը, բայց չի բացառում, որ ղարաբաղաադրբեջանական սահմանին կրկին էսկալացիա լինի, ինչպես ապրիլին եղավ։
«Այս հարյուր տարվա ընթացքում մի քանի անգամ մեզ հնարավորություն ընձեռվեց, և ոչ թե՝ պայքարի շնորհիվ, այլ՝ ուղղակի աշխարհում տեղի ունեցող փոփոխությունների շնորհիվ անկախանալ, բայց մեր մենթալիտետը դեռ չի թողնում, որ ստեղծենք ինքնիշխան պետություն։ Այստեղ կապ չունեն ո՛չ թշնամիները, ո՛չ դաշնակիցները, խնդիրը մեր մեջ է»։
«Մերիդիան» ցուցահանդեսային կենտրոնում սեպտեմբերի 19-22-ն գործում է «Արտադրված է Հայաստանում-2016» ցուցահանդեսը, որի հիմնական նպատակն է` ներկայացնել Հայաստանի արդյունաբերության առկա ներուժը, զարգացման հնարավորությունները և նպաստել նոր շուկաների բացահայտմանը։
Հացի թխման պրոցեսն առանձնապես ծախսատար պրոցես էլ չէ, և ինքնարժեքը պետք է լիներ ոչ ավելի 150 դրամից։
«Յուրաքանչյուր քսուքից տրամադրում ենք նմուշներ, որպեսզի մարդիկ փորձարկեն, գտնեն իրենց հարմար քսուքը, ու քանի որ ունենում են մաշկի տարբեր ռեակցիաներ, վստահ լինեն, որ գտել են իրենց քսուքը։ Առաջարկում ենք նաև լիցքավորման տարբերակ. խոնավեցնող քսուքի փոքրիկ տարաները, որոնք վակուումային սեղմամբ չեն փակվել, վերալիցքավորվում են, այսինքն՝ հաճախորդն ունենում է իր տարան ու վճարում է միայն քսուքի համար»,- պարզաբանեց Ա. Ավետիսյանը։
«Ատամնաբուժության ոլորտում «Լարիստոմը» նորություն է. այն բուժիչ խտանյութ է՝ նախատեսված բերանի խոռոչի և կոկորդի հիվանդությունների համար։ Պարունակում է միայն բնական բաղադրիչներ՝ 6 բույս և ակնամոմ, որևէ քիմիական բաղադրիչ դրա մեջ չկա։ Ատամնաբուժության ոլորտում օգտագործվում է, օրինակ, եթե ատամի հեռացում է կատարվում, շատ արագ ռեգեներացնում է, վերականգնում լինդը, իսկ կոկորդի հիվանդությունների դեպքում՝ նույնիսկ 1-2 օրում արդեն տարբերությունը զգացվում է, ու անգինան վերանում է»։
Մեր օրերի ամենամեծ թերությունը Պ. Հայրիկյանը համարում է անդամակցումը Եվրասիական տնտեսական միությանը (ԵՏՄ). «Մենք ձգտում էինք Եվրամիությանը մոտ լինել, ու այդ կարգախոսով որոշ ուժեր գնացին ընտրության։ Եթե դու փոխում ես գիծդ, ուրեմն այլ մասնագիտություն ես վերցնում։ Մենք անկախացանք Սովետական Ռուսաստանից, բայց հայտնվեցինք պուտինյան լծի տակ. սա լուրջ սխալ էր։ Մեզ բերեցինք ռուսական ճահիճ։ Մյուս թերությունն այն է, որ Հիմնական օրենքը չի կարելի այդպես ընդունել։ Դա էլ էր բացթողում»։
«Այսօր ունենք 25 տարվա անկախ, կայացած պետություն, պետական համակարգեր։ Այս ձեռքբերումների հետ միասին, պարտավոր ենք ամեն տարի, երբ անկախության «տարելիցն» ենք տոնում, մտածել՝ է՞լ ինչ կա, որ հարկավոր է ավելի զարգացնել, խորացնել, հստակեցնել, որպեսզի մեր ժողովուրդն անկախությունն ըմբռնի այնպես, ինչպես պետք է, այլ ոչ թե՝ կապի սոցիալական կամ այլ խնդիրների հետ»,- այսօրվա ասուլիսին նման տեսակետ հայտնեց ՀՀԿ-ական պատգամավոր Սուքիաս Ավետիսյանը։
«Իրանի արտաքին քաղաքականության համար առաջնայինը Մերձավոր Արևելքն է, իսկ Հարավային Կովկասը երկրորդն է։ Հետևաբար, իրանական քաղաքականությունը մեր տարածաշրջանում հասկանալու համար պետք է նկատի առնել Իրանի վարած արտաքին քաղաքական ուղեգիծը, նաև այն շահերը, որոնք առկա են Մերձավոր Արևելքում։ Իրանը մեր տարածաշրջանում հավասարակշիռ քաղաքականություն է վարում, այսինքն՝ հարաբերությունները բոլոր կողմերի հետ է զարգացնում»։
Իրանագետ Վարդան Ոսկանյանն այսօր հրավիրված ասուլիսին պատասխանելով 168.am-ի հարցին՝ ինչո՞ւ Իրանը, այսպես ասած՝ աչք փակեց Սիրիայում Թուրքիայի ակտիվացման վրա, քրդական գործո՞նն էր պատճառը, ասաց, որ թուրք-իրանական շահերը համընկնում են միայն քրդական հիմնախնդրի շուրջ:
Հակակոռուպցիոն հանձնաժողովը հենց այդպիսի բաներով պետք է զբաղվի, թե ոնց է լինում, որ, եթե նորմատիվը 3.5 կերամիավորից պետք է ստանա 1 կգ քաշը, 10 կերամիավորից է ստանում։ Թռչնաբուծությունը դառնում է վնասաբեր ուղղություն, բայց աշխատում են։
«Կոշիկները պատրաստվում են Հայաստանում, որակը բարձր է։ Դրսի շուկայում հայկական կոշկեղենի պահանջարկն ավելի մեծ է, քան Հայաստանում։ Արտահանում ենք Բելգիա, Հոլանդիա, Ռուսաստան, Դուբայ։ Որակի համեմատ՝ կոշիկների գները նորմալ են. Տղամարդու կեդերը սկսվում են 20 հազար դրամից»։
Հայաստանի արդյունաբերողների և գործարարների միության և LOGOS EXPO Center ցուցահանդեսային ընկերության կազմակերպած «ARMENIA EXPO 2016» տասնվեցերորդ միջազգային ունիվերսալ առևտրաարդյունաբերական ցուցահանդեսային ֆորումում իրենց արտադրանքն են ներկայացնում «Ծիրանէ» և «Բյութի պրոդաքս» ընկերությունները, որոնք առաջարկում են բնական յուղերի, օճառների և շամպունների լայն տեսականի։
«Ունենք պարզ մեղրներ, որոնք օգնում են դիաբետով հիվանդներին՝ կարգավորել արյան մեջ շաքարը։ Սերեկով մեղրն օգտակար է բերանի խոռոչի բորբոքման ժամանակ, օգտագործվում է նաև ատամների սպիտակեցման, աղեստամոքսային տրակտը կարգավորելու համար։ Ունենք հնդկաձավարով մեղր, որը պարունակում է երկաթ, յոդ։ Ուղղակի մեկ թեյի գդալը պետք է ծամել այնքան, որ կարողանան կուլ տալ։ Ցանկալի է ցանկացած մեղր օգտագործել 1 թեյի գդալ՝ առավոտյան, սոված վիճակում. 30 րոպե հետո նոր սնվել»։
«Թող օլիգարխները հարկերը վճարեն։ Մի օլիգարխն առնվազն մի քանի միլիարդ թաքցնելու է, չէ՞։ Մեզ մոտ շատ օլիգարխներ կան, որոնք ամեն օր կարող են ռազմական շքերթ անել, մի բան էլ՝ անապահով խավին օգնել։ Ռազմական շքերթը պետության կառավարման քաղաքական ազդակների իմաստով հզոր մեսիջ է։ Եթե անգամ դրա դեմ բաներ տեսնում եմ Ֆեյսբուքում, բաց եմ թողնում, որովհետև գիտեմ՝ անգրագետ մոտեցում է»։
«Իշխող կուսակցությունները դեմ են, որովհետև այն ժամանակ իրենց գործունեության բուն իմաստն է սկսում կորչել։ Քանի որ իշխանության հետ շաղկապված է օլիգարխիան, իսկ կառավարության լուրջ աշխատանքն անպայման պետք է հանգեցնի ստվերի դեմ պայքարին, ինչի մասին նաև հայտարարվեց, և սա նշանակում է, որ ամբողջ չինովնիկա-օլիգարխիական դասն էլ է դեմ փոփոխություններին։ Նոր ընդդիմությունը ևս չի ցանկանա, որ այս կառավարությունը հաջողի, որովհետև իրենց հռետորաբանությունը կես տարի հետո լինելու է կիսով չափ ավելի թույլ։ Ծայրահեղ ընդդիմությունը ևս իրականության մեջ դեմ է փոփոխություններին, ինչքան էլ որոշ խմբեր ամպագոռգոռ հայտարարություններ անեն. առավել ևս իրենց համար պետք չէ, որ այսօր սկսի հաջողել Հայաստանը»։
«Մեզ կհակաճառեն, որ հաշվիչներ են դրված. այդ հաշվիչների պատմությունն էլ շատ լավ գիտենք, շատ հեշտ է այդ հաշվիչների հետ աշխատանք տանելը։ Իրենց հաշվիչներն են, ոնց ուզում՝ այնպես էլ հաշվում են։ Կա հանրապետության նախագահի հանձնարարականը, որ պետք է ջրային համակարգում բարեփոխումների գնալ։ Գյուղը լքելու հիմնական առիթներից մեկն էլ ջրի վարձն է, որն ընդհանրապես անընդունելի է։ Կառավարությունը սուբսիդավորում է, բայց գյուղացին արդյունքը չի տեսնում»:
«Ունենք ունիվերսալ ծիրանի լոսյոն, որն ակնթարթորեն փափկեցնում է մաշկը, այն դարձնում մետաքսանման, վերացնում է ոտքերի տհաճ հոտը, մեկ գիշերվա մեջ՝ արմունկների ճաքերը։ Օգնում է նաև ցրտահարության և առաջին աստիճանի այրվածքների ժամանակ»։
«Դժվար է լինելու, որովհետև արդեն 9-րդ ամսում ենք այս տարվա։ Դժվար է լինելու, որովհետև արտաքին նեգատիվ ազդեցությունները դեռևս էապես ազդում են մեր տնտեսության վրա. խոսքը ռուսական շուկայի անկայունության մասին է։ Բայց ճանաչելով վարչապետին՝ որպես շատ լուրջ գործարար և մենեջմենթի անդամ, նա երկար ժամանակ եղել է մեր միության խորհրդի անդամ, ես հավատում եմ, որ որոշակի հաջողություններ կունենա»։
«Սիթի» համակարգում հենց տեղում հացաթխում է կատարվում, և լավաշի գինն արժե 460 դրամ (մեկ կիլոգրամը)։ Ալրաղացները տարբեր պատճառներ են գտնում ու խուսափում են գյուղացուց ուղղակի ալյուր ձեռք բերել։
ԱԺ նիստում ԲՀԿ-ական Միքայել Մելքումյանը ՀՀ Էկոնոմիկայի նախարար Արծվիկ Մինասյանից փորձեց պարզել՝ կա՞ն արդյոք ուսումնասիրություններ, թե գյուղացին որքան է տուժում միջնորդական ծառայությունների արհեստական առկայության պայմաններում։
«Մեզ հետաքրքրում են Հ1-ի լուրերը, որի լուսաբանման մակարդակից, ձևից ու բովանդակությունից անձամբ ես շատ դժգոհ եմ։ Եթե քաղաքական բլոկը ներկայացվում է այն ճաշակով, այն տեսքով, որը ժողովրդին կատաղեցնում է, ուրեմն՝ այս համակարգային բարեփոխումների ընթացքում դա էլ պետք է փոխվի»։
«ՀՀ տնտեսությունը բանաձև ունի՞ առանց ստվերի դեմ պայքարելու վերարտադրվելու. ո՛չ։ Փորձելո՞ւ ենք մենք դա անել, թե՞ ոչ. այո՛։ Կհաջողվի՞ մեզ. կտեսնենք։ Տրամադրվա՞ծ ենք. շատ վճռական։ Որովհետև ուրիշ ձև գոյություն չունի։ Այլ կերպ մենք տնտեսություն չենք կարող վերարտադրել»։
ԱԺ պատգամավոր Տիգրան Ուրիխանյանն այսօր կառավարության հետ հարցուպատասխանի ժամանակ նորանշանակ վարչապետ Կարեն Կարապետյանից հետաքրքրվեց՝ եթե ռուսական ընկերություններից որևէ մեկից առաջարկ լինի տնօրենրնների խորհրդի պաշտոնում աշխատանք, ենթադրենք 70 հազար դոլարին համարժեք ռուբլի աշխատավարձով, նա կհամաձայնի՞. «Եթե ոչ, ապա արդյո՞ք տիրապետում եք ՀՀ պետական բյուջեի գոյացման միջոցների հարաբերակցությանը, փոխազդեցություններին, համախառն ներքին արդյունքի ձևավորման մեջ օգտակար հանածոների գոյությունից ու դրանցից բխող դրամական միջոցների տեսակարար կշռի չափին»։
