«ՕԵԿ-ի դուրս գալն իշխանությունից, ՀՅԴ-ի մտնելը կոալիցիա արդեն բերում է վերախմբավորման էլեկտորատի, որովհետև ՕԵԿ-ը կորցնում է իշխանամետ էլեկտորատի մասը, ՀՅԴ-ն՝ իր ընդդիմադիր էլեկտորատի մասը: ԲՀԿ առաջնորդ Ծառուկյանի դուրս գալը քաղաքական դաշտից բերեց երկրորդ քաղաքական ուժի տրոհմանը, ԲՀԿ-ի ժառանգության վրա միանգամից հավակնեցին մի քանի նորաստեղծ կուսակցություններ՝ պահպանելով կորիզը՝ ի դեմս Նաիրա Զոհրաբյանի: Մարուքյանի, Օսկանյանի հանդես գալը… խնդիրն այն է, որ քաղաքական թատրոնում տեղերն արդեն զբաղեցված են»:
«Գագիկ Ծառուկյանը հայտնի բարեգործ է, հայտնի գործարար, բայց ինձ համար քաղաքականության մեջ նա ոչ մի բանով իրեն չի դրսևորել: Ոչ միայն Գագիկ Ծառուկյանը կամ որևէ մեկը որևէ բան փոխել չի կարող, եթե մեր ներկայացրած դաշինքը կայանա: Որևէ մեկը, եթե ունի այլ նկատառում, այլ նպատակ, այլ ցանկություն, քան երկիրը քաղաքացիների սեփականությունը դարձնելը, նա արդեն ժամանակավրեպ է: Բարի գալուստ Գագիկ Ծառուկյանին և ցանկացած քաղաքացու. թող գան՝ միանան ինձ: Ժամանակին միացել են ինձ, ու Հայաստանն անկախացել է»,- այսօր լրագրողների հետ հանդիպման ընթացքում այս մասին ասաց ԱԻՄ առաջնորդ Պարույր Հայրիկյանը:
ԱԻՄ առաջնորդ Պարույր Հայրիկյանն այսօր լրագրողների հետ հանդիպման ընթացքում հայտարարեց, որ առաջիկա խորդարանական ընտրություններին ԱԻՄ-ը մասնակցելու է կա՛մ դաշինքով, կա՛մ ընդհանրապես չի մասնակցելու: «Դաշինքների ձևավորման փուլը թևակոխում է եզրափակիչ փուլ։ Այդ հարցում ԱԻՄ-ը հետևողական է եղել։ Հենց սկզբից մենք ազդարարել ենք, որ Հայաստանի առջև ծառացած խնդիրները համազգային, այսինքն՝ վերկուսակցական համախմբում են պահանջում, և ԱԻՄ-ն ընտրություններ կոչվող միջոցառմանը կգնա կամ դաշինքով, կամ չի գնա»,- հայտարարեց նա:
«2016թ. նոյեմբերի 26-ին ավարտվել է հեռուստատեսության թվայնացման գործընթացը ողջ Հայաստանի տարածքում: Երևանն ամենավերջինն է անալոգի անջատումն իրականացրել, իսկ թվային ազդանշանը Հայաստանում, 1 տարուց ավելի է՝ գործում է: Որակի ստուգումներ իրականացվում են մեր կազմակերպության կողմից, և հանրապետության ողջ տարածքում ազդանշանային որակը համապատասխանում է միջազգային ստանդարտներին: Մարզերում երբեմն խնդիրներ ենք ունենում՝ էլեկտրասնուցման ընդհատումների հետ կապված, բայց սրանք այն դեպքերն են, որ անջատումներ լինում են և՛ բնակավայրերում, և՛ կայաններում: Իսկ բուն ազդանշանի որակի անհամապատասխանություն մեր կողմից չի արձանագրվել»:
Գագիկ Ծառուկյանի պարագայում, թերևս, հստակ է, որ հիմնականում նրա անձի շուրջ կհավաքվեն ԲՀԿ-ն ու ԲՀԿ-ից հեռացածները: Միգուցե նաև նրան միանան վերջին շրջանում ստեղծված որոշ շարժումներ, որոնք կապվում են Ծառուկյանի անվան հետ, և իրենք էլ չեն հերքում, որ նրա վերադարձի դեպքում դաշինք կկազմեն: Ինչ վերաբերում է Սեյրան Օհանյան-Վարդան Օսկանյան դաշինքի և Գագիկ Ծառուկյանի միանալուն՝ մեկ դաշինքի շրջանակում, ապա, թերևս, մի քանի ռիսկեր կան: Իհարկե, չի կարելի ոչինչ բացառել, որովհետև, այնուամենայնիվ, Սեյրան Օհանյանի հետ սերտորեն քննարկվում է Վարդան Օսկանյանի անունը, և չբացառենք, որ վերջինս կարող է հակված լինել Ծառուկյանի հետ դաշինք կազմելու հարցին:
Երբ մենք հասնեինք այդ վիճակին, կտեսնեինք, թե «Հայկական վերածնունդը» կոնկրետ ում թեկնածությունն է առաջադրում այդ պաշտոնի համար: Այսինքն՝ մենք խոսել ենք տեղի մասին, այլ ոչ թե կոնկրետ անձի մասին:
«Այն քաղաքական ուժը, որը կարող է ասել, որ իր շարքերում չեն կարող գտնել մի ստորի, ստահակի կամ տմարդու, ուրեմն՝ այդ քաղաքական ուժը թող քար նետի բոլորի վրա»:
«Այս տարի ոռոգման խնդիր չպետք է ունենանք, որովհետև այնքան ձյուն է կուտակվել սարերում, որ պետք է ուղղակի անփույթ լինել՝ ջրի կուտակումը չապահովելու համար: Տարին հաջող է, դեռ որևէ խնդիր չենք տեսնում»:
168.am-ը ԲՀԿ ղեկավար Նաիրա Զոհրաբյանից հետաքրքրվեց, արդյոք հայտնի՞ է, թե Գագիկ Ծառուկյանը երբ պետք է հայտարարություն անի: «Ես հասկանում եմ, որ քաղաքական դաշտի ամենամեծ ինտրիգը մնում է պարոն Ծառուկյանի հայտարարությունը, բայց մեկ բան կարող եմ ասել՝ Գագիկ Ծառուկյանը հայտարարություն կանի ճիշտ ժամին և ճիշտ պահին»,- ասաց նա:
«Ադրբեջանի վերջին օրերի ակտիվությունը նրա էությունն է՝ որպես ֆաշիստական, նացիստական, ահաբեկչական պետությունը»,- 168.am-ի հետ զրույցում այս մասին ասաց ԼՂՀ նախագահի մամլո խոսնակ Դավիթ Բաբայանը:
«Գյուղացուն հարցրեք, թե իր վրա մեկ լիտր գինու ինքնարժեքն ինչքան է նստում, կասեն, որ 100 դրամից չի անցնի, չնայած՝ հումքն էլ իրենն է, ուրեմն՝ 50 դրամից չի անցնի: Մեր հաշվարկներով՝ շշալցումից հետո գինու արժեքը չի կարող 1 դոլարից ավելի լինել»,- 168.am-ի հետ զրույցում ասաց նա:
Սարգիսը վստահեցնում է, որ որակական առումով Հայաստանի և Գերմանիայի բուհական համակարգերում տարբերություն չկա. «Ես ինքս սովորել եմ ԵՊԲՀ-ում և իմ գիտելիքներով չեմ զիջում որևէ եվրոպական բուհի ուսանողի»։
«Ռուսներին չեն փրկի նաև Թուրքիայի հետ մերձեցման այն դաժան փորձերը, որ անում են: Ռուսները հերթական անգամ թուրքերից «գցվելու» են, որ փորձում են ամեն կերպ դուր գալ թուրքերին: Այդ երկու երկրները փորձում են շանտաժով իրար հետ միանալ, բայց չեն միանա»:
«Պառլամենտական մոդելը խաղի կանոններն ամբողջովին փոխել է, ու Հայաստանի նախկին փորձը, երբ նախագահական ընտրություններն էին դառնում իշխանության ձևավորման գլխավոր գործընթացը, ու դրա միջոցով էլ հնարավոր էր գալ իշխանության, ամբողջովին փոխվում է: Եթե նախկինում հնարավոր էր մեկ հոգով թեկնածություն առաջադրել ու մարտահրավեր նետել իշխանությանը, ապա հիմա դա ամբողջովին փոխվում է: Ընտրական համակարգը ստիպում է, որպեսզի խոշոր թիմային աշխատանք կատարվի»:
«Այս պահին քաղաքական ուժերը քննարկում են միայն մի հարց՝ ով ում հետ համագործակցի, դաշինք կազմի: Այսինքն՝ նրանք փորձում են համագործակցության եզրեր գտնել միայն մի հարցի շուրջ, թե ինչպես մտնեն Ազգային ժողով: Թե ինչ պետք է անեն հետագայում, այդ հարցը, կարծես թե, չկա»:
«Հայաստանում քաղաքականության ընկալումները զուտ ինտրիգների, քաղաքական ուժերի միջև «բազարների» ձևով են: Ցավով պետք է ասեմ՝ չեմ հիշում, որ «Ժառանգությունից» հետո քաղաքական ուժերն առաջնորդեն հասարակական հզոր շարժում: «Էլեկտրիկ-Երևանը» դրա վառ ապացույցն էր, երբ քաղաքական ուժերն ուղղակի տարրալուծված էին զանգվածի մեջ»:
«Վրաստանը 34-35 մլն շշի է հասցնում արտահանումը ռուսական շուկա, իսկ Հայաստանը՝ 2 մլն: ԵՏՄ շուկան էժան ապրանքի շուկա է, Հայաստանը ռեսուրս չունի՝ էժան ապրանք արտադրելու: Այսինքն՝ մենք անհավասար մրցակցության մեջ ենք ադրբեջանական, վրացական, մոլդավական գինիների հետ: Եթե Հայաստանը հրաշքով կարողանա արտադրել 1-1.5 դոլարանոց գինիներ, ապա ԵՏՄ-ն մեզ համար հրաշք շուկա է»:
«Առաջին անգամ եմ երևի ընթերցում այդպիսի հայտարարություն: Ես չեմ հիշում՝ արդյո՞ք ապրիլյան դեպքերի ժամանակ, երբ մեր զինվորների գլուխները կտրել էին, եղել էր այդպիսի հայտարարություն: Այս հայտարարությամբ պարզ է դառնում, որ հումանիզմն ակնկալվում է միայն մի կողմից: Դրա հետևանքը երևի լավն է. նշանակում է՝ Ադրբեջանից չեն ակնկալում հումանիզմի դրսևորում»:
«Հայկական կողմը, միջազգային Կարմիր խաչի կոմիտեի միջոցով, Ադրբեջանին տրամադրել է 90-ից ավելի մարդկանց ցուցակ, որոնց վերաբերյալ ունի հիմնավոր կասկած, որ նրանք ողջ են և պահվում են գերության մեջ»,- այսօր լրագրողների հետ հանդիպման ընթացքում հայտարարեց «Ընդդեմ իրավական կամայականությունների» հ/կ նախագահ, ՀՀ մարդու իրավունքների նախկին պաշտպան Լարիսա Ալավերդյանը:
«Բանակցություններ կան, բայց արդյունք դեռևս չկա: Եթե որևէ բան լինի, մենք անպայման հրապարակում ենք մեր ցանկացած որոշում, որ հանրությունն իմանա: Քանի դեռ չենք հրապարակել, որևէ արդյունքի մասին խոսելը վաղ է»:
«Վանաձորի ավագանին անգործության մատնված չէ, որովհետև ավագանու ընդամենը մի հատվածն է բոյկոտում նիստերը, իսկ մյուս հատվածը նիստերին ներկայանում է: Ավագանու գործունեությունը միայն նիստեր գումարելով չի սահմանափակվում, ինչպես իր ելույթներից մեկում նշել էր Քրիստ Մարուքյանը»,- 168.am-ի հետ զրույցում նման տեսակետ հայտնեց Վանաձորի քաղաքապետ Մամիկոն Ասլանյանը:
Ստեղծված իրավիճակը, ըստ քաղաքապետի՝ Վանաձորի համար հերթական հիասթափություն է. «Մարդիկ իրենց ձայնը տվել են, որ ավագանիները գնան՝ իրենց գործունեությունն իրականացնեն, իսկ նրանք անգործության են մատնվել: Ես՝ իմ լիազորությունները, ու համայնքապատկան մարմիններն իրենց գործունեությունը նորմալ աշխատանքային ռեժիմով իրականացնում են, որևէ քաղաքային տնտեսության ճյուղ իրենց չգալու պատճառով չի տուժում, բայց կարող են տուժել քաղաքի զարգացման հեռանկարը, քաղաքի ապագային վերաբերող խնդիրները»:
«Իրենց այդ հիմնավորումները կան, որ մեկ նստաշրջանի ընթացքում մեկ անգամ նիստ է եղել, բայց խնդիրն օրենքի տրամաբանության մեջ է, որ քաղաքի ղեկավարը պարտավոր է ամիսը մեկ անգամ նիստ գումարել, որոնք չեն եղել»,- 168.am-ի հետ զրույցում ասաց Վանաձոր քաղաքի ավագանու «Լուսավոր Հայաստան» խմբակցության ղեկավար Քրիստ Մարուքյանը՝ հավելելով, որ Վանաձորի ավագանին ներկայիս կազմով անգործունակ է, քանի որ արդեն 3 ամիս Վանաձորի գործող քաղաքապետ Մամիկոն Ասլանյանին չի հաջողվում ավագանու նիստեր անցկացնել և որոշումներ ընդունել:
«Թուրքիան փոխվում է, և այդ փոփոխությունները բավականին սրընթաց են տեղի ունենում: Փոփոխությունների կենտրոնում գտնվում է Թուրքիայի նախագահը՝ Էրդողանը, որը որպես քաղաքական գործիչ և որպես անհատականություն՝ շատ անկանխատեսելի է: Նախորդ տարի Թուրքիայում սկսվեց ահաբեկչական գործողությունների կտրուկ աճ, ինչը պայմանավորված է Թուրքիայի վարած արտաքին քաղաքականությամբ»:
«Դեռևս վաղ է մեկնաբանություն անել Մինսկի խմբի աշխատանքի վերսկսման վերաբերյալ, որովհետև մենք պետք է փորձենք հասկանալ՝ արդյո՞ք փոփոխություններ կան ՄԽ համանախագահների դիրքորոշումներում: Ես հուսով եմ, որ այս տարի համանախագահները կցուցաբերեն ավելի սթափ վերաբերմունք ու կփորձեն ավելի իրատես մոտեցումներ ցուցաբերել այն իրադրությանը, որ ստեղծվում է Ադրբեջանի կողմից»,- այսօր լրագրողների հետ հանդիպման ընթացքում հարցին՝ ուշացած չէ՞ր Տավուշի դեպքերի վերաբերյալ ՄԽ համանախագահների հայտարարությունը, այսպես պատասխանեց Արևելագիտության ինստիտուտի տնօրեն Ռուբեն Սաֆրաստյանը:
«Ղարաբաղյան հարցն ու ղարաբաղյան կոնֆլիկտի կարգավորումը տարբեր են. Մինսկի խմբի մասով լուրջ փոփոխություններ չեն եղել, արդեն մի քանի տարի է` համանախագահները չեն զբաղվում ղարաբաղյան հարցի կարգավորմամբ։ Նրանք փորձում են ոչ թե կոնֆլիկտը կարգավորել, այլ բռնության ռիսկերը նվազեցնել»։
Ռասիզմը մի խնդիր է, որ բոլոր երկրներում էլ գոյություն ունի, բայց կարող եմ անկեղծ ասել, որ այս մասշտաբի ռասիզմ որևէ այլ երկրում ես չեմ նկատել: Հայաստանում եթե դու մի քիչ տարբերվում ես, շատ հեշտ կարողանում են մտնել քո անձնական կյանք ու հարցնել՝ որտեղի՞ց ես, կամ՝ մենք լավն ենք… այսինքն՝ շատ չոր ու կոպիտ հարցեր: Եվ շատ ես նկատում, որ հայերը փորձում են այլ ազգերին բացատրել, որ հայերը բոլոր առումներով լավն են, ինչն ինձ համար ուղղակի ծիծաղելի է, որովհետև հայերն ունեն շատ-շատ լավ կողմեր, բայց նաև՝ շատ թերություններ, որոնց վրա պետք է աշխատեն:
«Օրգանիզմը բեռնաթափել՝ նշանակում է՝ ծանր սնունդից հրաժարվել, խմել կանաչ թեյ, սուրճ, ջուր: Չնայած՝ շատ վաղուց գիտությունն ապացուցել է սուրճի օգտակար հատկությունները, բայց մեր ժողովրդի մեջ, չգիտես՝ ինչու, դեռ կարծրացած է այն տեսակետը, որ սուրճը վնասակար է: Եթե դուք բեռնվել եք այս օրերին, շատ ծանր կերակուր եք կերել, ալկոհոլային խմիչքներ եք օգտագործել, ապա առաջին դեղը ձեր լյարդի համար սուրճն է. ըմպեք սուրճ, խմեք շատ ջուր, կերեք թեթև բաներ, հրաժարվեք քաղցրից, ճարպերից: 1-2 օրը բավական է բեռնաթափվելու համար»:
Հունվարի 6-ին Հայ Առաքելական եկեղեցին նշում է Հիսուս Քրիստոսի Ծննդյան ու Աստվածհայտնության տոնը, որը Հիսուսի ծննդյան և մկրտության հիշատակումն է: Հունվարի 5-ի երեկոյան մատուցվում է Ճրագալույցի պատարագ, որով էլ տրվում է Սուրբ Ծննդյան տոնակատարությունների մեկնարկը: 168.am-ը փորձել է պարզել, թե ինչպես են հայկական շոու-բիզնեսի ներկայացուցիչները նշում Սուրբ Ծնունդը:
Հունվարի 6-ին մենք տոնում ենք ինչպես՝ Քրիստոսի ծնունդը՝ որպես առաջին Աստվածհայտնություն, այնպես էլ՝ Քրիստոսի մկրտությունը՝ որպես երկրորդ Աստվածհայտնություն:
