Այսօր մեկնարկեց Արևելյան Եվրոպայում մշակութային բազմազանության, ինտեգրման և խաղաղ համակեցության համար հանձնվող ADAMI մեդիա մրցանակի ստեղծագործական երկօրյա գիտաժողովը, որին մասնակցում են Հայաստանը, Բելառուսը, Վրաստանը, Մոլդովան և Ուկրաինան ներկայացնող 18 մասնակիցներ, ովքեր գիտաժողովի անցկացման ողջ ընթացքում կստանան միջազգային փորձագետների անհատական խորհրդատվություն՝ սեփական ֆիլմերը զարգացնելու համար:
«Քաղաքը ջազաֆիկացվում է»,- այսօր հայտարարեց Ջազի հայկական ասոցիացիայի հիմնադիր նախագահ Կամո Մովսեսյանը «Yerevan Jazz Fest 2017» փառատոնի եզրափակիչ մամլո ասուլիսին, որին մասնակցում էին հանրահռչակ ջազմեն, քառակի գրեմմիակիր Գոնսալո Ռուբալկաբան, երաժիշտ, դաշնակահար Վահագն Հայրապետյանը, Ֆրանսիայից՝ սաքսոֆոնահար Ալեքսիս Ավագյանը:
Մամուլում օրերս լուրեր տարածվեցին այն մասին, որ ՀՀ կառավարությանն առընթեր Պետական գույքի կառավարման վարչության «Աճուրդի կենտրոն» պետական ոչ առևտրային կազմակերպությունն աճուրդի է հանել ՀՀ մշակույթի նախարարության «Հայաստանի պատմության թանգարան» պետական ոչ առևտրային կազմակերպությանը սեփականության իրավունքով պատկանող՝ դասական աճուրդով օտարման ենթակա գույքը:
Առհասարակ, ես որևէ հստակ մշակված քաղաքականություն չեմ տեսնում մշակութային ոլորտում, որ ասեմ՝ ա՛յ այստեղ պետք է շտկել: Պետք է շտկել ամեն ինչ, իսկ դուք ինձ հարցնում եք՝ ինչից սկսել… սկսել նրանից, որ նստեն գրքեր կարդան, հասկանան, ըմբռնեն՝ ի՞նչ է մշակույթը, այստեղից պետք է սկսել:
Ռուսներն ասում են, որ նա ռուս նկարիչ է, հայերը խոսում են նրա հայկական արմատների մասին։ Ես կարծում եմ՝ եթե խորն ուսումնասիրես Այվազովսկուն և այն միջավայրը, որտեղ նա ծնվել և մեծացել է, կուրվագծվի հետևյալ պատկերը։
Կաննի 70-րդ կինոփառատոնի ընթացքում` մայիսի 18-26-ը, կինոշուկայում առաջին անգամ Հայաստանը ներկայացավ Village International/Pantiero հատվածում՝ 226 համարի տակ գործող Հայաստանի Հանրապետության տաղավարով, որտեղ փառատոնի անցկացման ողջ օրերին հաջողելու իրենց շանսերը փորձեցին հայաստանյան կինոարտադրության երեք՝ «Բարս մեդիան» ներկայացնող «Արշալույսի լուսաբացը», Սերգո Ուստյանի «Փոխանակում» և Արթուր Սուքիասյանի «Վիրավոր քաղաքը» կինոնախագծերը:
Այս տարի, Կաննի 70-րդ կինոփառատոնի ընթացքում` մայիսի 18-26-ը, կինոշուկայում առաջին անգամ Հայաստանը կներկայանա Village International/Pantiero հատվածում՝ 226 համարի տակ գործող Հայաստանի Հանրապետության տաղավարով, որտեղ այս օրերին հաջողելու իրենց շանսերն են փորձում «Բարս մեդիան» ներկայացնող «Արշալույսի լուսաբացը», Սերգո Ուստյանի «Փոխանակում» և Արթուր Սուքիասյանի «Վիրավոր քաղաքը» կինոնախագծերը: Այնուամենայնիվ, Կաննի կինոշուկա Հայաստանը բերել է նաև ոչ միայն հաղթած երեք նախագծերը. հայկական տաղավարում են հայտնվել նաև մրցույթից դուրս կինոնախագծեր, որոնք օգտագործելով հայկական տաղավարի հնարավորությունները` կներկայացվեն այստեղ:
Մինչ ֆրանսիական Լազուրի ափին շարունակվում է հոբելյանական 70-րդ կինոփառատոնը, 168.am-ի տեսախցիկը շրջել է կինոփառատոնի գլխավոր կենտրոնում, հասել Palais De Festival, ինչպես նաև՝ շրջակա տարածքներ, որտեղից մեր ընթերցողներին ենք ներկայացնում live տեսանյութ այն մասին, թե ինչպես է ընթանում փառատոնային օրը՝ տեղում Կաննում:
Այս պահին ֆրանսիական ոստիկանական ուժերն ու սակրավորներն աշխատում են Կաննի կինոփառատոնի գլախավոր կենտրոնում՝ Palais De Festival, որտեղից էվակուացնում են բոլորին՝ հորդորելով պատշաճ հեռավորություն պահպանել փառատոնային կենտրոնից, իսկ կառույցի ներսից դուրս են հրավիրվում այնտեղ մնացած մասնակիցները:
Ֆրանսիական լազուրի ափին մեկնարկել է Կաննի 70-րդ հոբելյանականը՝ այստեղ հավաքելով համաշխարհային կինեմատոգրաֆի հսկաներին: Օդում կախված կինոտոնի զգացողությունը հաճելի կերպով և ամենայն հաջողությամբ մոռացնել է տալիս հոգնեցնող ճանապարհի հետևանքները, սակայն այս տրամադրությունը երկար շարունակվելու քիչ հավանականություն ունի, եթե այստեղ ես աշխատելու նպատակով:
«Այսօր Տիգրան Մանսուրյանը փնտրված է աշխարհի բոլոր բեմերում և ամենահեղինակավոր նվագախմբերում՝ Մոսկվայում, Փարիզում, Լոնդոնում, Ամերիկայում, իսկ արմատը, հիմքը մնաց հայրենիքը՝ հայկական զուլալ, մաքուր ու ջինջ արմատները: Ես հիանում և հպարտանում եմ Տիգրան Մանսուրյան հայով, արվեստագետով և մարդով»:
Ջազի միջազգային օրվա և Հայաստանում դրա շրջանակում անցկացվելիք միջոցառումներին վերաբերյալ այսօր հրավիրված մամուլի ասուլիսի ընթացքում լրագրողների հետ էին հանդիպել Հայաստանի ջազի ասոցիացիայի նախագահ Կամո Մովսիսյանը և Հայաստանի պետական ջազ-նվագախմբի ղեկավար Արմեն Հյուսնունցը:
Տապալված կինոն» ուսուցողական, ճանաչողական նախագիծ է: Սա մեր հայկական մշակույթն է, մեր ժառանգությունը: Մենք այնքան շատ թվով մշակութային արժեքներ չունենք, որ կարողանանք անխնա վերաբերվել դրանց ճակատագրին: Պետք է դրանցից յուրաքանչյուրը գտնել, դասակարգել, հասկանալ ու դնել իր համար հատկացված տեղը, ինչն էլ նախաձեռնել է ինքը:
«Մենք ամեն ինչ անում ենք, որ լավ լինի, իսկ արդյունքներին բոլորս կարող ենք ականատես լինել մայիսի 9-ին»,- հավաստիացնում է ինքը՝ Եվրատեսիլյան այս տարվա գլխավոր դերակատարուհին՝ Արծվիկը, միաժամանակ անդրադառնալով հավանական մրցակիցների թեմային:
Այսօր մենք նշում ենք նաև համաշխարհային մտավոր սեփականության կազմակերպության սահմանած կոնվենցիան, որն ուժի մեջ մտավ հենց այս օրը՝ ապրիլի 26-ին: Այսօրվա միջոցառումները, ինչպես, օրինակ՝ հենց սա, ամրագրում են պետության դիվանագիտական և տնտեսագիտական ջանքերը՝ միտված հեղինակային իրավունքի պաշտպանությանը, ապրանքանիշերի ազդեցությանը՝ երկրի տնտեսական համակարգում, և դրանց ազդեցությանը՝ կյանքի որակի վրա:
«Մոսկվա» կինոթատրոնում երեկ կայացած փակ ցուցադրությունից հետո այսօր տեղի ունեցավ երջանկահիշատակ Քըրք Քըրքորյանի նախաձեռնած Հայոց ցեղասպանության մասին պատմող հոլիվուդյան «Խոստումը» ֆիլմի՝ հայերեն կրկնօրինակմամբ մամուլի ցուցադրությունը:
«Ես ասել եմ ու նորից կրկնում եմ՝ սա մի քանի տարվա գործ չի, այլ տարիների երկարաժամկետ աշխատանք, և այս պահին չեմ կարող ասել, թե երբ այն կավարտենք, քանի որ պարբերաբար նոր անուններ, փաստեր են ի հայտ գալիս: Դա էլեկտրոնային տարբերակով է, և եթե որոշակի քանակի հասնենք, արդեն կհրապարակենք»:
«Նպատակ ունեմ գիտելիքներս Ֆրանսիայում խորացնելուց հետո վերադառնալ Հայաստան ու զբաղվել գիտական գործունեությամբ, միաժամանակ խորացնելով համագործակցությունը Ֆրանսիայի և Հայաստանի գիտական լաբորատորիաների միջև: Ուրախ եմ և շնորհակալ՝ արժանանալու այս մրցանակին»:
Ներկայացումն առաջ է բերում մարդկային ուժի, սեռական հարաբերությունների, սիրո, դավաճանության, մահվան և արգելված ցանկությունների թեմաները: Այն պատմում է յոթ կերպարների մասին, ովքեր երկրագնդի վրա տեղի ունեցած հզոր աղետից հետո հայտնվել են մի վայրում, որ կոչվում է «Այս աշխարհից դուրս»: Այստեղ դոմինանտ են իրենց կողմից կերտված կանոններն ու ավանդույթները։
«Կարծում եմ՝ նախարարը մի շարք կետերի հետ միանշանակ համաձայն էր, իսկ մի շարք կետերի վերաբերյալ էլ պարզապես չափից մեծ դուրս դեմոկրատական մոտեցում ցուցաբերեց: Ես իրենց ցույց տվեցի աշխարհում ընդունված օրենքները, կարգը, փորձը, ինչպես նաև իրողությունները, որ, օրինակ, «էկոհամակարգ» հասկացողություն քարանձավներում գոյություն ունենալ չիկարող: Սա պարզապես հակագիտական մոտեցում է, որ նույնիսկ վերլուծության ենթակա չէ»:
«Ռուսաստանում հայկական զբոսաշրջային արդյունքի ներկայացման ու խթանման գործընթացի մասին» և «InTourExpo 2017-ի զբոսաշրջային ամենամյա ցուցահանդես» թեմաներով այսօր հրավիրված մամուլի ասուլիսին մասնակցում էին ՀՀ տնտեսական զարգացման և ներդրումների նախարարության Զբոսաշրջության պետական կոմիտեի նախագահ Զարմինե Զեյթունցյանը և «EXPO GROUP» ընկերության հիմնադիր տնօրեն Վահագն Միրիջանյանը:
«Ես պարզապես պետք է կոչ անեմ, որպեսզի մեր հասարակությունն իր մտայնությունը փոխի, թե ինչպես կարելի է պատկերացնել ռեստորանը և այն ենթակառուցվածքները, որոնք նախաձեռնում ենք ստեղծել Օպերային թատրոնում: Ես հասկանում եմ, որ մարդիկ երևակայում են այն, ինչ տեսել են, բայց պետք է վերատեսության ենթարկել ռեստորան հասկացողությունը: Չի′ կարելի ռեստորանն անպայման կապել այն ուտեստների հետ, որոնց մասին գրում են սոցցանցերում»:
Խոսելով փառատոնի առաքելության մասին՝ բանախոսն առանձնացնում է. «Փառատոնն այս տարի նվիրվում է Հայաստանի Հանրապետության հիմնադրման 25-ամյակին և Գյումրու մասնաճյուղի 20-ամյակին, որը շատ երիտասարդ ու փոքրիկ է, բայց բոլոր դեպքերում աշխատում ենք զարգանալ, ընդարձակվել և ներկայանալ աշխարհին»:
Առաջին անգամ Հայաստանում է հայտնի պարֆյումեր, ֆրանսիական ՖԻՖԻ (հայտնի մրցանակաբաշխություն պարֆյումի բնագավառում) մրցանակաբաշխության ժյուրիի նախագահ, CIEL ընկերության պարֆյումերային խորհրդի նախագահ, հեղինակավոր պարֆյումեր Ժաննա Գլադկովան, ով այսօր լրագրողների հետ հանդիպման ընթացքում խոսեց պարֆյումի ճիշտ ընտրության և ճիշտ օգտագործման կանոնների և գաղտնիքների մասին՝ չմոռանալով նաև անդրադարձ կատարել բույրի փիլիսոփայությանը:
«Կարծում եմ՝ կյանքը չի կարող կատարյալ լինել, քանի որ մեզանից յուրաքանչյուրը հաճախ հայտնվում է տհաճ իրավիճակներում, բացասական երևույթների է բախվում: Նման իրավիճակներում անգամ հնարավոր է ինչ-որ դրական բան գտնել: Երգիս միջոցով ցանկանում եմ դրական հույզեր պարգևել մարդկանց»,- ասում է երգչուհին լրագրողների և երկրպագուների հետ հանդիպման մեկնարկին:
«Մոսկվայի տուն» մշակութագործարարական կենտրոնում «Կովկասյան գործընկերություն» կազմակերպության նախաձեռնությամբ տեղի ունեցավ Սերգեյ Փարաջանովի անձնական լուսանկարիչ Յուրի Մեչիտովի «Վրաստան-կրկնակի Էջեր» ցուցահանդեսի բացումը, որին մասնակցում էր ինքը՝ հեղինակը:
«Ըստ առաջնայնության՝ դասակարգվել են այն խնդիրները, որոնց շարքին են պատկանում հաց-հացամթերք, միս-մսամթերք տեղափոխող տրանսպորտային միջոցների նկատմամբ համապատասխան պայմանների կիրառումը, այս խնդիրը պահանջում է համակարգային լուծում»:
«Իմ քաղաքը սիրում եմ, իմ քաղաքի պատվավոր քաղաքացի եմ: Ինձ առաջարկել են, որ ես լինեմ ավագանու անդամ, ու չեմ մերժել: Եթե լինեմ ավագանու անդամ՝ պետք է ամեն ինչ անեմ, որ իմ քաղաքին ինչ-որ բանով, թեկուզ մի քարով էլ լինի, օգուտ տամ ու շենացնեմ քաղաքը, իսկ եթե որևէ բան իմ սկզբունքներից դուրս լինի՝ ես խոսելու եմ»:
«Հայկական կոնյակի փառատոնի» շրջանակներում այսօր գործնական հանդիպում էր կազմակերպել «Հայաստանի զբոսաշրջության զարգացման հիմնադրամը», որի ընթացքում մանրամասն տեղեկատվություն ներկայացվեց փառատոնի, դրա անցկացման և մասնակցության դեպքում առաջարկող պայմանների վերաբերյալ:
«Կան օգնականներ, որ հեշտացնում են մեր զբաղված առօրյան: Կոնկրետ իմ պարագայում մեծ աղջկաս խնամքով զբաղվում է մայրս, փոքր աղջիկներիս համար կա դայակ, ու աշխատանքի պրոցեսում ամեն ինչ կարող ես հասցնել: Եթե կանայք ուզում են, որ իրենց երջանկությունը կրկնապատկվի, եռապատկվի և նույնիսկ՝ քառապատկվի, ապա թող չեզրափակվեն միայն մեկ երեխայով: Ես ուրախությամբ նկատում եմ, որ մեր երկրում կա տենդենց՝ ունենալու նույնիսկ երկուսից ավելի երեխաներ, խոսքս միայն անապահով ընտանիքների մասին չէ»:
