Օտարերկյա պետությունում բուժման, ճանապարհածախսի և կեցության գումարը պետական միջոցների հաշվին հոգալու իրավունքից օգտվում են մարտական հերթապահություն իրականացնելիս կամ առաջնագծում ծառայողական պարտականություններ կատարելիս վնասվածք կամ խեղում կամ դրանց հետևանքով հիվանդություն ստացած զինծառայողները, բացառությամբ, եթե ստացած վնասվածքը կամ խեղումը կամ դրանց հետևանքով ծագած հիվանդությունը նրանց կողմից կատարված կանխամտածված օրինազանցության հետևանք է:
Նշելով, որ 31 մլրդ դրամի չափով ավելի հարկ է գանձվել այս տարի և խոսվում է հարկային տեռորի մասին, նախարարը հայտարարեց, որ տնտեսական նվազող ցուցանիշների պարագայում հարկային մուտքերի ավելացման խնդրի հետ կապված գերավճարների աճ չկա, իսկ մուտքերը կառավարության որդեգրած քաղաքականության արդյունքն է:
Ըստ նրա՝ մեր բանակը ռազմի դաշտում ինչ պետք էր, ապացուցել է, այժմ խնդիրը տնտեսապես դիմանալն է, որովհետև այսօր Ադրբեջանը շատ պարզ քաղաքականություն է որդեգրել՝ տնտեսապես ՀՀ թուլացմանը զուգահեռ զարգացնում է սեփական տնտեսությունը:
ՀՀ տնտեսությունը հայտնվել է ռեցեսիայի փուլում և դրա պատճառը կառավարության՝ իբրև գործադիր մարմնի, ոչ բավարար աշխատանքն է: Այս մասին այսօր Աժ նիստում անցած տարվա բյուջեի կատարողականի քննարկումների ժամանակ հայարարեց ՀՅԴ խմբակցության պատգամավոր Արծվիկ Մինասյանը:
«Ընդհանուր առմամբ, աշխատավարձերի աճը առնվազն 2 անգամ գերազանցում է գնաճի աճը: Եվ այս պարագայում խոսել համատարած աղքատացման, սովալլուկ մանուկների մասին և այլ լալահառաչ իրականության մասին, կարծում եմ, այնքան էլ տեղին չէ: Մենք ունենք դժվարություններ, մենք ունենք խնդիրներ՝ թե՛ տնտեսական զարգացման, թե՛ տարածաշրջանային համաչափ զարգացման տեսակետից, բայց պետք է ամեն ինչ ներկայացնել ճիշտ»:
Այսօր խորհրդարանի նիստում շարունակվեց 2014 թ. բյուջեի կատարողականի քննարկումը: ԱԺ նախագահ Գալուստ Սահակյանն արձանագրեց այն միտումներն ու օրինաչափությունները, որ ձևավորել են 2014 թ-ին և կարող են ազդեցություն թողնել այս տարվա վրա:
«Հորդորում եմ Ձեզ, եթե հնարավոր է, խնդրեք, որ այդ մարդիկ, Աստված տվել չի խնայել՝ բոլորը հեռուստաընկերություններ ունեն, բացեք հաղորդաշար «Խրճիթ» ընթերցասրահ, տարեք ձեր նամակները կարդացեք, չափածո գրեք, բայց մենք հարց տանք»:
Այսօր Աժ նիստում հայտարարությունների ժամին ՀԱԿ խմբակցության ղեկավար Լևոն Զուրաբյանը դրական գնահատեց, որ նաիրիտցիների աշխատավարձի խնդիրը լուծվելու է, բայց շեշտեց, որ դա նաիրտցիների համառ պայքարի արդյունքն է: Ըստ նրա՝ դեռ պետք է լուծել 2 խնդիր՝ պատասխանատվության կանչել «Նաիրիտի» թալանի հեղինակներին և քիմիական արդյունաբերության ապագայի՝ «Նաիրիտի» վերագործարկման խնդիրը:
«Ունեցել ենք բաց քննարկում, վստահաբար կարող եմ ասել, որ այն բարձրաստիճան պաշտոնյաները, ում հետ հանդիպել ենք, կիսում էին մեր մտահոգություններրը»,- ասաց Ն.Զոհրաբյանը՝ ավելի չբացելով քննարկումների փակագծերը:
«Ի՞նչ է պատահել Իշխան Զաքարյանին»,- այս հարցն այսօր ԱԺ նիստում կրկին հնչեցրեց ՀԱԿ խմբակցության ղեկավար Լևոն Զուրաբյանը՝ 2014 թ. բյուջեի կատարողականի քննարկումների ժամանակ:
Ա.Մինասյանն անդրադաձավ նաև ՀԱԿ-ի «պաթոսով հնչեցրած մոտեցումներին» ու նշեց, որ միակ գրավոր առաջարկությունը ներկայացրել է ՀԱԿ-ը, մնացած խմբակցություններից ոչ մի արձագանք չեն ստացել: Այս ընթացքում Հ.Բիշարյանը շարունակում էր տեղից ռեպլիկներ հնչեցնել ու Մինասյանին անվանեց չհասկացող: «Չհասկացողը դո՛ւ ես, տիկի՛ն Բիշարյան»,- իրեն չզսպեց Ա.Մինասյանը:
ՀՀ պաշտպանության նախարար Սեյրան Օհանյանն ու իր կինը դիմել են համապատասխան մարմիներին, այդ թվում՝ դատախազությանը, աղմկահարույց հրապարակումների հեղինակներին բացահայտելու համար: Այս մասին այսօր ԱԺ-ում լրագրողների հետ զրույցում տեղեկացրեց Ս.Օհանյանը՝ իր և իր կնոջ մասին հրապարակումները անվանելով իրականությանը չհամապատասխանող:
Բաղանիս գյուղի ուղղությամբ անցած գիշեր հնչած կրակոցները սովորական տիպի ամենօրյա գնդակոծություններ են՝ առանց որևէ հետևանքների: Այս մասին այսօր ԱԺ-ում լրագրողների հետ զրույցում հայտարարեց ՀՀ պաշտպանության նախարար Սեյրան Օհանյանը: Ըստ նրա՝ վերջին ժամանակահատվածներում ՀՀ սահմաններին և ԼՂՀ-ում իրավիճակը հանգիստ է, վերահսկելի և կարելի է հանդարտ համարել:
Հ.Աբրահամյանի խոսքով՝ հետևանքների մասին բարձրաձայն կխոսեն ՀԾԿՀ-ի հաստատումից հետո, իսկ մինչ այդ ԱԺ-ում հունիսի 12-ին լսումների ժամանակ նախարարները բացատրություն կտան հանրությանը:
«Էլեկտրաէներգիայի սակագնի բարձրացման հարցը բազմաոլորտ և մի շարք հարցեր ծնող խնդիր է, որի վերաբերյալ կարծիք հայտնել ոտքի վրա չի կարելի»,- այս մասին այսօր ԱԺ-ում լրագրողների հետ զրույցում հայտարարեց ՀՀ արդարադատության նախարար Հովհաննես Մանուկյանը:
ՀՀԿ-ական գործարար պատգամավոր Սամվել Ալեքսանյանը վիրավորվել է լրագրողներից: Այսօր ԱԺ միջանցքում նա հայտարարեց, թե ԶԼՄ-ները սխալ տեղեկություններ են տարածել:
Այսօր ԱԺ նիստում՝ ամփոփելով ՀՀ դատախազության 2014թ. գործունեության մասին հաղորդման քննակումները, գլխավոր դատախազ Գևորգ Կոստանյանը վստահություն հայտնեց, որ բոլորը հետևություն անելու կարիք ունեն՝ թե՛ բովանդակության, թե՛ ձևի տեսակետից: Նա կարևորեց, որ քննարկումներն իսկապես բովանդակության մեջ լինեն ու կրկնեց, որ չի կարող հարցերին մոտենալ քաղաքական տեսակետից:
«Արատավոր համակարգում, որտեղ գործում են հստակ խաղի կանոններ՝ մեր երկրում կա արտոնյալների մի խավ, ովքեր վեր են ցանկացած Սահմանադրությունից ու օրենքից, Ձեր ցանկացած բարի մտադրությունները հանգելու են առ ոչնչի: Եթե կան մարդիկ, որ կարող են մարդ սպանել, երեխայի աչք հանել և հետո դա բացատրել խոհարարական, կուլինարական կուլտով առ կանեփը, բնական է, որևէ միսիա իրականացնել նման համակարգում ուղղակիորեն հնարավոր չէ»:
«Պետք է ԱԺ-ն կարողանա որպես օրենսդիր մարմին բալանասավորումը ճիշտ պահպանել: Օրինակ՝ նոր քրդատով դատախազը չի կարող վկային կամ տուժողին տեսնել, ճանաչել, գնալ դեպքի վայր, դիակի զննությանը մասնակից լինել, որևէ քննչական գործողության ներկա լինել, բայց այդ դեպքում մեղադրանքը դատարանում ո՞նց է պաշտպանելու, հսկողությունը այս պրոցեսի նկատմամբ ո՞նց է իրականացնելու: Նույնն է, թե ասենք՝ բժիշկը պետք է ճիշտ դիագնոզի ու բուժում նշանակի, բայց հիվանդին զննելու իրավունք չունի: Ա~յ, քեզ բան»,- ասաց Ջհանգիրյանը:
Տեսեք, թե չինովնիկին ինչ ասեցի, դատախազին ինչ ասեցի, զգացեք, թե ես ով եմ, ես էն համարձակն եմ, ինչպես Փաշինյանն ասեց, էն դուխովն եմ, որ ամեն ինչ առաջ կարող եմ տանել: Իհարկե, ժամանակաշրջանն է այդպիսին, մենք ունցել ենք բավականին ժամանակահատվածներ, որի ընթացքում մշակույթ ենք ձեռք բերել, այս մշակույթն էլ կկարգավորվի հետագայում:
«Շատերը դարձել են ՀՀ իրավապահ մարմինների ապօրինությունների զոհ և շատերն անցել են դատական համակարգով և չեն գտել արդարադատություն: Նրանցից ոմանք դիմել են ՄԻԵԴ, ինչ-որ չափով բավարարում են ստացել, բայց դա չի շտկել ՀՀ-ում ադարադատություն իրականացնելու հետ կապված գործողությունները: Արդարադտաւոթյա համակարգը բացարձակ չի գործում»:
ՀՀ գլխավոր դատախազությանը ոչինչ չի խանգարում ԱԺ էլեկտրոնային կայքից վերցնել ԱԺ «գազային» ժամանակավոր հանձնաժողովի ուսումնասիրությունները և քննության ենթարկել: Այօր ԱԺ-ում լրագրողներին հայտարարեց գլխավոր դատախզ Գևորգ Կոստանյանը:
Այսօր ԱԺ նիստի ժամանակ պատգամավոր Նիկոլ Փաշինյանի սուր քննադատություններն իրենց հիմքում չունեն ոչ միայն տրամաբանություն, այլև չունեն բարոյականություն և դուրս են անգամ էլեմենտար աշխարհայացքի սահմաններից՝ անկախ մասնագիտությունից և մասնագիտացումից: Այս մասին Աժ-ում լրագրողներին ասաց ՀՀ գլխավոր դատախազ Գևորգ Կոստանյանը:
Դատախազությանը վերապահված է բացառիկ դեր՝ իշխանության յուրացման, կաշառակերության, տնտեսության մենաշնորհացման դեմ պայքարի դեմ: Այս մասին այսօր Աժ նիստում ՀՀ դատախազության 2014թ. գործունեության հաղորդման քննարկման ժամանակ հայտարարեց ՀԱԿ խմբակցության ղեկավար Լևոն Զուրաբյանը:
Ն.Փաշինյանը նշեց, որ Ս.Խաչատրյանի մի քանի մերձավորներին գաղտնալսելու միջնորդությունը չեն բավարարել՝ տեխնիկական պատճառներով. «Ես բացատրություն եմ պահանջում՝ սա ի՞նչ իրավական համակարգ է: Գևորգ Կոստանյանը այս ամբիոնում մի ոգևորվում է, տեղում թռվռում է, ասում է՝ ճշտեք փաստերը, ոչ ոք, ոչ դատարանը Սուրիկ Խաչատրյանին գաղտնալսելու որոշում չի կայացրել: Պարո՛ն դատախազ, հանգստացեք, ո՞վ է այս ամբիոնում հիշատակել Սուրիկ Խաչատրյանին գաղտնալսելու որոշման մասին»:
Այսօր ԱԺ նիստում պատգամավոր Նիկոլ Փաշինյանը հայտարարեց, որ Հայաստանից փաստացի արտաքսել են ֆրանսահայ գործիչ Շանթ Ոսկերչյանին, ում մայիսի 22-ին ԱԱԾ-ն թույլ չի տվել մուտք գործել Հայաստան:
Ազգային ժողովի հերթական նստաշրջանի մեկնարկին ԱԺ նախագահ Գալուստ Սահակյանը շնորհավորեց պատգամավոր Մհեր Սեդրակյանին՝ ծննդյան օրվա կապակցությամբ:
«Ընդհանուր առմամբ դա նշանակում է մի կողմից՝ խաչ քաշել, մյուս կողմից՝ դուրս գալ Մինսկի խմբի շրջանակներից, որովհետև Մինսկի խումբն իր համար կաշկանդող է, և պատահական չէ, որ Ադրբեջանը փորձում է նաև այս ֆորմատը լղոզել՝ ասելով` Թուրքիա, Գերմանիա և այլն»,- ասում է ԱԳ փոխնախարար Շավարշ Քոչարյանը:
Արթուր Բաղդասարյանը վստահ է, որ իր ետևից «մինչև հաղթանակ» կգնա նաև ժողովուրդը: Խուսափելով որևէ հակադրությունից, Բաղդասարյանն առաջարկում է ձերբազատվել ամբիցիաներից, կոչ է անում համախմբման ու միաժամանակ հայտարարում, որ խորհրդարանական քաղաքական ուժերի հետ միանալու որևէ նպատակ չունի: Նիկոլ Փաշինյանի ստեղծած նոր ուժի հետ համախմբվելու մասին հարցը լսելիս Արթուր Բաղդասարյանի ձեռքերը սկսեցին դողալ:
ՕԵԿ նախագահ Արթուր Բաղդասարյանը լրագրողների հետ զրույցում հայտարարեց, թե ցանկություն չունեն ընդդիմության մեջ լինել առաջատար: Անդրադառնալով միավորման անվանը, որը լուրջ դժգոհություն է առաջացրել Սփյուռքի համանուն կազմակերպության ներկայացուցիչների շրջանում, Ա.Բաղդասարյանը հայտարարեց, թե առաջին անգամ է լսում նման կառույցի մասին. «Նորմալ է, որ Սփյուռքում կարող են լինել բազմաթիվ կառույցներ և ես դրանից տեղյակ չլինեմ»:
