Նախորդ շաբաթ` մարտի 23-ին, Ազատության հրապարակում, որտեղ իր հացադուլն է շարունակում ՀՀ նախագահի նախկին թեկնածու և նախագահական ընտրությունների արդյունքները վիճարկած Րաֆֆի Հովհաննիսյանը, տեղի ունեցավ հերթական միջադեպը, երբ ոստիկանները լարախաղաց Վլադիմիր Հակոբյանին թույլ չտվեցին ներկայացնել իր ծրագիրը` պատճառաբանելով, որ կանաչ տարածքի վրա չի թույլատրվում նման գործողություն կատարել:
«Կարծում եմ` ոչ թե Րաֆֆին կամ «Ժառանգությունն» է ուղղորդում ժողովրդին, այլ ժողովուրդը պարզապես չի ցանկանում այլևս ապրել և առաջնորդվել ճշտով, ինչպես, ասենք, իշխանությունները մինչ այժմ կառավարել են»,- ասում է Լյովա Խաչատրյանը
«Երբ ասում են՝ «շատ հում առաջարկ», «սահմանադրական պատկերացումներից հեռու», դա շատ բարեկիրթ զգաստացման կոչ է»,- ասում է Պարույր Հայրիկյանը:
«Ճակատագիրը ո՞րն ա, ամեն մեկը մի հատ պարան պետք ա գտնի ու կախվի էլի»,- նշեց, ժամանակակից քաղաքական լեզվով ասած, «աշխարհի վրա դառնացած» գրավաճառը:
Սերժ Սարգսյանը և Ռոբերտ Քոչարյանը նույն մարդիկ չեն, ես չեմ ասում` ո՞վ է լավ, ո՞վ է վատ, բայց նրանք տարբեր մարդիկ են, և ես վստահ եմ, որ զենք չի կիրառվի: Բայց Րաֆֆի Հովհաննիսյանն ընտրեց այլ ճանապարհ, որն, ըստ իս, պարտվողական է:
Եթե Սերժ Սարգսյանը փորձում է այս կառավարության պահպանումն արդարացնել նրանով, թե՝ «իսկ ո՞վ ասաց, որ դրանից լավը կգա», ապա դա մեր խնդիր չէ, դա նախագահի խնդիրն է, որպեսզի ապահովի ավելի լավ կառավարություն, որովհետև եթե ժողովուրդը նրան ձայն է տվել, ինչպես ինքն է այդ մասին փաստում, ապա նա պարզապես պարտավոր է ձևավորել այնպիսի կառավարություն և այնպիսի վարչապետ…
Դրա լավագույն պատասխանը տալիս են ՀՀ քաղաքացիները, այդ պատճառով Սերժ Սարգսյանին ոչ թե պետք է Ստեփան Սաֆարյանը գնահատի, կամ որևէ այլ մեկը, այլ շատ ավելի կարևոր են ժողովրդի գնահատականները:
Այստեղ ո՛չ Սերժ Սարգսյանի հարցն է, ո՛չ Րաֆֆի Հովհաննիսյանի: Ժողովուրդն փետրվարի 18-ին քվեարկել է այն իրավիճակի դեմ, որում հայտնվել է երկիրը, և այն ճանապարհի դեմ, որով ընթանում է երկիրը: Սա է գլխավորը:
Եթե անցած 15-18 տարիների ընթացքում ընդդիմությունն ուներ մեկ ուղի, որը տանում էր դեպի փակուղի, մենք այժմ գտել ենք մի ընթացք, մի այլ ուղի, որը գործելու է օրենքի շրջանակներում, սահմանադրական տրամաբանության շրջանակներում, և որի շնորհիվ ձևավորվելու է զուգահեռ իշխանություն` բառի բուն իմաստով:
«Անպարկեշտությունը, հայհոյանքը փետրվարի 18-ին ժողովրդի, այս անգամ, փառք Աստծո, ոչ թե արյան վրա, այլ ձայն գողության, ստի, կեղծիքի, համատարած խախտումների բերմամբ սեփական հաղթանակը տոնելն է` շամպայնով, թե առանց շամպայն, կարևոր չէ»,- ասում է Րաֆֆի Հովհաննիսյանը:
Հաստատ մի բան կարող եմ ասել. եթե ինքը կարծում է, թե 30.000-ը տպավորիչ է, ինչը վերագրում է Հայաստանի առաջին նախագահին, որը շատ ավելի էր քան դա 5 տարի առաջ, ուրեմն թող սպասի այդ ավելիին, բայց դա միակ գրավականը չէ, այդ գրավականը մեր ժողովուրդն արդեն կյանքի կոչեց փետրվարի 18-ին:
Ես բնավ դառնացած չեմ աշխարհից և բացարձակապես սով չեմ զգում: Այնպես որ, ոչ սոված եմ, ոչ էլ դառնացած, այլ լիազորված հայ ժողովրդի գերակշիռ մասի զորակցությամբ և վստահությամբ:
Կարծում եմ` առաջարկություն չկա, որպեսզի մտածեմ` ընդունել այն, կան չընդունել, այլ պարզապես, որքան ես գիտեմ, տրվել են այն մարդկանց անունները, ովքեր իրենց տեսակետից կարող են այս պետությանն օգտակար լինել:
Երբ պարոն Աբրահամյանն այցելեց, ես ձեզ ասացի, որ սա քաղաքավարական այց է: Ինքը ցանկանում էր լուծում գտնել այս վիճակին, որևէ բովանդակության մասին չխոսեցինք;
«Երեկ գիշեր մի սադրիչ եկավ, փորձեց հայհոյանք տալ, բանավեճի մեջ մտնել, և մեր համաքաղաքացիները, իմ տեղեկությունից անկախ, հետապնդեցին այդ դեպքը և, փաստորեն, հետո զեկուցեցին շատ հավաստի, որ այդ մարդը Աբովյանի «ջրի մարդն» էր»,- ասում է Ր.Հովհաննիսյանը
Ինչպես արդեն տեղեկացրել ենք, երեկ` ժամը 15-ից, Երևանի Ազատության հրապարակում, որտեղ շարունակում է հացադուլ անել ընդդիմադիր շարժման առաջնորդ, ՀՀ նախագահի նախկին թեկնածու Րաֆֆի Հովհաննիսյան, ընթանում է ստորագրահավաք` «Սատարում եմ նոր Հայաստանի պայքարին» խորագրի ներքո:
Այսօր ժամը 15-ից Երևանի Ազատության հրապարակում, որտեղ շարունակում է հացադուլ անել ընդդիմադիր շարժման առաջնորդ, ՀՀ նախագահի նախկին թեկնածու Րաֆֆի Հովհաննիսյան, մեկնարկել է ստորագրահավաք` «Սատարում եմ նոր Հայաստանի պայքարին» խորագրի ներքո։
«Ո՞վ կարող է այդ զոհասեղանից Րաֆֆի Հովհաննիսյանին հանել դուրս, ոչ ոք, ո´չ Սերժ Սարգսյանը, ո´չ Վլադիմիր Պուտինը, ո´չ Օբաման: Կա միայն մեկ ուժ, որը կարող է դա իրագործել, այդ ուժը կոչվում է հայ ժողովուրդ»,- շեշտեց նա:
«Օրենքում պարզ գրված է. իրազեկում է ստացվում քաղաքապետարան, իրազեկման մասին տեղյակ է պահվում Ոստիկանությանը, և եթե տարածքը, որի մասին գնում է խոսքը, եթե Մշակույթի նախարարության հետ կապված է, նաև նրանց է տեղեկացվում` կարծիք ստանալու նպատակով: Կարծիքը ստացվել է, կարծիքի հիման վրա կայացվել է որոշում»,- ասում է քաղաքապետարանի ներկայացուցիչը:
«Այն նշաձողը, որը դրել է Րաֆֆի Հովհաննիսյանը, արդեն գործընթացները քաղաքական հարթությունից տեղափոխում է բարոյական-հոգևոր հարթություն և ստեղծում է լրիվ նոր իրավիճակ, ինչը նաև շատ բարդ կացության առաջ է կանգնեցնում բոլորին»,- ասում է Ա.Վարդանյանը
Րաֆֆին շատ կարևոր հարց է լուծում, այսինքն` կոտրել այն տեսակետը, որ քաղաքականությունը և բարոյականություն, ինչու ոչ, նաև բարոյախոսությունը անհամատեղելի են: Այդ կարծրատիպը կոտրելու քայլ է արել:
Այսօր այս երկրում շատ հալածյալներ կան, հետապնդվողներ կան, տառապողներ կան այս ռեժիմից և այս չինովնիկներից, այս դատաիրավական համակարգից, այս Ոստիկանությունից: Երբ Վովա Գասպարյանը գնում և այնտեղ այդ նստարանի առջև չոքում է, թե հերիք եղավ, բոլ եղավ, մի բան անենք, ոնց անենք… արդեն իսկ դա ժողովրդի հաղթանակն է:
Այն, որ հացադուլը պայքարի միջոց է, որևէ մեկը չի կարող ժխտել, այն, որ ծայրահեղ միջոց է` նույնպես: Ամբողջ խնդիրը հետևյալն է. այն նշաձողը, որը դրել է Րաֆֆի Հովհաննիսյանը, արդեն գործընթացները քաղաքական հարթությունից տեղափոխում է բարոյական-հոգևոր հարթություն և ստեղծում է լրիվ նոր իրավիճակ, ինչը նաև շատ բարդ կացության առաջ է կանգնեցնում բոլորին:
Քիչ առաջ Ազատության հրապարակում արդեն երրորդ օրը հացադուլի մեջ գտնվող ՀՀ նախագահի նախկին թեկնածու Րաֆֆի Հովհաննիսյանին այցելեցին ԱԺ «Հայ ազգային կոնգրես» խմբակցության պատգամավոր Նիկոլ Փաշինյանը և «Ժողովրդավարական հայրենիք» կուսակցության նախագահ Պետրոս Մակեյանը:
««Ժառանգության» օրակարգում այսօր կա կեղծված ընտրությունների արդյունքները փրկելու հարցը, և, կարծում եմ, դա է քաղաքական գործընթացների առանցքը»:
«Ոչ թե պետք է կրկնել անցած 17 տարիների ընթացքում նախորդ ընդդիմադիր գործիչների սխալները, այլ օր առաջ պետք է դուրս գալ գործող «քաղաքական» դաշտից, որտեղ խաղի կանոնները թելադրում է գործող բռնապետը, և լծվել ժողովրդի ինքնակազմակերպման աշխատանքին»,- ասում է Ժ.Սէֆիլյանը
Այսօր Ազատության հրապարակում ընդդիմության կազմակերպած հերթական հանրահավաքին ներկա էր նաև հայտնի դերասան Երվանդ Մանարյանը:
«Արտաշատը մեր հնամենի մայրաքաղաքն է, և մենք գնալու ենք այնտեղ՝ նույն մարզպետին, նույն Աբրահամյանին ասելու համար, որ սա մե՛ր քաղաքն է, մե՛ր երկիրն է»,- ասաց Ր.Հովհաննիսյանը
«Ոչ միայն երիտասարդներն են մեկ-մեկ ինչ-որ չարաճճի բաներ ասում, էդ հարգարժան մարդն էլ մեկ-մեկ շեղում է տալիս։ Բայց ինքը վաղն արդեն փոքրամասնության մեջ է»,- ասում է «Ժառանգության» ղեկավարը:
«Գյումրին չի ծախվում, ծախու չէ Գյումրին, Գյումրին արդեն հաղթել է»,- Շիրակի մարզկենտրոն Գյումրի քաղաքում հայտարարեց ՀՀ նախագահի նախկին թեկնածու Րաֆֆի Հովհաննիսյանը` ելույթ ունենալով Վարդան Աճեմյանի անվան թատրոնի հրապարակում, որտեղ նրան դիմավորեցին հազարավոր գյումրեցիներ:
