ԱԺ-ում այսօր քննարկվեց ԱԺ «Իմ քայլը» խմբակցության պատգամավոր Մխիթար Հայրապետյանի կողմից օրենսդրական նախաձեռնության կարգով ներկայացված «Զինվորական ծառայության և զինծառայողի կարգավիճակի մասին» ՀՀ օրենքում լրացումներ կատարելու մասին օրենքի նախագիծը: Հարակից զեկուցող, ՊՆ փոխնախարար Գաբրիել Բալայանը նշեց, որ այս փոփոխությամբ առաջարկվում է օրենքի 61-րդ հոդվածի 13-րդ մասում նախատեսել գերության մեջ գտնվող զինծառայողի համար զբաղեցրած պաշտոնի պաշտոնային դրույքաչափը պահպանելու իրավունքը:
ՀՀ քրեական օրենսգրքի 225.1-րդ հոդվածի 1-ին մասով՝ օրենքով սահմանված կարգի խախտմամբ հավաք կազմակերպելու և անցկացնելու համար մեղադրանք առաջադրվեց նաև ՀՅԴ ԳՄ անդամ Իշխան Սաղաթելյանին:
Ի թիվս ընդդիմադիր քաղաքական գործիչների՝ ՀՔԾ է հրավիրվել նաև ՀՅԴ ԳՄ անդամ Արծվիկ Մինասյանը: Նրա կարծիքով՝ ՀՔԾ հրավերքը հավանաբար պայմանավորված է իրեն մեղադրանք առաջադրելու հանգամանքով:
«Մեկ Հայաստան» կուսակցության ղեկավար Արթուր Ղազինյանին մեղադրանք է առաջադրվել ՀՀ քրեական օրենսգրքի 225.1-րդ հոդվածի 1-ին մասի հատկանիշներով՝ օրենքով սահմանված կարգի խախտմամբ հավաք կազմակերպելու և անցկացնելու համար, չնայած, ինչպես ՀՔԾ-ից դուրս գալուց լրագրողների հետ զրույցում հայտնեց Արթուր Ղազինյանը՝ ինքն մի քանի օր առաջ ձերբակալվել էր այլ հոդվածով:
«Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանն այժմ ՀՔԾ-ում է: Մինչև ՀՔԾ մտնելը Արթուր Վանեցյանը լրագրողների հետ զրույցում հայտնեց, որ ՀՔԾ է հրավիրվել «ռազմական դրության ժամանակ իբր հանրահավաք կազմակերպելու և ռազմական դրության պահանջները խախտելու համար» մեղադրանք առաջադրվելու համար:
«Ենթադրում եմ, որ հրավիրել են մեղադրանք առաջադրելու՝ կապված, իբր, իմ կողմից հանրահավաք կազմակերպելու հետ: Այսինքն՝ այն նույն գործով, ինչով որ ինձ ձերբակալել էին»,- ասաց Արսեն Բաբայանը:
«Ես սկսեմ ինձանից, Անդրանիկ, հանդարտ եղիր, որովհետև հանդարտությունը բոլորիս պետք է՝ հատկապես տիկին Զոհրաբյանի ելույթից հետո»,- այսպես ԱԺ-ում իր ելույթը սկսեց ԱԺ «Իմ քայլը» խմբակցության պատգամավոր, Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:
Քիչ առաջ ոստիկանությունը ԿԳՄՍ նախարարության շենքի բակից բերման ենթարկեց ԵՊՀ Ուսանողների հետ աշխատանքներ համակարգող կենտրոնի տնօրեն Վահագն Վարագյանին:
«Պատերազմական հանցագործություններ. ի՞նչ պատասխանատվություն է սպասվում Ադրբեջանին և Թուրքիային» թեմայով քննարկման ընթացքում միջազգային իրավունքի մասնագետ Արա Խզմալյանը նշեց, որ պատերազմի ավարտը չի փոխում այն միջոցները, որոնք հասու էին ՀՀ-ին և անհատներին՝ իրենց դեմ խախտումների առնչությամբ պաշտպանություն իրականացնելու համար: Փաստաբանի խոսքով՝ ուղղակի արդեն մեծամասամբ գործ ունենք ավարտված փաստերի հետ:
Այսօր ԱԺ-ում վարչապետ Նիկոլ Փաշինյանը, պատասխանելով պատգամավորների հարցին, հայտարարեց, թե Շուշին դժգույն, դժբախտ քաղաք է եղել:
Նոյեմբերի 9-ի լույս 10-ի գիշերը հանրությանը հայտնի դարձած հայտարարության տեքստից հետո սկսեցին շրջանառվել պնդումներ, որ մինչ այդ պահը վարչապետ Նիկոլ Փաշինյանին առաջարկվել են պատերազմի ելքի ավելի նպաստավոր պամաններով փաստաթղթեր, սակայն դրանք չեն ստորագրվել վարչապետի կողմից:
Այսօր վարչապետի առցանց ասուլիսի ժամանակ նրան փոխանցվեցին Ռոման Բաբայանի հաղորդման ընթացքում RT հեռուստաընկերության և «Ռուսաստանն այսօր» միջազգային լրատվական գործակալության գլխավոր խմբագիր Մարգարիտա Սիմոնյանի հայտարարություններն ու Նիկոլ Փաշինյանին ուղղված հարցերից մեկը՝ «ճի՞շտ է արդյոք, որ ռուսական առաջարկն ընդունելու համար երկար ժամանակ խորհրդակցել եք ԱՄՆ ներկայացուցիչների հետ»:
«Շուշիի անկումը շատ հարցեր է առաջացրել հանրության ու փորձագետների մոտ: Կան կարծիքներ, որ Շուշին՝ որպես բերդաքաղաք, անառիկ է, և պայքարի դեպքում այն չէր կարող ընկնել: Կարո՞ղ եք մանրամասնել՝ ինչո՞ւ և ինչպե՞ս է ընկել Շուշին: Դուք Ձեր վերջին հարցազրույցում նշել եք, որ պատերազմը դադարեցնելու համար պահանջում էին հանձնել Շուշին, նաև մինչև քաղաքի ընկնելը: Ո՞ր կողմն է նման պահանջ ներկայացրել, և կարո՞ղ եք մանրամասնել, թե պատերազմի սկզբից ռազմական գործողությունների դադարեցման համար ի՞նչ առաջարկներ ու տարբերակներ են Ձեզ առաջարկվել ռուսական ու ադրբեջանական կողմերից»,- ասված էր «Ազատություն» ռադիոկայանի հարցում:
Վարչապետ Նիկոլ Փաշինյանին այսօր առավոտյան կայացած առցանց ասուլիսի ընթացքում ուղղված առաջին հարցը վերաբերում էր վարչապետի պատասխանատվությանը՝ արցախաադրբեջանական պատերազմ սկսվելու հարցում:
«Գիտեք, բայց ես ուզում եմ հասկանալ՝ երբ որ ասում են՝ «թիրախավորում են», ի՞նչ նկատի ունեն: Ո՞վ է ում թիրախավորում և ինչպե՞ս: Կարող ենք տասնյակ և հարյուրավոր օրինակներ ցույց տալ, երբ որ, ընդհակառակը, իշխանության ներկայացուցիչներն են թիրախավորվում: ԱԺ նախագահի հետ էն, ինչ որ տեղի ունեցավ… և, փառք Աստծո, Հայաստանում վերջին 2.5 տարվա ընթացքում ոչ մի ընդդիմադիրի հետ նման բան տեղի չի ունեցել, նույնիսկ մոտիկ բան տեղի չի ունեցել, և ես համոզված եմ՝ տեղի էլ չի ունենա»:
Ես հավաստիացնում եմ բոլորին, որ ես որևէ հանցանք չեմ գործել ո՛չ այս պահին, ո՛չ առհասարակ իմ կյանքում: Ես մշտապես պաշտպանել եմ օրենքը և շարունակելու եմ պաշտպանել օրենքը: Օրենքի գերակայությունը երկրում երկրի զարգացման ուղին է: Ես մշտապես կոչով եմ հանդես եկել՝ պահպանել Սահմանադրությունը, չխախտել Սահմանադրությունը: Սակայն այս իշխանությունները, խախտելով մեր Սահմանադրությունը, ժողովրդի մեջքի հետևում, թաքուն ստորագրեցին մեր հայրենիքի մի հատվածը թուրքին հանձնելու խայտառակ պայմանագիր:
ԱԱԾ-ն միջնորդություն է ներկայացրել Արթուր Վանեցյանի նկատմամաբ կալանքը որպես խափանման միջոց ընտելու վերաբերյալ: Այս մասին այսօր դատարանի դիմաց լրագրողների հետ զրույցում հայտնեց Արթուր Վանեցյանի փաստաբան Լուսինե Սահակյանը:
«Այս ամենը, ինչ որ կատարվում է, բացարձակապես իրավազուրկ է, որևէ հիմք այստեղ լինել չի կարող՝ ակնհայտ է: Կալանավորում են այն մարդկանց, ովքեր ամբողջ պատերազմի ընթացքում այնտեղ են եղել: Ես շատ լավ ճանաչում եմ Աշոտին Մինասյան, նաև մյուսներին և ուղղակի վերջին ստորությունն է նման քայլերի գնալը»,- Երևան քաղաքի Ընդհանուր իրավասության դատարանի Շենգավիթի նստավայրի բակում լրագրողնրեի հետ զրույցում ասաց քաղաքական գործիչ Աղվան Վարդանյանը՝ անդրադառնալով պետական գործչի սպանության, ՀՀ կառավարության լիազորություններին տիրանալու վերաբերյալ ԱԱԾ հայտարարությանը ու դրա շրջանակներում առաջադրված մեղադրանքներին:
ԱԺ նախկին պատգամավոր, ՀՀԿ խմբակցության ղեկավար Վահրամ Բաղդասարյանի ձերբակալության իրավաչափության քննությունը դատարանում հետաձգվեց: Ինչպես դատարանի բակում լրագրողների հետ զրույցում հայտնեց Վ. Բաղդասարյանի պաշտպան Վահագն Գասպարյանը, դրա պատճառը Վահրամ Բաղդասարյանին կալանավորելու վերաբերյալ ԱԱԾ միջնորդությունն է:
Այսօր ժամը 18:30-ին Երևան քաղաքի ընդհանուր իրավասության դատարանը մեկ նիստով քննելու է ՀՀԿ անդամ, ԱԺ նախկին պատգամավոր Վահրամ Բաղդասարյանի պաշտպանների՝ Վ․ Բաղդասարյանի ձերբակալությունը ոչ իրավաչափ ճանաչելու և ԱԱԾ-ի՝ Վահրամ Բաղդասարյանին կալանավորելու միջնորդությունները:
Երևան քաղաքի ընդհանուր իրավասության դատարանը՝ դատավոր Մարինե Մելքոնյանի նախագահությամբ, որոշեց մերժել Սիսիանի կամավորական ջոկատի հրամանատար, Աշոտ Երկաթ անվամբ հայտնի Աշոտ Մինասյանի պաշտպանների միջնորդությունը՝ նրա ձերբակալումը ոչ իրավաչափ ճանաչելու վերաբերյալ:
«Ես համարում եմ, որ մենք շատ միասնական ենք այն մարդկանց հետ, ով մերժում է դավաճանությունը: «Հիմա ժամանակը չի», «թողեք, թող աշխատեն», «ոչինչ կսովորեն», «հիմա դրա ժամանակը չի»՝ էդ պատերազմի ժամանակի սկզբից լսել էինք: Էդ կուտը նենց են կերցրել… Հիմա հենց դրա ժամանակն ա: Հիմա ա դրա ժամանակը»,- 168.am-ի հետ զրույցում ասաց պրոդյուսեր Արմեն Գրիգորյանը՝ անդրադառնալով իշխանական թևի հնչեցրած այն տեսակետներին և ֆեյսբուքյան գրառումներին, թե հայտնի հայտարարության փաստաթղթի հրապարակումից հետո ընդդիմության հանրահավաքները պառակտում են հանրությանը:
Երեկ ՀՀ 2 բարձրաստիճան նախկին պաշտոնյաներ՝ ՀՀ նախկին ոստիկանապետ, ոստիկանության գեներալ-մայոր Վալերիյ Օսիպյանը և ԱԱԾ տնօրենի նախկին ժամանակավոր պաշտոնակատար, գնդապետ Միքայել Համբարձումյանը, ըստ էության, հանցագործության մասին հաղորդում ներկայացրեցին:
«Այս կապիտուլյացիոն փաստաթուղթը Հայաստանի պատմության ամենախայտառակ էջերից էր, և սա իշխանությունների հանձնման քաղաքականության, որ վարում են 2.5 տարի, մեր հայրենիքի հանձնման քաղաքականության կուլմինացիոն կետն էր, որն իրականացվեց բանակի թիկունքում, մեր հանրության թիկունքում, քաղաքական ուժերի թիկունքում»,- ընդդիմադիր ուժերի հրավիրած ասուլիսի ժամանակ ասաց «Ազգային օրակարգ» կուսակցության գործադիր քարտուղար Արա Գասպարյանը:
Աննա Մկրտչյանի խոսքով՝ պատերազմի 45 օրերի ընթացքում իշխանությունը ժողովրդին խաբել է, ռեալ մտածողի խոսքն էլ փորձել է ճնշվել «պետական դավաճանի» անվան տակ, հետո էլ հանրությանը հրամցրել են քարտեզ՝ «կարմիր արյամբ ներկված»:
Ազգային անվտանգության ծառայության աշխատակիցները կեսօրին ՀՅԴ Սիմոն Վրացյանի անվան գրասենյակից բերման ենթարկեցին ՀՅԴ ԳՄ անդամ Արծվիկ Մինասյանին: Ա. Մինասյանը բերման ենթարկվեց ընդդիմության ներկայացուցիչների նախապես ծրագրված ասուլիսից րոպեներ առաջ:
«Քիչ առաջ ես ստույգ տեղեկություն ստացա, որ նույնիսկ այս օրերին, շատ շուտով ՀՀ-ում անջատվելու է ինտերնետը, այսինքն մարդ, ով ամեն օր ֆեյսբուքում է, ամեն օր հանրության հետ աշխատում է ինտերնետի միջոցով, իր իշխանությունը չկորցնելու համար նույնիսկ պատրաստ է անջատել ինտերնետը ՀՀ-ում»,-ասաց Արսեն Բաբայանը:
ԱԺ «ԲՀԿ և «Լուսավոր Հայաստան» խմբակցությունների պատգամավորները քիչ առաջ եկել էին ԱԱԾ, որպեսզի օրենքի ուժով իրենց տրված իրավունքով կարողանան այցելել ու հանդիպել բոլոր այն քաղաքական ուժերի ներկայացուցիչների հետ, որոնք այսօր բերման են ենթարկվել:
ԱԺ նախկին փոխխոսնակ, «Հայրենիք» կուսակցության վարչության անդամ Արա Սահակյանը ևս ձերբակալվել է: Այս տեղեկությունը 168.am-ի հետ զրույցում հաստատեց «Հայրենիք» կուսակցության ներկայացուցիչ Արսեն Բաբայանը: Արա Սահակյանը մեղադրվում է Քրեական օրենսգրքի 225 հոդվածի 1–ին մասով՝ Զանգվածային անկարգություններ կազմակերպելու համար, որը պատժվում է 4-ից 10 տարի ազատազրկմամբ։
«Երեկ լրիվ պատերազմ էր, տենց ասեմ: Ոնց ասեմ՝ 3 զոհ ունեինք, մի 7 վիրավոր, չհաշված թեթև վիրավորները: Դավիթ Բեկի ներսում: Դավիթ Բեկը հոկտեմբերի 22-ից պատերազմի մեջ ա: Էդ նո՞ր եք հասկանում: Ամսի 22-ից, հոկտեմբերի 22-ից մինչև օրս Դավիթ Բեկը պատերազմի մեջ ա: Էսօր հանգիստ ա: Էսօր քեզ համար պարզ չի՞՝ խի ա հանգիստ: Բա էնքանից հետո էդ հանգիստը մեր ինչի՞ն ա պետք: Էս պահին մենք ավելի շատ տխրում ենք, որ հանգիստ ա:
