Կառավարությունը նոյեմբերի 4-ի նիստում չզեկուցվող հարցերի շարքում հավանության էր արժանացրել «Աշխատանքային օրենսգրքում», ինչպես նաև «Հանրային ծառայության մասին» օրենքում լրացումներ ու փոփոխություններ կատարելու մասին նախագծերի փաթեթը, առաջարկվող փոփոխությունները համարելով անհետաձգելի: Այս նախագծերի համաձայն՝ գործատուները հնարավորություն են ստանում լուծել աշխատանքային պայմանագիրն աշխատողի հետ, եթե աշխատողը չի ներկայացնում COVID-19-ի դեմ պատվաստված լինելու մասին տեղեկանքը կամ 14 օրը մեկ հանձնված ՊՇՌ թեստի բացասական պատասխանը:
Ինչպես ավելի վաղ հայտնել էինք՝ Փարաքար համայնքի ղեկավար Դավիթ Մինասյանը հրավիրվել էր ոստիկանության 6-րց վարչություն: Մամուլում շրջանառվող տեղեկությունների համաձայն՝ «իշխանություններն ամեն ինչ արել են, որ Դավիթ Մինասյանը չառաջադրվի, հիմա այս մեթոդներով փորձում են ճնշել ու խաղից հանել թեկնածուին»:
Փարաքարի համայնքապետը դեռևս գտնվում է ոստիկանության 6-րդ վարչությունում: Այսօր ժամը 14:00-ի սահմաններում 168.am-ի հետ զրույցում փոխանցեց Փարաքար համայնքի ղեկավարի տեղակալ Գոռ Սարիբեկյանը:
Երեկ Սյունիքի ընդհանուր իրավասության դատարանում (Գորիսի նստավայր)՝ դատավոր Գնել Գասպարյանի նախագահությամբ, տեղի ունեցավ Գորիսի համայնքապետ, «Հայաստան» դաշինքի անդամ Առուշ Առուշանյանի և Քարահունջ բնակավայրի վարչական ղեկավար Լուսինե Ավետյանի գործով հերթական նիստը: Դատարանն ավելի վաղ այս գործին էր միացրել Առուշանյանին վերաբերող մեկ այլ քրեական գործ, որով Առուշանյանի նկատմամբ խափանման միջոց էր կիրառվել 2 մլն դրամ գրավը:
2021թ. 6 ամիսներին մոտ 22 հազար հայաստանցի ստացել է Ռուսաստանի քաղաքացիություն: Վիճակագրական այս ցուցանիշը ռեկորդային է՝ նախորդ 4 տարիների նույն ժամանակահատվածի համեմատությամբ:
Գորիսի Ընդհանուր իրավասության դատարանը՝ դատավոր Գնել Գասպարյանի նախագահությամբ, մասամբ բավարարեց Գորիսի համայնքապետ, «Հայաստան» դաշինքի անդամ Առուշ Առուշանյանի պաշտպանների միջնորդությունը՝ իրենց պաշտպանյալի նկատմամբ առկա տեսակցությունների և հեռախոսազանգերի սահմանափակման արգելքը հանելու վերաբերյալ: Դատարանը որոշեց թույլատրել Առուշ Առուշանյանի տեսակցությունները, իսկ հեռախոսային կապի արգելքը կպահպանվի: Դատարանը նաև նպատակահարմար չգտավ Առուշ Առուշանյանին Գորիսի ՔԿՀ տեղափոխելը:
Գորիսի Ընդհանուր իրավասության դատարանում՝ դատավոր Գնել Գասպարյանի նախագահությամբ, մեկնարկեց Գորիսի համայնքապետ, «Հայաստան» դաշինքի անդամ Առուշ Առուշանյանի և Քարահունջ բնակավայրի վարչական ղեկավար Լուսինե Ավետյանի գործով հերթական դատական նիստը:
Կառավարությունը ներկայացրած վերլուծություններում նախ առանձնացրել է այն փաստը, որ քրեական օրենսգրքի կարգավորումների համաձայն՝ անձը քրեական պատասխանատվության ենթակա չէ, եթե իր արարքը գործի լուծման համար նշանակություն ունենալ չի կարող, կամ եթե մինչև վերջնական ակտի կայացումն անձը հայտնել է իր տված սուտ ցուցմունքի մասին, ու կարծիք հայտնել, որ «քննիչ հանձնաժողովին հայտնած կեղծ կամ սուտ տեղեկությունների համար քրեական պատասխանատվությունը պետք է պայմանավորել քննության համար այդ տեղեկությունների էական լինելու հանգամանքով»:
«ՀՀ իշխանությունները, մասնավորապես՝ Նիկոլ Փաշինյանը, առաջնորդվում է «ամեն ինչ հանուն խաղաղության» սկզբունքով՝ միաժամանակ ոտնահարելով ՀՀ, Արցախի Հանրապետության և ընդհանրապես հայ ազգի արժանապատվությունը: Խաղաղությունը, այո, արժեք է, որին պետք է ձգտի ցանկացած ողջամիտ հասարակություն ու պետություն, եթե այն չի ոտնահարում ազգային ու պետական արժանապատվությունը, անկախությունն ու ինքնիշխանությունը»,- «Պատերազմի քննիչ հանձնաժողովի անհրաժեշտությունը. հետպատերազմյան ապաքինում» թեմայով քննարկման ժամանակ ասաց Արցախի Հանրապետության ԱԺ «Արդարություն» խմբակցության պատգամավոր Մետաքսե Հակոբյանը:
Կառավարության շենքի մոտ քիչ առաջ հերթական բողոքի ակցիան է մեկնարկել։ Հերթական անգամ կառավարության մոտ են անհետ կորած և զոհված զինծառայողների ծնողներն ու հարազատները: Նրանք հանդիպում են պահանջում Նիկոլ Փաշինյանի հետ՝ պնդելով, որ մեղավորները պետք է պատժվեն, բայց նրանց խոսքով՝ իրավապահ մարմինների անգործության արդյունքում մեղավորների բացահայտման պրոցեսում սայլը տեղից չի շարժվում։
«ՀՀ քաղաքացիական բնակչության իրավունքների շարունակվող խախտումները և Հայաստանի ու Ադրբեջանի միջև սահմանային հատվածներում անվտանգության գոտու հրատապ անհրաժեշտությունը՝ որպես հիմնարար երաշխիք» թեմայով հրավիրված մամուլի ասուլիսի ընթացքում ՄԻՊ Արման Թաթոյանը, ի պատասխան 168.am-ի հարցին, անդրադարձավ ԱԽՔ Արմեն Գրիգորյանի հարցազրույցներից մեկում հնչեցրած մտքերին, թե Արման Թաթոյանի բոլոր հայտարարությունները քաղաքական բնույթի են, ու հավելել էր, որ մի քանի ամիս հետո իրենք առաջադրելու են ՄԻՊ-ի իրենց թեկնածուին:
ՀՀ մարդու իրավունքների պաշտպան Արման Թաթոյանը «ՀՀ քաղաքացիական բնակչության իրավունքների շարունակվող խախտումները և Հայաստանի ու Ադրբեջանի միջև սահմանային հատվածներում անվտանգության գոտու հրատապ անհրաժեշտությունը՝ որպես հիմնարար երաշխիք» թեմայով հրավիրված ասուլիսի ընթացքում քարտեզի վրա մանրամասն ներկայացրեց ադրբեջանական անօրինական տեղակայումները:
2021թ. տարեսկզբից դադարեցվել էին ՀՀ տարբեր համայնքների ղեկավարների լիազորությունները, որոշ համայնքներում նոր ընտրություններ չէին նշանակվել ՀՀ-ում արտակարգ և ռազմական դրության առկայությամբ պայմանավորված: Այդ համայնքներում, օրինակ՝ Տավուշի մարզի Դիլիջան, Լոռու մարզի Թումանյան և Սյունիքի մարզի Տաթև համայնքներում (նրանց լիազորությունները դադարեցվել էին 2021թ. փետրվարի 26-ին), վարչապետի և մարզպետի որոշմամբ նշանակվել էին համայնքապետի ժամանակավոր պաշտոնակատարներ, դրա համար հիմք էր հանդիսացել մի կարգավորում, որն ուժի մեջ էր մտել անցած տարի:
Սահմանադրական դատարանը Սահմանադրությանը համապատասխանող է ճանաչել «Զինվորական ծառայության և զինծառայողի կարգավիճակի մասին ՀՀ օրենքի 40-րդ հոդվածի 3-րդ մասը: Տեղեկությունը 168.am-ին փոխանցեց ՍԴ մամուլի քարտուղար Եվա Թովմասյանը՝ հավելելով, որ որոշումը եռօրյա ժամկետում կհրապարակվի ՍԴ պաշտոնական կայքում:
Վաղը ՍԴ-ում մեկնարկելու է ՀՀ նախագահ Արմեն Սարգսյանի դիմումի հիման վրա «Զինվորական ծառայության և զինծառայողի կարգավիճակի մասին ՀՀ օրենքի 40-րդ հոդվածի 3-րդ մասի՝ Սահմանադրությանը համապատասխանությունը որոշելու վերաբերյալ գործի քննությունը:
ԱԺ «Հայաստան» խմբակցության պատգամավոր, «Իզմիրլյան» ԲԿ նախկին տնօրեն Արմեն Չարչյանի գործով այսօր հրավիրվել էր հրատապ դատական նիստ: Արմեն Չարչյանի առողջական վիճակը գնահատելու համար ձևավորվել է բժիշկներից բաղկացած փորձագիտական հանձնաժողով, ու այսօրվա նիստը հրավիրվել էր այդ հանձնաժողովում փորձագետներ ներգրավելու համար:
«Ախր պարզ բաներ են, Դուք էլ եք տեսնում, որ այդ նույն կուտակումները, այդ նույն լաբորատորիաների հերթերը, նույն պատվաստման կաբինետների դիմաց հերթերն արդյո՞ք չեն նպաստում տարածմանը: Եթե հանկարծակի հերթերի մեջ մեկնումեկը վարակվի ու այդ ժամանակ պատվաստվի, այդ մարդկանց հիվանդության ընթացքն է ավելի սրանալու, և այլն, և այլն: Դուք էլ եք տեսնում, որ կան որոշակի ոչ տրամաբանական որոշումներ, ես ի՞նչ մեկնաբանեմ: Պարզ է, որ խնդիրներ կան ամեն տեղ»,- ասաց Էդուարդ Հովհաննիսյանը:
ԱԺ «Հայաստան» խմբակցության պատգամավոր Արամ Վարդևանյանն ԱԺ նախագահին է ներկայացրել Քրեական օրենսգրքում լրացում կատարելու մասին նախագիծ, որով առաջարկվում է քրեականացնել Ազգային ժողովի քննիչ հանձնաժողովներին կեղծ կամ սուտ տեղեկություններ հայտնելը կամ տրամադրելը: Նախագծի հեղինակն առաջարկում է քննիչ հանձնաժողովին կեղծ կամ սուտ տեղեկություն հայտնելու կամ տրամադրելու համար որպես պատիժ նախատեսել ազատազրկում 5-7 տարի ժամկետով ազատազրկում, իսկ եթե կեղծ կամ սուտ տեղեկություններ տրամադրվել են պաշտպանության և անվտանգության բնագավառներում գործող քննիչ հանձնաժողովին՝ առաջարկվում է սահմանել 8-12 տարի ազատազրկում:
Նիկոլ Փաշինյանի որոշմամբ հաստատվել է ԵՊՀ կառավարման բարձրագույն մարմնի՝ հոգաբարձուների խորհրդի կազմը՝ բաղկացած 20 անդամից:
«Սրա վերջնակետը կարծես դրեց հենց ինքը՝ Նիկոլ Փաշինյանը, ով հայտարարեց, որ սեպտեմբերի 25-ին տեղի է ունեցել ռադիոկլանում, ընդ որում, ասաց, որ դա եղել է վստահելի աղբյուր առ այն, որ հրահրվում են ռազմական գործողություններ: Այսինքն՝ Նիկոլ Փաշինյանը խոստովանում է, որ սեպտեմբերի 25-ի դրությամբ եղել են մեծաթիվ գործոններ, որոնք հաստատում էին, որ, նվազագույնը, պատերազմի հավանականությունը կտրուկ մեծացել է»,- ասաց Տիգրան Աբրահամյանը:
Աննա Գրիգորյանի խոսքով՝ պատերազմի ավարտից հետո Շուշիի վերաբերյալ հայտարարություններով փորձել են մարդկանց գիտակցության վրա ազդել, հասցնել «Շուշի էլ չկա» մտածելակերպին:
«Նպատակը ոչ թե եղել է՝ գնալ, խորհրդակցել կամ ֆոն ապահովել իշխանության ղեկին կանգնած մարդու թվացյալ քաղաքական հնարքների համար, այլ նպատակը եղել է՝ փորձել այդ պահին հնարավորինս օգտակար լինել պետությանն ու բանակին»,- «Կորսված հաղթանակ. դավաճանությո՞ւն, թե՞ անգրագիտություն» խորագրով համաժողովի ժամանակ ասաց ՀՀԿ ԳՄ անդամ, ՀՀԿ խոսնակ Էդուարդ Շարմազանովը՝ անդրադառնալով 2020թ. հոկտեմբերի 12-ին և 19-ին կառավարությունում իշխանության ու արտախորհրդարանական ուժերի հանդիպմանը:
Կառավարության այսօրվա նիստից հետո առողջապահության նախարար Անահիտ Ավանեսյանը լրագրողների հետ ճեպազրույցի հնարավորությունն օգտագործեց «հրապարակավ պահանջ» ներկայացնելու համար:
Ռուս խաղաղապահների՝ Արցախում ավելի երկար մնալու հարցը ՀՀ բարձր ու բարձրագույն պաշտոն զբաղեցնող ՀՀ յուրաքանչյուր ոք քննարկել է իր ռուս գործընկերոջ հետ: Այս մասին այսօր կառավարության նիստի ավարտից հետո հայտնեց Անվտանգության խորհրդի քարտուղար Արմեն Գրիգորյանը:
Կառավարության այսօրվա նիստում «Կոշ» և «Հրազդան» ՔԿՀ-ների գործունեության դադարեցման վերաբերյալ հարցի քննարկման ժամանակ Նիկոլ Փաշինյանը, որպես քաղաքական արձանագրում նշելով այժմ ՀՀ-ում կալանավորված ու դատապարտված անձանց պատմական մինիմումը, անդրադարձավ նաև ՔՀԿ-ների պայմաններին:
Կառավարությունն այսօր հավանություն տվեց «Կոշ» և «Հրազդան» ՔԿՀ-ների գործունեության դադարեցման վերաբերյալ հարցին: Հարցի զեկուցման ընթացքում արդարադատության նախարար Կարեն Անդրեասյանը նշեց, թե այս նախագծով 2022թ. կխնայեն 1 մլրդ 200 մլն դրամ ու այս նախագծով կարևոր սկիզբ է դրվում քրեակատարողական համակարգի հետագա բարելավման, հետագա ռեֆորմների համար: Անդրեասյանի խոսքով՝ բեռնաթափվել են ՔԿՀ-ները, ու հիմա 2113 կալանավոր և դատապարտյալ կա երկրում:
Կառավարության այսօրվա նիստը մեկնարկեց երկրում կորոնավիրուսային իրավիճակի քննարկմամբ: Նախ Նիկոլ Փաշինյանը հայտնեց, թե նոր տիպի կորոնավիրուսի հետ կապված համաճարակային վիճակը ՀՀ-ում ծայրահեղ լարված է, ապա լսեց առողջապահության նախարարի ներկայացրած տվյալները՝ երեկ գրանցված քովիդ վարակվածների, հոսպիտալացվածների վերաբերյալ, այնուհետև անդրադարձավ իրավիճակի կառավարման իրենց ռազմավարական պատկերացմանը, որը, ըստ էության, դիմակների կրման պայմանները խստացնելն ու պատվաստումների ծավալների ընդլայնումն է:
«Ո՞ր սահմանն է ՀՀ-ն օգտագործում այս պահին՝ ֆիքսելու համար Հայաստանի պետական սահմանը»,- հարց ուղղեց ԱԺ «Հայաստան» խմբակցության պատգամավոր Արթուր Ղազինյանը՝ ԱԺ-կառավարության հարցուպատասխանի ընթացքում դիմելով հենց Նիկոլ Փաշինյանին:
«Պատերազմ է եղել, մենք պարտվել ենք՝ աղետալի ողբերգական հետևանքներով: Արցախի Հանրապետության տարածքի 72%-ը բռնազավթվել է, Ադրբեջանը մտել է Հայաստան: Արցախի 28%-ի վրա հայկական իշխանություն է, իրականում ավելի ստույգ՝ ռուս խաղաղապահների իշխանություն: Սրանք փաստերի արձանագրումներ են»,- ԱԺ-կառավարություն հարցուպատասխանի ընթացքում իր հարցի նախաբանն այսպես սկսեց ԱԺ «Հայաստան» խմբակցության պատգամավոր Աղվան Վարդանյանը:
ԱԺ-Կառավարություն հարցուպատասխանի ընթացքում ԱԺ «Քաղաքացիական պայմանագիր» խմբակցության պատգամավոր Սոնա Ղազարյանն արտաքին գործերի նախարար Արարատ Միրզոյանին խնդրեց պարզաբանել մամուլում տարածված այն լուրերի մասին տեղեկությունները, որ նոյեմբերի 9-ին նախատեսվում է հանդիպում ՀՀ վարչապետի և Ադրբեջանի նախագահի միջև, որ Մոսկվայում նախատեսվում է փաստաթղթերի ստորագրում, որոնք վերաբերելու են դեմարկացիային և դելիմիտացիային, ինչպես նաև կոմունիկացիաներին:
