Ըստ Գալստյանի՝ Փաշինյանն ունի անձնական խանգարում. նրա մոտ առկա է հիստերոիդ խանգարում, իսկ խանգարման այդ տեսակն ունեցող մարդիկ իրենց և մյուսներին կարող են կործանել՝ ինչ-որ բաների համար, որոնք կարող են իրենց համար լինել սկզբունքային։
«Վերահսկող մարմինները, մասնավորապես՝ դատախազությունը, լծված են միայն այս իշխանությունների անօրինական գործունեությունը մեկ օրով երկարացնելու գործին: Մենք տեսնում ենք դա ամեն օր, և եթե բոլոր պաշտոնյաներն իրենց տեղում լինեին և վերջապես գիտակցեին, որ նվիրվում են ոչ թե անձին, այլ հայրենիքին, պետությանը, որ պետական աշխատողը ոչ թե սեղանի շուրջ մեկին երդում տված իր առաքելությանն է հետևում, այլ պիտի հասկանա, որ ինքը պաշտոնյա է և ունի առաքելություն և պատասխանատվություն հասարակության, ժողովրդի և հարկատուների առաջ: Ցավոք սրտի, մեր պաշտոնյաների մի մեծ զանգված դա կամ չի հասկանում, կամ նրանց ձեռնտու չէ դա հասկանալ»,- ասաց Սեդրակ Ասատրյանը:
«Եթե սկսել են հավաքել նրանց, ովքեր հայհոյում են, ապա ոստիկանության շենքերը չեն հերիքի, և այդքան երկար պետք չէր փնտրել՝ հայհոյողների ալիքը սկսել է հենց պրոիշխանական թևը»,- 168TV-ի «Ռեվյու» հաղորդման ընթացքում, անդրադառնալով ընդդիմադիր գործիչների ձերբակալություններին, ասաց Մարդու իրավունքների առաջին պաշտպան Լարիսա Ալավերդյանը:
«Իհարկե, նա՝ Փաշինյանը, ինքնակամ չի հեռանալու, բայց նրան հասցնելու են այն վիճակին, որ կանգնի դատարանի առաջ։ Փաշինյանին պետք է խեղդի այդ 5000 զոհի արյունը, իսկ Շիրակի մարզի այն խեղճ մարդկանց հետ կատարվածի համար, երբ տեքստեր էին տվել ու կանգնեցրել նրանց Փաշինյանի առաջ, ներում չի լինելու Փաշինյանին»,- ասաց Եսայանը։
«Հանդիպման վերջում Տաթևիկ Ռևազյանն ասաց՝ գնացեք և մրցակցեք «Աերոֆլոտ»-ի հետ, ես էլ պատասխանեցի՝ դա նույնն է, որ ասեք՝ «Փյունիկ»-ը գնա՝ «Մանչեսթեր-Յունայթեդ»-ի հետ ֆուտբոլ խաղա, արդյունքը պարզ չէ՞ ձեզ համար: Ասաց՝ ես նշանակված եմ այս պաշտոնին նրա համար, որպեսզի պետության շահերը պաշտպանեմ, և այդ շահերն ասում են, որ ավիացիան կոմերցիոն ոլորտ է»,- ասաց ավիացիոն փորձագետը:
«Մեր գեներալները մոռանում են, որ հայ ժողովուրդն այս 5000 զինվորին վստահել է իրենց, մեդալներն են հիմա շատացրել, աստղերն են շատացրել։ Արցախյան առաջին պատերազմի ժամանակ, երբ այդ տարածքներն ազատագրեցինք՝ այդքան հերոսներ չունեցանք, որքան հիմա, երբ այդ տարածքները տվեցին։ Գեներալների այդ աստղերի տակ պետք է լինեն սպայի բարոյական կերպար ունեցողներ, ինչը, ցավոք սրտի, չկա։ Ինչո՞ւ են լռում հիմա, որովհետև շատ-շատերը թռիչքով գեներալական ուսադիրներ ստացան, ու շատ բան նրանց համար փոխվեց»,- ասաց նա։
«Ես եղել եմ, կամ և մնալու եմ «ոչ մի թիզ հող» սկզբունքի կրողը. Շատ երկար կարող եմ հիմնավորել, թե ինչու պետք է հենց այդ սկզբունքն ընկած լիներ և ընկած լինի մեր քաղաքական ստրատեգիան կազմակերպելիս, բայց ուզում եմ ընդգծել հետևյալը. Նախ՝ այս աղետի ֆոնին կազանյան փաստաթուղթը, իհարկե, համեմատելի չէ այս իրականության հետ՝ տարածքային առումով ավելին էր լինելու Արցախը և ունենալու էր երաշխավորված կարգավիճակ: Ըստ էության, Սերժ Սարգսյանը շատ հստակ ասում է հետևյալը՝ մնում էի, որպեսզի այս աղետը չպատուհասեր»,- 168TV-ի «Ռեվյու» հաղորդման ընթացքում ասաց ռազմական փորձագետ Դավիթ Ջամալյանը՝ անդրադառնալով ՀՀ երրորդ նախագահ Սերժ Սարգսյանի հարցազրույցին:
«Ուստի պետք է մշակվի և ներկայացվի նոր պետական բյուջե, որովհետև 2021 թվականի բյուջեն իրականության հետ կապ չունի, ընդունվել է խախտումներով նաև. օրինակ՝ 342 միլիարդ դրամի դեֆիցիտ է նախատեսված, իսկ ՀՆԱ-ի կանխատեսումը՝ 7.1 տրիլիոն դրամի, 2020-ի համեմատ պակաս է 10 տոկոսով, կազմում է 6.4 տրիլիոն դրամ։ Սա հսկայական տարբերություն է, և որպեսզի 2021 թվականի բյուջեն ենթարկվի փոփոխության, պետք է լինեն ծրագրեր, մշակվի երկարաժամկետ ռազմավարություն, բացի այդ, պետք է այն համապատասխանեցվի Կառավարության ծրագրին։ Մենք պետք է հասկանանք, որ մեզ պետք են արտահանման, արդյունաբերական գոտիների խթանման և այլ միջոցառումների անհրաժեշտություն, որոնք հիմք են հանդիսանալու հետագա զարգացման համար»,- ասաց նա։
«Պարոն նախագահը նշեց, որ ստանալու էինք կարգավիճակ, իսկ այն, ինչ գրել է Ռուբինյանը, իրականությանը չի համապատասխանում: Նա քիչ է՝ չի պատկերացնում արցախյան լուծման ձևերը և ընդհանրապես, արցախյան հիմնախնդրի պատմությունը, իհարկե, չտարբերվելով իր գերագույն գլխավոր դավաճանից, իրենք այդ մակարդակներում հավասար, են, բայց որ իրենք այնքան են իրար խառնվել նախագահ Սարգսյանի հարցազրույցից, որ փորձել են միանգամից բովանդակազուրկ սուտ ներկայացնելով՝ այդ տեղեկատվությունը՝ ինչ-որ կերպ փրկել իրենց դեմքը, բայց դա չի հաջողվել: Ես վստահ եմ, որ ՄԽ համանախագահները, դրսում մեր բարեկամները, ինչպեսև մեր թշնամիները, հետևել են նախագահ Սարգսյանի խոսքին, և չեմ կարծում, որ այնքան բարի կգտնվեին նախագահի նկատմամբ, որ եթե որևիցե նախադասություն ասվեր ոչ ճիշտ կամ ձևակերպվեր մեզ համար ձեռնտու տեսանկյունից՝ որևիցե մեկը կխղճար մեզ»:
168 TV-ի «Ռեվյու» հաղորդաշարի եթերում «Հայրենիք» կուսակցության խորհրդի անդամ Խաչիկ Գալստյանը, անդրադառնալով Երրորդ նախագահի հարցազրույցի կարևոր շեշտադրումներին, նշեց, որ իր համոզմամբ՝ արված դիտարկումներն ու պարզաբանումները Արցախի բանակցային գործընթացի վերաբերյալ խիստ նպաստավոր են, քար են ծակելու՝ համատարած հիասթափությամբ ապրող հասարակական որոշ շերտերի մոտ ձևավորելով հստակ դիրքորոշում։
Հեղինակավոր կինոհեռարձակող Netflix-ին հետաքրքրել է Հայաստանի ստարտափ էկոհամակարգի մասին պատմող 10-12 մասից բաղկացած ֆիլմի գաղափարը: Ընկերությանը պետք է ուղարկվի առաջին սերիան, որը հավանելու դեպքում կորոշվի համագործակցության ձևաչափը:
«Կառավարությունն է այդ հարցը որոշում, ինքն էլ պետք է պատասխան տա։ Մենք ասում ենք՝ գիտությունը փրկօղակ գցելու հրատապ կարիք ունի»։
168TV-ի «Ռեվյու» հաղորդման շրջանակում զրուցել ենք վերլուծաբան Արգիշտի Կիվիրյանի հետ:
Տեսեք՝ ես անձամբ մասնակցել եմ պատերազմական գործողություններին, ու այն ուղղությամբ, որում մասնակցել եմ, զորամասը, ցավոք, մնաց թշնամու տիրապետության տակ: Այն ամբողջ թղթաբանությունը, որը կարող էր հավաստել, որ ես եղել եմ այս մարտական գործողությունների մասնակից, մնաց զորամասի տարածքում կամ ընթացքում վերացվեց: Հիմա արդյո՞ք արդար պատասխան է ինձ ու իմ նման կարգավիճակ ունեցող մարդկանց հանդեպ, երբ չկա հավաստող փաստաթուղթ, ինչի հիման վրա զինվորական գրքույկում նշում չի լինի, ինչը նաև հետագայում արտոնություններ չի տա: Ես հուսով եմ, որ այդ հարցը կկարգավորվի, որովհետև տվյալ զորամասի ղեկավար կազմը նվիրված աշխատանքներ է կատարում»:
«Այսինքն՝ կապիտուլյացիա ստորագրած իշխանությունը գնացել է, եկել է միջանկյալ իշխանություն, որը կարճ ժամկետում ձևավորել է իշխանություն: Գալով Հայաստանի իշխանությանը՝ ես կարծում եմ, որ ընդհանրապես, Ադրբեջանը մեր իշխանությանը վերաբերվում է՝ որպես պարտված իշխանության, սա շատ կարևոր հանգամանք է, և օրինակ՝ Ալիևի խոսելաձևը, մեր իշխանության նկատմամբ նրա լկտի պահվածքը բերում է նրան, որ նա փորձում է հոգեբանական ճնշումներ բանեցնել: Պետք է ասեմ, որ դա ստացվում է. Չգիտեմ՝ մեր իշխանության վրա դա ազդո՞ւմ է, թե՞ ոչ, բայց գոնե մեզ վրա դա զգացվում է»:
«Դասարան» կրթական ծրագրի հիմնադիր, կրթության փորձագետ Սուրեն Ալոյանը վստահեցնում է՝ մեր կրթական համակարգն ամբողջությամբ պետք է փոխվի, այն որդեգրել ենք Սովետական Միությունից, որտեղ կրթական համակարգը ծառայում էր այդ ժամանակվա մարտահրավերներին, բայց քանի որ այդ պետությունն այլևս չկա, ու փոխվել են մարտահրավերները, բայց ոչ կրթական համակարգը, ուստի այդ համակարգն այլևս չի սպասարկում մեր պետության շահը։
Ազգային ժողովի «Լուսավոր Հայաստան» խմբակցությունը շարունակում է պնդել՝ պարտության սիմվոլ Նիկոլ Փաշինյանը պետք է հեռանա, և երբ խորհրդարանում Կառավարություն-Ազգային ժողով հարցուպատասխանի ժամանակ բարձրաձայնում է այլ խնդիրներ, դա դեռ չի նշանակում, որ հրաժարվել է իր առաջնային պահանջից՝ Փաշինյանի հրաժարականից։ 168 TV-ի «Ռեվյու» հաղորդաշարի եթերում, խոսելով պատերազմի ավարտից հետո կապիտուլյանտ իշխանության պաշտոնավարման պատճառների մասին, ասաց «Լուսավոր Հայաստան» խմբակցության պատգամավոր Ստեփան Ստեփանյանը։
«Փաշինյանի բոլոր քաղաքական որոշումները սպասարկում են իր հույզերը՝ վախ, վրեժ, չարություն և այսպես շարունակ: Այսինքն՝ իշխանությունից զրկվելու վախը, բնականաբար, Փաշինյանին պետք է ստիպեր, որ ինքը չգնա արտահերթ խորհրդարանական ընտրությունների, որովհետև ինքը չունի վստահություն, չունի այն թիմը, որը պետք է կարողանա Փաշինյանի համար ձայներ ապահովել»,- 168TV-ի «Ռեվյու» հաղորդման ընթացքում ասաց նա:
«Այս պահին մենք ունենք 520 կիլոմետրանոց բաց սահման, ունենք խնդիրներ՝ կապված բանակի համալրման հետ, ունենք անորոշ կարգավիճակով Արցախի Հանրապետություն, ունենք հսկայական կորուստներ, առաջին հերթին, մարդկային կորուստներ, տարածքային կորուստներ, և չմոռանանք այն հոգեբանական վիճակը, որում հայտնվել է հայ ժողովուրդն այս պարտության հետևանքով»,- ասաց պատգամավորը:
«Ինձ համար անակնկալ չէր, որ Լիլիթ Թադևոսյանը նախաձեռնում է ընտրվել՝ որպես Վճռաբեկ դատարանի նախագահ, քանի որ նա 3 տարի գնում էր հենց այս նպատակին: Նրա դրսևորած վարքագիծը, կոնկրետ նրա ցուցաբերած, ինչո՞ւ չէ, նաև կողմնակալ մոտեցումը դրան էր տանում: Փաստորեն, Լիլիթ Թադևոսյանը խոսում է դատական համակարգի անկախության մասին այն դեպքում, երբ նա հանդիպումներ է ունենում Նիկոլ Փաշինյանի հետ ու քննարկում կոնկրետ գործեր»
«Սրանով ֆեյք նյուզի հարցը ոչ թե կարգավորվում է, այլ սրանով ցողունային բջիջներ են ներարկվում ֆեյք նյուզին, որովհետև սրանով այն արտոնվում է: Այս նախագիծն այնքան անգրագետ է գրված, որ ընդհանրապես չի հետապնդում այն նպատակը, որը ներկայացված է հիմնավորման մեջ, այլ լրիվ հակառակն է»,- 168TV-ի «Ռեվյու» հաղորդման ընթացքում ասաց իրավաբան Ռոբերտ Հայրապետյանը՝ անդրադառնալով իշխանական պատգամավորների ներկայացրած «Զանգվածային լրատվության մասին» ՀՀ օրենքում փոփոխություններ ու լրացումներ կատարելու մասին նոր նախագծին, որով ԶԼՄ-ներին արգելելու են հղում կատարել անանուն աղբյուրներին:
Խոսելով Արցախի պարտության վերաբերյալ՝ բանակից, հրամկազմից ու գեներալիտետից հանրության սպասումների մասին՝ Սայաթ Շիրինյանն ընդգծեց, որ որևէ սպասում պետք չէ նրանցից ունենալ, որովհետև մենք, ցավոք սրտի, չունեցանք զինվորական էլիտա։
«Մեկ Հայաստան» կուսակցության համահիմնադիր Վլադիմիր Մարտիրոսյանը 168 ТV-ի «Ռեվյու» հաղորդաշարի եթերում անդրադառնալով ներքաղաքական զարգացումներին՝ վստահեցրեց՝ Նիկոլ Փաշինյանը Հայաստանում փաստացի իշխանություն չունի, այդ պատճառով փորձում է թողնել տպավորություն, թե բնականոն աշխատում է՝ իհարկե, փորձելով նաև Արցախի կորստի հարցը դարձնել երկրորդական և դրա փոխարեն քաղաքական օրակարգ ներբեռնել այնպիսի հարցեր, որոնք, ընդդիմության կարծիքով՝ առաջնահերթ չեն։ Այս ամենին ի պատասխան՝ ընդդիմությունն անում է ամեն ինչ, որպեսզի փաստացի Արցախը կորցրած և երկրի անվտանգային համակարգը փլուզած իշխանությունը կրի պատասխանատվություն։
«Կարող են լինել զինված խմբեր, ո՞նց են բացառելու, որ նրանց մոտ եղած զենքը կրակի։ Ինչ է՝ գիտակցված գնում են ռիսկի՝ ունենալով հավանականություն, որ այդ զենքը կարող է կրակե՞լ։ Մյուս կողմից՝ Փաշինյանը գնում է ամեն ինչի՝ իշխանությունը պահպանելու համար, ու չեմ պատկերացնում՝ արդյո՞ք պատկերացնում է, որ կարող է լինել քաղաքացիական բախում։ Բազմաթիվ մարդիկ, պատգամավորներ, կարծում եմ՝ չեն համաձայնի նրա հետ նույն ցուցակով գնալ ընտրությունների, խնդիր ունեն անվտանգության, չէ՞ որ, երբ երկրի վարչապետի թիկնապահների քանակն ամեն օր ավելանում է, ինչպե՞ս կարող են այդ ցուցակով ընտրության գնացողներն անվտանգության խնդիր չունենալ, իսկ ընտրությունների գնալով՝ Փաշինյանը փորձելու է լեգիտիմացնել այս պատերազմում իր պարտությունը»,- ասաց Աննա Գրիգորյանը։
«Գանգատը հիմնականում վերաբերում է վերջին պատերազմի ընթացքում տեղի ունեցած խախտումներին, թե ռազմական գործողությունների ակտիվ փուլին, թե այն ամենին, ինչ տեղի է ունեցել նոյեմբերի 10-ից հետո, և, բնականաբար, այնտեղ խոսքը մի խումբ իրավունքների ոտնահարման մասին է՝ կյանքի իրավունք, խոշտանգումների արգելք, գույքային իրավունքներ և այլն: Այսինքն՝ բովանդակային առումով սա պատերազմի ընթացքի ու արդյունքների հետ կապված պահանջատիրության գործընթաց է»,- 168.am-ի «Ռեվյու» հաղորդաշարի եթերում ասաց փաստաբան, միջազգային իրավունքի մասնագետ Լևոն Գևորգյանը՝ խոսելով Մարդու իրավունքների եվրոպական դատարան (ՄԻԵԴ) Ադրբեջանի դեմ Հայաստանի Հանրապետության ներկայացրած միջպետական գանգատի մասին:
«Այս հարցն այս Կառավարությանը չէի վստահի, որովհետև եկել եմ այն համոզման, որ այս Կառավարությունը անվտանգության խնդիրները լուծելու իրավասություն չունի։ Մեզ պետք է այլ տիպի Կառավարություն, որը իսկապես անվտանգային խնդիր կլուծի, ոչ թե զորքը ետ կքաշի Շուռնուխ ու կասի, թե ադրբեջանցիները մեզ էլ ձեռք չեն տա։ Մեզ անհրաժեշտ է նաև, որ մեր ռազմական մասնագետները կրթություն ստանան այնպիսի բուհերում, որտեղ սովորեցնում են, թե ինչպես պետք է կազմակերպել հակաօդային էշելոնացված համակարգ, որովհետև որպեսզի հաջորդ պատերազմում չպարտվենք օդում, մեզ պետք է էշելոնացված պաշտպանություն։ Մեզ պետք են լավագույն ռազմական մասնագետները, որոնց պետք է ընտրենք՝ ինչպես մեր երկրից, այնպես էլ հրավիրենք դրսից՝ արդիական, ժամանակակից բանակ ունենալու համար»։
Ազգային ժողովի «Իմ քայլը» խմբակցության ղեկավար Լիլիթ Մակունցն այսօր խորհրդարանում ընդդիմադիրներին կոչ էր անում տագնապի զգացողություններ չտարածել բնակչության շրջանում՝ հավելելով՝ եթե ցանկանում են իմանալ, թե ի՞նչ է անում իշխանությունը, պետք է նայել և տեսնել, որ իշխանությունն աշխատում է, մշակում սոցիալական աջակցության ծրագրեր։
«Աշխարհի ցանկացած հատվածում, նաև՝ Հայաստանում, տարբեր իշխանություններ են եղել, տարբեր խոստումներ են տվել, որոնք իրականացվել են, մասամբ են իրականացվել կամ չեն իրականացվել. ՀՀ ներկայիս իշխանությունները, երևի, միակն են պատմության մեջ, որ անում են ճիշտ հակառակը՝ ինչ խոստացել են»,- 168TV-ի «Ռեվյու» հաղորդման ընթացքում ասաց Ադրբեջանի հարցերով փորձագետ Արմինե Ադիբեկյանը՝ ընդգծելով, որ երբ իշխանություններն ասում են՝ պետք չէ վախենալ թուրք-ադրբեջանական զորավարժություններից, ուրեմն՝ պետք է վախենալ:
Երեկ Ազգայի ժողովի գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովը կազմակերպել էր «Գիտությունը՝ որպես անվտանգության և զարգացման հենասյուն» թեմայով խորհրդարանական լսումներ, որի ընթացքում «Ռոբոմարթ» ընկերության տեխնոլոգիական տնօրեն Տիգրան Շահվերդյանն իր ելույթում նշեց, որ մինչև 2025 թվականը ՀՀ-ում գիտություն գրեթե չի լինելու, գիտության վիճակն իսկապես աղետալի է, և անկախ նրանից, թե որոնք են ստեղծված իրավիճակի պատճառները, պետք է հստակ ընդգծել, որ գիտությունն այդ վիճակից դուրս բերելու համար նախևառաջ պետք է ավելացնել գիտության ֆինանսավորումը։
«Նման գործընթացներ այսօր աշխարհի տարբեր երկրներում մենք սկսում ենք՝ եվրոպականից սկսած, հարավամերիկյանով վերջացրած: Որ եթե ադրբեջանցի այդ զինվորականները կամ քաղաքական գործիչները գնան այդ երկրներ, գործընթացը աշխատի»,- ասաց Տարոն Սիմոնյանը՝ շեշտելով, որ իր ընկերներից, բարեկամներից ու ուսանողներից շատերին ադրբեջանցիները սպանել են նաև խեղման ու խոշտանգումների ճանապարհով, և ինքը դա չի կարող մոռանալ:
