«Տխրահռչակ խաղաղության պայմանագրին կամ կապիտուլյացիոն համապարփակ ակտին, ըստ էության, մենք ծանոթ ենք, որովհետև հաշվի առնելով իշխանության հայտարարությունները, որ այն 5 նախապայմանները, որ թուրք-ադրբեջանական տեռորիստական ոհմակը մեր առջև դրել է, անընդունելի չեն: Դա նշանակում է, որ այդ փաստաթուղթը իրենք համարում են մի գործընթաց, որը Հայաստանին սպառնացող վտանգները կչեզոքացնի: Բայց այստեղ ստիպված եմ փաստել ՀՀ իշխանությունների ոչ ադեկվատ թե՛ գործընթացների ընկալումը, թե՛ վերլուծումն ու հետևություններ անելը»,- 168TV-ի «Ռեվյու» հաղորդման ընթացքում ասաց ԲՀԿ քաղխորհրդի անդամ, քաղաքական վերլուծաբան Արման Աբովյանը:
Մարտի 27-ին Վեդի խոշորացված համայնքում անցկացվեցին ՏԻՄ ընտրություններ, արդյունքում՝ իշխող «Քաղաքացիական պայմանագիր» կուսակցությունը հաղթեց՝ ստանալով քվեարկողների 56,2 տոկոսի կողմ ձայները, իսկ ընդդիմությունը՝ 41,5 տոկոսը։ 168 TV-ի «Ռեվյու» հաղորդաշարի եթերում Հանրապետական կուսակցության խորհրդի անդամ Լևոն Նազարյանը իշխանության հաղթանակի մասին խոսելիս ուշադրություն հրավիրեց այն հանգամանքի վրա, որ ընդդիմությունը զիջել է 10-15 տոկոսով, ինչը փաստում է՝ այս իշխանության […]
«Սա նշանակում է, որ միշտ մտավորականները եղել են քաղաքական ակտիվիստներ, ի՞նչն է ձեզ խանգարում խոսել այսօր, երբ մենք վերջերս ունեցանք մի քիչ ավելի փոքր ցեղասպանություն, որովհետև 2020թ. պատերազմին 5000-ից ավելի տղաներ զոհվեցին: Այսինքն՝ երբ ասում եք, որ մենք քաղաքականությամբ չենք զբաղվում, դա պատճառ չի կարող լինել, երբ խոսքը հայրենիքի մասին է: Ի՞նչն էր պատճառը, որ նախկինում մասնակցում էիք 150 դրամների, էլեկտրիկ Երևան և մյուս ակցիաներին, բայց երբ խոսքը հայրենիքի մասին է, երբ հիմա պետք է խոսել, լուռ եք»:
Արցախում, կարելի է ասել, ճգնաժամը հաղթահարված է. Փարուխ գյուղում չկան ադրբեջանցիներ. նրանք գտնվում են Քարագլխի մի հատվածում և շրջափակման մեջ են, ուստի հիմա Ադրբեջանը պետք է մտածի, թե ինչպես իր զորքը դուրս բերի մեր տարածքից։
«Եթե Արցախում կարողանանք ապահովել կայուն, անխափան, կանխատեսելի, թափանցիկ զբոսաշրջություն, և՛ տնտեսական, և՛ հումանիտար, և՛ մշակութային ժառանգության պահպանության հարցերի լուծմանը կնպաստենք: Որքանով էլ շատերը փորձեն աշխարհին այլ կերպ ներկայացնել, փորձեն բնաջնջել, չի հաջողվելու, որովհետև այնտեղ լինելու է զբոսաշրջություն: Նաև՝ քաղաքական լուրջ խնդիր կլուծվի՝ մենք այնտեղ ունենք ռուսական խաղաղապահ կոնտինգենտ. Արցախում զբոսաշրջությունը խաղաղապահ ուժերի գործունեության հայելին է»։
«Սերժ Սարգսյանի կառավարման շրջանում Իլհամ Ալիևը 2016թ. հոկտեմբերի 7-ին ասում էր՝ փակ դռների հետևում ինձ ստիպում են ճանաչել Արցախի անկախությունը, իսկ Նիկոլի կառավարման շրջանում նույնիսկ Նիկոլը չի խոսում Արցախի անկախությունից: Սերժի ժամանակ նույնիսկ Ալիևն էր խոսում Արցախի անկախությունից, Նիկոլի ժամանակ անգամ Նիկոլը չի խոսում, ոչ էլ՝ ՔՊ-ն, ինչի՞ մասին է խոսում»:
Մարտի 25-ի կեսօրից Ադրբեջանի ԶՈւ ստորաբաժանումները, շարունակելով հրադադարի ռեժիմի կոպտագույն խախտումները, բացի հրաձգային զինատեսակներից, կիրառում են նաև հարվածային անօդաչու թռչող սարքեր, այդ թվում՝ նաև «Bayraktar TB-2» տիպի: Հակառակորդի գործողությունների հետևանքով հայկական կողմից կան զոհեր և վիրավորներ, թվերը ճշտվում էին:
Այս գործով շատ տարօրինակ գործողություններ են կատարվում: Հասկանալի է, որ հնչեղ քաղաքական գործ է, մեղադրանքներն էլ հատուկ քաղաքական մեղադրանքներ են, և այն անձինք, որոնք հետապնդվում են, տվյալ պարագայում քաղաքական հետապնդման են ենթարկվում: Այս մասին 168.am-ի «Ռեվյու» հաղորդաշարի հերթական թողարկման ընթացքում ասաց փաստաբան Լուսինե Սահակյանը՝ անդրադառնալով «Սիլվայի ենթադրյալ կաշառքի» գործով մեղադրյալ իր պաշտպանյալի՝ նախկին փոխվարչապետ, այժմ Ազգային ժողովի (ԱԺ) «Հայաստան» խմբակցության պատգամավոր Արմեն Գևորգյանի նկատմամբ նախագահող դատավոր Աննա Դանիբեկյանի իրականացրած գործողություններին:
«Արցախը հայաթափելով՝ իրենք կլուծեն Արցախի հարցը: Այս պահին որոշակի կապ տեսնում եմ ռուս-ուկրաինական պատերազմի հետ, քանի որ որքան երկարեց ռուս-ուկրաինական պատերազմը, այնքան Արցախում ակտիվացավ թշնամին: Ադրբեջանը փորձելու է օգտվել Ռուսաստանի զբաղվածությունից և այստեղ իր գործողություններն իրականացնել, իր պայմանները թելադրել խաղաղապահ ուժերին, որպեսզի իր պայմաններով գործեն»:
Հարցին՝ իշխանությունները չե՞ն հասկացել, որ Արցախի մի մասը զիջելով՝ խաղաղության չեն հասնում, ինչո՞ւ են շարունակում զիջումների գնալ, նա պատասխանեց. «Կարծում եմ՝ վախենում են, մյուս կողմից՝ ձևացնում են, թե իբր հավատում են Ադրբեջանի և Թուրքիայի իշխանությունների տված խոստումներին: Ինչո՞ւ եմ ասում՝ ձևացնում են, որովհետև համոզված եմ՝ իրենք էլ գիտեն, որ նրանք խաբելու են, բայց իրենց վախերը, չհակաճառելու վախկոտությունը փորձում են արդարացնել նրանով, որ հավատում են, թե խաղաղության դարաշրջան է լինելու»:
Եթե օրգանիզմը հակված է հիվանդությանը, եթե օրգանիզմում կա մուտացիա, ապա, ցավոք սրտի, կանխարգելելը բարդ է, շատ կարևոր է այն ժամանակին հայտնաբերել, դրա համար անպայման խորհուրդ եմ տալիս մեր ազգաբնակչությանը, որպեսզի պարբերաբար դիմեն պոլիկլինիկաների իրենց բժիշկներին և անցնեն արյան ընդհանուր քննություն: Որևիցե գանգատի ի հայտ գալու դեպքում, ինչպես արդեն նշեցի՝ կապտուկներ, փոքրիկ բծեր՝ մաշկի վրա, մեծացած ավշային հանգույցները, իմունիտետի թուլանալը և շատ հաճախ ինֆեկցիաների հակվածությունը, նմանատիպ դեպքերում անպայման պետք է դիմել բժշկի, որպեսզի կատարվեն այն մինիմալ հետազոտությունները, որոնք անհրաժեշտ են, մասնավորապես՝ արյան ընդհանուր քննությունը կարող է մեծ պատկերացում տալ:
Գրին քարտի խաղարկության օրերին ֆեյսբուքյան իր էջում Արա Ղազարյանը գրել էր. «Հետաքրքիր է, «ապագա» ընտրածների քանի՞ տոկոսն ա գրին քարտի խաղարկության հայտ ներկայացրել… Ասում են, այս տարի ՀՀ-ից խաղարկության մասնակիցների թիվը չտեսնված շատ ա եղել… Իսկ Մեքսիկայից՝ ԱՄՆ անօրինական ճանապարհով հայերի հոսքն աննախադեպից թևակոխել է «աննախադեպ-լեվլ գադ» աստիճանի… Դե «Սադախլոի սումկեքով» one way ticket-ով դեպի ռուսաստաններ մեկնողների մասին էլ չասեմ…»:
«Նախ՝ չէի ցանկանա գնահատականներ տալ, որովհետև այդ իրողություններին, որոնք նշում եք, ես ականատես եմ եղել, և չեմ պատկերացնում՝ մարդիկ այնքան մեծ դերասանական տաղանդ ունենային, որ կարողանային դա բեմադրել: Չեմ ուզում հավատալ նման ցածրորակ կամ ոչ քաղաքական մեկնաբանություններին, ուղղակի կասեմ, որ այդ հարցի հասցեատերը պարոն Մարուքյանն է, թերևս, իրեն պետք է հարցն ուղղել»,- ի պատասխան՝ ասաց Աննա Կոստանյանը:
«Ալիևն իր և իր հոր անունից խոստովանում է, որ 30 տարի Ադրբեջանը պարտված է եղել Հայաստանի նախկին իշխանություններին՝ Լևոն Տեր-Պետրոսյանին, Ռոբերտ Քոչարյանին և Սերժ Սարգսյանին։ Սա այն թեզն է, որի հակաթեզը 2018 թվականի իշխանափոխությունից հետո Նիկոլ Փաշինյանն ու նրա թիմը ներարկել է հասարակության մեջ՝ ասելով, որ մենք պարտվեցինք արցախյան 44-օրյա պատերազմում, որովհետև դրա պատճառն այն էր, որ մենք 30 տարի ամեն օր պարտվել ենք։ Փաշինյանի այն թեզը, որ 30 տարիների հանրագումարը 44-օրյա պատերազմի պարտության պատճառ է եղել, հերքեց հենց Ալիևը»:
«Կարող էին մերժել, բայց պարզ չէ, թե ինչ հետևանքներ կլինեին: Ըստ էության, փորձել են ԵԱՀԿ ՄԽ-ին դիմելով՝ որոշակի ժամանակ շահել, և իրենց պատկերացումներով ինչ-որ բան ակնկալում են թուրքական կողմից, որ գուցե Թուրքիայի հետ հարաբերությունների կարգավորման դեպքում հնարավոր լինի ավելի մեղմացուցիչ կետեր ստանալ: Թուրքիայից մշտապես ասում են, որ պետք է ընդունել Ադրբեջանի առաջարկած պայմանները»:
«Թուրքական և ադրրբեջանական խոսույթում հային դիմելու մի լոզունգ կա՝ «անպատիվ հայ»։ Հիմա, այն, ինչ անում է այս իշխանությունը, գալիս է ամրապնդելու հենց այդ տեսակետը, որովհետև, ինչպե՞ս կարող է հասարակությունը մեկ տարի անց մոռանալ 5000 զոհի և Արցախի մեծ մասի կորստի վիշտն ու այսպես ուժեղ տառապի Թուրքիայի հետ հարաբերություն հաստատելու ցանկությամբ»,- ասաց Մելքոնյանը՝ ընդգծելով՝ այս իշխանությունը գնում է կապիտուլյացիայի երկրորդ փուլի։
«Արդյո՞ք մենք վստահ ենք, որ Ռուսաստանը դուրս չի գալու նաև ԵԱՀԿ-ից, նմանատիպ գնահատականներ արդեն ռուսական քաղաքական-վերլուծական շրջանակներում կան: Եթե դուրս գան ԵԱՀԿ-ից, ԵԱՀԿ ՄԽ ձևաչափը կդադարի գոյություն ունենալ: Բացի այդ, օբյեկտիվ լինենք՝ ներկայիս իրավիճակում դժվար է պատկերացնել, որ հակամարտության մեջ գտնվող Ռուսաստանը, ԱՄՆ-ը, Ֆրանսիան կկարողանան ընդհանուր դիրքորոշում ձևավորել այս հարցի վերաբերյալ»,- 168TV-ի «Ռեվյու» հաղորդման ընթացքում ասաց քաղաքագետ Բենիամին Մաթևոսյանը:
Որպեսզի ռուս-ուկրաինական պատերազմի հետևանքով Հայաստան տեղափոխված քաղաքացիների համար մեր երկիրը դառնա հաբ և ոչ թե լոկ տրանզիտ անվտանգ տարածք, առավել ակտիվ պետք է լինի հատկապես մասնավոր հատվածը, որովհետև պետության մակարդակով տեսանելի ակտիվությունը կարող է Հայաստանին կանգնեցնել նաև որոշակի պատժամիջոցների առաջ։ 168 TV-ի «Ռեվյու» հաղորդաշարի եթերում նման տեսակետ հայտնեց «Վերադարձ Հայաստան» (Repat Armenia) հիմնադրամի համահիմնադիր և տնօրեն Վարդան Մարաշլյանը՝ շեշտելով.
«Ըստ մեղադրանքի՝ այն կարծես թե կապ չունի Առուշ Առուշանյանին առաջադրված մեղադրանքի հետ, սակայն Լուսինե Ավետյանի և այս գործով պաշտպանական թևի կարծիքով՝ սա լրացուցիչ ճնշում է տիկին Ավետյանի նկատմամբ: Նախաքննության ընթացքում Լուսինե Ավետյանը երկու անգամ արդարացնող բնույթի ցուցմունք է տվել Գորիսի համայնքապետ Առուշանյանի վերաբերյալ, որից հետո Ավետյանին կալանավորել են, ինչից հետո Լուսինե Ավետյանը փոխել է ցուցմունքը, և Առուշանյանը կալանավորվել է»,- 168.am-ի «Ռեվյու» հաղորդաշարի եթերում ասաց Քարահունջ համայնքի ղեկավար Լուսինե Ավետյանի պաշտպան Գայանե Պապոյանը՝ անդրադառնալով իր պաշտպանյալին նոր մեղադրանք առաջադրելուն:
Արցախում ճգնաժամային իրավիճակ առաջացնելուն զուգահեռ՝ Ադրբեջանը հրապարակայնացրեց Հայաստանի հետ խաղաղության պայմանագրի իր 5 սկզբունքները։ Թուրքիան իր հերթին՝ Հայաստանին հորդորում է ընդունել Ադրբեջանի պայմանները: ՀՀ ԱԳՆ-ն հայտարարում է, որ Հայաստանը պատասխանել է Ադրբեջանի պայմաններին և դիմել է ԵԱՀԿ Մինսկի խմբին՝ բանակցություններ կազմակերպելու խնդրանքով։
«Գնաճային աննախադեպ ճնշումներ կան, ուստի դրամական համակարգը ակտիվացնելու և սպառողական շուկան զսպելու համար Կենտրոնական բանկն անում է այն, ինչ պետք է անի։ Ուշագրավ է, որ աննախադեպ չափով այս անգամ բարձրացվեց վերաֆինանսավորման տոկոսադրույքը. նախկինում 0.25-ի փոխարեն՝ ունենք 1.25 տոկոս։
«Հայաստանի իշխանությունները դեռ պատերազմից առաջ, որքան հնարավոր է՝ ցինիկաբար հայտարարեցին, որ Արցախն իրենց չի ընտրել, իրենք Արցախի խնդիրների հետ կապված որևէ բանակցության մասնակցելու իրավունք չունեն: Դրանով նրանք արձակեցին թշնամու ձեռքերը՝ Արցախի հետ վերաբերվել այնպես, ինչպես վերաբերվեցին»,- 168TV-ի «Ռեվյու» հաղորդման ընթացքում ասաց գրականագետ Սերժ Սրապիոնյանը:
168 TV-ի «Ռեվյու» հաղորդաշարի եթերում, խոսելով Հայաստանի և Արցախի շուրջ ստեղծված իրավիճակի և, մասնավորապես, Ադրբեջանի ներկայացրած պահանջների մասին, «Արևելք» հետազոտական և վերլուծական կենտրոնի ղեկավար, պատմաբան Գևորգ Մելքոնյանը նշեց՝ իրադարձությունների շղթան իրեն հիշեցնում է 1917 թվականը, երբ ռուսական հեղափոխության պատճառով ռուսական զորքը հեռանում էր Կովկասից, ինչի հետևանքով առանց ռազմական ներուժի մնացած Հայաստանը խաղաղություն էր մուրում։
Անդրադառնալով ՀՀ նախագահ Վահագն Խաչատուրյանի այն հայտարարությանը, թե՝ հետո՞ ինչ, որ Ադրբեջանը կրակում է, իրենք չեն շեղվում իրենց ճանապարհից, Աղաբաբյանը հետևյալն ասաց. «Դա նշանակում է, որ՝ կարող եք էլի կրակել, մեզ համար դա խնդիր չէ, ինչքան կուզեք՝ կրակեք, կուզեք՝ սպանեք մեր զինծառայողին կամ խաղաղ բնակչին, մի թողեք, որ գյուղատնտեսական աշխատանքներ անենք, կրակեք, դուք ազատ եք, կանաչ լույս ենք տվել ձեզ: Դա հենց այդ է նշանակում, ուրիշ ոչ մի բան»:
«Գերիների խնդիրը լուրջ է, դեռևս առկախված է, բայց խնդրին չեն անդրադառնում, որովհետև մինչև այսօր գերիների վերադարձի խնդիրը պայմանավորված է եղել մի քանի կոմպոնենտով: Առաջին՝ գերիներ՝ քարտեզների դիմաց, այսինքն՝ ականապատված տարածքների քարտեզները ամբողջությամբ տրվել են Ադրբեջանին, դրա դիմաց վերադարձվել են գերիներ»,- 168TV-ի «Ռեվյու» հաղորդման ընթացքում ասաց իրավաբան Ռոբերտ Հայրապետյանը:
«Ադրբեջանը Երասխում, Արցախում ռազմական սադրանքների է դիմում մարտավարական կարևորագույն բարձունքներ զբաղեցնելու և Արցախի վերջնական հայաթափման նպատակով։ Այդ նպատակին է ծառայում նաև Հայաստանից դեպի Արցախ գազ ապահովող գազատարի պայթեցումն ու բարձրախոսով Արցախի հայկական գյուղերի բնակիչների ահաբեկումը»։
Ռուս-ուկրաինական հակամարտության հետևանքով վերջին երկու շաբաթների ընթացքում Ռուսաստանից, Ուկրաինայից և Բելառուսից դեպի Հայաստան քաղաքացիների ներհոսքը բավականին մեծ է: Թեև պաշտոնական վիճակագրություն այս պահին չկա, բայց բավական է հաշվել ամեն օր դեպի Հայաստան չվերթերի քանակն ու մոտավոր թվերի մասին պատկերացում կազմել, ուստի տրամաբանական էր, որ այդ ծավալի ներհոսքն իր ազդեցությունն է ունենալու անշարժ գույքի շուկայի վրա։
«Պոպուլիստական դրոշների վրա բարձրացված ցանկացած բարի նպատակ տանում է դժոխք. Հիմա այս մարդիկ հայտարարել են, որ իրենք աշխարհում առաջամարտիկներն են ծխի, աղի, հետագայում՝ նաև շաքարի և այլ վնասակար բաների: Հակածխախոտային օրենքն այս գործելաոճի վառ արտացոլումն է, թե ինչպես մի խումբ մարդիկ դրոշների վրա վերցրած հանրային առողջության գաղափարը, օրենքներ են ընդունում՝ երկիրը վերածելով տնտեսվարողների մի զանգվածի, որոնք առանց իրենց կամքի՝ մեղավոր են լինելու»:
«Իհարկե, ես հասկանում եմ, որ ավելի համակրելի կլինեմ, եթե ասեմ, որ խաղաղություն է լինելու, բայց ուզում եմ, որ քաղաքացիները համադրեն ու տեսնեն, որ զոհերի, գերիների, վիրավորների թիվն անշեղորեն աճում է. բա մեզ պե՞տք է էդպիսի խաղաղություն, չէ՞ որ Նիկոլի խաղաղությունը հենց դա է»,- ասաց պատգամավորը։
Նարեկ Մանթաշյանին տեղափոխեցին քաղաքացիական հիվանդանոց, բայց Քրեակատարողական ծառայությունն (ՔԿԾ) ամեն ինչ արեց, որ նա հրաժարվի քաղաքացիական հիվանդանոցում բուժվելուց: 8 հոգով հիվանդի կարգավիճակում գտնվող անձին հսկելը մեծ հոգեբանական ճնշում է ենթադրում, ու Նարեկ Մանթաշյանը գերադասեց վերադառնալ քրեակատարողական հիմնարկ (ՔԿՀ): Այս մասին 168.am-ի «Ռեվյու» հաղորդաշարի հերթական թողարկման ընթացքում ասաց «Կոնտրա Լեգեմ» փաստաբանական գրասենյակի հիմնադիր, փաստաբան, «Հայաստան» դաշինքի անդամ Նարեկ Մանթաշյանի պաշտպան Ալեքսանդր Կոչուբաևը:
