Ազգային ժողովի նիստը չի կայացել. պատգամավորները քվորում չեն ապահովել
Ազգային ժողովի մայիսի 27-ի նիստին անհրաժեշտ թվով պատգամավորներ չեն գրանցվել, նիստը չի կայացել։
ՀՀ ԱԺ նախագահի տեղակալ Հակոբ Արշակյանը տեղեկացրել է, որ «ԱԺ կանոնակարգ» սահմանադրական օրենքի 51-րդ հոդվածի 4-րդ մասի համաձայն՝ գրանցումը շարունակվում է մինչև անհրաժեշտ թվով պատգամավորների գրանցվելը, սակայն ոչ ավելի, քան 4 ժամ։
Նիստերի դահլիճում, բացի Հակոբ Արշակյանից, ներկա էին միայն պատգամավորներ Հովիկ Աղազարյանը և Հակոբ Ասլանյանը։
Հիշեցնենք, որ մայիսի 8-ից Հայաստանում մեկնարկել է հունիսի 7-ին կայանալիք խորհրդարանական ընտրությունների նախընտրական քարոզարշավը։ Խորհրդարանական երկու ուժեր՝ իշխող «Քաղաքացիական պայմանագիր» կուսակցությունն ու «Հայաստան» դաշինքը ևս առաջադրվել են առաջիկա ընտրություններում և քարոզարշավի ակտիվ փուլում են։
