Աշխարհ

Խոսելով ՌԴ շահերից, նա նշեց, թեր Արևմուտքում կամ մեկ այլ տեղում շատ քչերն են, որ պատրաստ են փորձել «այլ մեկի կոշիկը»։ Սոնդերսը նշեց, որ Արևմուտքում շատերն են հասկանում, որ Ռուսաստանն ունի սեփական հետաքրքրությունները, բայց չեն հասկանում, թե ինչու է Մոսկվան իրացնում իր շահերն այնպես, ինչպես նա դա ներկայումս է անում։

ՌԴ-ի դեմ եվրոպական պատժամիջոցները հարկավոր է պահպանել մինչև մինսկյան համաձայնագրերի լիարժեք կատարումը, կարծում են Գերմանիայի կանցլեր Անգելա Մերկելն ու Մեծ Բրիտանիայի վարչապետ Դևիդ Քեմերոնը:

Դամասկոսի արվարձաններից մեկում, որը մի ժամանակ գրավել էին ԴԱԻՇ-ի զինյալները, Սիրիայի կառավարական զորքերը պատերի տներին հայտնաբերել են գրություններ ռուսերենով ու արաբերենով՝ ուղղված Ռուսաստանի հասցեին, հայտնում է LifeNews-ը:

«2013 թվականին 10 կոնգրեսականներ գնացել են Բաքու ու այդ բոլոր ծախսերը հոգացել է Ադրբեջանը: Ամերիկայի օրենքներով արգելված է, որ կոնգրեսմենների ծախսերը հոգան պետական մարմինները: Դա չի հրապարակվել այն ժամանակ, բայց հիմա հրապարակվել է»,- նկատեց Լ. Ալավերդյանը՝ ըստ որի՝ կոնգրեսականների օրերս արած առաջարկը և այս տեղեկատվության հրապարակումը պատահական չեն:

ԴԱԻՇ-ի ահաբեկիչները պատանդ են վերցրել Իրաքի Քիրքուք նահանգի ավելի քան 200 բնակչի, որոնց մեղադրում են Իրաքի կառավարական ուժերի հետ համագործակցելու մեջ: Այս մասին հայտնում է իրանական Fars գործակալությունը:

Ռուսաստանը համաձայնել է մասնակցել ԱՄՆ-ի հետ Սիրիայի օդային տարածքի անվտանգության բանակցություններին, հայտնել է Պենտագոնը:

Համացանցում հայտնվել է սիրիացի փախստականների մասնակցությամբ տեսանյութ, որտեղ նկարագրվում է փախստականների կյանքի դժվարությունները, այդ թվում՝ նրանց ինտիմ խնդիրները, հայտնում է LifeNews-ը:

Ռուսաստանի պահուստային հիմնադրամների միջոցները կարող են սպառվել 2017-2018թթ. նման ծախսերի տեմպերի պարագայում, հայտարարել է Ռուսաստանի ֆինանսների նախարարի առաջին տեղակալ Տատյանա Նեստերենկոն:

«Պուտինը, ինձ թվում է, փորձում է բալանսավորել Ռուսաստանի շահերը՝ լավ հարաբերություններ ունենալով Հայաստանի ու Ադրբեջանի հետ, ու վերահսկել նրանց երկուսին էլ ու փակել Ադրբեջանում Արևմուտքի դուռը»,- այս մասին հայտարարել է Մաքքեյնի միջազգային ինստիտուտի մարդու իրավունքների ու ժողովրդավարության հարցերով տնօրեն Դևիդ Կրամերը:

Եվրամիությունը կարող է կասեցնել Բելառուսի դեմ սահմանված պատժամիջոցները, սակայն ոչ թե ամբողջությամբ, այլ 4 ամսով: Այս մասին հայտնում է Reuters-ը՝ հղում կատարելով դիվանագիտական շրջանակներում իր աղբյուրներին:

Հնդկաստան արտգործնախարարությունը բողոք է ներկայացրել Սաուդյան Արաբիայի իշխանությունների դեմ Էր-Ռիյադում հնդիկ աղախնի նկատմամբ դաժան վերաբերմունքի կապակցությամբ: Այս մասին հայտնում է BBC-ի ռուսական ծառայությունը:

Թուրքիան մտավախություն ունի, որ ռուսական հարվածների հետևանքով փախստականների նոր ալիք կառաջանա: Այս մասին հայտարարել է Թուրքիայի ԱԳՆ ներկայացուցիչ Թանու Բիլգիչը, հայտնում է Reuters-ը:

Ռուսական զինվորական գործոնի աշխուժացումը սիրիական պատերազմում, լայնածավալ եւ տարատեսակ մեկնաբանությունների տեղիք է տվել. պատերազմին սերտորեն զուգորդվել է տեղեկատվականը: Միեւնույն լայնածավալությամբ հարվածվող թիրախների մասին կան հակասական լրատվություններ, տեղեկություններ, վերլուծումներ: Ոչ միայն բացարձակ, այլ ընդհանրապես հանգրվանային եզրակացությունների հանգելը նույնիսկ կարող է պայմանական լինել, եւ անհամապատասխան` իրական իրավիճակներին:

ԱՄՆ-ը որոշել է դադարեցնել Պենտագոնի 500 մլն դոլարանոց ծրագիրը, որի նպատակն էր նախապատրաստել ու զինել Սիրիայի ընդդիմությանը: Այս մասին հայտնում է The New York Times-ը՝ հղում կատարելով ամերիկյան ադմինիստրացիայի ներկայացուցիչներին:

ԵՄ-ը կարող է նոր պատժամիջոցներ սահմանել Ռուսաստանի դեմ՝ կապված Սիրիայում հասցված հարվածների հետ:

Ռուսաստանի ԶՈՒ գլխավոր շտաբում չեն բացառել հնարավորությունը, որ Սիրայում ԴԱԻՇ-ի զինյալները կարող են Սիրիայի կառավարական զորքերի դեմ կիրառել թունավոր իպրիտ գազ, հայտնում է TASS-ը:

Ֆլագսթաֆ քաղաքի Հյուսիսային Արիզոնայի համալսարանում հրաձգություն է տեղի ունեցել, հայտնում է ABC News-ը:

Իրանի իսլամական հեղափոխության պահապանների կորպուսի բարձրաստիճան ներկայացուցիչներից մեկը՝ բրիգադային գեներալ Հոսեյն Համեդանին, նախօրեին սպանվել է Սիրիայում, հայտնում է Իրանի իսլամական հեղափոխության պահապանների կորպուսի կայքը:

Հայաստան կժամանի Իրանի առաջին փոխնախագահ Էսհաղ Ջահանգիրին: 168.am-ի տեղեկություններով` Ջահանգիրին Հայաստանում կլինի, ամենայն հավանականությամբ, հոկտեմբերի 15-ին: Մեր աղբյուրների փոխանցմամբ` Ջահանգիրին Երևան կժամանի բավականին լայն և ներկայացուցչական պատվիրակությամբ` բաղկացած 50-60 պաշտոնյաներից և գործարարներից:

Խաղաղության Նոբելյան մրցանակի դափնեկիրներ են դարձել Թունիսում հանուն երկխոսության ազգային կվարտետի անդամները: Այս մասին ասվում է նոբելյան կոմիտեի կայքում:

Համաձայն «Ռուսհիդրոմետի»՝ այս հանգստյան օրերին եղանակը կշարունակի մնալ նույնը՝ գիշերը ջերմաստիճանը կլինի բացասական, ցերեկը կշարունակի տեղալ թաց ձյուն:

Այսօր Օսլոյում կհայտարարվի խաղաղության Նոբելյան մրցանակի դափնեկրի անունը: Նոբելյան մրցանակի արժանանալու բարձր շանսեր ունեն Գերմանիայի կանցլեր Անգելա Մերկելը, Կոլումբիայի նախագահ Խուան Մանուել Սանտոսն ու ԱՄՆ Ազգային անվտանգության նախկին աշխատակից Էդվարդ Սնոուդենը:

Ֆիլիպինների բանտերից մեկի հոգեբուժական բաժանմունքներից մեկի 9 բանտարկյալներ այրվել են հրդեհի հետևանքով: Այս մասին հայտնում են տեղի ԶԼՄ-ները՝ հղում կատարելով երկրի արդարադատության նախարարությանը:

Սաուդյան Արաբիան, ի պատասխան Սիրիայում Ռուսաստանի ավիահարվածների, պլանավորում է ավելացնել զենքի մատակարարումը սիրիական երեք զինված խմբավորումներին, որոնք ձգտում են հասնել Սիրիայի նախագահ Բաշար Ասադին իշխանությունից զրկելուն, հայտնում է BBC-ի ռուսական ծառայությունը:

Ամերիկյան անանուն կառավարական աղբյուրները պնդում են, որ 4 ռուսական թևավոր հրթիռները, որոնք արձակվել էին Կասպից ծովի ավազանից Սիրիայի ուղղությամբ, ընկել են Իրանի տարածքում: Ընդ որում՝ չի նշվում, թե դրանք պատճառել են արդյոք որևէ վնաս ու թե Իրանի որ մասում են ընկել:

«ՌԴ ներկայիս իշխանությունները չեն հասկանում, թե ինչպիսի վտանգավոր ավանտյուրայի մեջ են ներքաշվել»,- 168.am-ի հետ զրույցում այս մասին ասաց ռուս հրապարակախոս, ընդդիմադիր գործիչ, «Էխո Մոսկվի» կայքէջի սյունակագիր Անդրեյ Պիոնտկովսկին` անդրադառնալով Սիրիայում ռուսական ռազմական գործողությունների նպատակահարմարությանը:

Մերձավոր արևելքում տեղի ունեցող իրադարձություններն ու Մոսկվայի ու Կահիրեի երկկողմ հարաբերությունների զարգացմանն առնչվող հարցեր են քննարկվել երեկ ՌԴ ու Եգիպտոսի նախագահներ Վլադիմիր Պուտինի ու Աբդել Ֆաթթահ աս-Սիսիի միջև տեղի ունեցած հեռախոսազրույցի ընթացքում:

Ներկայացվող տեսանյութում ահաբեկչական խմբավորումներից մեկի զինյալները նկարահանում են Սիրիայի Համա նահանգի Մուսասանա գյուղում տեղի ունեցող ռազմական գործողությունները, որոնք ուղղված են իրենց դեմ:

Գերմանացի դատախազները խուզարկություն են կատարել Վոլֆսբուրգում Volkswagen կոնցեռնի կենտրոնակայանում գործի հետաքննության շրջանակում, որը կապված է դիզելային ավտոմեքենաների արտանետումների հետ:

Հեղինակավոր Reuters գործակալության նախկին խմբագիրը մեղավոր է ճանաչվել ցանցահենային խմբավորման հետ համաձայնության գալու մեջ, որի նպատակն է եղել կոտրել Los Angeles Times թերթի ինտերնետ-կայքը: