Աշխարհ

Բրյուսելի ահաբեկչությունների զոհերի թիվը ավելացել է՝ հասնելով 35-ի, այսօր հայտնել է Բելգիայի առողջապահության նախարար Մագի դե Բլոկը:

Աստանայի օդանավակայանում մարտի 27-ին ղազախական Bek Air լուկոստերի ինքնաթիռը վթարային վայրէջք է կատարել: Արտակարգ դեպքի պատճառը դարձել է մինչև վերջ չբացված առջևի շասսին, որի պատճառով ինքնաթիռն ստիպված է եղել հողին վայրէջք կատարել «քթով»:

Նախօրեին Մոսկվայում տեղի է ունեցել մեդիամագնատ Միխայիլ Գուցերիևի որդու՝ Սաիդի հարսանիքը, հայտնում է LifeNews-ը:

Միլիարդատեր, հանրապետական Դոնալդ Թրամփի անունով գերեզմանաքար է տեղադրվել Նյու Յորքի Կենտրոնական այգում, հայտնում են տեղի լրատվամիջոցները:

Մարտի 28-ին երեք հրթիռ է պայթել Աֆղանստանի խորհրդարանի շենքի մերձակայքում, դրանցից մեկն ընկել է օրենդիր ժողովի համալիրի բակում: Այս մասին տեղեկացնում է «Սինհուա» գործակալությունը: Միջադեպի ժամանակ աֆղանական խորհրդարանի ստորին պալատի պատգամավորները խորհրդակցություն էին անցկացնում օրենսդիր մարմինի շենքում:

Газета-ի փոխանցմամբ՝ օդանավակայանի մամուլի խոսնակ Մագդալենա Բոյարսկան հայտարարել է, թե տարհանման պատճառը կարող էր լինել ինչ-որ մեկի թողած բեռը: Նա չգիտի իրական պատճառը: Մագդալենա Բոյարսկան նաև նշել է, որ ստուգումներ են անցկացվում:

ՆԱՏՕ-ի օդուժի կողմից Սերբիայի օբյեկտների ռմբակոծումների 17-րդ տարելիցի առթիվ կազմակերպված ցույցին հազարավոր մարդիկ են մասնակցել:

Ռուսաստանը հետևողականորեն ջանքեր է գործադրում, որպեսզի Լեռնային Ղարաբաղի հակամարտության կարգավորման գործընթացը տեղում չդոփի: Այս մասին նախօրեին հայտարարել է ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը:

Ինչպես արդեն տեղեկացրել էինք, երեկ Սիրիայի կառավարական զորքերը «Անապատի ճուռակներ» աշխարհազորայինների օգնությամբ ազատագրել են Պալմիրա (Թադմոր) քաղաքը, որը ԴԱԻՇ-ի ահաբեկիչների ձեռքում էր մոտ մեկ տարի: Քաղաքը մշակութային ժառանգության կենտրոն էր ու կարևոր ռազմավարական կետ:

Սիրիայի կառավարական զորքերն ազատագրել են Պալմիրան: Քաղաքը ԴԱԻՇ-ի ահաբեկիչների ձեռքում էր մոտ մեկ տարի: Քաղաքը մշակութային ժառանգության կենտրոն էր ու կարևոր ռազմավարական կետ:

Ժնևում կայանալիք` Սիրիայից փախստականների աջակցությանը նվիրված բարձր մակարդակի հանդիպմանը մասնակցելու նպատակով արտգործնախարար Էդվարդ Նալբանդյանը մարտի 29-ին կմեկնի Շվեյցարիա։

Լոնդոնի քաղաքապետ Բորիս Ջոնսոնը շնորհավորել է Սիրայի նախագահ Բաշար Ասադին Պալմիրան ԴԱԻՇ-ի ահաբեկիչներից ազատագրելու կապակցությամբ: Այս մասին նա գրել է Telegraph-ի հեղինակային սյունակում:

Բելգիայի ոստիկանությունը, որը հետաքննում էր Բրյուսելի օդանավակայանում պայթյունները, ավարտել է աշխատանքները դեպքի վայրում, հայտնում է BBC-ն:

Ամերիկացի սենատոր Բեռնի Սանդերսը վստահ հաղթանակ է տարել ԱՄՆ նախկին պետքարտուղար Հիլարի Քլինթոնի նկատմամբ 3 նահանգներում՝ Ալյասկայում, Վաշինգտոնում և Հավայան կղզիներում, որտեղ շաբաթ օրը տեղի են ունեցել ԱՄՆ Դեմոկրատական կուսակցության թեկնածուի առաջադրման ներկուսակցական ընտրությունները, հայտնում է BBC-ն:

Պակիստանի Լախոր քաղաքում մահապարտ ահաբեկչի իրականացրած պայթյունի հետևանքով սպանվել է նվազագույնը 70 մարդ, որից 29-ը երեխաներ են, հայտնում է BBC-ն՝ հղում կատարելով ԶԼՄ-ներին:

Բրիտանական հայտնի Independent թերթն այսօր վերջին անգամ է տպագրվել: Ներկայում, թերթի ղեկավարության որոշմամբ, Independent-ը գոյություն կունենա բացառապես օնլայն տարբերակով, հայտնում է BBC-ն:

Մարտի 23-ին ԱՄՆ արտաքին գերատեսչության ղեկավարը կատարեց այս տարվա ընթացքում իր երրորդ երկօրյա այցը Մոսկվա։ Ինչպես և իր նախորդ երկու այցերի ընթացքում, Ջոն Քերին ՌԴ նախագահ Վլադիմիր Պուտինի և ՌԴ ԱԳՆ ղեկավար Սերգեյ Լավրովի հետ հանդիպումների ընթացքում բանակցություններ վարեց միջազգային անվտանգությանը վերաբերող մի շարք հարցերի՝ սիրիական և ուկրաինական հակամարտությունների, Մինսկյան համաձայնագրերի վերաբերյալ Եվրոպայում սրված ահաբեկչական […]

ԱՄՆ Վիսկոնսին նահանգի բնակիչը դատապարտվել է 3 տարվա ազատազրկման ԱՄՆ նախագահ Բարաք Օբամայի նկատմամբ ֆիզիկական հաշվեհարդար տեսնելու սպառնալիքի պատճառով: Համապատասխան վճիռը կայացվել է մարտի 25-ին դատավոր Ուիլյամ Քոնլիի կողմից, հայտնում է korrespondent.net-ը:

Բրյուսելի Հյուսիսային կայարանը մասնակի տարհանվել է` այնտեղ առանց հսկողության թողնված պայուսակի պատճառով: Այս մասին հաղորդում է RTL հեռուստաընկերությունը:

ՌուսաստանիվարչապետԴմիտրիՄեդվեդևնապրիլի 7-8-ը կայցելի Հայաստան` մասնակցելու Եվրասիական միջկառավարական խորհրդի հերթական նիստին: Այս մասին հաղորդում է ՌԴ կառավարության պաշտոնական կայքը:

Բրյուսելի օդանավակայանում տեղի ունեցած ահաբեկչության երրորդ մասնակիցը հայտնաբերվել և ձերբակալվել է: Այս մասին տեղեկացնում է Soir թերթը: Ենթադրվում է, որ նա եղել է ահաբեկիչներ հավաքագրողն ու ա ռաջնորդը: «Բելգիայի դատախազության շենքի մոտ ավտոմեքենայի զննման ժամանակ հայտնաբերվել է Ֆեյսալ Շեֆֆուն, ով ճանաչվել է որպես մարտի 22-ին Բրյուսելի օդանավակայանում տեղի ունեցած պայթյունի երրորդ մասնակից: Նրան ճանաչել է ահաբեկիչներին օդանավակայան տեղափոխած տաքսիստը»,- գրել է թերթը:

Թուրքիայի անվտանգության գլխավոր վարչությունը հատուկ գրություն է ուղարկել իր միավորումներին` հորդորելով Սուրբ Զատկի տոնակատարությունների շրջանակում ձեռնարկել անվտանգության միջոցառումներ: Այս մասին տեղեկացնում է «Անադոլու» գործակալությունը:

Բուենոս Այրեսի արքեպիսկոպոս Ժորժ Մարիո Բերգոլոն, ով ընտրվեց Հռոմի 266-րդ Պապ, հաճախակի էր ներկա գտնվում Բուենոս Այրեսի Հայ կաթոլիկ եկեղեցու պստարագներին: Արգենտինայի և Չիլիի հայոց թեմի առաջնորդ Գիսակ արքեպիսկոպոս Մուրադյանը, ով Հռոմի Պապ Ֆրանցիսկի հետ հին ընկերներ են, պատմել է, որ Հայոց ցեղասպանության 95-րդ տարելիցին հայկական խաչքարի օծման ժամանակ Բերգոլոն ցանկություն է հայտնել թաղվել հայկական խաչքարի տակ:

ՌԴ նախագահի մամուլի խոսնակ Դմիտրի Պեսկովը հայտարարել է, որ Թուրքիայի նախագահի մամուլի քարտուղարի փոխարեն հրաժարական ինքը կտար: «Եթե ես լինեի այդ պաշտոնում` հրաժարական կտայի»,- ТВЦ հեռուստաընկերությանը տված հարցազրույցում նշել է Պեսկով:

Բրյուսելի միջազգային օդանավակայանը, որը փակվել էր մարտի 22-ի ահաբեկչություններից հետո, կվերսկսի ուղևորներին ընդունել մարտի 29-ից ոչ շուտ: Այս մասին հայտնում է TASS-ը՝ հղում կատարելով օդանավակայանի ադմինիստրացիային:

Իրաքի ֆուտբոլային մարզադաշտում տեղի ունեցած պայթյունի հետևանքով զոհվել է 41 մարդ: Այս մասին հաղորդում է «Associated Press»-ը: Եվ 105 մարդ ստացել են մարմնական տարբեր աստիճանի վնասվածքներ:

Սիրիայի կառավարական զորքերի ու ԴԱԻՇ-ի զինյալների միջև թեժ մարտեր են ընթանում Պալմիրայի գրեթե բոլոր թաղամասերում: Մարտեր չեն ընթանում քաղաքի միայն պատմական հատվածում, հայտնում է RIA Novosti-ն:

Հռոմի պապ Ֆրանցիսկոսը Հռոմի Սուրբ Պետրոսի տաճարում Ավագ ուրբաթին աղոթելիս դատապարտել է Եվրոպայի վերաբերմունքը ներգաղթյալների խնդրի նկատմամբ՝ այն անվանելով ցավի նկատմամբ անտարբեր, հայտնում է RIA Novosti-ն:

Բրյուսելի կենտրոնում գտնվող Բասկյուլ առևտրային թաղամասը փակվել է պայթյունի սպառնալիքի պատճառով, հայտնում է TASS-ի թղթակիցը դեպքի վայրից:

Բելգիայի վարչապետ Շառլ Միշելի պաշտոնական կայքը ենթարկվել է կիբերհարձակման, տեղեկացնում է բելգիական Belga գործակալությունը: