Իրանի և Կատարի արտգործնախարարները քննարկել են Հորմուզի նեղուցի շուրջ ստեղծված իրավիճակը

Իրանի արտգործնախարար Աբաս Արաղչին հեռախոսազրույց է ունեցել Կատարի վարչապետ և արտգործնախարար շեյխ Մոհամմեդ բին Աբդուլրահման բին Ջասիմ Ալ Թանիի հետ, հաղորդում է Press TV-ն:

Կողմերը քննարկել են տարածաշրջանային վերջին զարգացումները՝ առանձնահատուկ ուշադրություն դարձնելով Հորմուզի նեղուցի շուրջ ստեղծված իրավիճակին:

Զրույցի ընթացքում նախարարներն ընդգծել են տարածաշրջանային խնդիրների կարգավորման համար դիվանագիտական մեխանիզմների կիրառման կարևորությունը:

Նրանք նաև պայմանավորվել են շարունակել շփումներն ու ջանքերի համակարգումը՝ նպատակ ունենալով կանխել տարածաշրջանում լարվածության հետագա սրումը։