Իրանի հարավում պայթյուններ են որոտացել
Իրանի հարավային շրջաններում մի քանի պայթյունի ձայներ են արձանագրվել, հաղորդում է Fars-ը:
Ինչպես հայտնում են տեղական աղբյուրները, տեղական ժամանակով մոտավորապես 23:15-ին պայթյուններ են լսվել Բանդար Աբաս և Սիրիկ քաղաքներում:
Սիրիկի ափամերձ շրջանների բնակիչները նույնպես հայտնել են ծովի կողմից՝ արևմտյան ափի շրջանից լսվող պայթյունների ձայների մասին:
Հիշեցնենք, որ նախորդ գիշեր ամերիկյան զինված ուժերը հարվածներ էին հասցրել Իրանի հարավային նահանգներում գտնվող մի քանի օբյեկտների ուղղությամբ: Իրանական կողմը հայտարարել էր, որ իր ուժերը պատասխանել են այդ գործողություններին:
Պատահարի մանրամասները, ինչպես նաև հնարավոր հետևանքների մասին տեղեկությունները ճշտվում են:
