ԱՄՆ-ը նոր հարվածներ կհասցնի Իրանին, եթե նա շարունակի հարձակումները Հորմուզի նեղուցում. Վենս
ԱՄՆ փոխնախագահ Ջեյ Դի Վենսը հայտարարել է, որ Վաշինգտոնը նոր հարվածներ կհասցնի Իրանին, եթե Թեհրանը շարունակի հարձակվել Հորմուզի նեղուցում գտնվող նավերի վրա, հաղորդում է NBC News-ը:
Միլուոքի նահանգում լրագրողների հետ զրույցում Վենսը հիշեցրել է, որ կողմերի միջև ձեռք բերված պայմանավորվածությունը նախատեսում էր ամերիկյան ռազմածովային շրջափակման դադարեցում՝ նավագնացության վրա հարձակումների դադարեցման դիմաց:
«Հիմնական պայմանավորվածությունն այն էր, որ մենք կհանենք շրջափակումը, եթե դուք դադարեք կրակել նավերի վրա: Բայց եթե դուք կրակեք նավերի վրա, մենք կպատասխանենք, և կպատասխանենք ավելի ուժգին, քան երբևէ նախկինում»,- ասել է նա:
Ըստ Վենսի՝ համաձայնագրի կնքումից հետո Իրանն իրեն «լավ է դրսևորել մոտ մեկ շաբաթ», սակայն այնուհետև նորից սկսել է գնդակոծել նավերը:
«Ամեն ինչ շատ պարզ է. եթե նրանք կրակեն նավերի վրա, մենք նրանց ջախջախիչ հարված կհասցնենք: Հենց այդպես էլ ամեն ինչ գործելու է»,- հայտարարել է ԱՄՆ փոխնախագահը:
