Աշխարհ

Թուրքական պետական հեռուստաընկերությունը, ուղիղ եթերում ներկայացնելով պատերազմական վերջին զարգացումները Արցախում, սկանդալային վրիպում է թույլ տվել՝ շեղվելով թուրք-ադրբեջանական քարոզչական կեղծիքից։ Թուրքագետ Վարուժան Գեղամյանը նկատել և սոցցանցում կիսվել է այդ տեսագրությունից վերցված լուսանկարով։ Այս մասին տեղեկացնում է ermenihaber.am-ը։

Ռուսաստանը Լեռնային Ղարաբաղի հակամարտության կողմերին կոչ է անում հանդուրժողականություն ցուցաբերել, խուսափել քաղաքացիական բնակչությանը հարվածներ հասցնելուց, թույլ չտալ արտաքին ուժերի միջամտություն: Այսօր կայացած ճեպազրույցի ընթացքում այս մասին ասաց ՌԴ ԱԳՆ պաշտոնական ներկայացուցիչ Մարիա Զախարովան:

Ֆրանսիայի արտաքին գործերի նախարար Ժան-Իվ Լը Դրիանը դատապարտել է Թուրքիայի նախագահ Ռեջեփ Թայիփ Էրդողանի կտրուկ հայտարարությունները Ֆրանսիայի և նրա ղեկավարության հասցեին՝ սպառնալով պատժամիջոցներ կիրառել Թուրքիայի նկատմամբ: Ինչպես տեղեկացնում է Interfax-ը, Ֆրանսիայի ԱԳ նախարարն այս մասին ասել է Europe 1 ռադիոկայանին տված հարցազրույցում:

ԱՄՆ-ի մի շարք քաղաքներում բողոքի ակցիաներ են անցկացվել նախագահի ընտրություններից հետո ձայները հաշվելու ֆոնին:

Աֆրիկան Ռուսաստանի արտաքին քաղաքականության գերակայություններից մեկն է, ներկայում աշխատանք է տարվում ռուս-աֆրիկյան փոխգործակցությանը համալիր եւ համակարգային բնույթ տալու ուղղությամբ: Այդ մասին հայտարարել է ՌԴ ԱԳ փոխնախարար Միխայիլ Բոգդանովը:

Կոսովոյի ղեկավար Հաշիմ Թաչին հրաժարական է տվել՝ Հաագայի դատարանի կողմից՝ ռազմական հանցագործության մեղադրանքի հաստատման կապակցությամբ: Այս մասին հայտնում են միջազգային լրատվամիջոցները:

ԵԱՏՄ անդամ երկրների և Սերբիայի ու Սինգապուրի միջև Ազատ առևտրի գոտու ստեղծման համաձայնագրերն ուժի մեջ կմտնեն 2021 թվականին: Այս մասին նոյեմբերի 5-ին Ազգային ժողովի մշտական հանձնաժողովների համատեղ նիստի ընթացքում ասաց ՀՀ Էկոնոմիկայի նախարար Տիգրան Խաչատրյանը:

Չեխիայի Հանրապետության Խորհրդարանի Պատգամավորների պալատի մի խումբ պատգամավորներ իրենց աջակցությունն ու համերաշխությունն են հայտնել հայ ժողովրդին` դատապարտելով հայ բնակչության և Ստեփանակերտի ու Լեռնային Ղարաբաղի այլ վայրերի քաղաքացիական օբյեկտների նկատմամբ ագրեսիվ հրետանային և օդային հարվածները, ներառյալ արգելված զենքերի կիրառումը, ինչպես նաև Թուրքիայի և ահաբեկչական կազմակերպությունների անդամների ներգրավվածությունը հակամարտությանը: Այս մասին ֆեյսբուքյան իր էջում գրել է Հայաստան-Չեխիա խորհրդարանական բարեկամության խմբի ղեկավար Գայանե Աբրահամյանը՝ ընդգծելով, որ պատգամավորները շեշտել են Լեռնային Ղարաբաղի խաղաղ բնակչությանը մարդասիրական օգնություն ցուցաբերելու անհրաժեշտությունը:

Իտալիայի Դրենա և Բլեջջո Սուպերիորե համայնքները ճանաչել են Արցախի անկախությունը: Այս մասին տեղեկացանք Իտալիայում ՀՀ դեսպանատան ֆեյսբուքյան էջից:

Ավստրիայի ոստիկանության մամուլի քարտուղար Բարբարա Գասսը հրաժարվել է տվյալներ տրամադրել Վիեննայում իրականացված ահաբեկչությանը մասնակցելու կասկածանքով ձերբակալվածների մասին, հաղորդել է ՌԻԱ Նովոստին: «Նկատի առնելով անձնական տվյալների պաշտպանության մասին օրենքը՝ ես չեմ կարող ձեզ ավելի կոնկրետ տեղեկություններ հաղորդել ձերբակալված անձանց մասին»,- ասել է Գասսը՝ պատասխանելով գործակալության հարցին:

Ավստրիայի ոստիկանության մամուլի քարտուղար Բարբարա Գասսը հրաժարվել է տվյալներ տրամադրել Վիեննայում իրականացված ահաբեկչությանը մասնակցելու կասկածանքով ձերբակալվածների մասին, հաղորդել է ՌԻԱ Նովոստին:

Հայաստանի Հանրապետության և Եվրոպական միության միջև Համապարփակ և ընդլայնված գործընկերության համաձայնագրի վավերացման գործընթացի ավարտի մասին Եվրոպական Միության քարտուղարությանը դեռ չեն տեղեկացրել միայն Իտալիան, Իսպանիան և Պորտուգալիան: Այս մասին Ազգային ժողովի հանձնաժողովների համատեղ նիստում ասաց Արտաքին գործերի նախարարի տեղակալ Ավետ Ադոնցը՝ նշելով, որ այդ երկրները, սակայն, ավարտել են վավերացման ներքին ընթացակարգերը:

Եվրամիությունն Անկարայի դեմ առաջիկա պատժամիջոցների մասին խոսակցությունների ֆոնին դատապարտել է Թուրքիայի կողմից էներգապաշարների EastMed հետախուզման գործունեության ընդլայնումը, գրում է The Arab Weekly-ն։

Կրեմլն առայժմ չի կարող մեկնաբանել ԱՄՆ նախագահի ընտրությունները, քանի որ անհրաժեշտ է սպասել իրավիճակի պարզությանը: Ինչպես նշում է ՏԱՍՍ գործակալությունը, այս մասին ասել է ՌԴ նախագահի մամուլի խոսնակ Դմիտրի Պեսկովը:

ԱՄՆ-ի Օրեգոնի նահանգի իշխանությունները որոշում են ընդունել ազգային գվարդիայի ստորաբաժանում ուղարկել Փորթլենդ քաղաք, որպեսզի տեղի իրավապահներին օգնեն այնտեղ ընտրությունների ֆոնին բռնկած անկարգությունները վերացնելու գործում:

Արդեն 40 օր է՝ Արցախում մնացած կանայք, երեխաներն ու տարեց մարդիկ բնակվում են նկուղներում: Այսօր ՀՀ-ում Գերմանիայի դեսպանատան առջև ակցիա իրականացնող կանանցից մեկը պատմեց, թե ի՞նչ են լսում, զգում այնտեղ գտնվողները:

Արցախում պատերազմական գործողությունները շուտով կբոլորեն 40 օրը։ Ռազմաճակատում կարծես իրավիճակը պարզ է, ադրբեջանական-թուրքական-ահաբեկչական խմբերը, հատկապես հարավային ուղղությամբ, ճեղքում են կատարել և զբաղեցրել մեծ թվով բնակավայրեր, որոնք դեռ մինչև երկու ամիս առաջ Արցախի լիակատար վերահսկողության ներքո էին։

ՀՀ արտաքին գործերի նախարարությունը մշտական կապի մեջ է Եվրոպական Միության գործընկերների հետ՝ Արցախի անկախության ճանաչման, Արցախի ժողովրդի ինքնորոշման իրավունքի ճանաչման և այլ հարցերի շուրջ: Այս մասին նոյեմբերի 5-ին Ազգային ժողովի հանձնաժողովների համատեղ նիստի ընթացքում ասաց Արտաքին գործերի նախարարի տեղակալ Ավետ Ադոնցը:

Արցախցի կանայք այսօր ՀՀ-ում Գերմանիայի դեսպանատան առջև էին: Պատերազմը սկսվելուց կարճ ժամանակ անց նրանք պարբերաբար  ցույցեր են անցկացնում Հայաստանում գործող միջազգային տարբեր կազմակեպությունների, դեսպանատների առջև՝ պահանջելով պատշաճ արձագանք տալ ադրբեջանաթուրքական ագրեսիային՝ ընդդեմ Արցախի, և պատժամիջոցներ կիրառել այդ երկրների նկատմամբ:

«Թուրքիայի հետ հարաբերություններում մենք անցել ենք անընդունելի մակարդակի։ Հնչեցվում են վիրավորանքներ, սպառնալիքներ, զրպարտություններ։ Մենք ակնկալում ենք, որ Թուրքիայի նախագահը և իր կառավարությունը վերջ կդնեն այս տեսակ վերաբերմունքին»,- ասել է Ֆրանսիայի ԱԳՆ-ի ղեկավարը։

Պետդումա օրինագիծ է ներկայացվել պետության նախկին ղեկավարի անձեռնմխելության վերաբերյալ՝ անկախ նախագահության ժամանակաշրջանից:

ՀՀ արտաքին գործերի նախարար Զոհրաբ Մնացականյանի խոսքով՝ հայկական կողմի համար էական է զսպել այն ապակայունացնող քաղաքականությունը, որն արտահայտվել է տարածաշրջանում և անմիջապես Հայաստանի ու Արցախի դեմ։

Շուշիի սուրբ Ղազանչեցոց եկեղեցու գնդակոծման և մզկիթի վնասման հարցով Հայաստանը դիմելու է Կրոնական ազատության միջազգային ալյանսին։ Ազգային ժողովում այս մասին ասաց Արտաքին գործերի նախարար Զոհրաբ Մնացականյանը՝ ընդգծելով, որ միայն ալյանսին դիմելով՝ չեն բավարարվելու. խնդիրը բարձրացնելու են նաև միջազգային այլ հարթակներում։

«Խոսքը վերաբերում է վերիֆիկացիոն համակարգի ներդրմանը, որն այսօրվա մեր գերակա հարցերից մեկն է։ Չեմ կարող ասել, որ մենք արդեն հասել ենք դրան, բայց սա է հենց կարևորագույն հարցը, որպեսզի մենք կարողանանք իրականացնել հոկտեմբերի 10-ի ընդհանուր հայտարարության առաջին երկու կետը»,- այս մասին խորհրդարանում լրագրողների հետ ճեպազրույցում ասաց ՀՀ արտգործնախարար Զոհրաբ Մնացականյանը՝ անդրադառնալով ՌԴ արտգործնախարար Սերգեյ Լավրովի առաջարկներին՝ «թեժ գծի» և դիտորդների ներդրմանը։

ԱՄՆ-ի նախագահի ընտրություններում արձանագրվել է ընտրողների բարձր մասնակցություն, չնայած այն սահմանափակումներին, որոնք կապված են կորոնավիրուսի համավարակի հետ:

ՀՀ արտգործնախարար Զոհրաբ Մնացականյանի խոսքով՝ Ռուսաստանի կողմից Հայաստանին տրվող աջակցության վերաբերյալ խորհրդակցությունների հետ կապված անհրաժեշտ բոլոր աշխատանքները տարվում են։

Մարդու իրավունքների եվրոպական դատարանը երեկ տարածեց հայտարարություն Լեռնային Ղարաբաղի հակամարտության վերաբերյալ միջանկյալ միջոցներ կիրառելու խնդրանքի առնչությամբ: Հայտարարությամբ Եվրոպական դատարանը կոչ է արել Հայաստանին և Ադրբեջանին՝ պահպանել գերիների հետ վարվելակերպի միջազգային նորմերը: ՄԻԵԴ-ը նաև հայտնել է, որ հաստատում է արդեն կայացրած որոշումները և նոր միջոցառումների պատճառ չի տեսնում՝ դրանով նաև պատասխանելով Ադրբեջանի կառավարության՝ ռազմագերիների հումանիտար պաշտպանության համար անհապաղ միջոց չկիրառելու, իսկ արդեն կայացված որոշումները վերացնելու խնդրանքին:

«Հայ ժողովուրդն այսօր պայքարում է երեք թշնամու դեմ՝ Թուրքիայի, Ադրբեջանի և ահաբեկիչ զինյալների, որոնց հայտնվելն առավել մեծ մարտահրավեր է այս տարածաշրջանում։ Ես չգիտեմ, թե Բաքվում ինչո՞վ էին մտածում, երբ ահաբեկիչներին ներքաշում էին այս պատերազմի մեջ, որովհետև դա վտանգ է ամբողջ տարածաշրջանի  համար։ Սա նոր իրողություն է մեր տարածաշրջանում, որն ի հայտ է բերում գերակայությունների նոր շրջանակ և ահաբեկչության դեմ պայքարի նոր անհրաժեշտ  նպատակներ։

ԱՄՆ-ի գործող նախագահ Դոնալդ Թրամփի շտաբը քննարկում է դատական հայցեր ներկայացնելու հնարավորությունը՝ կապված Արիզոնայի եւ Նեւադայի նահանգներում ձայները հաշվելու հետ: Այդ մասին  հաղորդել է CNN հեռուստաալիքը՝ վկայակոչելով աղբյուրների:

«Այս պահին Ստեփանակերտում իրավիճակը հանգիստ է, չնայած անընդհատ լսվում է հրետանու աշխատանքը, աշխատում է նաև հայկական կողմի հրետանին, որը բավականին արդյունավետ է գործել այսօր առավոտյան և կեսգիշերից սկսած։ Աշխատանքներ են տարվել մի շարք հրոսակախմբերի ոչնչացման ուղղությամբ»,- այս մասին 168.am-ի հետ զրույցում ասաց Արցախի Հանրապետության նախագահի արտաքին հարաբերությունների հարցերով խորհրդական Դավիթ Բաբայանը։