Apple-ը պատրաստում է ԱԻ-ով և ներկառուցված տեսախցիկներով AirPods-ներ, ինչպես նաև ճկվող սմարթֆոն
«Apple» ընկերությունը թողարկման է պատրաստում արհեստական բանականությամբ (ԱԻ) ու ներկառուցված տեսախցիկներով օժտված «AirPods» անլար ականջակալներ, ինչպես նաև ճկվող (ծալվող) սմարթֆոն։ Այս մասին հայտնում է «Bloomberg»-ը՝ հղում անելով իր աղբյուրներին։ Նորույթները լույս կտեսնեն հաջորդ տարի։
Պարբերականի տվյալներով՝ «AirPods»-ների մեջ ներկառուցված տեսախցիկները կատարելու են տվիչների (դատչիկների) դեր, որոնք «Siri» ձայնային օգնականին կփոխանցեն տեսողական համատեքստը։ Այդ տեսախցիկները նախատեսված չեն լինի լուսանկարներ կամ տեսանյութեր նկարելու համար։
