China Resources New Energy-ն IPO է իրականացնում Շենժենում՝ նպատակ ունենալով ներգրավել ռեկորդային 3,4 միլիարդ դոլար
«China Resources New Energy» ընկերությունը Շենժենի ֆոնդային բորսայում իրականացնում է բաժնետոմսերի առաջնային հրապարակային տեղաբաշխում (IPO)` պլանավորելով ներգրավել ռեկորդային 3,4 միլիարդ դոլար (24,5 միլիարդ յուան):
Ստացված միջոցներն ուղղվելու են քամու և արևային էներգետիկայի նախագծերի ֆինանսավորմանը, որոնք կապված են գերբարձր լարման էլեկտրահաղորդման ազգային գծերի հետ։ Այս նախագծերի ընդհանուր հզորությունը ողջ Չինաստանում կազմում է 7,18 գիգավատ (ԳՎտ):
Ներկայացված նախագծերի ընդհանուր արժեքը կազմում է 40,42 միլիարդ յուան: Ներդրումների մնացած մասը կֆինանսավորվի ընկերության ներքին ռեսուրսների և այլ աղբյուրների հաշվին:
«China Resources New Energy»-ն նախատեսում է բաժնետոմսերի առցանց և օֆլայն բաժանորդագրությունը սկսել հունիսի 22-ին:
