44-օրյա պատերազմում զոհված զինծառայող Հայկ Մելիքյանի մայրը՝ Նաիրա Մելիքյանը, այսօր խորհրդարանում լրագրողների հետ զրույցում ասաց, որ պատկան մարմինները ոչինչ չեն արել, որպեսզի պարզեն իր երեխայի ճակատագիրը, որը պատերազմից հետո անհետ կորած է համարվել։
Այսօր խորհրդարանում լրագրողները Պաշտպանության փոխնախարար Արման Սարգսյանին հարց ուղղեցին փետրվարի 5-ին Ադրբեջանի կողմից Արցախում իրականացրած դիվերսիայի վերաբերյալ, սակայն նա հրաժարվեց թեմայի առնչությամբ որևէ հարցի պատասխանել։
168.am-ի հետ զրույցում Արցախյան ազատամարտի մասնակից, «Արաբո» կամավորական ջոկատի հիմնադիր Մանվել Եղիազարյանը՝ Արաբոյի Մանվելը, ասաց, որ դժբախտաբար ՀՀ առաջին իշխանությունները փորձում էին այն ժամանակ էլ ինտեգրացիոն քաղաքականություն տանել, հաշտեցնել։
«Փաշինյանին բերել են իշխանության, որպեսզի հանձնի Արցախը։ Քաոսով կհանձնի, գոռալով, թե երգելով կամ հայրենասիրական կոչերով՝ արդեն երկրորդական է սցենարիստների համար։ 2018 թվականին Նիկոլ Փաշինյանը բերվել է իշխանության Արցախը հանձնելու և Հայաստանի արտաքին քաղաքական վեկտորը դեպի Թուրքիա փոխելու համար»,- այս մասին լրագրողների հետ հանդիպմանը նշեց Հայաստանի Հանրապետական կուսակցության ԳՄ ներկայացուցիչ Էդուարդ Շարմազանովը։
Հանրապետական կուսակցության ԳՄ ներկայացուցիչ Էդուարդ Շարմազանովի խոսքով՝ փաստ է, որ ազգային ընդդիմությունը դեռևս չի հաջողել իր նպատակներում։ Բայց այդ անհաջողությունից հետո կանգնել ու ասել՝ պետք է հուսահատվել, ճիշտ չէ, հուսահատությունը մեղք է։
Հանրապետական կուսակցության ԳՄ ներկայացուցիչ Էդուարդ Շարմազանովի խոսքով՝ Հայաստանի ու Արցախի շուրջ ստեղծված անվտանգային հարցերը շարունակում են մտահոգիչ մնալ. որևէ դրական հեռանկար չեն ուղեգծում։
168.am-ի հետ զրույցում Արցախի Հանրապետության Ազգային ժողովի «Ազատ հայրենիք-ՔՄԴ» խմբակցության ղեկավար Արթուր Հարությունյանն անդրադառնալով Ադրբեջանի այս գործողություններին, նշեց, որ Ադրբեջանի կողմից կատարվող այս բոլոր գործողությունները մեկ անգամ ևս ապացուցում են, որ Ադրբեջանը չի կարող որևէ կառուցողական դիրքորոշում ունենալ Արցախի հակամարտության խաղաղ կարգավորման հարցում։
Մարտի 2-ին Գերմանիա կատարած աշխատանքային այցի ավարտին Նիկոլ Փաշինյանն առիթն օգտագործելով՝ հանդիպել է նաև հայ համայնքի որոշ ներկայացուցիչների հետ ու պատասխանել է նրանցից մի քանիսի հարցերին։
168.am-ի հետ զրույցում տարածաշրջանային հարցերով փորձագետ, արաբագետ Արմեն Պետրոսյանը խոսելով այս հայտարարության իրատեսական լինելու, դրա հնարավոր վտանգների մասին՝ ասաց, որ Ադրբեջանն Իսրայելի համար նախ կարևոր է՝ որպես մուսուլմանական երկիր, քանի որ այս երկրի արտաքին քաղաքականության մեջ շատ մեծ կարևորություն է տրվում հատկապես մուսուլմանական երկրների հետ հարաբերությունների զարգացմանը։
2021 թվականի օգոստոսին և նոյեմբերին, երբ ադրբեջանական կողմը փակել էր Գորիս-Կապան ճանապարհը, Սյունիքի մարզի Բարձրավան գյուղը հայտնվել էր լիակատար շրջափակման մեջ։ Այդ օրերին միայն ԱԻՆ մեքենաներով էին կարողանում անտառներով հաց հասցնել գյուղին։
Գերմանիայում հայ համայնքի ներկայացուցիչների հետ հանդիպման ժամանակ, երբ Նիկոլ Փաշինյանը հերթական անգամ հայտարարեց, թե Հայաստանում կադրային խնդիր կա, համայնքի ներկայացուցիչներից մեկը հետաքրքրվեց՝ ի՞նչ մեխանիզմներ են գործածում, որպեսզի Հայաստանից կադրերի արտահոսք չլինի, և առհասարակ նման մեխանիզմներ ունե՞ն։
«Չեմ կարծում, որ այդ այցում ուրախության մթնոլորտ լիներ, որովհետև աղետալի երկրաշարժ է տեղի ունեցել, տասնյակ-հազարավոր զոհեր են եղել, ի՞նչ ուրախության մասին կարող է խոսք լինել։ Հա, քաղաքական ժպիտներ, կարող է, եղել են, բայց չեմ կարծում, որ դրան պետք է քաղաքական բովանդակություն տալ։
Միքայել Մինասյանի պնդմանը, որ ինքն է ուզում հաշիվ բացել, ինքն ի՞նչ պրոբլեմ ունի, Փաշինյանը պատասխանեց, թե չգիտի, ինչից հետո հավաքվածները սկսեցին ծիծաղել։
168.am-ի հետ զրույցում Արցախի Հանրապետության ԱԺ, գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահ, «Ազատ հայրենիք-ՔՄԴ» խմբակցության պատգամավոր Արամ Հարությունյանը մեր հարցերին պատասխանելուց առաջ նախ շնորհակալություն հայտնեց այն թիմին, որն աշխատել է և հայցով դիմել ՄԱԿ-ի արդարադատության միջազգային դատարանին։
«Մեզ ասում են՝ իբր թե տներով պետք է ապահովեն Արցախում, բայց հիմա նայելով մեր ղեկավարների այս քաղաքականությունը՝ արդյո՞ք Արցախը հայկական է մնալու, որ մեզ էլ տուն տան Արցախում։ Հադրութի ու Շուշիի տեղահանվածներին այդպես են ասել, որ Արցախում կապահովեն բնակարններով։ Մենք էլ իրենց առաջին օրվանից հայտարարել ենք, որ եթե Արցախը չպահպանեց իր հայկականությունը, մենք մի րոպե այնտեղ ապրողը չենք»,- 168.am-ի հետ զրույցում ասաց Լևոն Հայրյանը։
Երեկ երեկոյան մոտավորապես ժամը 22։30-ի սահմաններում Արզումանյան փողոցում դիմակավորված երկու անձինք հարձակվել են ազատամարտիկ, «Խաչակիրներ» ջոկատի հիմնադիր Շահե Աճեմյանի վրա, հարվածել են նրա գլխին, սակայն, երբ վերջինս նրանցից մեկին հարված է հասցրել՝ դիմակավորված անձինք թողել ու հեռացել են։
Արցախի պաշտպանության նախարարությունից տեղեկացրել են, որ Արցախի Հանրապետության Ասկերանի, Մարտակերտի և Մարտունու շրջանների օկուպացված տարածքներում տեղակայված Ադրբեջանի ԶՈւ ստորաբաժանումները մարտի 2-ին և մարտի 2-ի լույս 3-ի գիշերը խախտել են հրադադարը` կիրառելով հրաձգային զինատեսակներ։
«Մեր դիրքերն ու շանսերը բավականին բարձր են, մենք որևէ կորուստ չունենք, թիմն իր գաղափարի շուրջ համախմբված է։ Ես իմ ժողովրդին շնորհակալ եմ, որ տարիներ շարունակ իրար կողք կողքի ենք եղել և այժմ էլ այդպես շարունակում ենք։ Նրանց քվեն մեզ տվել է վստահություն, որը, բնականաբար, աշխատում ենք չչարաշահել։ Գտնվելով մեր համեստ դիրքերում ու ընտրած մարտավարության մեջ, փորձում ենք այսօր իրականացնել մեր քարոզարշավը, ներկայացնել ծրագրերն ու հասնել հաղթանակի, որպեսզի ի վերջո համայնքը չտուժի»,- շեշտեց նա։
168.am-ի հետ զրույցում քաղաքագետ Դավիթ Հարությունովը Ստեփանակերտի և Բաքվի միջև մեկնարկած երկխոսության և ընդհանրապես Արցախին միայնակ թողնելու Բաքվի հետ երկխոսելու գաղափարի մասին նախ ասաց՝ եթե այս պահին երկխոսությունն ընթանում է Լաչինի միջանցքն ապաշրջափակելու համար, ապա տեսականորեն հնարավոր է, որ Արցախը հասնի դրան, սակայն Ադրբեջանի պահանջների մի մասը կատարելու պարագայում։
Այսօր խորհրդարանում կառավարության հետ հարցուպատասխանի ժամանակ Առողջապահության նախկին նախարար, ՔՊ-ական պատգամավոր Արսեն Թորոսյանը ժողովրդագրությանը վերաբերող հարց ուղղեց Առողջապահության գործող նախարար Անահիտ Ավանեսյանին։
Այսօր ԱԺ-ում կառավարության հետ հարցուպատասխանի ժամանակ նախկին ԲՀԿ-ական, իսկ այժմ ՔՊ-ական պատգամավոր Սերգեյ Բագրատյանը, դիմելով Նիկոլ Փաշինյանին՝ ասաց, որ ունի կոռուպցիոն ռիսկերի վերաբերյալ մտահոգություններ և ուզում է դրանք փոխանցել նրան։
Ռազմական փորձագետ Հայկ Նահապետյանի խոսքով՝ հայելային հետքաշումը գործողության առաջին մասն է։ Նա հիշեցրեց Արցախում հայելային հետքաշման դեպքը, երբ հայկական կողմը հետ քաշվեց, իսկ ադրբեջանական զորքն առաջ եկավ, ինչի արդյունքում հայկական կողմը տարածքներ կորցրեց։
Ներքին գործերի նախարար Վահե Ղազարյանն այսօր խորհրդարանում կառավարության հետ հարցուպատասխանի ժամանակ ի պատասխան իշխանական պատգամավոր Զարուհի Բաթոյանի հարցի, թե ինչո՞ւ ոստիկանության բաժանմունքներում տեսախցիկներ տեղադրված չեն, ասաց, որ ոստիկանական 10 բաժանմունքներում մայիսից արդեն գործարկվել է տեսախցիկների տեղադրման գործընթացը։
Այսօր Կառավարության հետ հարցուպատասխանի ժամանակ ՔՊ-ական պատգամավոր Գուրգեն Արսենյանը Նիկոլ Փաշինյանից հետաքրքրվեց, թե ի՞նչ կարծիք ունի ժողովրդագրական ուսումնասիրությունների արդյունքների վերաբերյալ։
«Այնպես են անում, որպեսզի հանկարծ Արցախ զենք չմտնի, Արցախի ինքնապաշտպանության բոլոր հնարավորությունները վերացնում, ապամոնտաժում են։ Ըստ էության ձեռք ձեռքի տված, պասերով խաղալով՝ Ադրբեջանն ու Նիկոլ Փաշինյանի թիմն Արցախին զրկում են ինքնապաշտպանության հնարավորությունից»,- ընդգծեց ռազմական փորձագետը։
ԱԺ «Հայաստան» խմբակցության պատգամավոր Աղվան Վարդանյանն այսօր խորհրդարանում լրագրողների հետ զրույցում անդրադարձավ Գլխավոր դատախազ Աննա Վարդապետյանի հայտարարությանը, թե «Մարտի 1»-ի գործն անմիջապես պետք է դնեն իր սեղանին, ինչպես նաև Նիկոլ Փաշինյանի հայտարարությանը, թե «Մարտի 1»-ի գործը բացահայտված է, սակայն մեղավորները պատժված չեն։
Այսօր խորհրդարանում լրագրողների հետ զրույցում Քաղաքաշինության կոմիտեի նախագահ Արմեն Ղուլարյանն ասաց, որ Շուռնուխում շինաշխատանքներն ընթանում են, և դրանք կավարտվեն մինչև այս տարվա առաջին կիսամյակի վերջը։
Այսօր ԱԺ նիստում «Պատիվ ունեմ» խմբակցության պատգամավոր Թագուհի Թովմասյանը ամբիոնից հրապարակեց Քաղաքաշինության կոմիտեի նախագահ Արմեն Ղուլարյանին ու ընտանիքին պատկանող ունեցվածքի մասին տեղեկությունը, մանրամասնելով, որ Արմեն Ղուլարյանը և նրա հետ փոխկապակցված անձինք ունեն ավտոկայանատեղիներ, շենքեր, հողամասեր, կաթսայատներ Տավուշում և Երևանում։
Այսօր ԱԺ նիստում «Պատիվ ունեմ» խմբակցության պատգամավոր Թագուհի Թովմասյանը հրապարակեց Քաղաքաշինության կոմիտեի նախագահ Արմեն Ղուլարյանին ու նրա ընտանիքին պատկանող ունեցվածքի մասին տեղեկություններ, նշելով, որ նա և նրա հետ փոխկապակցված անձինք ունեն ավտոկայանատեղիներ, շենքեր, հողամասեր, կաթսայատներ Տավուշում և Երևանում։
