ԱԺ պատգամավոր Սերգեյ Բագրատյանի խոսքով՝ օրերս խորհրդարանում քննարկվում էր իր գլխավորած քննիչ հանձնաժողովի զեկույցը, որի ժամանակ ասել է, որ Պետական եկամուտների կոմիտեի նախկին նախագահ Դավիթ Անանյանին հրավիրել է մասնակցելու քննարկմանը, սակայն վերջինիս կողմից արձագանք չի եղել:
168.am-ն այսօր խորհրդարանում ԱԺ «Իմ քայլը» խմբակցության պատգամավոր Հրաչյա Հակոբյանից հետաքրքրվեց՝ իշխանությունը վախենո՞ւմ է պատերազմի հանգամանքները քննող հանձնաժողով ստեղծելուց, վախենալու բան ունի՞, քանի որ երեկ ըստ էության «Լուսավոր Հայաստան» խմբակցության ղեկավարն ասել էր, որ այդ հարցի կապակցությամբ իշխանություններն իրեն ցրողական պատասխան են տվել և վախենում են նման հանձնաժողով ստեղծելուց: «Չեք լսել և չեք լսի, որ […]
«Մոսկվա Աննա Հակոբյանի այցը մասնավոր այց է, քաղաքացիություն ստանալու որևէ հարց չի եղել, կամ տուն ձեռք բերելու: Պարզապես ծիծաղելի է, երբ մարդիկ ասում են, թե Մարիամ Փաշինյանը և Շուշան Փաշինյանը գնացել են տուն ընտրելու, կարծում եմ՝ տուն ընտրելու համար Շուշան Փաշինյանը չէր, որ պետք է հասներ Մոսկվա: Դա եղել է մասնավոր այց, մնացած հարցերով կարող եք դիմել հենց Աննա Հակոբյանին»,- խորհրդարանում լրագրողների հետ զրույցում ասաց Հրաչյա Հակոբյանը:
ԱԺ «Իմ քայլը» խմբակցության պատգամավոր Հրաչյա Հակոբյանի խոսքով՝ ռազմագերիների թվի և այլ խնդիրների հետ կապված հարցերը մի փոքր մասնագիտական հարցեր են, հետևաբար` լավ կլինի, որ այդ խնդիրներին անդրադառնա կա՛մ Կառավարության, կա՛մ Պաշտպանության նախարարության ներկայացուցիչը:
Հունվարի 11-ին Մոսկվայում կայացած Ռուսաստան-Հայաստան-Ադրբեջան ղեկավարների եռակողմ հանդիպումը, բացարձակապես շեղվելով իր նախապես հայտարարված օրակարգից, հանգեց Ռուսաստանի և Թուրքիայի կողմից համաձայնեցված՝ Հարավային Կովկասի տարածաշրջանում արցախյան պատերազմից հետո նոյեմբերի 9-ի խայտառակ հայտարարության 8-րդ հոդվածի դրույթների շեշտադրությամբ՝ տնտեսական և տրանսպորտային բոլոր կապերի ապաշրջափակման նպատակով նոր աշխատանքային եղանակի ձևավորման, ըստ որի՝ ընդունվում է Ռուսաստանի նախագահի առաջարկը` ստեղծել աշխատանքային խումբ, որը համատեղ ղեկավարելու են Հայաստանի, Ադրբեջանի և Ռուսաստանի փոխվարչապետները: ՌԴ նախագահ Վլադիմիր Պուտինը եռակողմ հանդիպումն անվանել է «կարևոր և օգտակար»՝ ասելով, որ նոյեմբերի 9-ի զինադադարի հայտարարության համաձայնագրի պայմաններն «ընդհանուր առմամբ պահպանվում են»:
Տնտեսական մրցակցության պաշտպանության պետական հանձնաժողովի նախագահ Գեղամ Գևորգյանի խոսքով՝ Հայաստանում գրանցված թանկացումների վերաբերյալ հրապարակում են արել նոյեմբերին: Այս պահին կրկին ուսումնասիրում են շուկան, և հաջորդ հրապարակումը կլինի առաջիկայում:
«Օրինակ, ընդդիմությունն ի՞նչ պետք է աներ, որ չի արել, պատերազմի ժամանակ համախմբված չի՞ եղել՝ համախմբված է եղել, առաջարկներով հանդես չի՞ եկել՝ հանդես է եկել, ընդդիմությանը լսե՞լ են՝ ոչ: Եղած խնդիրները բավարար բարձրացրել է, կարծում եմ՝ բավարարից էլ ավելին է բարձրացրել: Խորհրդարանական կառավարման երկրում մենք ունենք իրավիճակ, երբ իշխանությունն ունի սահմանադրական մեծամասնությունից անդին մեծամասնություն, ամեն ինչ եղել է և կա իշխանության ձեռքում: Ընդդիմության ցանկացած նախաձեռնություն տապալել են, տեսեք, երեկ ռազմագերիների վերաբերյալ նախագիծ էինք բերել խորհրդարան, որը ապաքաղաքակն բան էր, բայց այն տապալել են»,- նշեց Էդմոն Մարուքյանը:
«Այս պահին կարող են ցրել խորհրդարանը, և մենք գնանք արտահերթ խորհրդարանական ընտրությունների, ի՞նչ խնդիր կա, եթե քաղաքական ճգնաժամի լուծումն ընտրությունների մեջ է, ապա գնանք այդ ընտրություններին: Ես վստահ եմ, որ այդ ընտրություններից հետո ճգնաժամը շարունակվելու է, քանի որ ճգնաժամը քաղաքական ուժի մեջ է, նրա արարքների ու գործողությունների մեջ է, խոսքն իշխող քաղաքական ուժի մասին է»,- հավելեց Էդմոն Մարուքյանը:
«Այս ամենը Նիկոլ Փաշինյանը որքան շուտ հասկանա, այնքան շուտ մենք կկարողանանք ուղղել մեր ողնաշարը և զբաղվել խնդիրների լուծմամբ: Նիկոլ Փաշինյանն այլևս չի կարող լինել ադեկվատ բանակցող»,- խորհրդարանում լրագրողների հետ զրույցում ասաց Նաիրա Զոհրաբյանը:
ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանի խոսքով՝ Ադրբեջանում պահվող հայ ռազմագերիների հարցով այսօր առաջացել է այնպիսի իրավիճակ, երբ Ադրբեջանը հրաժարվում է վերադարձնել նրանց: Ավելին՝ նոյեմբերի 9-ի եռակողմ հայտարարությունից հետո գերեվարվեցին 64 հոգի, 62-ը՝ Գյումրիի ՄՈԲ-ից, 2-ը՝ Արմավիրի մարզից:
ԱԺ փոխնախագահ Ալեն Սիմոնյանն այսօր խորհրդարանում անդրադարձավ Վատիկանում ՀՀ նախկին դեսպան Միքայել Մինասյանի ուշագրավ հայտարարությանը, ըստ որի՝ ԱԺ նախագահ Արարատ Միրզոյանը 2007 թվականից աշխատել է՝ որպես Թուրքիայի գործակալ:
Պաշտպանութան նախարար Վաղարշակ Հարությունյանն այսօր խորհրդարանում փակ հանդիպման էր «Իմ քայլը» խմբակցության պատգանավոր, Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի հետ: Հանդիպումն ընթանում էր Անդրանիկ Քոչարյանի աշխատասենյակում:
ԱԺ պատգամավոր Աննա Գրիգորյանը, ով սեփական դիմումի համաձայն՝ դուրս էր եկել «Իմ քայլը» խմբակցությունից, կողմ է իշխանության հեռանալուն, սակայն չի սատարում ընդդիմությանը: Նրա պատկերացմամբ՝ այս պահին Հայաստանում պետք է գործի միջանկյալ կառավարություն՝ «տեխնոկրատների կառավարություն»: «Ես կոնկրետ մարդկանց անուններ չեմ նշի, բայց վստահ եմ, որ նրանք ի հայտ կգան, անհատների անուններ չեմ տալիս, որովհետև այս պահին […]
ԱԺ պատգամավոր Աննա Գրիգորյանի խոսքով՝ «Իմ քայլը» խմբակցությունից իր դուրս գալը շատ շահարկվեց: Իր քայլը կատարելուց առաջ նա քննարկում է ունեցել քաղաքական թիմի և «Իմ քայլը» խմբակցության ղեկավարի հետ:
«Իմ անձի վերաբերյալ կարող եմ ասել, որ, այո՛, մեծ հաշվով, այս ժամանակավոր «պարտության» մեջ իմ մեղքի բաժինը տեսնում եմ: Իսկ ավելի լայն առումով ուզում եմ ասել, որ սա համարում եմ հարաբերությունների ճշտում, նոր էջի սկիզբ: Թե ինչպիսին կլինի այդ նոր սկիզբը, կախված է մեզանից յուրաքանչյուրից: Կոչ եմ անում բոլորին համախմբվել հայրենիքի վերակառուցման գործին: Յուրաքանչյուրն իր ոլորտում, իր մասնագիտական կարողություններով ու հնարավորություններով կարող է մեր վիրավոր հայրենիքի մի վերքն ամոքել, մի ցավը բուժել: Ուժ ու կորով բոլորիս այս գործում»,- հավելեց մեր զրուցակիցը:
«Եթե նույնիսկ այդ շահը կա, ապա այն Հայաստանին տրվում է անասելի մեծ զիջումների, երկրի համար կարևորագույն խնդիրներից նահանջի արդյունքում։ Նույնիսկ բարոյական էլ չէ, այս պարագայում, երբ մեր զինվորների մի մասի աճյունը չեն հանձնել հողին, խոսել այդ զինվորների մահվան պատճառ դարձած պետության հետ շահեկան հարաբերությունների մասին։ Խոսել սահմանների ապաշրջափակման մասին և դրանից բխող տնտեսական շահերի մասին, այն պարագայում, երբ ներկայիս ապիկար իշխանությունները չեն կարողանում լուծել գերիների հարցը, հետպատերազմյան բազմաթիվ խնդիրներ, էլ չեմ խոսում պատերազմի սկսվելու և ընթացքի ժամանակ նրանց տգետ քաղաքականության հետևանքների մասին։
«Առայժմ մեր շուշեցիներից ՀՀ կառավարության որոշումով 300 հազար դրամ են տալիս նրանց, ովքեր կացարաններ են թողել, և դրանք այսօր գտնվում են Ադրբեջանի հսկողության տակ, և ովքեր բնակվել են Շուշի քաղաքում փաստացի գրանցումով առնվազն երեք և ավելի ամիսներ, այդ ցուցակների հետ կապված մենք ճշտումներ ենք անում և տրամադրում ՀՀ կառավարություն։ Մեծամասնությամբ մարդիկ արդեն ֆինանսավորվել են, կան մարդիկ, որոնք Շուշիում բնակվում էին, սակայն գրանցված չէին, օրինակ, զինվորականներ, նրանց էլ ենք տեղեկանք տրամադրում, որպես 300 հազար դրամ ստանան»,- 168.am-ի հետ զրույցում ասաց Արծվիկ Սարգսյանը։
ԱԺ «Իմ քայլը» խմբակցության պատգամավոր, Ադրբեջանի հարցերով փորձագետ Տաթևիկ Հայրապետյանն 168.am-ի հետ զրույցում նշեց, որ դժվար է ասել, թե Արցախի հարցի հետ կապված բանակցային գործընթացն ինչ ժամկետներում կարող է վերականգնվել։ Ավելին՝ տարբեր կողմերից եկող ազդակներն ու հրապարակումները ցույց են տալիս, որ Արցախի կարգավիճակի հետ կապված խնդիրը լուծված չէ, և բանակցային գործընթացը պետք է միտված լինի քաղաքական լուծում գտնելուն։
«Իշխանությունները նախկին կլինեն, թե ներկա, միևնույն է՝ Հայաստանը պետք է ունենա արժանապատիվ քաղաքականություն, անվտանգության մեխանիզմներ և դա ապահովող հզոր բանակ։ Երկրորդ հակասությունը՝ տիկնոջ այդ արտահայտությունները, բացի այն, որ որևէ մասնագիտական կամ այլ քննադատության չեն ենթարկվում, նաև շատ տարօրինակ կերպով համահունչ են ադրբեջանական մոտեցումներին, որովհետև Ադրբեջանն է թիրախավորել հայկական բանակը, որը Ադրբեջանի ու նրա ղեկավարի համար հավաքական թշնամու կերպար է։ Խոսել, որ Հայաստանը չպետք է վերականգնի իր ռազմական պոտենցիալը, իր վնասված ու ոչնչացված ռազմատեխնիկան և չփորձի ուղղել իր մեջքը և պատրաստվել պատասխանին՝ որևէ տրամաբանության չի ենթարկվում։
«Ես իմ կարծիքը կասեմ` որպես փորձագետի. երբեք միակողմանի խաղաղություն չի կառուցվում, իսկ Ադրբեջանի կողմից խաղաղությանը միտված ո՛չ որևէ գործողություն, ո՛չ որևէ հայտարարություն չկա, ընդհակառակը՝ կա սուր հռետորաբանություն և քայլեր, օրինակ՝ հայ ռազմագերիներին չվերադարձնելը հումանիտար խնդիր է։ Սա ցույց է տալիս, թե ինչ գործելաոճ է որդեգրել Ադրբեջանը և ինչ քայլեր է ձեռնարկում։ Ուստի, կարծում եմ՝ միակողմանի խաղաղություն չի լինում։
«Մենք խախտել էինք ժամանակացույցը, ելնելով ստեղծված իրավիճակից, նաև կանոնակարգ օրենքի հետ կապված մի փոքր տեխնիկական խնդիրներ կային։ Մենք արդեն տեսել ու քննարկել ենք իրավաբանական բաժնի հետ, թե այդ խնդիրների առկայության դեպքում ինչպես անենք, որ զեկույցը հասանելի լինի բոլորին։ Կարծում եմ՝ այդ զեկույցը հիմա էլ շատ կարևոր է, որպեսզի օր առաջ ուսումնասիրվի, և եթե այս պատերազմը չլիներ, լավ կլիներ, որ բոլորն էլ իմանային, թե ինչ թերությունների մասին է խոսքը»,- խորհրդարանում լրագրողների հետ զրույցում ասաց Անդրանիկ Քոչարյանը։
Ըստ Արման Թաթոյանի, երբ Ադրբեջանում հայ ռազմագերիների նկատմամբ հարուցում են քրեական գործեր, դա նույնպես միջազգային մարդասիրական կոպիտ խախտում է։ Հետևաբար՝ Ադրբեջանում իրավունք չունեն նման բան անելու։
ՀՀ մարդու իրավունքների պաշտպան Արման Թաթոյանի խոսքով՝ ՄԻՊ մոնիտորինգի արդյունքն է այն, որ ֆրանսիական մամուլի էջերում խոսվում է հայ երեխաների նկատմամբ իրականացրած ադրբեջանական վայրագությունների մասին, դա վկայում է Ադրբեջանում հայատյացության քարոզի մասին։
ԱԺ Պաշտպանության և անվտանգության հարցերի մշտական հանձնաժողովում այսօր քննարկվեց և լրամշակելու նպատակով մեկ ամսով հետաձգվեց «Զինվորական ծառայության և զինծառայողի կարգավիճակի մասին» օրենքում լրացումներ կատարելու վերաբերյալ օրենքի նախագիծը։
ԱԺ պաշտպանության և անվտանգության հարցերի մշտական հանձնաժողովում այսօր քննարկվեց «Զինվորական ծառայության և զինծառայողի կարգավիճակի մասին» օրենքում լրացումներ կատարելու վերաբերյալ օրենքի նախագիծը։
Ազգային անվտանգության նախկին աշխատակից, փոխգնդապետ Զոհրաբ Ավետիսյանն այսօր հրավիրած ասուլիսում ասաց, որ Քննչական կոմիտեի նախագահի տեղակալ, ԱԱԾ նախկին տնօրեն Արգիշտի Քյարամյանն «անհայտ ծագման մի անձնավորություն է, որը հրաժարվել է սեփական հորից»։
Հարցին՝ դեպքի մասին ռուս խաղաղապահներին տեղյակ պահե՞լ են, ՊՆ փոխնախարար Արման Սարգսյանը հորդորեց իրեն հարցեր տալ այն դեպքերի հետ կապված, որոնց մանրամասներից տեղյակ է։
Պաշտպանության նորանշանակ փոխնախարար, նախկին ոստիկանապետ Արման Սարգսյանն այսօր խորհրդարանում լրագրողների հետ զրույցում անդրադարձավ ոստիկանապետի պաշտոնից իր հեռացման պատճառներին և նոր պաշտոնին նշանակվելու հանգամանքներին։
«Մեր վերքերը թարմ են, եթե այդպիսի խելոք մտքեր ունեին, պետք է այնպես անեին, որ պատերազմ չլիներ։ Գերիների առկայության պարագայում, կարծում եմ՝ կոռեկտ չէ, անբարոյականություն է գերիների, անհայտ կորածների խնդիրները չլուծած՝ խոսել տնտեսական շահի մասին։ Ինքս տնտեսագետ եմ, բոլոր հարցերին նայում եմ տնտեսագիտական պրիզմայով, բայց…»։
ԱԺ պաշտպանության և անվտանգության հարցերով մշտական հանձնաժողովի այսօրվա նիստում հանձնաժողովի նախագահ Անդրանիկ Քոչարյանը հայտարարեց, որ «Իմ քայլը» խմբակցությունն առաջարկել է, որպեսզի հանձնաժողովի նախկին անդամ Տիգրան Կարապետյանին փոխարինի «Իմ քայլը» խմբակցության պատգամավոր Հայկ Կոնջորյանը, և այդ առաջարկն ընդունվել է։
