Արտակարգ իրավիճակների նախարար Անդրանիկ Փիլոյանն այսօր ԱԺ Պաշտպանության և անվտանգության, ինչպես նաև Ֆինանսավարկային և բյուջետային հարցերի մշտական հանձնաժողովների համատեղ նիստում՝ 2022 թվականի բյուջեի նախագծի քննարկման ընթացքում հայտնեց, որ նախագծով ԱԻՆ-ին նախատեսված է հատկացնել 13 մլրդ 975 մլն 652 հազար 700 դրամ։
Հոկտեմբերի 27-ին խորհրդարանում կառավարության հետ հարցուպատասխանի ժամանակ, երբ հարց էր հնչել Սյունիքում սահմանային իրավիճակի, ինչպես նաև ՀՀ սուվերեն տարածքում թշնամու հայտնվելու վերաբերյալ, Նիկոլ Փաշինյանն ասել էր, որ Սյունիքում հայկական զորքերը հետ են քաշվել իր անմիջական հրամանով։
Հոկտեմբերի 27-ին խորհրդարանում քվեարկության էր դրվել «Հայաստանի Հանրապետության և Ադրբեջանի Հանրապետության շփման գծում տիրող իրավիճակը և սահմանազատման խնդիրները» հրատապ թեմայով քննարկման արդյունքում ընդդիմության կողմից կազմված ԱԺ հայտարարության նախագիծը:
Հուլիսի 13-ից անազատության մեջ գտնվող Սյունիքի մարզի Մեղրի համայնքի նախկին ղեկավար, «Հայաստան» խմբակցության պատգամավոր Մխիթար Զաքարյանի փաստաբան Երեմ Սարգսյանը 168.am-ի հետ զրույցում ասաց. «Մխիթար Զաքարյանն անազատության մեջ է, և դատարանն այդ հարցում մշտապես դաժան է»։
«Բոլոր խանութներում պարտքեր ունեմ, երկու տարի է՝ ամեն հինգշաբթի երեխուս համար հաց եմ տվել, հիմա չեմ կարողանում նույնիսկ երեխուս հացի փողը փակեմ։ Առջևում ձմեռ է, վառելափայտ չունեմ, որ վառեմ, միայնակ այս խցի մեջ չմեռնեմ։ Լավ, կա՞ մի պատկան մարմին, որ ինձ կկարողանա ասել՝ ես ի՞նչ անեմ»,- եզրափակեց Գոհար Ֆերոյանը։
ԱԺ արտահերթ խորհրդարանական ընտրություններից հետո Սյունիքի մարզի տարբեր համայնքապետերի դեմ իշխանությունը հարուցեց քրեական գործեր, հավանաբար հետևելով նախընտրական քարոզարշավի ժամանակ Նիկոլ Փաշինյանի այն հայտարարությանը, որ արտահերթ ընտրություններից հետո որոշ համայնքապետերի սպասում են քրեակատարողական հիմնարկները։
«Ռազմինֆո» մասնագիտացված կայքի համակարգող Կարեն Վրթանեսյանի կարծիքով՝ Ադրբեջանը Արցախի դեմ պատերազմ սկսելու որոշում կայացրել է 2019 թվականին։
Միջազգայնագետ Սուրեն Սարգսյանի կարծիքով՝ Ադրբեջանն ու Թուրքիան Արցախի 44-օրյա պատերազմից առաջ հստակ ուսումնասիրել էին տարածաշրջանի խաղացողների տրամադրությունները, գլոբալ խնդիրները, որոնք նրանք ունեին, այդ թվում՝ արտատարածաշրջանային գլոբալ ուժերը։ «Կորսված հաղթանակ. դավաճանությո՞ւն, թե՞ անգրագիտություն» խորագրով համաժողովի շրջանակներում Սուրեն Սարգսյանը նաև ասաց.
«Ռազմինֆո» մասնագիտացված կայքի համակարգող Կարեն Վրթանեսյանն այսօր «Կորսված հաղթանակ. դավաճանությո՞ւն, թե՞ անգրագիտություն» խորագրով համաժողովի շրջանակներում անդրադառնալով Արցախի 44-օրյա պատերազմին, նշեց, որ ՀՀ իշխանական քարոզչությունը և իշխանությունների գրպանում ծվարած քաղաքական-հասարակական խմբերը պնդում են, որ պատերազմն ու պարտությունն անխուսափելի էին, ինչի համար էլ տարբեր հիմնավորումներ են բերում, դրանից մեկը, իբր, 30 տարվա թալանն է։
«Դատախազությունը մեզ կարող է հուշել, թե որտե՞ղ է գրված, որ ՀՀ Զինված ուժերը կարող են բանավոր ցուցումով տարածքային մեր անձեռնմխելիությունից, սահմանների անձեռմխելիությունից հետ քաշվել, և որտե՞ղ է գրված, որ վարչապետը կարող է նման բանավոր որոշումներ կայացնել։ Գլխավոր հրամանատար լինելը ՀՀ սահմանները պահելու պարտականությունն է, ոչ թե զիջելու, եթե այդպես լիներ, կկոչվեր, օրինակ, գերագույն գլխավոր զիջող, նահանջող, այլ ոչ թե՝ հրամանատար»,- եզրափակեց պատգամավորը։
ԱԺ «Հայաստան» խմբակցության ղեկավար, Պաշտպանության նախկին նախարար Սեյրան Օհանյանն այսօր անդրադարձավ մամուլում տարածված այն տեղեկությանը, որ իշխանություններն իրեն արգելում են որոշակի տեղեկություն հաղորդել 44-օրյա պատերազմի վերաբերյալ, ինչպես նաև ծանոթանալ ապրիլյան պատերազմի քննիչ հանձնաժողովի աշխատանքի արդյունքում հավաքած նյութերին։
Ըստ պատգամավորի, Պաշտպանության և անվտանգության հարցերի մշտական հանձնաժողովում այս ընթացքում տեղի չի ունեցել պրոֆիլային որևէ քննարկում։
ԱԺ «Հայաստան» խմբակցության քարտուղար Արծվիկ Մինասյանն այսօր խորհրդարանական ճեպազրույցների ժամանակ անդրադարձավ իրենց հեղինակած հակաադրբեջանական հայտարարության քվեարկությանն իշխող խմբակցության չմասնակցելուն, ինչպես նաև ներկայացրած պատճառաբանությանը, թե հայտարարության տեքստն իրենց նախապես չեն տվել ծանոթանալու:
ԱԺ «Հայաստան» խմբակցության ղեկավար Սեյրան Օհանյանի խոսքով՝ երեկ խորհրդարանում հանդիպել են ՀՀ-ում ՌԴ դեսպան Սերգեյ Կոպիրկինի հետ։
Հոկտեմբերի 27-ին խորհրդարանում կառավարության հետ հարցուպատասխանի ժամանակ «Հայաստան» խմբակցության պատգամավոր Աննա Գրիգորյանը, դիմելով Նիկոլ Փաշինյանին, ասել էր, որ այժմ ադրբեջանցի սահմանապահները հայտնվել են Սյունիքում, որովհետև դեկտեմբերի 18-ին եղել է զորքերի հետքաշման հրաման, որը նախատեսված չի եղել նոյեմբերի 9-ի հայտարարությամբ: Նա հետաքրքրվել էր՝ զորքերի հետքաշման հրամանը եղել է բանավո՞ր, թե՞ գրավոր, ի՞նչ է այն մարդու անուն-ազգանունը, ով հնչեցրել է նման հրաման, արդյո՞ք ԱԽ նիստ տեղի է ունեցել՝ նման որոշում կայացնելուց առաջ։
2020 թվականի դեկտեմբերի 18-ից հետո, երբ Նիկոլ Փաշինյանի հրահանգով հայկական զորքերը հետ քաշվեցին Սյունիքի և Գեղարքունիքի մարզերի բարենպաստ դիրքերից, և դրանք հանձնվեցին թշնամուն, երկու մարզերում էլ խաղաղ բնակիչները հայտնվեցին թշնամու թիրախում։ Թշնամին ոչ միայն պարբերաբար կրակում է խաղաղ բնակավայրերի ուղղությամբ, այլ բնակիչների անասուններն է գողանում և քշում իր վերահսկողության տակ գտնվող հայկական տարածքներ։ Շատ քիչ դեպքերում է հաջողվել հայկական կողմին՝ ռուս խաղաղապահների միջոցով անասուններին վերադարձնել բնակիչներին։
«Ես չեմ ուզում նույնիսկ հավատալ, որ նման բան կարող է տեղի ունենալ, որովհետև դա կլինի սարսափելի հարված, հայոց պետականության ապամոնտաժում, ուղղակի ժամանակի հարց է լինելու։ Մենք պետք է հասկանանք, որ եթե թշնամին է նույնիսկ այդպես կարևորում Արցախը, ապա կարևոր է, չէ՞, Արցախը։ Պետք է հավաքվենք ու այս սթրեսից դուրս գանք, իմանանք ճիշտն ու սխալը, մեր մնայուն արժեքը, Արցախն այդ մնայուն արժեքն է»։
ԱԺ փոխնախագահ Ռուբեն Ռուբինյանի խոսքով՝ «Հայաստան» խմբակցության պատգամավոր Գեղամ Մանուկյանի՝ «Արցախն ուրացողը դավաճան է» արտահայտության մեջ վիրավորանք չկա և անվտանգության աշխատակիցներին նիստերի դահլիճ է հրավիրել ոչ թե նրա արտահայտության համար, այլ հրավիրել է միայն նրա համար, որ պատգամավորը հրաժարվել է լքել ամբիոնը։
«Ես երկու տարբերակ ունեմ ընդդիմության, ավելի ճիշտ՝ «Հայաստան» խմբակցության նման հայտարարության վերաբերյալ։ Առաջինը՝ «Հայաստան» խմբակցությունը չի կողմնորոշվում, թե ինչ է ուզում, երկրորդ՝ խմբակցության ներսում գտնվող ուժերի միջև գուցե տարաձայնություններ կան, որովհետև տարօրինակ բաներ են տեղի ունենում»,- այս մասին խորհրդարանում լրագրողների հետ զրույցում ասաց ԱԺ փոխնախագահ Ռուբեն Ռուբինյանը՝ անդրադառնալով ընդդիմությանը նստել ու խոսելու մասին Նիկոլ Փաշինյանի հրավերին։
«Սովորաբար մեր ինֆորմացիոն դաշտում լուր է գնում, մի բան է կատարվում, հետո հաջորդ օրը մեկ այլ բան է կատարվում, և նախորդի մասին մոռանում ենք։ Ուզում եմ անդրադառնամ երեկվա իմ հարցին ու կառավարության պատասխանին, երբ հարցը տալիս են հստակ ու ճշգրիտ, չգիտես՝ ինչու, այս մեր իշխանությունները մոլորվում են և որևէ ռեալ պատասխան չեն տալիս»,- այս մասին խորհրդարանում լրագրողների հետ զրույցում ասաց «Հայաստան» խմբակցության պատգամավոր Աղվան Վարդանյանը՝ անդրադառնալով երեկ խորհրդարանում Նիկոլ Փաշինյանին ուղղած իր հարցին։
Հոկտեմբերի 27-ին Կառավարության հետ հարցուպատասխանի ժամանակ պատասխանելով «Հայաստան» խմբակցության պատգամավոր Աննա Գրիգորյանի հարցին, որը վերաբերում էր Սյունիքին, Նիկոլ Փաշինյանը հայտարարել է, որ դեկտեմբերի 18-ին ինքն է հրաման տվել, որ հայկական զորքերը հետ քաշվեն Սյունիքում զբաղեցրած իրենց դիրքերից։
Այսօր ԱԺ նիստի ժամանակ «Պատիվ ունեմ» խմբակցության պատգամավոր Թագուհի Թովմասյանը Պաշտպանության փոխնախարար Արման Սարգսյանից հետաքրքրվեց, թե սահմանային ինչ իրավիճակ է Գեղարքունիքում։
ԱԺ «Հայաստան» խմբակցության պատգամավոր Աղվան Վարդանյանն այսօր խորհրդարանում լրագրողների հետ զրույցում անդրադարձավ Նիկոլ Փաշինյանի այն հայտարարությանը, թե պատրաստ է ընդդիմության հետ նստել ու խոսել պատերազմի մանրամասների, նաև այն մասին, թե ինչու կորսվեց Արցախի 75 տոկոսը։
Այսօր խորհրդարանում Կառավարության հետ հարցուպատասխանի ժամանակ ԱԺ «Հայաստան» խմբակցության պատգամավոր Արամ Վարդևանյանը դիմելով Նիկոլ Փաշինյանին՝ նշեց, որ առնվազն պաշտոնատար անձինք տեղյակ են, որ Արցախը ԵԱՀԿ Մինսկի ձևաչափով բանակցություններին մասնակցել է 1996 թվականի նոյեմբերի 22-ին Հելսինկիում։
Այսօր խորհրդարանում Կառավարության հետ հարցուպատասխանի ժամանակ «Հայաստան» խմբակցության պատգամավոր Արմեն Ռուստամյանը դիմելով Կառավարության անդամներին՝ նշեց, թե ողջամիտ կասկած կա, որ մեզ համար կենսական զիջումներ պարունակող մի փատաթուղթ է պատրաստվում, որի բովանդակության մասին կարող ենք իմանալ միայն ստորագրելուց հետո։
Խորհրդարանում երեկ Կառավարության հետ հարցուպատասխանի օրն է։ Օրենսդիր մարմնում այսօր էլ Նիկոլ Փաշինյանի անվտանգությունն ապահովվում էր ուժեղացված ռեժիմով՝ բազմաթիվ անվտանգության աշխատակիցների մասնակցությամբ։ Մինչև նրա ժամանելը ԱԺ, գրեթե բոլոր միջանցքներում տասնյակ անվտանգության աշխատակիցներ էին հայտնվում՝ զննելու, թե ինչ իրավիճակ է, զննեցին նաև նիստերի դահլիճը։ ԱԺ գրեթե բոլոր մուտքերի մոտ կանգնած էր անվտանգության մի քանի աշխատակից։ Նիկոլ Փաշինյանը նիստերի դահլիճ մտավ ԱԺ նախագահի համար նախատեսված մուտքով, միայն դրանից հետո անվտանգության աշխատակիցների մի մասը լքեց ԱԺ միջանցքները։
Այսօր հոկտեմբերի 27-ի զոհերի հիշատակի օրն է: ԱԺ պատգամավորները կեսօրից հետո ծաղիկներ խոնարհեցին ԱԺ բակում տեղադրված զոհերի հիշատակը հավերժացնող հուշակոթողի մոտ:
ԱԺ «Հայաստան» խմբակցության պատգամավոր Արամ Վարդևանյանը լրագրողների հետ զրույցում անդրադառնալով «Հայաստան» համահայկական հիմնադրամի հավաքած միջոցների ծախսման հարցին, հիշեցրեց, թե Նիկոլ Փաշինյանն ասում էր, որ «Հայաստան» համահայկական հիմնադրամում ամեն ինչ նորմալ է, սակայն հիմնադրամը դա չի ասել:
ԱԺ «Հայաստան» խմբակցության պատգամավոր Արամ Վարդևանյանն այսօր խորհրդարանում լրագրողների հետ զրույցում անդրադարձավ տևական ժամանակ կալանքի տակ պահվող Արմեն Չարչյանի առողջական վիճակին:
Այսօր խորհրդարանում ելույթի ժամանակ իշխանական պատգամավոր Արթուր Հովհաննիսյանն ԱԺ ամբիոնից հայտարարեց, որ կան պատգամավորներ, որոնք ռևանշիստներ են, որին տեղից արձագանքեց «Հայաստան» խմբակցության ղեկավար Սեյրան Օհանյանը՝ հարցնելով, թե ինչ է նշանակում՝ ռևանշիստներ: Տեղից արձագանքեց նույն խմբակցության պատգամավոր Գեղամ Նազարյանը, դրան հետևեցին իշխանական մեկ այլ պատգամավորի՝ Վաղարշակ Հակոբյանի հանգստության կոչերը:
