ԱԺ «Պատիվ ունեմ» խմբակցության քարտուղար Հայկ Մամիջանյանն այսօր ԱԺ-ում ասուլիսի ժամանակ անդրադարձավ շրջանառվող այն տեղեկությանը, թե շուտով Հայաստանն Ադրբեջանի հետ նոր փաստաթուղթ է ստորագրելու, որի տակ հավանաբար կլինի ոչ թե Նիկոլ Փաշինյանի, այլ փոխվարչապետ Մհեր Գրիգորյանի կամ Պաշտպանության նախարարի ստորագրությունը։
Շրջակա միջավայրի փոխնախարար Գայանե Գաբրիելյանն այսօր խորհրդարանում լրագրողների հետ զրույցում անդրադարձավ «TikTok»-ում իր տարածած տեսանյութերին և դրա հետ կապված խոսակցություններին։
Տարածքային կառավարման և ենթակառուցվածքների փոխնախարար Արմեն Սիմոնյանի խոսքով՝ ճանապարհային անվտանգության հարցերը բազմակողմանի են և այդ բազմակողմանիության կոնտեքստում կարևոր նշանակություն ունի շարժակազմը, որն օգտագործվում է, նաև վարորդների պրոֆեսիոնալությունը և ճանապարհների երթևեկության որակը։
Արդեն տեղեկացրել էինք, որ ադրբեջանական կողմն այսօր առավոտյան կրակ է բացել Արցախի Հանրապետության Կարմիր Շուկայի ուղղությամբ։
Արցախի հերոս, Արցախյան ազատամարտի մասնակից, ՀՀ ժողովրդական արտիստ Ժաննա Գալստյանի համար զարմանալի չեն բոլոր այն գործընթացները, որոնք Հայաստանի իշխանությունը տանում է գեներալների դեմ՝ նրանց անունն ու արած գործը սևացնելու համար։
Այսօր թշնամին հերթական անգամ կրակել է Արցախի Հանրապետության Կարմիր Շուկայի ուղղությամբ։
ԱԺ «Հայաստան» խմբակցության պատգամավոր Զեմֆիրա Միրզոևան այսօր Մարդու իրավունքների պաշտպանության և հանրային հարցերի մշտական հանձնաժողովի նիստում, որտեղ քննարկվում էր զինծառայողների իրավունքներին առնչվող հարցեր, հայտարարեց, որ իրեն դիմել են զոհված զինծառայողների ընտանիքների անդամներ, ահազանգելով, որ մինչ օրս չեն կարողանում ամբողջական ստանալ իրենց հատկացվող փոխհատուցումը։
ԱԺ Մարդու իրավունքների պաշտպանության և հանրային հարցերի մշտական հանձնաժողովում այսօր քննարկվում էր ԱԺ «Պատիվ ունեմ» խմբակցության պատգամավոր, հանձնաժողովի նախագահ Թագուհի Թովմասյանի հեղինակած օրենքի նախագիծը, որով առաջարկվում է փոփոխություն կատարել «Զինվորական ծառայության և զինծառայողի կարգավիճակի մասին օրենքում»։
ԱԺ «Պատիվ ունեմ» խմբակցության պատգամավոր, Մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը այսօր հանձնաժողովում ներկայացրեց իր հեղինակած «Զինվորական ծառայության և զինծառայողի կարգավիճակի մասին օրենքում» փոփոխություն կատարելու վերաբերյալ օրենքի նախագիծը։
ԱԺ «Պատիվ ունեմ» խմբակցության պատգամավոր, Մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը հանդես է եկել օրենսդրական նախաձեռնությամբ «Զինվորական ծառայության և զինծառայողի կարգավիճակի մասին օրենքում» փոփոխություն կատարելու վերաբերյալ։
Ցանցային հետազոտությունների ինստիտուտի տնօրեն Գագիկ Հարությունյանի խոսքով՝ այն, ինչ այսօր տեղի է ունենում տարածաշրջանում, մասնավորապես՝ Հայաստանի շուրջ, ցավոք, դրական զարգացումներ չեն խոստանում Հայաստանի համար։
Տարածքային կառավարման և ենթակառուցվածքների նախարարի տեղակալ Հովհաննես Հարությունյանի խոսքով՝ Կառավարությունը ասֆալտապատման աշխատանքների հետ կապված նշաձող է սահմանել և այդ նշաձողը սահմանած՝ առաջ է շարժվում։
Նոյեմբերի 28-ին Երևանի Հովհաննես Պողոսյանի անվան թիվ 82 հիմնական դպրոցում տեղի ունեցավ 44-օրյա պատերազմում նահատակված ժամկետային զինծառայող Լևոն Չատինյանին նվիրված «Հիշատակի ղողանջներ» խոնարհման հուշ ցերեկույթը, որի ժամանակ նաև ներկայացվեց հերոսին նվիրված գիրքը՝ «Լևոնը»։
Պետական եկամուտների կոմիտեի նախագահ Ռուստամ Բադասյանի վկայությամբ՝ դիտարկումները ցույց են տալիս, որ եկամուտների հավաքագրման վերաբերյալ վերանայված բյուջեով սահմանված ցուցանիշները կկատարվեն, հնարավոր է՝ նաև գերակատարվեն։
Տեսչական մարմինների աշխատանքների համակարգման գրասենյակի ղեկավար Արթուր Ասոյանի փոխանցմամբ՝ հունվարի 1-ից կորոնավիրուսի դեմ նոր խստացումների վերաբերյալ կարգավորումները մշակման փուլում են, դրանք վերաբերում են հանրային վայրեր՝ առանց ՊՇՌ թեստի բացասական արդյունքի կամ պատվաստման թերթիկի մարդկանց մուտքն արգելելուն։
ԱԺ «Հայաստան» խմբակցության պատգամավոր Վահե Հակոբյանի պնդմամբ՝ Գորիս-Կապան ճանապարհի Որոտանի հատվածը, որը վերահսկում է թշնամին, փակ է, այնտեղ ադրբեջանցիները գազալցակայան են կառուցել։
Այսօր առավոտյան Սյունիքի մարզի Իշխանասար համայնքի ղեկավարը հայտարարել էր, որ թշնամին հետ է քաշվել ՀՀ սուվերեն տարածքից։ Այս հայտարարությանն ի պատասխան՝ Պաշտպանության նախարարությունը հորդորեց սահմանային իրադրության, զինված ուժերի տեղաշարժի, զբաղեցրած բնագծերի կամ այլ գործողությունների մասին տեղեկությունները տարածել ոչ թե՝ հիմնվելով համայնքների ղեկավարների խոսքի, այլ՝ ՊՆ պաշտոնական հաղորդագրությունների վրա։
ԱԺ Պաշտպանության և անվտանգության հարցերի մշտական հանձնաժողովի նախագահ, ՔՊ-ական պատգամավոր Անդրանիկ Քոչարյանին հանձնաժողովի նիստից հետո լրագրողները հարցրեցին՝ իրականում թշնամին հե՞տ է քաշվել Իշխանասարի հատվածից։ Քոչարյանը հարցին պատասխանելու փոխարեն՝ ինքը հարց ուղղեց լրագրողներին, թե ինչու այդ հարցը չեն տվել Պաշտպանության փոխնախարար Արման Սարգսյանին։ Երբ լրագրողները պատասխանեցին, որ փոխնախարարը խուսափել է, Անդրանիկ Քոչարյանը գրեթե նույն ոճով հակադարձեց. «Թույլ տվեք ես էլ խուսափեմ, որովհետև կան բաներ, որ արժե մեկ-մեկ էլ խուսափել»։
Առողջապահության նախարար Անահիտ Ավանեսյանն այսօր խորհրդարանում լրագրողների հետ զրույցում անդրադարձավ հունվարի 1-ից ՀՀ-ում նախատեսվող սահմանափակումներին՝ հանրային վայրեր այցելելիս պետք է ներկայացնել պատվաստման թերթիկը կամ ՊՇՌ թեստի բացասական արդյունքը հավաստող տեղեկանքը։
ԱԺ Պաշտպանության և անվտանգության հարցերի մշտական հանձնաժողովի հերթական նիստում այսօր մի շարք հարցերի հետ քննարկվեց նաև հանձնաժողովի նախագահի տեղակալի ընտրության հարցը։ Այդ պաշտոնում 14-րդ անգամ չընտրվեց «Հայաստան» խմբակցության առաջադրած թեկնածուն: Իշխանական խմբակցության պատգամավորները նորից դեմ քվեարկեցին Արթուր Ղազինյանին։
Սյունիքի մարզի Իշխանասար համայնքի ղեկավարը հայտարարել էր, որ ադրբեջանցիները հետ են քաշվել ՀՀ սուվերեն տարածքի՝ Իշխանասարի հատվածից։ Պաշտպանության նախարարությունը տարածված լուրի առնչությամբ հորդորել էր՝ սահմանային իրադրության, զինված ուժերի տեղաշարժի, զբաղեցրած բնագծերի կամ այլ գործողությունների մասին տեղեկությունները տարածել ոչ թե՝ հիմնվելով համայնքների ղեկավարների խոսքի, այլ՝ ՊՆ պաշտոնական հաղորդագրությունների վրա:
Այսօր խորհրդարանում Պետաիրավական հարցերի մշտական հանձնաժողովի նիստում Ոստիկանության պետի տեղակալ Արա Ֆիդանյանը ներկայացրեց Կառավարության հեղինակած «Հայաստանի Հանրապետության քաղաքացիության մասին» օրենքում լրացումներ և փոփոխություններ կատարելու մասին օրենքի նախագիծը։
ԱԺ Պաշտպանության և անվտանգության հարցերի մշտական հանձնաժողովի հերթական նիստում ՔՊ-ական պատգամավոր Վահագն Ալեքսանյանն անդրադարձավ «Հայաստան» խմբակցության պատգամավոր Արթուր Ղազինյանի բարձրացրած խնդրին, թե ինչու է ադրբեջանական կողմն օգտագործում Հայաստանի օդային տարածքը։
Պաշտպանության փոխնախարար Արման Սարգսյանն այսօր Պաշտպանության և անվտանգության հարցերի մշտական հանձնաժողովում ներկայացրեց Կառավարության հեղինակած «Պետական սահմանի մասին» օրենքում լրացում կատարելու մասին նախագիծը։
«Սիսական» ջոկատի կամավորական, Հայ Հեղափոխական Դաշնակցության անդամ, նկարիչ Աշոտ Ավագյանի խոսքով՝ Սյունիքում և առհասարակ Հայաստանում ստեղծված իրավիճակից ելքը գաղափարախոսությունն է՝ միացյալ հայրենիքը։
Սյունիքի մարզի Քաջարան համայնքի ավագանին այսօր համայնքապետ Մանվել Փարամազյանի խափանման միջոց կալանավորումը փոխելու համար ուղերձ է ուղարկում դատարանին։
2020 թվականի դեկտեմբերի 18-ից հետո, երբ Նիկոլ Փաշինյանի որոշմամբ և Պաշտպանության նախկին նախարար Վաղարշակ Հարությունյանի հրամանով հայկական զորքերը Սյունիքի մարզում հետ քաշվեցին իրենց զբաղեցրած դիրքերից, մարզի գրեթե բոլոր գյուղերը հայտնվեցին թշնամու նշանառության տակ, քանի որ բոլոր բարենպաստ դիրքերը զբաղեցրեցին ադրբեջանցիները։
Ես չգիտեմ, թե այս փաստաթուղթն ում մտահղացումն էր, կարծում եմ՝ սա մեծ վնաս կարող է հասցնել Արցախի հարցի կարգավորման գործընթացին։ Այդ համատեքստում հարկ է նաև հիշել Նիկոլ Փաշինյանի մեկ այլ հայտարարություն, որն այդպես էլ անարձագանք մնաց։ Նա ԱԺ-ում հայտարարեց, որ Արցախի հարցում չենք կարող ունենալ հայանպաստ լուծում, սա մենք ևս պետք է տողատակերով հասկանանք։ Այսինքն՝ Արցախի հայանպաստ միակ լուծումը, որը կարող է լինել, Ադրբեջանից անջատ կարգավիճակն է, իսկ ինքն ասում է, որ նման բան չի կարող լինել։ Այստեղ տեսնում ենք, որ ՀՀ իշխանության համար Արցախի հայանպաստ լուծումը փակված թեմա է, ինչպես Ալիևն է ասում՝ այլևս նման խնդիր չկա։
Մենք մեր քարոզչությունն ենք անում, մեր համայնքի բնակիչները գիտեն, որ մենք ընդամենը մի մեքենայով ու մի քանի մարդկանցով գնում ենք, հանդիպում մեր բնակիչների հետ, ներկայացնում մեր ծրագրերը, տեսլականը, թե ինչպես ենք պատկերացնում Մասիս խոշորացված համայնքի առաջիկա 5 տարին։ Լսում ենք բնակիչներին, նրանց խորհուրդները, նրանց կարծիքներն իրենց համայնքների ապագայի վերաբերյալ։ Փորձում ենք նաև նրանց առաջարկները ներառել առաջիկա մեր աշխատանքների մեջ։ Նորմալ քարոզարշավ ենք անում, գոհ ենք մեր ազգաբնակչությունից, ամեն ինչ նորմալ է։
Երեկ հայտնի դարձավ, որ ադրբեջանական «SOCAR»-ը Գորիս-Կապան ավտոճանապարհին ինքնասպասարկվող բենզալցակայան է տեղադրել։
