«Հենակետ» վերլուծական կենտրոն ՀԿ ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանը հոդված էր հրապարակել, որում նշել էր, թե՝ «Ես եմ» ծրագրի մասնակիցների թիվը չի աճում, ավելին՝ մեկնարկից անընդհատ իջնում է։
1991-1997 թթ. ՀՀ նախագահի ավագ խորհրդական, պատմաբան, դիվանագետ Ժիրայր Լիպարիտյանը վերջերս «Առավոտ»-ում` «Քայլ, այս անգամ մի մեծ քայլ՝ դեպի ետ» վերտառությամբ հոդված էր հրապարակել, որում նշում է, թե՝ «մինչև այսօր բանակցությունների ձախողման պատասխանատվությունն Ադրբեջանին և Թուրքիային վերագրելը ուրացումն է մեր կողմից գործված սխալների, որոնց այժմ ավելացրինք Սևրի դաշնագրի որդեգրումը՝ որպես հիմք մեր հարևանների հետ հարաբերությունների»:
«Մենք ստացել ենք 164 դիմում-բողոք, որը 28-ով ավելին է 2019-ի ամառային զորակոչի ցուցանիշից, և 53-ով՝ 2019-ի ձմեռային զորակոչի: 164 դիմում-բողոքներից միայն 3-ն են, որ զինակոչիկի առողջական վիճակին չեն վերաբերել: Մենք 100 միջնորդագիր ենք ուղարկել զորակոչային իրավասու մարմիններին, և մեր միջնորդագրերի քննարկման և ազդեցության արդյունքում վերանայվել է զինծառայության պիտանիության մասին 42 փորձաքննական եզրակացություն: Այսինքն, 42 երիտասարդ, որ պիտի զորակոչվեին՝ ըստ նախկին եզրակացությունների, մեր միջամտությունից հետո չեն զորակոչվի, կստանան ժամկետներ բուժման համար, իսկ ոմանք ընդհանրապես ճանաչվեցին ոչ պիտանի զինծառայության համար և հաշվառվեցին պահեստազորում»,- մանրամասնեց Գեղամ Հարությունյանը:
Ազգային ժողովի երեք պատգամավորների կողմից («Իմ քայլը» խմբակցության պատգամավորներ Մխիթար Հայրապետյան, Անդրանիկ Քոչարյան, անկախ պատգամավոր Արման Բաբաջանյան) շրջանառության մեջ է դրվել օրենքների նախագծերի փաթեթ, համաձայն որի՝ 27 տարին լրացած ՀՀ քաղաքացիները, որոնք չեն անցել պարտադիր զինվորական ծառայություն և գտնվում են քրեական հետախուզման մեջ, պայմանագրային զինվորական ծառայողի երկու տարվա աշխատավարձը և հավելավճարը վճարելու դեպքում կազատվեն քրեական հետապնդումից։
«Էդ մարդն իրա կյանքում մենակ շահումյանցիներից է ապտակ կերել և մինչև օրս չի կարողանում ոչ մի ձևի մոռանա, ների»,- այս մասին 168.am-ի հետ զրույցում ասաց ազատամարտիկ Կամո Հարությունյանը՝ արձագանքելով Արցախի ԱԽ քարտուղար Սամվել Բաբայանի՝ շահումյանցիներին ուղղված մեղադրանքին:
ՀՀ պաշտպանության նախարարությունը հայտարարություն է տարածել, որտեղ նշվում է, որ չնայած հանրապետության տարածքում իրականացվող հակահամաճարակային միջոցառումների որոշ մեղմացումների, ՀՀ զինված ուժերում կորոնավիրուսային վարակի ներթափանցման և կանխարգելման, ինչպես նաև անձնակազմի մարտունակությունը բարձր պահելու նպատակով, դեռևս կշարունակվեն կանխարգելիչ միջոցառումները և կգործեն որոշակի սահմանափակումներ: Մասնավորապես, կշարունակեն արգելվել պարտադիր ժամկետային զինծառայողների բոլոր տեսակի արձակուրդներն ու ազատ արձակումները, տեսակցությունները, տեսակցության նպատակով այցելությունները զինվորական կառույցներ, մշտական տեղակայման վայրեր, այդ թվում՝ այցելությունները հոսպիտալներում բուժման մեջ գտնվող զինծառայողներին, և այլն:
Օրերս ՀՀ վարչապետ Նիկոլ Փաշինյանն այցելել էր Տավուշի մարզ: Չինարի սահմանապահ համայնքում նա հայտարարել է, թե Հայաստանի Հանրապետության անկախությունից ի վեր ոչ մի բնակելի տուն չի կառուցվել զրոյից: Մովսես գյուղում էլ Փաշինյանն ասել է, որ Մովսես գյուղն իր գոյության 300 տարվա ընթացքում երբեք ասֆալտապատ ճանապարհ չի ունեցել:
Վերջին շրջանում հաճախակի են դարձել Ադրբեջանի հատուկ ծառայությունների կողմից հայ օգտատերերի, ուժային կառույցների աշխատակիցների, գերատեսչությունների կայքերի հաքերային հարձակման ենթարկվելու դեպքերը, անձնական տվյալների հրապարակումը: Ավելին, երեկ հայտնի դարձավ, որ Թուրքիան և Ադրբեջանը համատեղ մեդիապլատֆորմ են ստեղծում, որի նպատակը, ըստ պաշտոնական պարզաբանումների, անվտանգության ոլորտի սպառնալիքներն են։
Նախագահն իր լիազորությունների մի մասը, այն չափով, որ ճիշտ է համարել, տվել է մեզ՝ հրամանով ու գաղտնի: Այսօր ԱՀ ԱԺ-ում հայտարարել է ԱՀ Անվտանգության խորհրդի քարտուղար Սամվել Բաբայանը՝ պատասխանելով Անվտանգության խորհրդի կանոնադրությանը, կառուցվածքին, լիազորություններին վերաբերող հարցին, քանի որ այն Նախագահի հրամանով ձևավորված խորհրդատվական մարմին է:
Աննա Հակոբյանի նախաձեռնությամբ և մասնակցությամբ օգոստոսի 25-31-ը Արցախի զորամասերից մեկում անցկացվել էր հավաք, որտեղ ներգրավված են եղել Արցախում բնակվող տարբեր տարիք և մասնագիտություն ունեցող 15 կանայք։
Արցախի խորհրդարանում պատգամավորների հետ հանդիպմանն ԱԽ քարտուղար Սամվել Բաբայանն ասել է, որ Արցախում Սահմանադրության փոփոխման խնդիրն առկա է, բայց քանի որ Հայաստանում նույնպես նոր Սահմանադրություն է մշակվում, սպասում են, որ նախ ՀՀ Սահմանադրությունը փոխվի, որպեսզի հետո ՀՀ Սահմանադրությանը համահունչ Սահմանադրություն ունենան, որ դրանք չհակասեն իրար, և խնդիրներ չառաջանան:
Արցախի ԱԽ քարտուղար Սամվել Բաբայանին երկրի խորհրդարանում հարց են ուղղել ՀՀ-ում աշխարհազորի ստեղծման գաղափարի վերաբերյալ, ինչին ի պատասխան՝ նա նշել է, որ աշխարհազորի ստեղծումը «պրինցիպիալ խնդիր է», և, որ առաջիկա նիստի ընթացքում քննարկելու են, թե ինչպես են աշխարհազորի ստեղծումը պատկերացնում, ինչպես է իրենց մոտ մոբիլիզացիան կատարվելու:
Արցախի ԱԽ ղեկավար Սամվել Բաբայանը երկրի խորհրդարանում հայտարարեց, որ Արցախի բանակի մասով ռազմավարական ծրագիր է մշակվում, սրանից անմասն չի մնա արտաքին քաղաքականությունը, քանի որ, ըստ Արցախի հերոսի, 30 տարում ոչինչ չի արվել:
Անվտանգության խորհուրդը դա նախագահին կից մարմին է, որը կատարում է Նախագահի կարգադրությունները, ծրագրային ռազմավարությունը և որը հաստատվել է «Ազատ հայրենիք-ՔՄԴ» կուսակցությունների դաշինք»-«Միասնական հայրենիք» համատեղ հուշագրով: Այսօր Արցախի Հանրապետության խորհրդարանում պատգամավորների հետ հանդիպմանը շեշտեց ԱԽ քարտուղար Սամվել Բաբայանը՝ խոսելով իր ղեկավարած խորհրդի գործառույթների ընդլայնումից:
Պաշտպանության նախկին փոխնախարար Գագիկ (Գուրգեն) Մելքոնյանը ողջունում է աշխարհազորի ստեղծման գաղափարը, բայց, ըստ նրա, դրա համար առաջին հերթին քննարկումներ են պետք, քանի որ կան մանրուքներ, որոնք ուշադիր պետք է ուսումնասիրվեն:
«Ժողովուրդ» թերթը գրել էր, որ 2018-ի թավշյա հեղափոխությունից հետո ՀՀ զինված ուժերի թիկունքի պետ-վարչության պետի պաշտոնից ազատված Նորայր Յոլչյանը նոր պաշտոն է ստացել ՀՀ պաշտպանության նախարարությունում:
Վիեննայի պայմանավորվածությունների թեման պետք է ամեն գնով բերել օրակարգ, ավելին՝ դա քննարկումների այս փուլի առանցքը պետք է դառնա, որովհետև դա սահմանային իրավիճակը կայունացնելուն և էսկալացիայի վտանգը նվազեցնելուն ուղղված կարևոր քայլ կլինի։
Շահումյանը զսպող, պահող դեր է խաղացել և ոչ թե մեկ, այլ մի քանի անգամ է հարձակում «պահել»: Եթե մարդիկ սա չեն հասկանում… Կամ՝ ասում են՝ կշարժվենք դեպի Կասպից ծով, այ ձեր ցավը տանեմ, Կասպից ծով պիտի Շահումյանով գնաք, կամ Շահումյանի նման տարածքներով: Եթե տնտեսականին անդրադառնանք, ես ուզում եմ իմանալ՝ ամբողջ Արցախի տարածքում որտե՞ղ է ինչ աճում, որ Շահումյանում չի աճում: Ինչ վերաբերում է հանքերին, ոսկի կամ նավթ լինելուն, էդ քանի՞ անգամ են մարդիկ գնացել գեոդեզիա արել, համապատասխան ստուգումներ անցկացրել, որ եզրակացնում են, թե Շահումյանում նման բաներ չեն հայտնաբերելու: Եվ հետո, կրկնում եմ, հայրենիքը նման բաներով չեն չափում, հիմա կարող ենք ասել՝ ինչո՞վ է օգուտ մեզ Արարատ լեռը, բայց դա մերն է, մեր մի կտորն է, ինչ է՝ պիտի մի բան տա, որ նոր ասեմ, թե ի՞մն է:
Երբ 2006թ. Արցախն ընդունել է իր Սահմանադրությունը, մենք փաստացի հրաժարվել ենք տարածքներին հատուկ որակումներ տալուց: Կարծում եմ՝ շատ կարևոր է, որ հայկական լրատվամիջոցները, փորձագիտական ու հանրային տարբեր շրջանակներ ևս Արցախի Հանրապետության տարածքային ամբողջականությունը դիտարկեն առանց տարբերակումների: Դա այլևս մեզ համար էական նշանակության հարց է, և ԱՀ Կառավարությունն իր քաղաքականությունը մշակել և իրականացնում է տարածքային համաչափ զարգացման սկզբունքով:
2020թ. փետրվարին Մյունխենի անվտանգության համաժողովի շրջանակում Ադրբեջանի նախագահ Իլհամ Ալիևի հետ ԼՂ հարցով հանդիպում-քննարկումից հետո ՀՀ վարչապետ Նիկոլ Փաշինյանը Ֆեյսբուքի իր էջում 6 կետով ներկայացրեց Լեռնային Ղարաբաղի հիմնախնդրի վերաբերյալ Հայաստանի դիրքորոշումը: Երրորդ կետում ասվում է՝ «չկան տարածքներ, կա անվտանգություն. Լեռնային Ղարաբաղը չի կարող զիջել իր անվտանգությունը»:
Ապրիլյան պատերազմի մասնակից Հրանտ Սարկիսովն իր էջում տեղեկացնում է, որ անհայտ անձինք պղծել են Ապրիլյան պատերազմի մասնակիցներ, Արցախի հերոսներ Արմենակ Ուրֆանյանի և Ռոբերտ Աբաջյանի շիրիմները։
Օրերս ՀՀ պաշտպանության փոխնախարար Գաբրիել Բալայանը լրագրողների հետ հանդիպմանը հայտնել էր, որ առաջին անգամ Մոնթե Մելքոնյանի անվան ռազմամարզական վարժարան կարողացել են ընդունել աղջիկ սովորողների և հավաքել մոտավորապես մեկ դասակ:
Մեր գրավոր հակադարձմանը՝ «աշխատանքային պրոցես» և «արտադրություն» ասվածը տարբեր բաներ կարող են նշանակել, այսինքն՝ դա դեռ չի նշանակում, որ արտադրությունը չի կանգնել, հստակ հաստատեք՝ այս պահին թեստ արտադրվո՞ւմ է, թե՞, ի վերջո, դադարեցվել է, Արսեն Առաքելյանը չպատասխանեց:
ՀՀ պաշտպանության նախարար Դավիթ Տոնոյանը Մոսկվայում մասնակցել է ՇՀԿ, ԱՊՀ և ՀԱՊԿ երկրների պաշտպանության նախարարների հանդիպմանը, հայտնում է «ՌԻԱ Նովոստին»:
Այս տարիների ընթացքում տարածաշրջանում անվտանգային մարտահրավերները չեն փոխվել, դրանք մնացել են նույնը՝ պատերազմի վտանգ, Ադրբեջանի մեծ ռազմականացում, մեր սահմաններից ոչ մեծ հեռավորության վրա մարտական գործողություններ, Սիրիայում բավականին խառը և հախուռն քաղաքացիական պատերազմ, Թուրքիայում քրդերի խնդիր և այլն:
Ավարտվել է հուլիսի 1-ին մեկնարկած ամառային զորակոչը: 168.am-ի հետ զրույցում ՀՀ ՊՆ զորակոչային և զորահավաքային համալրման ծառայության պետ, գնդապետ Արմեն Ավթանդիլյանը հպարտությամբ և ուրախությամբ փաստեց, որ ամառային վերջին 4 զորակոչերի հետ համեմատած՝ այս զորակոչին ունեցել ենք ամենաբարձր ցուցանիշը:
Այսօր Արցախի նախագահ Արայիկ Հարությունյանի հրավիրած ասուլիսին 168.am-ը հիշեցրել է, որ 2017-ին, երբ դեռ Արցախի վարչապետն էր, հայտարարել էր Մարտակերտի շրջանի Մատաղիս գյուղում սև խավիարի արտադրություն հիմնելու տնտեսական ծրագրի մասին, ըստ որի՝ տարեկան 15-20 տոննա սև խավիար էր նախատեսվում ստանալ:
«Բակո Սահակյանի հետ 2-3 օր առաջ հեռախոսազրույց եմ ունեցել, շնորհավորել եմ ծննդյան օրվա կապակցությամբ, շատ հաճախակի հանդիպում ենք, որ Արցախում է լինում, հիմա մի քանի օրով բացակայում է: Ինչ վերաբերում է Սերժ Սարգսյանին և Ռոբերտ Քոչարյանին․․․ նախ՝ Ռոբերտ Քոչարյանի հետ ի պաշտոնե մենք շատ կարճ ենք շփվել, ջերմ հարաբերություններ երբևէ չեմ ունեցել, որ ասեմ, Սերժ Սարգսյանի հետ ունեցել եմ պաշտոնական հարաբերություններ: Ակտիվ շփում ես երբևէ չեմ ունեցել ո՛չ Սերժ Սարգսյանի, ո՛չ Ռոբերտ Քոչարյանի հետ»:
Արցախի Հանրապետության նախագահ Արայիկ Հարությունյանը ցանկություն չունի Լեռնային Ղարաբաղի հակամարտության խաղաղ կարգավորման շուրջ քննարկում ունենալ բանակցությունների չնպատակադրված Ադրբեջանի հետ:
Ապրիլյան պատերազմի օրերին Ստեփանակերտի երկնքում բազմաթիվ թռչող ԱԹՍ-ներ են եղել, որոնցից մեկը հաջողվել է խոցել: Լրագրողների հետ հանդիպման ժամանակ հայտարարեց Արցախի նախագահ Արայիկ Հարությունյանը՝ անդրադառնալով իր աղմուկ բարձրացրած հայտարարությանը, թե Ապրիլյան պատերազմի ժամանակ Ստեփանակերտի օդն անպաշտպան էր:
