Կառավարության այսօրվա նիստում կորոնավիրուսի տնտեսական հետևանքների չեզոքացման 23-րդ ծրագրի զեկուցման ժամանակ վարչապետ Նիկոլ Փաշինյանի ուշադրությունը գրավեց էկոնոմիկայի նախարար Տիգրան Խաչատրյանի խոսքի այն հատվածը, երբ նա հայտնեց, որ, եթե ծրագրով աջակցություն ստանալ ցանկացող կազմակերպությունը կատարել է ՀԴՄ-ների շահագործման կանոնների խախտում, և այդ արձանագրված ակտը դարձել է անբողոքարկելի, ապա այդ ամսվանից և հետագա ամիսների համար կազմակերպությունը կդադարի օգտվել այս աջակցության մեխանիզմից:
Կառավարության այսօրվա հերթական նիստի օրակարգում 39 հարցից միայն 3-ն էին զեկուցվող, և դրանցից մեկով որոշվեց 2003-2015թթ. ընթացքում պետական աջակցություն Հայաստանի Հանրապետության մանկատան, խնամակալական կազմակերպությունների շրջանավարտներին ծրագրի շրջանակներում հատկացված բնակելի տարածությունը կամ բնակարանը նվիրաբերել դրանք զբաղեցնող մանկատան 163 շրջանավարտներին:
«Ես Վլադիմիր Գասպարյանին անձամբ ճանաչում եմ, ու կարող եմ ասել, որ քաղաքական և իրավական հարթակից դուրս շատ, կարելի է ասել, նորմալ եմ վերաբերվում իրեն: Եվ համարում եմ, որ, այնուամենայնիվ, ինքն իր վարքագծի մեջ «Ազատության» լրագրողների հետ միջադեպի ժամանակ չափն անցել է և պետք է մնար օրենքի շրջանակներում»,- այսօր լրագրողների հետ ճեպազրույցում պատասխանելով օրեր առաջ ParaTV-ի եթերում նախկին ոստիկանապետ Վլադիմիր Գասպարյանի հարցազրույցին, ասաց ԱԺ փոխխոսնակ Ալեն Սիմոնյանը, ապա անդրադարձավ նաև նախկին ոստիկանապետի այդ նույն հարցազրույցում արված հայտարարություններին.
«Շուտափույտ չեմ համարում շնորհավորանքը, որովհետև, օրինակ, ՀԱՊԿ երկրների ցանկում, որոնք շնորհավորել են, Հայաստանը, կարելի է ասել, վերջինն է եղել՝ որպես շնորհավորող: Բայց դա ուղղակի տեխնիկական բան է, որը որ ասում եմ, պետք չի դրա վրա որևիցե ձևով հենվել: Կասեմ հետևյալը: Յուրաքանչյուր երկիր, յուրաքանչյուր երկրի ղեկավար հենվում է այն պաշտոնական տվյալների վրա, որ գոյություն են ունենում այդ պահի դրությամբ»,- լրագրողների հետ զրույցում ասաց ԱԺ փոխնախագահ Ալեն Սիմոնյանը՝ անդրադառնալով Բելառուսում տեղի ունեցած ընտրություններին և ՀՀ իշխանությունների շնորհավորանքին։
Նախորդ շաբաթը բավականին լարված էր Ամուլսարի շուրջ տեղի ունեցող իրադարձություններով՝ բողոքի ակցիաներ, կառավարությանն ուղղված պահանջներ: Ամուլսարի պահապանները երկու օր առաջ անգամ ԱԺ-ի դիմաց «գործնագործ» փորձեցին խաղալ՝ ԱԺ պատգամավորների ուշադրությունը խնդրի վրա սևեռելու համար: Եվ չնայած օրեր առաջ ԱԺ «Իմ քայլը» խմբակցության ղեկավար Լիլիթ Մակունցը հայտնել էր, թե հարցն իրենց տիրույթում չէ, Ամուլսարի հարակից տարածքների բնակիչները, Ամուլսարի պահապանները դեռևս արձագանքների են սպասում:
Կառավարության այսօրվա նիստում վարչապետ Նիկոլ Փաշինյանը, խոսելով կորոնավիրուսի վարակակիրների թվի նվազման մասին, անդրադարձավ սեպտեմբերի 15-ից հանրակրթական դպրոցների, միջին մասնագիտական հաստատությունների բացվելուն:
Այսօր հայտնի դարձավ, որ ԱԱԾ տնօրենի տեղակալ է նշանակվել Արմեն Աբազյանը, որը մեկ օր առաջ, 24 ժամով վարչապետի որոշմամբ նշանակվել էր Քննչական կոմիտեի նախագահի տեղակալի պաշտոնում: Սա առաջին դեպքը չէր, որովհետև ԱԱԾ տնօրեն Արգիշտի Քյարամյանը ևս 24 ժամում աշխատանքի մի քանի վայր փոփոխելով էր հասել ԱԱԾ պետի պաշտոնին:
Վարչապետ Նիկոլ Փաշինյանն այսօր հրավիրված կառավարության արտահերթ նիստում անդրադարձավ Արտակարգ դրության ընթացքում «ոստիկանության շատ կոշտ արձագանքին»՝ նշելով, թե այսօր կորոնավիրուսով վարակակիրների թվի նվազմանը զուգահեռ՝ դիմակ չկրելու համար տուգանվող քաղաքացիների թվի էական աճ ունենք:
Կառավարության որոշմամբ՝ ՀՀ-ում արտակարգ դրության ռեժիմը ևս մեկ ամսով երկարաձգվեց: Սակայն, ի տարբերություն նախորդ ամիսների, առաջիկա մեկ ամսում ՀՀ-ում որոշ սահմանափակումներ կմեղմացվեն, կթույլատրվի որոշ իրավունքներ իրացնել՝ պահպանելով պարետի սահմանած կանոնները՝ մասնավորապես իրականացնել ցանկացած տեսակի հավաքներ՝ ցույցեր, երթեր և գործադուլներ՝ դիմակի կրմամբ և սոցիալական սահմանված հեռավորության պահպանմամբ:
Կառավարության հրավիրած արտահերթ նիստում Արդարադատության նախարար Ռուստամ Բադասյանը հայտնեց, որ չնայած նկատվում է վարակի աճի տեմպերի նվազում, այդուամենայնիվ շարունակում են բարձր մնալ վարակի հետևանքով մահացության և վարակի տարածման ցուցանիշները: Ըստ Բադասյանի՝ այն հանգամանքները, որոնք հիմք են հանդիսացել արտակարգ դրություն հայտարարելու համար, դեռևս պահպանվում են:
Արտակարգ դրությունը երկարաձգելու համար այսօր հրավիրված կառավարության արտահերթ նիստում, մինչ նիստի օրակարգին անցնելը, առողջապահության նախարար Արսեն Թորոսյանը հայտնեց, որ երեկվա դրությամբ հաստատվել է վարակակիրների նոր 201 դեպք՝ կատարված 1710 հետազոտությունից:
«Եթե մարդը ոստիկան չի, ոստիկանի նման չի պահել իրեն, իրեն պահել է վերջին խուժանի նման, իսկ էդտեղ կադրերը կան, որտեղ էդ ոստիկանը պահում է իրեն վերջին խուժանի նման, էդ ժամանակ ակնհայտ է, որ նրան կարելի է վերաբերվել էնպես, ինչպես չի կարելի վերաբերվել մնացած ոստիկաններին»,- լրագրողների հետ զրույցում ասել է Նարեկ Սամսոնյանը:
«Նարեկ Սամսոնյանի պնդմամբ` ոստիկանության ինչ-որ լեյտենանտ ակտավորելուց հետո մեքենայի մեջ դիմակ չկրելու համար ընտանիքի անդամի հետ Նարեկ Սամսոնյանի մեքենայի դիմացն է փակել, և Նարեկ Սամսոնյանը հարց էր ուղղում, թե ինչ իրավունքով է ոստիկանը այդպես վարվել և, ըստ էության, մեղադրում էր ոստիկանության ծառայողին անօրինականության մեջ:
Սահմանադրական կարգի ենթադրյալ տապալման գործով դատական հերթական նիստը, որով ամբաստանյալների աթոռին են ՀՀ երկրորդ նախագահ Ռոբերտ Քոչարյանը, պաշտպանության նախկին նախարար Սեյրան Օհանյանը, ՀԱՊԿ նախկին գլխավոր քարտուղար Յուրի Խաչատուրովը և նախկին փոխվարչապետ Արմեն Գևորգյանը, կրկին հետաձգվեց:
Երևան քաղաքի Շենգավիթ վարչական շրջանի ընդհանուր իրավասության դատարանը՝ դատավոր Դավիթ Բալայանի նախագահությամբ, այսօր շարունակեց հետազոտել Դավիթ Սանասարյանի, Սամվել Ադյանի, Գևորգ Խաչատրյանի և Տարոն Ավետիսյանի քրեական գործով ապացույցների հետազոտումը:
Վաղ առավոտից բողոքի ակցիա իրականացնող Արարատի մարզի Նորամարգ համայնքի բնակիչներն ավելի վրդովվեցին Նորամարգի Ագապի Քադեշյանի անվան միջնակարգ դպրոցի նորանշանակ տնօրեն Գոհար Սահակյանի հետ կարճ հանդիպումից հետո: Հիշեցնենք, որ Նորամարգի միջնակարգ դպրոցի տնօրենի թափուր հաստիքի երկու մրցույթների տապալվելուց հետո փոխվարչապետի որոշմամբ Գոհար Սահակյանը, որը համայնքից չէ և երբևէ չի աշխատել Ագապի Քադեշյանի անվան միջնակարգ դպրոցում, նշանակվել է Նորամարգի դպրոցի տնօրենի: Դպրոցի ուսուցիչներն և ծնողները վստահ են, որ նորանշանակ տնօրենն Արարատի մարզպետ Գարիկ Սարգսյանի մտերիմն է, ու հենց նա է եղել Գոհար Սահակյանի նշանակման հարցում գլխավոր դերակատարը:
Վաղ առավոտից Արարատի մարզի Նորամարգ համայնքի դպրոցի բակում բողոքի ակցիա էր: Բնակիչներին բարկացրել է Նորամարգի Ագապի Քադեշյանի անվան միջնակարգ դպրոցի նոր տնօրենի նշանակման գործընթացը, որը, ինչպես իրենք են վստահեցնում, նախ տապալվել է Արարատի մարզպետ Գարիկ Սարգսյանի թեթև ձեռքով, ապա հենց նրա հորդորով էլ փոխվարչապետը դպրոցի տնօրեն է նշանակել Այնթապից Գոհար Սահակյանին:
Երևան քաղաքի Շենգավիթ վարչական շրջանի ընդհանուր իրավասության դատարանում Դավիթ Սանասարյանի, Սամվել Ադյանի, Գևորգ Խաչատրյանի և Տարոն Ավետիսյանի գործով այսօր կայացած դատական հերթական նիստին ներկա չէին ամբաստանյալ Գևորգ Խաչատրյանի շահերի ներկայացուցիչ Սիրանուշ Հարությունյանը՝ ամենամյա արձակուրդում լինելու պատճառով, և ամբաստանյալ Տարոն Ավետիսյանի շահերի ներկայացուցիչ Հրանտ Անանյանը՝ նույն պատճառով: Անանյանի փոխարեն դատարան էր ներկայացել փաստաբան Լուսինե Ասլանյանը, որը դատարանին հայտնեց, թե ցանկանում է ներգրավվել գործում՝ որպես Տարոն Ավետիսյանի շահերի պաշտպան:
Կոմիտասի պողոտայի և Կասյան փողոցի խաչմերուկում ավելի քան 10 տարի ոչ աշխատանքային օրերին գործող գյուղմթերքի տոնավաճառը կշարունակի աշխատել Հրազդան մարզադաշտին կից նախկին տոնավաճառի տարածքում: Մի քանի շաբաթ տոնավաճառում իրենց արտադրանքն իրացնող գյուղացիների ու Արաբկիր վարչական շրջանի թաղապետարանի և կառավարության միջև ընթացող բանակցություններն ու վեճերը, կարելի է ասել, ստացան հանգուցալուծում:
Վարչապետ Նիկոլ Փաշինյանի՝ հուլիսի 28-ին ստորագրած որոշումները, որով միանգամից աշխատանքից ազատվեցին Սփյուռքի գործերի գլխավոր հանձնակատարի գրասենյակի տասը աշխատակիցներ, շատերին զարմացրեց։ Հստակ չէր, թե որն էր աշխատակիցներին միանգամից աշխատանքից ազատելու պատճառը, թեև վարչապետի որոշումների կցկտուր բովանդակությունից և «Քաղաքացիական ծառայության մասին» ՀՀ օրենքի համապատասխան հոդվածներին կատարված հղումներից կարելի էր ենթադրել, որ պատճառը գուցե կառույցի վերակազմավորումն է: Հանձնակատարի գրասենյակից 168.am-ի հարցին, թե որն է աշխատակիցների ազատման պատճառը, չէին մեկնաբանել։
Այսօր կառավարության շենքի բակում իրենց բողոքի ակցիան անցկացնող գյուղացիներին վրդովեցրեց կառավարության արձագանքը, թե նրանց ոչ ոք ընդունել չի կարող: Մի քանի օր շարունակ գյուղացիները սպասում են, թե կառավարությունը որևէ ընդունելի լուծում կտա իրենց հարցին, ու նրանք պետք է շարունակեն Կոմիտաս պողոտայի և Կասյան փողոցի խաչմերուկում գտնվող գյուղմթերքի տոնավաճառում իրացնել իրենց արտադրած մրգերն ու բանջարեղենը:
«Մենք ձեր դեմ ոչինչ չունենք, անգամ կառավարության դեմ էլ ոչինչ չունենք, ուզում ենք մեզ պատասխան տան, գնանք: Ես իմ հողը, իմ հավը, ճուտը թողել եմ, եկել-կանգնել եմ ստեղ»,- կառավարության դիմաց հավաքված գյուղացիներին տարածքից հեռանալ հորդորող ոստիկանին դիմելով՝ ասաց Արարատի մարզի Նիզամի գյուղի բնակիչ Ռուզաննա Մարգարյանը։ Նա էլ այսօր մի քանի այլ գյուղացիների հետ եկել էր Կառավարության դիմաց՝ ակնկալելով, որ կառավարությունը որևէ լուծում կտա Կասյան փողոցի և Կոմիտասի պողոտայի խաչմերուկում գործող գյուղմթերքի տոնավաճառի խնդրին:
«Առ ա համարում գյուղացուն, չեն ուզում իջնեն, էդ ի՞նչ շնորհք ա: Իսկ էն ժամանակ հետևներից կայնած էինք, կամազներով եկել էինք հրապարակ, թող հիմա էլ գան, պատասխան տան: Այ ցավդ տանեմ, առ են համարում, մեկը թող իջնի, պատասխան տա, ասի՝ «հա, ընլում ա կամ չի ըլնում», թողենք, էթանք: Վախենում են, հա՞, գյուղացիք կուտե՞ն իրանց: Գյուղացու քրտինքով են իրանք մարդ դարձե, հիմա գյուղացուն ա՞ռ են համարում»,- ասաց կառավարության դիմաց ակցիա իրականացնող գյուղացիներից մեկը:
Կոմիտասի գյուղմթերքի տոնավաճառի ղեկավար Հայկ Բաղդասարյանն այնքան էլ համակարծիք չէ Արաբկիրի թաղապետարանի այն պնդումներին, թե տոնավաճառի առկայությունը խանգարում է այդ հատվածի երթևեկությանը, ինչպես նաև առաջացնում է տարածքի բնակիչների ու կից գործող տնտեսվարող սուբյեկտների դժգոհությունը:
Մոտ 10 տարի գործող Կոմիտասի գյուղմթերքի տոնավաճառում իրենց ապրանքը վաճառող գյուղացիների փոխանցմամբ՝ նախորդ շաբաթ Կառավարությունից Հայկ Սիմոնյանն իրենց ասել է, թե ի՞նչ տարբերություն գյուղացու համար՝ իր ապրանքը հողամասից կգնի առևտրակա՞նը՝ մեծածախով, թե՞ այն կվաճառի գյուղացին:
Մի քանի օր շարունակ Կառավարության դիմաց ակցիա իրականացնող, Կասյան փողոցի և Կոմիտասի պողոտայի խաչմերուկում իրենց ապրանքն իրացնող գյուղացիները ցանկանում են շարունակել այդ հրապարակում գյուղմթերք վաճառել, մինչդեռ քաղաքային իշխանություններն ու ոստիկանները թույլ չեն տալիս: Հուլիսի 19-ին ոստիկանությունը և քաղաքապետարանը գյուղատնտեսական տոնավաճառում գյուղացի-առևտրականներին թույլ չէին տվել աշխատել և ցանկացել էին փակել տոնավաճառը:
Երկու ամիս առաջ՝ մայիսի 21-ին, ժամը 16:00-ի սահմաններում փաստաբան Տիգրան Աթանեսյանի տան վրա 4 տղամարդ էր հարձակվել, հարուցվել էր քրեական գործ, բայց այսօր փաստաբանը 168.am-ի հարցին, թե ինչ փուլում է իր տան վրա 2 ամիս առաջ կատարված հարձակման գործի քննությունը, պատասխանեց, թե կարծես կարճվելու է:
Երևան քաղաքի Լենինգրադյան 23/7 հասցեում պլանավորվում է կառուցել երկու 16 հարկանի և երկու 18 հարկանի շենք: Ապրիլի 3-ին Երևանի քաղաքապետարանը նշված հասցեում շինարարություն անելու թույլտվությունը տվել է «Լույսեր» ընկերությանը: Սակայն այդ հասցեին կից առանձնատների սեփականատերերն ահազանգում են գործընթացում հնարավոր կոռուպցիոն մեխանիզմների մասին:
Այսօր խորհրդարանում երեք խմբակցությունների պատգամավորները՝ «Լուսավոր Հայաստան»-ից Աննա Կոստանյանը, «Իմ քայլը»-ից Լիլիթ Ստեփանյանը, ԲՀԿ-ից Արման Աբովյանն ընդունեցին միասնական քննությունների արդյունքում դրական գնահատական ստացած, սակայն բուհեր չընդունված դիմորդներին և նրանց ծնողներին:
Արարատի մարզի Նորամարգի Ագապի Քադեշյանի անվան միջնակարգ դպրոցի շուրջ կրքերը չեն հանդարտվում: Միջնակարգ դպրոցում հուլիսի 17-ին նշանակված էր տնօրենի թափուր տեղի մրցույթ, որին մասնակցում էր 3 թեկնածու՝ նախկին տնօրեն Ծովինար Գալստյանը, Գևորգ Մինասյանը՝ Մասիս քաղաքից, և Գոհար Սահակյանը՝ Այնթապից: Սակայն մրցույթը, ինչպես նորամարգցիներն են ասում, տապալվել է՝ Արարատի մարզպետ Գարիկ Սարգսյանի թեթև ձեռքով:
