Վերջին երկու օրում ՀՀ-ում, նախորդ օրերի համեմատությամբ, նկատվեց 1 օրում հաստատված կորոնավիրուսային վարակակիրների թվի նվազում՝ մոտ 300 դեպքով: Հունիսի 30-ին, ժամը 11:00-ի դրությամբ Հայաստանում արձանագրվել էր կորոնավիրուսի 415 նոր դեպք, հունիսի 29-ին, ժամը 11:00-ի դրությամբ՝ 482 նոր դեպք: Կարելի էր ուրախանալ նախորդ 2 օրվա ընթացքում գրանցված դեպքերի փոքր թվով, եթե դա պայմանավորված չլիներ իրականացված թեստավորումների քանակի նվազմամբ:
«Բարգավաճ Հայաստան», Հայ հեղափոխական դաշնակցություն, «Հայրենիք» կուսակցությունների ներկայացուցիչներն այսօր ՀՀ գլխավոր դատախազություն ներկայացրեցին հաղորդում հանցագործության մասին, մասնավորապես՝ իշխանության յուրացման, պաշտոնական լիազորությունների անցում և սահմանադրական կարգի տապալում դեպքերի առթիվ:
«Բարգավաճ Հայաստան», Հայ հեղափոխական դաշնակցություն, «Հայրենիք» կուսակցությունների ներկայացուցիչները ՀՀ գլխավոր դատախազություն ներկայացրեցին հաղորդում հանցագործության մասին, մասնավորապես՝ իշխանության յուրացման և սահմանադրական կարգի տապալման դեպքերի առթիվ:
ԱԺ նախկին պատգամավոր Աբրահամ Մանուկյանի պաշտպանական թիմն այսօր Վերաքննիչ բողոք է ներկայացրել Առաջին ատյանի դատարանի՝ երկու օր առաջ կայացրած որոշման դեմ: Հունիսի 27-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի՝ դատավոր Կարեն Ֆարխոյանի նախագահությամբ՝ ԱԺ նախկին պատգամավոր Աբրահամ Մանուկյանի նկատմամբ խափանման միջոցը կալանավորում կիրառելու որոշման դեմ ներկայացրած բողոքի մասին 168.am-ին հայտնեց Աբրահամ Մանուկյանի փաստաբան Հրանտ Անանյանը:
Հունիսի 25-ին Ազգային ժողովն արտահերթ ընթացակարգով երկրորդ ընթերցմամբ և ամբողջությամբ ընդունեց «Հարկային օրենսգրքում փոփոխություններ և լրացումներ կատարելու մասին» նախագիծը, որով 2021 թվականի հունվարի 1-ից կբարձրացվի գույքահարկը:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Կարեն Ֆարխոյանը բավարարեց ԱԱԾ միջնորդությունը և ԱԺ նախկին պատգամավոր Աբրահամ Մանուկյանի նկատմամբ խափանման միջոցը կալանավորում կիրառելու որոշում կայացրեց:
Կարեն Դեմիրճյանի անվան մարզահամերգային համալիրի մերձակա այգիներում հրդեհ է բռնկվել: Հրդեհը մարելու համար վերջին տվյալներով 10 մարտական հաշվարկ է մեկնել Ծիծեռնակաբերդի բարձունք:
Արդարադատության նախարար Ռուստամ Բադասյանի խոսքով՝ Սահմանադրության փոփոխության նոր նախագիծը, որն ուժի մեջ կմտնի վաղը, ու որով դադարեցվելու է ՍԴ այն դատավորների պաշտոնավարումը, որոնք 12 տարուց ավելի են պաշտոնավարել, վերաբերում է նաև ՍԴ դատավոր Ալվինա Գյուլումյանին, որը ևս ՍԴ-ում պաշտոնավարել է 12 տարուց ավելի, սակայն ընդմիջումով:
Կառավարության նիստի մեկնարկից առաջ ոստիկանապետ Վահե Ղազարյանը հայտնեց, որ այսօր կորոնավիրուսի տարածման հիմնական խնդիրն առկա է բակերում, ու այժմ շեշտը դրել են բակերում ուժեղացված ծառայություն իրականացնելու վրա:
Հունիսի 24-ին Հայաստանում հաստատվել է 771 կորոնավիրուսային վարակի նոր դեպք՝ արված 2336 հետազոտությունների արդյունքում: Կառավարության նիստի մեկնարկից առաջ ասաց առողջապահության նախարար Արսեն Թորոսյանը՝ նշելով, որ բուժօգնության հասանելիության տեսանկյունից իրավիճակը մնում է լարված:
«Ամենասկզբում, երբ խոսում էին կադաստրային արժեքը շուկայական արժեքով փոխարինելու մասին, հստակ չէր, որ դա, ըստ էության, գույքահարկի բարձրացման նպատակ է հետապնդում: Բայց հետագայում իրենք պարզ հայտարարեցին, որ իրականում նպատակը գույքահարկի բարձրացումն է, և դրան հաջորդեցին հետևյալ հայտարարությունները և՛ վարչապետի կողմից, և՛ ֆինանսների նախարարի կողմից: Վարչապետը հայտարարեց, որ «մենք ֆիսկալ նպատակ չենք հետապնդում», ֆինանսների նախարարը հայտարարում է, որ գույքահարկի և տնտեսական աճի միջև կապը զրոյական է, և հետևաբար՝ հարց է առաջանում՝ եթե նպատակը ֆիսկալ չէ, ապա ի՞նչ է: Պարզ չի»,- ասաց տնտեսագիտության դոցենտը:
Դատախազությունն Առաջին ատյանի դատարանի՝ հունիսի 21-ին ԲՀԿ ղեկավար, ԱԺ պատգամավոր Գագիկ Ծառուկյանի նկատմամբ խափանման միջոց կալանավորումը կիրառելու ԱԱԾ միջնորդությունը մերժելու որոշման դեմ Վերաքննիչ բողոք է ներկայացրել: ՀՀ դատախազության հանրային կապերի բաժնի պետ Արևիկ Խաչատրյանը 168.am-ին փոխանցեց, որ վերաքննիչ բողոքը երեկ մուտքագրվել է դատարան:
Նիկոլ Փաշինյանը նաև հայտնեց, որ առավոտից մայիս ամսվա եկամտային հարկի տվյալներն ուսումնասիրելով՝ պարզել են, որ մայիսին, երբ որոշել են չշարունակել «լոք-դաուն»-ի քաղաքականությունը, 50.094 աշխատատեղ վերականգնվել է: Ըստ վարչապետի՝ սա ոչ թե նշանակում է, որ հաղթահարվել է այդ տնտեսական բարդությունը, այլ նշանակում է, որ սկսվել է վերականգնման պրոցես:
«Եթե այս անգամ էլ պարոն վարչապետն իր խոսքերից հրաժարվի, այս անգամ էլ հնարավոր է, որ հետ վերցնենք: Իհարկե, պարոն Քոչարյանը վերջնական դիրքորոշում այդ դեպքում կարտահայտի»,- ասել էր Հայկ Ալումյանը՝ միևնույն ժամանակ՝ չբացառելով այս անգամ հայցից չհրաժարվելը:
Երևան քաղաքի Շենգավիթ վարչական շրջանի ընդհանուր իրավասության դատարանում՝ դատավոր Աննա Դանիբեկյանի նախագահությամբ, այսօր կրկին հետաձգվեց սահմանադրական կարգի ենթադրյալ տապալման գործով հերթական նիստը: Նիստի հետաձգման պատճառը Յուրի Խաչատուրովի շահերի պաշտպան, փաստաբան Միհրան Խաչատրյանի բացակայությունն էր:
«ՀՀ գործող Սահմանադրությունը, որի հեղինակներից մեկը ես եմ, այդ գրվածով Սահմանադրական փոփոխությունները ենթակա են նախնական Սահմանադրական վերահսկողության: Հիմա ես արձանագրում եմ փաստ, որ ՀՀ Սահմանադրական դատարանը նման փաստաթուղթ, նման նախագիծ չի քննարկել»,- ասաց ՍԴ նախագահ Հրայր Թովմասյանը՝ անդրադառնալով երեկ ԱԺ-ում ընդունված Սահմանադրական փոփոխությունների նախագծին:
Երևան քաղաքի Շենգավիթ վարչական շրջանի ընդհանուր իրավասության դատարանում Դավիթ Սանասարյանի, Սամվել Ադյանի, Գևորգ Խաչատրյանի և Տարոն Ավետիսյանի գործով դատական նիստն այսօր չկայացավ: Նշանակված ժամից մի քանի րոպե ուշացել էր փաստաբան Հրանտ Անանյանը, ու դատավոր Դավիթ Բալայանը փաստաբանի ուշացման պատճառով դատական նիստը հետաձգեց: Հաջորդ դատական նիստը նշանակվեց օգոստոսի 10-ին:
Քիչ առաջ Ազգային ժողովի «Բարգավաճ Հայաստան» խմբակցության ղեկավար Գագիկ Ծառուկյանը մտավ դատական նիստերի դահլիճ, ուր քիչ հետո հրապարակվեց դատարանի վճիռը վերջինիս կալանավորելու` դատախազության ներկայացրած միջնորդության վերաբերյալ։
ԲՀԿ առաջնորդ Գագիկ Ծառուկյանի խափանման միջոցի վերաբերյալ որոշման հրապարակումը հետաձգվել է մեկ ժամով, այն կհրապարակվի 16:00-ին:
Կորոնավիրուսային վճարովի թեստավորման անթույլատրելիության մասին Առողջապահության նախարարությունը հայտարարություն տարածեց մեկ ամիս առաջ: Ըստ հայտարարության՝ վճարովի հիմունքներով կորոնավիրուսային հիվանդության հարուցչի նկատմամբ թեստավորման իրականացումն անթույլատրելի է և վտանգավոր, «քանի որ նշյալ աշխատանքների նկատմամբ լիարժեք վերահսկողություն իրականացնել հնարավոր չէ», և լաբորատորիաները կարող են գնել և կիրառել տարբեր զգայունություն և մասնահատկություն (սպեցիֆիկություն) ունեցող թեստ-հավաքածուներ՝ կասկածի տակ դնելով ստացված արդյունքների հավաստիությունը, բուժման ճիշտ մարտավարության ընտրությունը և արդյունավետությունը, ինչպես նաև անորոշություն առաջացնելով վարակի վերահսկմանն ուղղված հետագա միջոցառումների կազմակերպման և իրականացման հարցում։
Նախկին ոստիկանապետ Արման Սարգսյանի պաշտոնանկությունից մի քանի օր անց մամուլը, հղում տալով իր աղբյուրներին, գրել էր, որ պաշտոնը լքելու վերջին պահին Արման Սարգսյանը, իմանալով, որ պետք է թողնի ոստիկանապետի պաշտոնը, ինքն իրեն անվանական զենքով, ինչպես նաև շքանշանով է պարգևատրել: Մամուլում նաև լուրեր շրջանառվեցին, որ Արման Սարգսյանը խորհրդակցել է ոստիկանությունում իր նշանակած կադրերի հետ, որոնք և փաստել են, որ ինքն իրեն զենք նվիրելու մեջ արտառոց ոչինչ չկա, ասել են, թե դա ընդունված կարգ է, քանի որ կառույցում ոստիկանապետին զենքով կարող է պարգևատրել միայն ոստիկանապետը՝ եթե դեմ անդամներ չկան:
Կառավարությունն այսօրվա որոշմամբ թույլատրեց Սևանա լճում սիգ ձկան փորձարարական որս իրականացնել: Նախագիծը կառավարությունում ներկայացնելիս՝ շրջակա միջավայրի փոխնարարար Վահե Ջիլավյանը նշեց, որ սիգ ձկնատեսակի որս վերջին անգամ թույլատրվել է 2004 թվականին:
Կառավարությունն աջակցություն կտրամադրի վարձու աշխատողներին. ընդունվեց հերթական փաթեթը
«Երբ որ սահմանափակումներ էինք դրել կորոնավիրուսի հետ կապված ինֆորմացիա տարածելու, էդ էլ, պարզվեց՝ խոսքի իրավունքն ենք խախտում: Հիմա չենք խախտում, ով ինչ հիմարություն ասես, ասում ա՝ «Կորոնավիրուս չկա», «փող են տալիս, մարդկանց փող են տալիս, որ բանից, վթարից ենթարկվածների հարազատներին փող են տալիս, որ իրանք համաձայնեն, որ իրանց հարազատը կորոնավիրուսից ա մահացել», և այլն, և էսպես շարունակ:
Հասցեներով հրապարակեք նրանց տվյաները, որոնք ամբողջ օրը դեմ են խոսում, բայց ընտանիքի կեսը վարակված է
«Մենք որ սկսեցինք խնդրել մեր քաղաքացիներին, հետո պարտադիր դարձրեցինք դիմակ կրելը, նաև հավելեցինք, որ, եթե կան ֆինանսական դժվարություններ, ապա առնվազն խնդրում ենք ձեզ օգտագործել տնային օգտագործման դիմակներ, որը, սակայն, երբեք չի կարող փոխարինել բժշկական դիմակներին: Սակայն հիմա մենք տեսնում ենք, որ նաև մոդայիկ է կտորե դիմակներ կրելը: Ես խնդրում և կոչ եմ անում առնվազն մեր բոլոր գործընկերներին, այդ թվում՝ այստեղ ներկա, կտորի դիմակներ չկրել, եթե հնարավոր է կրել սովորական բժշկական դիմակ, որովհետև այն մի քանի անգամ ավելի է պաշտպանում: Նույնը՝ մեր մյուս քաղաքացիներին»,- կառավարության նիստում ասաց Արսեն Թորոսյանը՝ հավելելով, թե կտորի դիմակի ալտերնատիվ լինելը միայն պետք է ֆինանսական միջոցների բացակայությամբ պայմանավորված լինի, այլ ոչ թե գեղեցկությամբ, հարմարավետությամբ:
Կառավարության նիստում երկրում կորոնավիրուսային իրավիճակին անդրադարձավ նաև առողջապահության նախարար Արսեն Թորոսյանը՝ նշելով, որ, եթե կենտրոնական փողոցներում ու աշխատանքի վայրերում մեծ հնարավորություն կա վերահսկելու դիմակներ կրելու ու սոցիալական հեռավորությունը պահպանելու պահանջի կատարումը, ապա բակերում, «սպալնի շրջաններում» շատ դժվար է վերահսկողություն իրականացնել:
Կառավարության նիստում՝ մինչև օրակարգում ընդգրկված հարցերի քննարկմանն անցնելը, վարչապետ Նիկոլ Փաշինյանն անդրադարձավ երկրում կորոնավիրուսային իրավիճակին, նշեց, թե «չի հաջողվում թվերն իջեցնել, և մենք գիտենք դրա պատճառը»:
Դատարանը քննում է Գագիկ Ծառուկյանին կալանավորելու ԱԱԾ միջնորդությունը. ՈւՂԻՂ
ԼՀԿ-ն առաջարկում է արտակարգ դրության օրերին հավաքների սահմանափակումը վերացնելու նախագիծ քննարկել ԱԺ-ում։ Կուսակցության և խմբակցության ղեկավար Էդմոն Մարուքյանը՝ անդրադառնալով այսօր ավելի վաղ ԲՀԿ-ի արած հայտարարությանը ՍԴ դիմելու մասին, ասաց.
