Այժմ «Ազատության» հրապարակը բազմամարդ է։ «Ոչ թալանին» նախաձեռնության կազմակերպած բողոքի ակցիային մասնակցում են տարբեր քաղաքացիական նախաձեռնությունների ներկայացուցիչներ, քաղաքական գործիչներ, պատգամավորներ։ Նախաձեռնությունը պահանջում է ոչ մի լումա ավել չբարձրացնել էլեկտրաէներգիայի սակագինը։ Նրանք պահանջում են նաև միջոցներ ձեռնարկել սակագնի իջեցման համար։
Եթե այդ կրակոցները սարքովի լինեին, փորձագետներն անմիջապես դատաբժշկական փորձաքննությամբ ցույց կտային՝ դա բեմադրված հրաձգությո՞ւն էր, թե՞ իրապես կրակել են: Մի մասը, որոնք Սուրիկին չեն սիրում, ասում են՝ բեմադրված է, մի մասը, ովքեր Սուրիկի հետ նորմալ մարդկային հարաբերությունների մեջ են, ասում են, որ դա իրոք մահափորձ է, օբյեկտիվ մարդիկ էլ ասում են՝ մենք դեռ չգիտենք՝ դատաքննությունը կպարզի:
Արդեն 2 օր է` «Հիմնադիր խորհրդարանի» (ՀԽ) իրազեկման ակցիաների ժամանակ ՀԽ-ի երիտասարդ աջակիցներին բերման են ենթարկում Ոստիկանության բաժանմունքներ: Երեկ առավոտյան էլեկտրասյուներին պաստառներ փակցնելու համար բերման էին ենթարկել 9 երիտասարդի, իսկ այսօր՝ 2:
«Այսպես թանկացնելով՝ ո՞ւր ենք գնալու: Արդեն որերորդ անգամ է՝ թանկացնում են: Նույն ընկերությունը 3-րդ անգամ էլեկտրաէներգիայի գինը թանկացնում է»,- ասում է Համլետ Հարությունանը:
«Իմ շրջապատի մարդկանց մեծ մասը թունդ բողոքավոր են: Երբ ասում եմ՝ «արա, մի բան արեք», ասում են՝ «արա, մենք ի՞նչ կարանք անենք»: Հիմա նույնն է այստեղ՝ «Հանրային խորհրդի» հանձնաժողովը նստած քննարկում է, ու դուք ասում եք՝ ի՞նչ իմաստ ունի այս ամենը: Այնքան էլ հեշտ չէ հասնել Ռոբերտ Նազարյանի հրաժարականին, բայց, երբ Ռոբերտ Նազարյանը վախենա պաշտոնը կորցնելուց՝ գոնե շատ ավելի զգույշ կլինի»:
Հրաչ Բերբերյանը մեզ հետ զրույցում ասաց, որ անցյալ տարիների համեմատ` այս տարի 1600 տոննա ավելի կաթի փոշի է ներկրվել Հայաստան։ Ըստ նրա` ոչ ոք չի ստուգում, թե դա ի՞նչ որակի կաթի փոշի է, ի՞նչ է իրենից ներկայացնում, ժամկետա՞նց է, թե՞ ոչ:
«Այս փուլում շատ մարդ հավաքելու անհրաժեշտություն չունենք, որքան շատ մարդ գա, այնքան ավելի ցանկալի է, բայց դա առաջնային չենք համարում, որովհետև պայքարի այս փուլում դա էական չէ»,- պատասխանելով 168.am-ի հարցին՝ ըստ ձեզ՝ մայիսի 30-ին ձեր հանրահավաքին մեծաքանակ բազմություն կհավաքվի՞՝ ասաց «Հիմնադիր խորհրդարանի» նախագահի տեղակալ Վարուժան Ավետիսյանը:
Այսօր առավոտյան հերթական իրազեկման ակցիայի ժամանակ Ոստիկանության աշխատակիցները բերման են ենթարկել «Հիմնադիր խորհրդարանի» (ՀԽ) երիտասարդ աջակիցներից 9 հոգու: Այս մասին 168.am-ի և aravot.am-ի թղթակիցների հետ զրույցում ասաց ՀԽ-ի երիտասարդ աջակից Հռիփսիմե Եղնուկյանը, ով ևս բերման ենթարկվածների թվում էր:
Այսօր «Հանրային խորհրդի» (ՀԽ) Ձեռնարկատիրական գործունեության և սպառողների հարցերի հանձնաժողովի նիստում, որտեղ քննարկվում էր էլեկտրաէներգիայի սակագնի թանկացման նպատակահարմարության հարցը, Արշակ Սադոյանն առաջարկեց պատասխանատվության ենթարկել Հանրային ծառայությունները կարգավորող հանձնաժողովին և պահանջել ՀԾԿՀ նախագահ Ռոբերտ Նազարյանի հրաժարականը:
Այսօր Հանրային խորհրդի (ՀԽ) նիստում քննարկվեց էլեկտրաէներգիայի սակագնի թանկացման նպատակահարմարության հարցը: Նիստի ժամանակ ՀԽ անդամ Արշակ Սադոյանը հայտարարեց, որ բավականին բարդ խնդրի առաջ ենք կանգնած: «Մոտ 56 էջ կարողացանք ուսումնասիրել, այդ ամենը արված է նրան համար, որ տողատակերը չկարողանանք կարդալ: Սա էլ որերորդ անգամն է, որ էլեկտրաէներգիան թանկացրեցին, աշխարհում լրիվ հակառակն է տեղի ունենում»,- հայտարարեց […]
Ռեժիմը չի կարողանում մեզ ընկճել, բայց մանավանդ բանտից՝ մի քիչ դժվար է տեսնել, որ մեկ երգչի կոչով կարող են կես ժամում հազարավոր երիտասարդներ հավաքվել Կարապի լճի շուրջ և հետո մտնել Կարապի լիճ: Կամ տասնյակ-հազարավոր մարդիկ կարող են հավաքվել SOAD-ի համերգին, բայց այդ նույն մարդիկ պատրաստ չեն հայրենիքի, պետության համար պայքարել:
«Մեր նկատմամբ հալածանքը նոր երևույթ չէ, խնդիր էր դրված, որ մենք հայտնվեինք հիվանդանոցներում ամիսներ շարունակ, և այդպես կասեցնեին շարժումը, բայց, բարեբախտաբար, նրանց դա չհաջողվեց»,- այսօր լրագրողների հետ հանդիպման ժամանակ նման տեսակետ հայտնեց «100-ամյակը՝ առանց ռեժիմի» շարժման առաջնորդ Ժիրայր Սէֆիլյանը:
Նրա խոսքով՝ իրենց չհաջողվեց ռեժիմին ծնկի բերել, բայց նաև ռեժիմին չհաջողվեց իրենց ծնկի բերել: Նա կարծում է՝ սա սկիզբ է, և «ամենակարևոր» արդյունքն այն է, որ «ռեժիմը ցույց տվեց, թե ինչից է ինքը վախենում. նա վախենում է քաղաքացիական զանգվածային անհնազանդությունից». «Այսինքն՝ ինքը մեզ ցույց է տալիս իր հեռացման ճանապարհը»:
Մոսկվայի Լոմոնոսովի անվան պետական համալասարանի մասնաճյուղը Երևանում բացելու առնչությամբ Թ. Պողոսյանն ասել էր. «Ի՞նչ է նշանակում «սա քաղաքական նախագիծ է» արտահայտությունը, որը արել է Արմեն Աշոտյանը», և «ի՞նչ է նշանակում երկրորդ ռուսական բուհը բացել ՀՀ-ում»:
Կրթության և գիտության նախարար Արմեն Աշոտյանը կարծում է՝ որևէ նախաձեռնություն իրենց կողմից չի ձախողվել: Այսօր լրագրողների հետ հանդիպման ժամանակ անդրադառնալով իրենց բացթողումներին՝ նախարարն ասաց, որ կան համակարգի որոշ խնդիրներ, որոնց ամբողջական լուծումը հնարավոր չէ ո՛չ մեկ տարվա, ո՛չ էլ եռամյա կամ հնգամյա կտրվածքով:
«Լրատվական դաշտի որոշ ներկայացուցիչներ սկսեցին բուռն քննարկել ոչ ոլորտային նախարարության կոլեգիայի նիստի անդամներից մեկի կարծիքը, բայց այս տասը օրվա ընթացքում ոչ ոքի մտքով չանցավ հարցնել Կրթության և գիտության նախարարության կարծիքը»:
Հիշեք, օրինակ, Վարդան Ղուկասյանի դեպքը՝ 2007 թվականի ապրիլի 2-ին, երբ 2 մեքենաներից մեկի միջի մարդկանց՝ դրսից կրակելով կարողացան սպանել, մյուս մեքենայից՝ վարորդը սպանվեց և 2-ը ծանր վիրավորվեցին, այդ թվում նաև՝ Վարդան Ղուկասյանը, վարորդի կողքին նստած քաղաքապետարանի աշխատակիցը ուղղակի բնազդով հասցրել էր կծկվել, և նա փրկեց վիրավորներից երկուսին՝ քաղաքապետին ու տեղակալին:
«Ես շատ հավանական եմ համարում և՛ բեմականացումը՝ ինքնավնասարարության փորձը, և՛ շատ հնարավոր է՝ նրա հակառակորդներից որևէ մեկը դա կազմակերպած և կատարած լինի»,- 168.am-ի հետ զրույցում խոսելով Սյունիքի մարզպետ Սուրիկ Խաչատրյանի մեքենայի վրա հնչած կրակոցների շուրջ քննարկվող տարբեր վարկածների մասին՝ նման տեսակետ հայտնեց ԳԽ նախկին պատգամավոր Ազատ Արշակյանը:
«Կառավարությունը գումար հատկացրեց, ցավոք սրտի, մի փոքր ուշ, և գյուղացին հարված ստացավ»,- այսօրվա ասուլիսում նման տեսակետ հայտնեց Ագրարագյուղացիական միավորման նախագահ Հրաչ Բերբերյանը՝ խոսելով գյուղացիների վերցրած վարկերի և դրանց հետևանքների մասին:
«Բանջարաբուծություն վարակն Արարատյան դաշտավայրում անցյալ տարվա համեմատ դրական է, կարտոֆիլագործության վիճակը շատ լավ է Վարդենիսի տարածաշրջանում, Շիրակի տարածաշրջանում կարտոֆիլը փոքր-ինչ պակասել է, դրան փոխարինել է բազուկը, կաղամբը, գազարը: Արարատյան հարթավայրում ունենք շուրջ 300 հա կարտոֆիլի ցանքատարածքի աճ, որը դրական եմ գնահատում»:
«Սա Սուրիկ Խաչատրյանի կողմից պատվիրված հերթական բեմականացման պրոցեսն է, և ես չեմ հավատում, որ նրա դեմ որևիցե մեկը մահափորձ կանի, առավել ևս՝ ֆանտաստիկայի ժանրից է, երբ 10 փամփուշտ կպնում է մեքենային, և ոչ ոք չի տուժում, նույնիսկ թեթև մարմնական վնասվածք չեն ստացել»,- 168.am-ի հետ զրույցում նման տեսակետ հայտնեց քաղաքագետ Գագիկ Համբարյանը:
«Երբ պաշտոնապես հայտարարվում է, որ անտառից 10 կրակոց է եղել, որոնցից ոչ մեկը չի կպել որևէ մեկին, սկսում ես մտածել, որ սա ավելի շատ կազմակերպված թատերական ներկայացում է, քան որևէ վրեժխնդրություն»,- 168.am-ի հետ զրույցում խոսելով երեկ Սյունիքի մարզպես Սուրիկ Խաչատրյանի ավտոմեքենայի վրա կատարված հարձակման մասին՝ նման տեսակետ հայտնեց Միջազգային և անվտանգության հարցերի հայկական ինստիտուտի ղեկավար Ստեփան Սաֆարյանը:
«Ընդհանրապես նորմալ քաղաքակիրթ երկրներում նման դեպքերից հետո անմիջապես Ոստիկանությունը հետաքննություն է սկսում և բացատրություն է ներկայացնում, բայց քանի որ Հայաստանը քաղաքակիրթ երկիր չէ, և հատկապես Սյունիքի մարզի մարզպետի ընտանիքի անդամների հետ կապված կան բազմաթիվ հանցագործություններ, որոնք անպատիժ են մնացել, դրա համար Ոստիկանության հայտարարությանը հավատալ պետք չէ»,- 168.am-ի հետ զրույցում խոսելով մայիսի 20-ին Սյունիքի մարզպետ Սուրիկ Խաչատրյանի ավտոմեքենայի վրա արձակված կրակոցների մասին՝ նման տեսակետ հայտնեց քաղաքական և ընտրական տեխնոլոգիաների փորձագետ Արմեն Բադալյանը:
Տեսնելով այն ավտոմեքենայի լուսանկարները, որի վրա բազմաթիվ անցքեր կան, կրակոցի հետքեր կան, ուղղակի շատ զարմանալի է, որ այդքան կրակոցներից որևէ մեկը՝ այդ մեքենայի փոքրիկ սալոնի մեջ գտնվող 3 անձանց որևէ մեկին որևէ քերծվածք ու վնասվածք չի պատճառել, ինչը շատ լուրջ կասկածներ է առաջացնում:
Ինչպես հայտնի է, երեկ անհայտ անձինք Սյունիքի մարզպետ Սուրիկ Խաչատրյանի ավտոմեքենայի վրա 10-ից ավելի կրակոց են արձակել, սակայն ո՛չ Սյունիքի մարզպետը ո՛չ էլ ավտոմեքենայում գտնվող անձանցից որևէ մեկը չեն տուժել: Հիշեցնենք, որ ավտոմեքենայում դեպքի ժամանակ եղել են վարորդը, Սուրիկ Խաչատրյանն ու նրա օգնականը:
«Ամիսներ առաջ քննարկում էին՝ Միկոյանի արձանը դնե՞լ, թե՞ չդնել, վերջում պարզվեց՝ Միկոյանի արձանը ձուլարանից կորել է, ու հարցը, կարծես, այդպես էլ փակվեց. մարդկանց լարումի հասցրեցին ու փակեցին: Ես կտրականապես դեմ եմ այս փոփոխություններին, պատմականորեն ձևավորվում է միջավայր, բուհեր, այն ուսանողները, որոնք գալիս են բուհում սովորելու՝ գալիս են ոչ միայն գիտելիք սովորելու, այլ նաև մշակութային միջավայրի մեջ լինելու, մայրաքաղաքային դաստիարակություն ստանալու համար»:
«Պարզվում է՝ արդեն 4 տարի շարունակ այս ծրագիրը կիրառվում է ավելի փոքր թիրախային խմբի վրա, և մոտ 50-60 հազար երեխա մի քանի տարի շարունակ անցնում է այս ծրագրով և ստանում է ֆորտիֆիկացված սնունդ»,- այսօր լրագրողների հետ հանդիպման ժամանակ այս մասին հայտարարեց «Հանուն առողջ սննդի նախաձեռնության» անդամ Արման Մխիթարյանը՝ խոսելով ալյուրը ֆոլաթթվով հարստացնելու մասին:
ԱՆ-ի հիմնական գործառույթներից մեկը բնակչության առողջության պահպանումն ու բարելավումն է, այդ կոնտեքստում շատ կարևորվում է ոչ միայն հիվանդությունների բուժումը, այլև հիվանդությունների վաղ հայտնաբերումը և կանխարգելումը: Այս մասին այսօր լրագրողների հետ հանդիպման ժամանակ ասաց Առողջապահության նախարարության (ԱՆ) աշխատակազմի մայրական և վերարտադրողական առողջության պահպանման բաժնի պետ Գայանե Ավագյանը:
«Ոչ միայն սարքավորումներ են բերել և տվել Հայաստանին, աշխարհի բազմաթիվ զարգացող երկրներին այսօր մի շարք բարեհոգի և բարեսիրտ կազմակերպություններն աջակցում են, այդ թվում՝ Առողջապահության համաշխարհային կազմակերպությունը՝ երկամյակի շրջանում մոտվարոպես 600 հազար դոլարի տեխնիկական աջակցություն է տալիս Հայաստանին»:
Մեդիափորձագետ, Երևանի Վալերի Բրյուսովի անվան պետական լեզվահասարակագիտական համալսարանի դասախոս Մեսրոպ Հարությունյանն էլ մեզ հետ զրույցում կարծիք հայտնեց, որ սա «լավ, խելացի մշակված» առաջարկություն չէ։ Ըստ նրա` կարելի է պարզապես Գյումրիում էլ բացել համալսարաններ, եթե ցանկանում են, որ այդ տարածաշրջանը զարգանա.
