Այսօր վաղ առավոտյան ադրբեջանական զինված ուժերը լայնամասշտաբ հրետակոծության, օդային միջոցների կիրառմամբ և ցամաքային զորքերով անցել են լայնամասշտաբ հարձակման տարբեր հատվածներում:
Նենգ թշնամու կողմից պարտադրված պայքարում այլևս յուրաքանչյուրս մեր հայրենիքի պաշտպանն ենք: Մենք պարտավոր ենք սթափ գնաատել ստեղծված իրավիճակը եւ լինել մեր բանակի կողքին, նրա շարքերում, նաև ամուր թիկունք լինել` անկախ քաղաքական տարաձայնություններից:
ՀՀ ՊՆ ներկայացուցիչ Արծրուն Հովհաննիսյանի և ԱԳՆ խոսնակ Աննա Նաղդալյանի ասուլիսը
Արցախում վիճակը վերջին ժամերին․ ճեպազրույց Սամվել Բաբայանի հետ
Բանակը թշնամուն մահացու հակահարված է տալիս ռազմաճակատի ողջ երկարությամբ, կամավորական ջոկատներն արդեն առաջին գծում են, մոբիլիզացված է ողջ քաղաքացիական բնակչությունն՝ իր ենթակառուցվածքներով, մոռացված են ներքին գժտություններն ու հակասությունները:
Հայկական զինուժը շարունակում է խոցել ադրբեջանական մարտական տեխնիկաները. ՊՆ–ն տեսանյութ է տարածել
Էդգար Էլբակյանը ֆեյսբուքյան իր էջում գրում է․ «Մի՛ որոնեք ռազմաճակատից ու Արցախից եկող այսպահային լուրեր, քանզի բացի այն, որ դրանք կարող են չստուգված ու կեղծ լինել, անգամ ճիշտ լինելու դեպքում՝ ստացման պահին արդեն դրանք կարող են արդեն իսկ հնացած լինել։ Ես ունեմ և՛ լավ, և՛ մտահոգիչ լուրեր, բայց առանց կոնտեքստի դրանք հաղորդելն իմաստազուրկ է։
Հավաքական անվտանգության պայմանագրի կազմակերպությունում հայտարարել են, որ կազմակերպությունը հանդես է գալիս ԼՂ հակամարտության խաղաղ կարգավորման օգտին: Այս մասին գրում է ՏԱՍՍ գործակալությունը:
Այսօր վաղ առավոտյան, կոպտագույնս խախտելով միջազգային մարդասիրական իրավունքի գործող նորմերն ու հակամարտության լուծման խաղաղ բանակցային գործընթացի տրամաբանությունը, ադրբեջանական զինված ուժերը հրթիռահրետանային և ավիացիոն միջոցների կիրառմամբ հարձակման են անցել արցախա-ադրբեջանական ուժերի շփման գծի ողջ երկայնքով՝ թիրախավորելով պաշտպանության բանակի մարտական դիրքերն ու Արցախի խաղաղ բնակավայրերը: Այդպիսով, մարտական գործողությունների հետևանքների ողջ պատասխանատվությունը կրում է Ադրբեջանի ռազմաքաղաքական ղեկավարությունը:
«Այսօր ունենք մեկ խնդիր՝ թշնամուն ծնկի բերելու, և դրան պետք է պատրաստ լինենք: Եվ մենք՝ իբրև ժառանգորդները Գևորգ Չաուշի, Աղբյուր Սերոբի, Նիկոլ Դումանի, Արամ Մանուկյանի, Վարդան Դուշմանի, Արթուր Մանուկյանի, Թաթուլ Կրպեյանի, պետք է գնանք առջևից՝ մեզ հետ տանելով ժողովուրդն ու ազգը: Մենք պետք է սովորեցնենք, որ հայրենասիրությունը գործ է, ոչ թե խոսք: Թող ազգովի խենթանանք, որ այլևս չփորձեն զենքի ուժով մեզ բան պարտադրել»,-ասաց Հրանտ Մարգարյանը:
Այսօր առավոտից ադրբեջանական բանակի ծավալած գործողությունները` պաշտպանական գծի ամբողջ երկայնքով հայկական դիրքերի վրա իրականացվող հրետանա-հետևակային գրոհները, Արցախի Հանրապետության ռազմական օբյեկտների և խաղաղ բնակավայրերի հրետակոծումներն ու հրթիռակոծումները ցույց են տալիս, որ Ադրբեջանը այս էլ որերորդ անգամ կյանքի է կոչում ընդհուպ պատերազմ հրահրելու իր անպատասխանատու և սանձարձակ քաղաքականությունը:
Գիշերը հակառակորդը մասսայական գրոհ է սկսել Արցախի ուղղությամբ, մեր բանակը արժանի հակահարված է տալիս, այս պահին մարտերը շարունակվում են։
Զորքերին կցագրված անձնակազմերին կոչ եմ անում ներկայանալ իրենց տարածքային զինկոմիսարիատներ:
«Նման մասշտաբի ռազմական գործողություններ Արցախյան հակամարտության գոտում սպասելի էին»,- այս մասին 168.am-ի հետ զրույցում ասաց ՌԴ առաջին կարգի պետական խորհրդական, ռուսական «Ռեգնում» լրատվական գործակալության գլխավոր խմբագիր Մոդեստ Կոլերովը՝ անդրադառնալով այսօր վաղ առավոտից ղարաբաղաադրբեջանական հակամարտ զորքերի շփման գծի ողջ երկայնքով բռնկված մարտական գործողություններին:
ՀՅԴ Շուշիի առանձնակի գումարտակի հիման վրա գործող Կամավորական շարժման անունից կոչ ենք անում այս վճռական պահին, երբ Հայրենիքի կրկին գտնվում է վտանգի մեջ, երբ թշնամին նոր հարձակում է սկսել ճակատի ողջ երկայնքով, համախմբվել, մեկտեղել բոլոր ուժերը, կանգնել Հայրենիքի պաշտպանության ճակատում, լինել մեր Երկրի անվտանգության գլխավոր երաշխավոր Զինված ուժերի և Արցախի Պաշտպանության Բանակի կողքին։
Հայաստանի Հանրապետության վարչապետ Նիկոլ Փաշինյանն ընդգծում է, որ Արցախի դեմ Ադրբեջանի ռազմական ագրեսիան նախապես պլանավորված է եղել: Այս մասին վարչապետը գրառում է կատարել «Թվիթեր»-ի իր միկրոբլոգում:
Ադրբեջանի հարձակման պատճառով Արցախի Հանրապետության նախագահ, Գերագույն գլխավոր հրամանատար Արայիկ Հարությունյանը հանձնարարել է անորոշ ժամանակով երկրում փակել բոլոր ուսումնական հաստատությունները։
Դաշնակցությունը կամավորներ է ուղարկում Արցախ. ՈՒՂԻՂ
Երկու հայկական պետությունների արտաքին քաղաքական գերատեսչությունները համակարգված աշխատանք են տանում համապատասխան միջազգային կառույցների հետ՝ ադրբեջանական ագրեսիան կասեցնելու նպատակով։
Ադրբեջանի հարձակման հետևանքով Արցախի Հանրապետությունում քաղաքացիական անձանց շրջանում կան տասնյակ վիրավորներ։
Ն.Ս.Օ.Տ.Տ. Արամ Ա. Վեհափառ Հայրապետը կապ է հաստատել Հայաստանի Հանրապետության վարչապետ Նիկոլ Փաշինյանի հետ եւ իր ամբողջական զորակցությունը հայտնել հայոց բանակին։
Մարտունի քաղաքում ադրբեջանական հրետակոծությունների հետեւանքով այսօր՝ սեպտեմբերի 27-ին, երեխան զոհվել է իրենց տան բակում:
Նիկոլ Փաշինյանը ֆեյսբուքյան իր էջում գրում է․ «Քիչ անց տեղի կունենա Անվտանգության խորհրդի նիստ, ապա կառավարությունը կքննարկի ռազմական դրություն եւ մասնակի զորահավաք հայտարարելու հարցը:
ԲՀԿ առաջնորդ Գագիկ Ծառուկյանը ուղերձ է հղել Ադրբեջանի՝ Արցախի հետ շփման գծի ողջ երկայնքով սանձազերծած ռազմական գործողությունների վերաբերյալ, որն ամբողջությամբ ներկայացնում ենք ստորև․
Ռուսաստանի Դաշնությունը մտահոգություն է հայտնում Լեռնային Ղարաբաղի շփման գծում իրավիճակի սրման կապակցությամբ և հակամարտության կողմերին կոչ է անում շտապ դադարեցնել կրակը:
Պաշտոնական Անկարան արձագանքել է արցախաադրբեջանական հակամարտ զորքերի շփման գծում բռնկված իրավիճակին: Ռուսական ՏԱՍՍ-ի հաղորդմամբ, Թուրքիայի նախագահի պաշտոնական ներկայացուցիչ Իբրահիմ Քալընը հայտարարել է, որ վճռականորեն դատապարտում են Հայաստանի հարձակումը Ադրբեջանի նկատմամբ:
Արդեն մի քանի օր է՝ համատարած մոբիլիզացիա են սկսել, իհարկե, ներկայացնելով կեղծ օրակարգ, որ իբր Հայաստանոը պատրաստվում է պատերազմի: Ուզում եմ հայտարարել, որ մենք միշտ պատրաստվել ենք պատերազմի, բայց պատերազմի կողմնակից չենք: Աշխարհում ամենաշատը խաղաղություն Արցախում են ուզում և արցախցին է ուզում: Մենք նշել ենք, որ ցանկացած պատերազմ սկսելու պատասխանատվություն կրելու է Ադրբեջանի իշխանությունը՝ ոչ միայն այսօր, այլև՝ ապագայում: Ամեն մի զոհի համար պատասխան են տալու»,-ԱԺ-ում պատգամավորների առաջ ելույթ ունենալով ասաց Արայիկ Հարությունյանը՝ նշելով, որ կան զոհեր, այդ թվում՝ երեխա:
«Լուսավոր Հայաստան» կուսակցության ղեկավար Էդմոն Մարուքյանը ուղերձ է հղել հայ ժողովրդին Ադրբեջանի կողմից Արցախի ուղղությամբ սանձազերծած գործողությունների կապակցությամբ: Ուղերձում մասնավորապես ասված է․
Թուրքիայի ընդդիմադիր, քրդամետ «Ժողովուրդների դեմոկրատական կուսակցության» (ԺԴԿ-HDP) հայ պատգամավոր Կարո Փայլանը Twitter-ի էջում անդրադարձել է արցախա-ադրբեջանական շփման գծի երկայքնով ծավալվող ռազմական գործողություններին։
«Վերջին ժամերին գրանցվում են բազմաթիվ դեպքեր, երբ հանրապետության ողջ տարածքում զինվորական կոմիսարիատներ են դիմում անհատ քաղաքացիներ և խմբեր (մինչև 10000 մարդ)՝ զինվորագրման և արցախա-ադրբեջանական շփման գիծ մեկնելու խնդրանքով»։
