«Մարտերը թեժ են, հակառակորդը հրթիռային և հրետանային հարվածներ է հասցրել կարևոր նշանակության օբյեկտների». Արծրուն Հովհաննիսյան
Այսօր վաղ առավոտյան ադրբեջանական զինված ուժերը լայնամասշտաբ հրետակոծության, օդային միջոցների կիրառմամբ և ցամաքային զորքերով անցել են լայնամասշտաբ հարձակման տարբեր հատվածներում:
Հայկական միասնական տեղեկատվական կենտրոնում ճեպազրույցի ընթացքում ասաց ՀՀ ՊՆ ներկայացուցիչ Արծրուն Հովհաննիսյանը` նշելով, որ սկսվել են մարտական գործողություններ, որոնք շարունակվում են:
«Այս պահին ևս մարտական գործողություններ են ընթանում: Բավականին թեժ են»,- շեշտեց նա` հիշեցնելով, որ ԱՀ և Արցախի ՊԲ ղեկավարությունն արդեն հայտարարություն են տարածել և նշել մարտերի ուղղությունները:
Հովհաննիսյանը հայտնեց, որ հակառակորդը շատ տեղերում հետ է շպրտվել` կրելով զգալի կորուստներ:
