Քաղաքականություն

«Իրատես լինենք` կա՛մ Հայաստանն է քաղաքական պատմություն կերտելու տարածաշրջանում` դուրս հանելով թատերաբեմից հիմնական մրցակցին, կա՛մ` Ադրբեջանը։ Նմանատիպ մրցակցությունները երկար չեն տևում և ավարտվում են միայն մի կողմի տարածքային, ռազմական ու քաղաքական հաջողությամբ»։

ԼՂՀ Ազգային ժողովում մայիսի 7-ին տեղի է ունեցել ՀՀ և ԼՂՀ խորհրդարանների արտաքին հարաբերությունների և պաշտպանության, ազգային անվտանգության ու ներքին գործերի (օրինապահպանության) մշտական հանձնաժողովների համատեղ դռնփակ նիստը` «Ապրիլյան պատերազմի հետևանքով ստեղծված ռազմա-քաղաքական իրադրությունը և դրանից բխող գործողությունները» թեմայով:

«Ի՞նչ կտա մեզ այս փուլում այս պահին իրավական ճանաչումը: Դրա հնարավոր զարգացումները մենք հաշվարկե՞լ ենք, թե՞ ոչ: Սա պետք է հաշվարկենք, սա չպետք է լինի էմոցիոնալ քայլ: Սա հայրենասիրության հարց չէ, ավել կամ պակաս հայրենասեր լինելու հետ որևէ կապ չունի, ավելին, ես չեմ կարծում, որ հայրենասերը նա է, ով ավելի բարձր կբղավի` եկեք ճանաչենք Արցախի Հանրապետությունը նաև դե յուրե»:

Արցախի Հանրապետության Նախագահ Բակո Սահակյանը մայիսի 7-ին ընդունել է ՀՀ տարածքային կառավարման եւ զարգացման նախարար Դավիթ Լոքյանին ու կրթության եւ գիտության նախարար Լեւոն Մկրտչյանին:

«Հարգելի՛ համանախագահություն, ի՞նչ է նշանակում չդադարեցրած կրակը, չկասեցրած քաղաքացիական ու զինվորական զոհերի այս ամբողջ փուլը, խոսել բարի կամքի, բանակցությունների մասին, պարզ չէ՞, որ առաջին հերթին պետք է բոլոր հրացաններն ու զենքերը լռեն»։

Հայ դատի ԱՄՆ հանձնախմբի նոր նախաձեռնության միջոցով հնարավորություն է ընձեռում Թուրքիայի մեջլիսի հայ պատգամավոր Գարո Փայլանի անվտանգության հարցով մտահոգված բոլոր անձանց դիմել ԱՄՆ պետքարտուղարությանը, Amnesty International և Human Rights Watch կազմակերպություններին` հորդորելով պաշտպանել Փայլանին:

Ռուսաստանի նախագահ Վլադիմիր Պուտինը, ով հայտնի է իր քաղաքական որոշումներ կայացնելու անկանխատեսելիությամբ, դիտարկում է առաջիկայում Բաքու մեկնելու հնարավորոթյունը։ Այս մասին գրում է թուրքական Haqqin.az-ը՝ հղում անելով իր մոսկովյան բյուրոյի՝ ռուսական իշխանություններին մոտ կանգնած աղբյուրին։

ԱՄՆ-ի Միսուրի նահանգի ոստիկանությունը փնտրում է Կոլումբիայի համալսարանում տեղի ունեցած հրաձգության հեղինակին: Այս մասին հաղորդում է «Daily News»-ը:

Պաշտոնաթող գնդապետ և ռազմաքաղաքական վերլուծաբան, պահեստի գնդապետ Հայկ Նահապետյանի կարծիքով՝ քառօրյա պատերազմի նախօրեին միջազգային կառույցների և գերտերությունների՝ Ադրբեջանի տարածքային ամբողջականության վերաբերյալ հայտարարությունները, կանաչ լույս վառեցին, որպեսզի Ալիևը ռազմական գործողություններ սկսի: Այսօր լրագրողների հետ հանդիպման ընթացքում նա նաև հիշեցրեց ԵԽ ԽՎ նախագահ Պեդրո Ագրամունտի հայտարարությունը, որ հայկական կողմը պետք է դուրս բերի զորքերը «Ադրբեջանի օկուպացված տարածքներից»:

Նախագահ Սերժ Սարգսյանն այսօր ընդունել է արգենտինահայ մի խումբ բարերարների, ովքեր «Հայաստան» համահայկական հիմնադրամի հետ համագործակցությամբ շուրջ ութ տարի Հայաստանում բարեգործական ծրագրեր են իրականացնում, որոնց ընդհանուր արժեքը կազմում է մոտ 3.5 միլիոն ԱՄՆ դոլար:

Թուրք լրագրող Ջան Դյունդարի դեմ իրականցված մահափորձի գործով ձերբակալվել է ևս երկու մարդ: Այս մասին տեղեկացնում է թուրքական «Հուրիեթ» պարբերականը:

Հալեպում զինադադարի ռեժիմն ընդհանուր առմամբ պահպանվում է: Ըստ «Ռիա Նովոստի»-ի՝այս մասին հայտարարել է ԱՄՆ Պետդեպի ներկայացուցիչ Ջոն Կորբին:

Միացյալ Նահանգները դատապարտում է ոտնձգության եւ բռնության ցանկացած դրսեւորում, հայտարարել է ԱՄՆ-ի Պետքարտուղարության փոխխոսնակ Մարք Թոները՝ մեկնաբանելով Թուրքիայի խորհրդարանում տեղի ունեցած ծեծկռտուքը:

Այսօր Արցախի մարտական հենակետերում են հազարավոր երկրապահ կամավորականներ, տասնյակհազարավորներն էլ` ցուցակագրված սպասում են իրենց հերթին: Երկրապահն առաջնագծում մնալու է այնքան, որքան կպահանջվի, չենք իջնելու խրամատից, քանի դեռ վերջնականապես չենք լռեցրել ազերիներին: Երկրապահը միշտ եղել է ու կմնա Արցախի հետ, դիրքապահ հայ զինվորի ու հրամանատարի հետ, հայոց բանակի հետ:

«Ռուսաստանի հետ ռազմավարական առումով մեր շահերը համընկնում են, մարտավարական առումով՝ ոչ: Ինչ վերաբերում է լայնամասշտաբ պատերազմ սկսվել-չսկսվելուն, ապա մեծ պատերազմ չի լինի, սակայն կլինի տարածքային ձևաչափումների փոփոխություն: Ինչպես ասում են՝ դիվանագիտությունն այսօր լռել է, այժմ խոսում են թնդանոթները»:

Ցավոք այդ երկակի ստանդարտների քաղաքականությունն է անցկացվում, Եվրոպան դավաճանում է իր հայտարարած գաղափարներին կամ կարճատև շահերից ելնելով կամ կաշառք ստանալով: Եվրոպայի ռազմավարական շահն այն է, որ եվրոպական արժեքները տարածվեն տարբեր երկրներում, նույնիսկ Ադրբեջանի նման երկրներում: Այնինչ` չեն նկատվում այն, որ զինվորը գլխատվում է, դա խայտառակություն է:

Նախքան վճռի արձակումը դատարանի շենքի մոտ անհայտ անձը փորձել է սպանել Դյունդարին` կրակելով նրա վրա: Cumhurriyet–ի լրագրողը կարողացել է խուսափել կրակից, սակայն ոտքից թեթև վիրավորում է ստացել մեկ այլ լրագրող, ով լուսաբանում էր դատական նիստը:

Հայկական կողմի ներկայացրած երեք պայմանները ևս նշանակում են՝ ծառայել ռուսական շահերին, որովհետև ՌԴ-ն առաջին պատերազմով տեսավ, որ կողմերը կարողացան իրենք իրենց սեփական միջոցներով ընտրել՝ պատերազմը չշարունակել, ուստի անհրաժեշտ է հակամարտության խորացում, անհրաժեշտ է պատերազմի ալիքի մեծացում, երբ այլևս հնարավոր չի լինի սեփական միջոցներով խաղաղության հասնել։

Անցած տարի Հայաստանում ԵՄ գրասենյակի բողոքի հիման վրա ՀՀ իրավապահները դրամաշնորհային միջոցները հափշտակելու դեպք բացահայտեցին:

Քաղաքային խորհուրդը հավանություն է տվել Իսպանիայի սոցիալիստական բանվորական կուսակցության առաջարկությանը՝ կերպարանափոխելու որոշ մունիցիպալ շենքերի պատերը՝ դրանք զարդարելով Սերվանտեսին նվիրված նկարներով:

ՀՀ պաշտպանության նախարարի առաջին տեղակալ Դավիթ Տոնոյանը հարցազրույց է տվել «Հայկական ժամանակ» օրաթերթին եւ պատասխանել վերջին օրերին հասարակությանը խիստ հուզող մի քանի հարցերի: Փոխնախարարի պատասխանները խիստ ուշագրավ են:

Մեծ Բրիտանիայի մայրաքաղաքի պատմության մեջ առաջին անգամ քաղաքապետ է ընտրվել մուսուլմանը՝ Լեյբորիստական կուսակցությունից Լոնդոնի քաղաքապետի թեկնածու Սադիկ Խանը, հայտնում է BBC-ն:

«Հայաստանի դեմ այլ հարձակումներն անխուսափելի են լինելու»,- 168.am-ի հետ զրույցում այս մասին ասաց Քաղաքական և միջազգային հետազոտությունների հայկական կենտրոնի տնօրեն Աղասի Ենոքյանը՝ անդրադառնալով Արցախի ճանաչման օրինագծի վերաբերյալ ռուսական արձագանքներին:

Հռոմի պապ Ֆրանցիսկոսին շնորհել են Կառլ Մեծի անվան մրցանակ Եվրոպայի միավորման հարցում ունեցած ավանդի համար, հայտնում է Еuronews-ը:

«Մենք աշխատում ենք խորհրդարանում Գերմանիայի կողմից Հայոց ցեղասպանության ճանաչման ու համապատասխան բանաձևի որդեգրման ուղղությամբ ու ասեմ, որ այս պահին բավական լավ է իրավիճակը: Հունիսի 2-ի լիագումար նիստում համապատասխան բանաձև է ներկայացվելու, մենք հիմա աշխատանքներ ենք տանում, որ այն հավանության արժան անա մեծամասնության կողմից: Ուրախ եմ, որ հունիսի 2-ին Գերմանիան ևս կճանաչի ցեղասպանությունը»,-ասաց Ալբերտ Վայլերը:

Թուրքիայի նախագահ Ռեջեփ Թայիփ Էրդողանը հայտարարել է, որ իր երկիրը չի փոխի հակաահաբեկչական օրենքները, որպեսզի դրա դիմաց Եվրամիությունը առանց վիզային ռեժիմ սահմանի Թուրքիայի քաղաքացիների համար, հայտնում է BBC-ի ռուսական ծառայությունը:

Արցախյան ազատամարտի հերոս, գեներալ-մայոր Արկադի Տեր-Թադևոսյանը դրական է գնահատում այն փաստը, որ այս պահին օրակարգում ՀՀ կողմից Արցախի ճանաչման հարցն է։

Ստամբուլում զինված անձը փորձել է գնդակահարել ընդդիմադիր Cumhuriyet թերթի գլխավոր խմբագիր, հայտնի լրագրող Ջան Դյունդարին: Ինչպես հայտնում է NTV հեռուստալիքը, մահափորձը տեղի է ունեցել դատարանի շենքի մոտ, որտեղ անցկացվում է Դյունդարի դեմ դատական նիստը:

Հայ ժողովուրդն առաջին իսկ օրվանից պայքարել է Հայրենական մեծ պատերազմի ճակատներում և հայրենիքը պաշտպանելու սրբազան պարտքը կատարել է ըստ արժանվույն:

«Արցախի միացումը Հայաստանին չի նվազեցնի սպառնալիքների աստիճանը, բայց կկրճատի հնարավորությունները մի շարք տարածաշրջանային խաղացողների համար, օրինակ՝ Ռուսաստանի կողմից Արցախի, այսպես կոչված, ինստրումենտալիզացիան, օգտագործելով այս դե ֆակտո պետական կազմավորումը մանիպուլյացիայի ենթարկելու համար թե Հայաստանին և թե Ադրբեջանին»։