Պորտլենդում Թրամփի հակառակորդների ակցիայից հետո զանգվածային անկարգություններ են սկսվել
Օրեգոն նահանգի Պորտլենդ քաղաքում ԱՄՆ հանրապետական թեկնածու Դոնալդ Թրամփի հաղթանակից հետո սկսվել են անկարգություններ, հաղորդում է քաղաքային ոստիկանությունն իր Twitter-ում։
«Ցուցարարները զինվում են քարերով։ Ոստիկանությունը հայտնում է ամբոխին, որ դա հիմա անօրինական հավաք է»,- ասվում է հաղորդագրության մեջ։
Պորտլենդի ոստիկանությունը ցուցարարներին կոչ է արել ցրվել, իսկ անցորդներին՝ խուսափել այն վայրերում հայտնվելուց, որտեղ տեղի են ունենում անկարգությունները։
Տուժածների ու ձերբակալվածների մասին տեղեկություններ չկան։