Պորտլենդում Թրամփի դեմ բողոքները անկարգություններ են որակվել
Երկրորդ գիշերն անընդմեջ ԱՄՆ ողջ տարածքում շարունակվում են Դոնալդ Թրամփի դեմ բողոքի ցույցերը։
ԱՄՆ Օրեգոն նահանգի Պորտլենդ քաղաքում նոյեմբերի 11-ի գիշերը ոստիկանությունները ցույցերը որակել են որպես զանգվածային անկարգություններ, որին մասնակցել է մոտ 4 հազար մարդ։
«Ցուցարարները զինվել են քարերով։ Ոստիկանությունը տեղեկացնում է մարդկանց, որ դա անօրինական հավաք է»,- ասվում է Պորտլենդի ոստիկանության հաղորդագրության մեջ։
Իրավապահները սկսել են ձերբակալությունները այն բանից հետո, երբ ցուցարարները սկսել են անկարգությունների դիմել։
Միննեսոտա նահանգում մոտ 1000 ցուցարար մոտ 1 ժամ փակել է ավտոմայրուղին։ Տեղի WCCO հեռուստաընկերության տվյալով՝ ակցիային մասնակցել է 17 կազմակերպություն։
Բողոքի ցույցեր են անցկացվել Բալթիմորում, Դենվերում, Լոս Անջելեսում։
