Թրամփը հայտնել է Վենեսուելայի օդային տարածքը բացելու մասին
ԱՄՆ-ի նախագահ Դոնալդ Թրամփը հայտարարել է, որ Վենեսուելայի օդային տարածքը կրկին բաց է։
Ինչպես հաղորդում է Bloomberg-ը, Թրամփը հայտարարել է, որ Վենեսուելայի օդային տարածքը բացելու մասին կարգադրել է հունվարի 29-ին՝ երկրի նախագահի պաշտոնակատար Դելսի Ռոդրիգեսի հետ ունեցած հեռախոսազրույցից հետո։
Թրամփի խոսքով, ինքը Պենտագոնին և տրանսպորտի նախարարությանը հանձնարարել է՝ մինչև օրվա վերջը անհրաժեշտ փոփոխություններ կատարել՝ նշելով, որ Ռոդրիգեսն իրեն ասել է, թե երկրի իշխանությունները հաջողություններ են գրանցում անվտանգության ապահովման հետ կապված իրադրության բարելավման գործում։
