Միջազգային

Սիրիայի բանակի հրամանատարությունը հայտարարել է Սիրիայի ողջ տարածքում 72 ժամով «լռության ռեժիմ» սահմանելու մասին, որը կձգվի մինչև հուլիսի 8-ի կեսգիշեր, տեղեկացնում է RIA Novosti-ն:

ԱՄՆ պետքարտուղար Ջոն Քերիի ինքնաթիռը վայրէջք է կատարել Թբիլիսիի միջազգային օդանավակայանում, հայտնում է RIA Novosti-ն:

Ադրբեջանական APA գործակալությունը, հղում կատարելով Ադրբեջանի պաշտպանության նախարարությանը, հայտնում է, որ Ադրբեջանի պաշտպանության նախարար Զաքիր Հասանովը մեկնել է սահմանամերձ զորամասեր:

19 մարդ է տուժել Աբխազիայում բողոքի ակցիայի հետևանքով, նրանց մի մասն ստացել է հրազենային վնասվածք, հայտնել է Աբխազիայի ինքնահռչակ հանրապետության առողջապահության նախարար Անձոր Գոովը:

Այսօր Թբիլիսիում իր աշխատանքն է սկսել Հարավային Կովկասի XIII համաժողովը, որը հրավիրվել է «Տարաբնույթ մարտահրավերները մեդիայի և ինքնարտահայտման հարցում» խորագրով, հայտնում է «Գրուզիա օնլայնը»:

Նավթի գինը շարունակում է նվազել նախօրին տեղի ունեցած ուժեղ անկման հետևանքով, քանի որ շուկայում պահպանվում են մտավախությունները, որ Մեծ Բրիտանիայի՝ ԵՄ-ից դուրս գալու որոշումը (Brexit) կհանգեցնի հումքի շուկայում պահանջարկի նվազման:

Իրանի նախագահ Հասան Ռոուհանին Թուրքիայի նախագահ Ռեջեփ Թայիփ Էրդողանի հետ հեռախոսազրույցում ասել է, որ Իրանի և Թուրքիայի միջև երկկողմ հարաբերությունների հետագա ընդլայնման համար կան բոլոր պայմանները: Այս մասին տեղեկացնում է Իրանի IRNA գործակալությունը:

Նրա խոսքով՝ երկու երկրների նախագահների հանդիպման օրը դեռ որոշված չէ:

Այսօր Եվրախորհրդարանի լիագումար նիստում կքննարկվի Ադրբեջանի և Եվրամիության միջև շրջանակային համաձայնագիրը, հայտնում է APA գործակալությունը:

«Կարծում եմ, որ հետևելով որոշակի պայմանների, իհարկե, համագործակցելով Ադրբեջանի արտգործնախարարության հետ, մենք կարող ենք շուտով իրականացնել այդ այցը»,- ասել է նա:

Թուրքիայի նախագահ Ռեջեփ Էրդողանը հանդես է եկել խիստ քննադատությամբ՝ ուղղված ԴԱԻՇ-ի հասցեին, հայտնում է Anadolu գործակալությունը:

Իսրայելի վարչապետ Բենիամին Նեթանյահուն ձմռանը կայցելի Ադրբեջան: Այս մասին հայտնում է The Times of Israel-ը: Նեթանյահուն այդ մասին հայտարարել է Քենիա այցի ժամանակ: Նա նշել է, որ Իսրայելը պաղեստինյան հարցում և դիվանագիտական հարաբերություններում դիրքերը ամրապնդելու նպատակով ստեղծում է նոր դաշինքներ: Նրա խոսքով՝ այդ քաղաքականության շրջանակում ձմռանը կայցելի Ղազախստան և Ադրբեջան: Այցի հստակ ժամկետ նա չի […]

Ղազախստանի նախագահ Նուրսուլթան Նազարբաևը Թուրքիայի իր գործընկեր Ռեջեփ Էրդողանի հետ երեկ կայացած հեռախոսազրույցի ընթացքում քննարկել է երկու երկրների համագործակցության առաջնահերթ ուղղությունները, հայտնել է Նազարբաևի մամուլի ծառայությունը:

Թուրքիան հուսով է, որ Լեռնային Ղարաբաղի հակամարտությունը մոտ ժամանակներս կկարգավորվի խաղաղ ճանապարհով՝ Ադրբեջանի տարածքային ամբողջականության շրջանակում:

ՎՈՒԱՄ-ի անդամ երկրների (Վրաստան, Ուկրաինա, Ադրբեջան, Մոլդովա) կառավարությունների ղեկավարները աշնանը կքննարկեն ազատ առևտրի գոտու ստեղծման հարցը: Այս մասին հայտնել է Ուկրաինայի վարչապետի մամուլի քարտուղար Դմիտրի Ստոլյարչուկը:

Թուրքիայի հյուսիսարևելյան Գիրեսուն նահանգում երկրի ռազմաօդային ուժերին պատկանող S-70 ուղղաթիռի կործանման հետևանքով զոհերի թիվը հասել է 7-ի, հաղորդում է RIA Novosti-ն:

Բաղդադում կիրակի օրը տեղի ունեցած պայթյունների հետևանքով զոհերի թիվը հասել է 250-ի, հայտնել են Իրաքի իշխանությունները: Այս մասին հայտնում է BBC-ի ռուսական ծառայությունը:

Հայաստանում լավ չհասկացան ու, առավել ևս՝ համարժեք չգնահատեցին ռուս-թուրքական ջերմացման հերթական ակտը: Հայաստանում, բոլոր այն շրջանակներում, որոնք ի պաշտոնե ու հանգամանքների բերումով պարտավոր են հասկանալ ու գնահատել դա, բացակայում է ոչ միայն՝ համարժեքությունն ու գնահատելու կարողությունը, այլև օբյեկտիվությունը:

Լատվիայի Անվտանգության ոստիկանության ստուգումների արդյունքում մի քանի տասնյակ օտարերկրացիներ զրկվել են բնակության թույլտվությունից: «ՌԻԱ Նովոստի»-ն գրում է, որ այդ մասին հայտնել է երկրի Ներքին գործերի նախարար Ռիխարդ Կոզլովսկիսը:

«Այդ տարածքը Թուրքիայինն է, բայց այն վարձակալել են ՆԱՏՕ-ի գործընկերները, հետևաբար` Չավուշօղլուն իրավասու չէ առանց ՆԱՏՕ-ի գործընկերների հետ համաձայնեցման նման բան հայտարարել: Դրանից բացի, ռուսների տնօրինության տակ է Սիրիայի Հմեյմիմ օդանավակայանը և լրացուցիչ օդանավակայանի օգտագործման անհրաժեշտության մասին հայտարարություն չի եղել»,-հավելեց Անուշ Հովհաննիսյանը:

Իսրայելի Կնեսետը Հայոց ցեղասպանության բանաձևն ուղարկեց կրթության եւ մշակույթի հանձնաժողով. 120 պատգամավորից որոշմանը կողմ քվեարկեց 24-­ը, դեմ քվեարկողներ չկան:

«Այդ 2 մեծ երկրները՝ Ռուսաստանն ու Թուրքիան, նախորդ օրը շնչահեղձ, իրար հետ վիրավորանքներ էին փոխանակում, հիմա 5 րոպե պակաս, շուտափույթ բարեկամանում են: Ինչպես մյուս երկրները, մենք էլ եկեք ողջունենք, որ իրար հետ խաղաղ հարաբերություններ ունենան»:

Հարցին, թե ռուս-թուրքական մերձեցման ընթացքում հնարավո՞ր են արդյոք գործարքներ, որոշումներ Հայաստանի շահերի հաշվին, հատկապես, երբ քննարկվում են ԼՂ հակամարտության կարգավորման ռուսական ծրագրեր՝ ադրբեջանամետ բաղադրիչներով, Մալաշենկոն պատասխանեց, որ Ռուսաստանը շարունակում է պահպանել իր չեզոքությունը՝ չսատարելով ոչ մի կողմի դիրքորոշմանը, հետաքրքրված չլինելով ո՛չ Հայաստանի, ո՛չ Ադրբեջանի հակամարտությունում ավելի գերակա դիրքերով:

«Նրա այցից կախված կլինի՝ արդյո՞ք տեղի կունենա Լեռնային Ղարաբաղի հակամարտության հարցով հերթական հանդիպումը»,- հայտարարել էր Մամեդյարվը:

ՌԴ վարչապետ Դմիտրի Մեդվեդևը հայտարարել է, որ դեռ ոչ մի որոշում չի կայացվել թուրքական բանջարեղենների մատակարարումների վերսկսման վերաբերյալ, հարցը քննարկվելու է Անկարայի հետ, սակայն դա չի նշանակում, թե Ռուսաստանն «անհապաղ վազել ու ամեն ինչ բացել է»:

Ինչպես նշել է Ֆրանսիայի արտաքին գործերի և միջազգային զարգացման նախարար Ժան-Մարկ Էյրոն, Ֆրանսիան պատրաստ է կազմակերպել Լեռնային Ղարաբաղի հարցով հանդիպում:

Ըստ հաղորդվող տեղեկության՝ Ալիև Վյուսալը սպանվել է հուլիսի 5-ին՝ ժամը 12:30-ի սահմաններում:

Ձկնորսները, զգուշանալով մոտեցող թայֆունից, ամրացնում են բարկասները ցամաքի վրա և չեն պլանավորում դուրս գալ ծով մոտակա օրերին:

ՌԴ Անվտանգության դաշնային ծառայությունը «Էխո Մոսկվի» ռադիոկայանի խմբագրությունից առգրավվում է լրագրողների և ռուս ընդդիմադիր քաղաքական գործիչ, հրապարակախոս Անդրեյ Պիոնտկովսկու նամակագրությունը, հայտնել է ռադիոկայանի գլխավոր խմբագիր Ալեքսեյ Վենեդիկտովը Twiiter-ի իր միկրոբլոգում:

Խոսքը մի միջոցառմանը մասնակցության մասին է, որն ուղղակի և անուղղակի կերպով կարող է ազդել Հայաստանի ապագայի վրա՝ նպաստել Հայաստանի անվտանգության դիվերսիֆիկացիային, վերջին հաշվով՝ Հայաստանը գոնե այս կարևոր հարթակում ներկայացնել՝ որպես ինքնիշխան միավոր ու համաշխարհային քաղաքականության մաս: Բայց այդ ամենը կախված է մեկ մարդուց, և այդ մեկ մարդու անունը Վլադիմիր է: