Զաքիր Հասանովը մեկնել է առաջնագիծ
Ադրբեջանական APA գործակալությունը, հղում կատարելով Ադրբեջանի պաշտպանության նախարարությանը, հայտնում է, որ Ադրբեջանի պաշտպանության նախարար Զաքիր Հասանովը մեկնել է սահմանամերձ զորամասեր:
Գործակալության հաղորդմամբ՝ Հասանովը և Ադրբեջանի պաշտպանության առաջին տեղակալ, ԶՈւ գլխավոր շտաբի պետ Նեջմեդդին Սադիկովը ծանոթացել է առաջնագծում տիրող իրավիճակին, մարտական պատրաստվածության աստիճանին, մարտական հերթապահության անցկացմանը, հետաքրքրվել է զինծառայողների բարոյահոգեբանական վիճակով, ծանոթացել զինծառայողների սոցիալ-կենցաղային պայմանների հետ:
Զաքիր Հասանովը հրաման է տվել կատարելագործել Ադրբեջանի պաշտպանության գիծը:
