Ինքս՝ որպես ՀՀ քաղաքացի, 2020 թվականից ի վեր ուզում եմ, որ մեր երկրի առաջին դեմքը փոխվի, բայց ժողովուրդն այլ բան ընտրեց։ Ես որպես ՀՀ քաղաքացի՝ կարող եմ համաձայն չլինել նրանց հետ, բայց եթե ես ուզում եմ նա փոխվի, չեմ ուզում հները գան, մեզ նոր բան է պետք։ Այսօրվա խնդիրները պետք է լուծենք նորովի, նոր մարդկանցով, նոր դեմքերով։
ԱԺ «Քաղաքացիական պայմանագիր» խմբակցության պատգամավոր Վլադիմիր Վարդանյանի մեկնաբանությամբ, եթե «Պատիվ ունեմ» և «Հայաստան» խմբակցության պատգամավորներն իրենց մանդատները վայր դնեն, ապա որևէ բան տեղի չի ունենալու։
Մայիս 2-ին Երևանում բողոքի ակցիաների ժամանակ ոստիկանները քաղաքացիներին բերման ենթարկելիս նրանց նկատմամբ կիրառել են անհամաչափ ուժ։ Տեսանյութերում երևում է, թե ինչպես են կարմիր բերետավորները ձեռքերով հարվածում քաղաքացու գլխին, մեկ այլ դեպքում՝ քաղաքացու մազերից քաշելով են բերման ենթարկում, նման օրինակները շատ են։ Իսկ Երևանի փողոցներից մեկում էլ ՊՊԾ ղեկավար Սարգիս Հովհաննիսյանը ոտքով հարվածում էր լրատվամիջոցներից մեկի օպերատորին։
Արցախյան պատերազմի մասնակից, գիտնական, նժդեհական, «Կարին» ավանդական երգի-պարի խմբի հիմնադիր և գեղարվեստական ղեկավար Գագիկ Գինոսյանը 44-օրյա պատերազմի ժամանակ շատ հարազատ մարդկանց և ուսանողների է կորցրել, ասում է՝ այսօր հենց նրանք են իրեն հրամայում ապրել։
ԱԺ «Պատիվ ունեմ» խմբակցության պատգամավոր Տիգրան Աբրահամյանն այսօր Ֆրանսիայի հրապարակում ընթացող հանրահավաքի ժամանակ հայտարարեց, որ ինչ ընդդիմադիր ուժերն ակտիվացել են, իշխանությունները գործի են դրել իրենց ողջ գործիքակազմը և փորձում են հանրությանը հերթական անգամ մոլորեցնել։
Ապրիլի 29-ին Ադրբեջանի նախագահն անդրադառնալով Հայաստանի հետ սահմանների սահմանագծման ու սահմանազատման գործընթացին, հայտարարել էր, թե չկա կոնկրետ քարտեզ, որի հիման վրա ապագայում Հայաստանի հետ սահմանների հետ կապված պայմանագիր կկնքվի:
«Փողոցում Նիկոլ Փաշինյանի հրաժարականը պահանջող բազմաթիվ մարդկանցից մեկն էլ ես եմ։ Ինձ համար առհասարակ անընդունելի է ապազգային իշխանությունը, ղեկավարությունը։ Ես անձնական խնդիրներ չունեմ, աթոռի համար չեմ պայքարում, պայքարում եմ հայրենիքիս փրկության համար։ Ես պայքարում եմ, որ Հայաստանը նորմալ ղեկավարություն ունենա, որը կպաշտպանի անկախությունը»,- 168.am-ի հետ զրույցում ասաց «Վան» գործողության հրամանատար Վազգեն Սիսլյանը՝ անդրադառնալով իշխանության հրաժարականի պահանջով ապրիլից 17-ին Հայաստանում մեկնարկած բողոքի ակցիաներին։
168.am-ի հետ զրույցում Արցախյան երեք պատերազմների մասնակից, ռազմական փորձագետ Մարտին Եսայանն ասաց, որ ուշի ուշով հետևում են Հայաստանում տեղի ունեցող գործընթացներին, և իրենց եզրահանգումը մեկն է՝ Նիկոլ Փաշինյանը պետք է հրաժարական տա, քանի որ նա և իր թիմն այլևս ի վիճակի չեն երկրում որևէ բան փոխելու, նրանք պետք է հեռանան, որպեսզի արժանապատիվ խաղաղ ապրելու հնարավորություններ ստեղծվի։
168.am-ի հետ զրույցում Արցախի Հանրապետության Ազգային ժողովի «Հայ Հեղափոխական Դաշնակցություն» խմբակցության ղեկավար Արթուր Մոսիյանն ասաց, որ Արցախի հարցի լուծման ճանապարհն ու հանգրվանը տեսնում են, բայց առանց Նիկոլ Փաշինյանի։
168.am-ի հետ զրույցում Ցանցային հետազոտությունների ինստիտուտի տնօրեն, քաղաքագետ Գագիկ Հարությունյանն անդրադառնալով այս հայտարարությանը, ասաց՝ համոզված է, որ իշխանության այդ հայտարարությունը պայմանավորված է Ադրբեջանի, Թուրքիայի և նրանց տերերի հետ։
168.am-ի հետ զրույցում ֆերմեր Տիգրան Եղոյանը տեղեկացրեց, որ մայիսի 1-ին Վայոց ձորի և Գեղարքունիքի մարզերից ավտոշքերթով ակցիայի մասնակիցներ շարժվեն դեպի Երևան՝ միանալու Ազատության հրապարակում բողոքի ակցիա իրականացնողներին։
«Չեմ կարծում, որ ոստիկանության գործողությունները կարելի է միայն նման խոսակցություններով կանգնեցնել։ Ինչ է տեղի ունենում այլ պետություններում, ներկա եմ եղել տարբեր պետություններում, երբ անհամաչափ ուժ էր կիրառում, մյուս օրն արդեն հայտնի էին այն բոլոր պատժամիջոցները, որոնք կիրառում էին անհամաչափ ուժ գործադրած ոստիկանների նկատմամբ։ Հիմա մեր ոստիկանները կարծես թե մրցում են, թե ով ավելի կոպիտ կլինի, սա իրոք վրդովեցնող է, վերջապես չի կարելի նման կերպ վարվել սեփական քաղաքացիների հետ»,- նշեց Լարիսա Ալավերդյանը։
Ապրիլի 17-ից սկսած, երբ հայտարարվեց, որ մեկնարկելու են անժամկետ բողոքի ակցիաներ ՀՀ իշխանության հեռացման պահանջով, Երևանի տարբեր փողոցներում երիտասարդները սկսեցին իրազեկման ակցիաներ իրականացնել։ Դրանց ընթացքում երիտասարդները կամ «հայեր միացեք» կոչերով տարբեր փողոցներով երթ էին անցկացնում ու հանրության ուշադրությունը հրավիրում այսօր երկրի առջև ծառացած խնդիրներին, կամ էլ որպես բողոքի նշան՝ մի քանի րոպեով փակում էին փողոցները, դրանից հետո ոստիկանները, կարմիր բերետավորները բռնի ուժ կիրառելով՝ նրանց բերման էին ենթարկում։ Ոստիկանության այս գործելաոճը շարունակվում է ապրիլի 17-ից մինչև օրս։
Սյունիքի մարզի Խոզնավար համայնքի նախկին ղեկավար Վարո Գրիգորյանը ողջունում է Երևանում անցկացվող բողոքի ակցիաները։
«Ամբողջ խնդիրը սա է, հակառակ դեպքում այս սահմանազատումը տեղի կունենար 2020 թվականի նոյեմբերի 9-ից անմիջապես հետո։ Բոլորն էլ հասկանում են, եթե մենք ընդունենք այս սահմանը, ապա ճանաչում ենք Արցախը սահմանից այն կողմ՝ Ադրբեջանի մաս։ Հնարավոր բան չէ, որ Ադրբեջանը համաձայնի, որպեսզի Հայաստանի ու Ադրբեջանի միջև տեղի ունենա սահմանազատում ու սահմանագծում, իսկ Արցախի կարգավիճակի հարցը մնա հետագային։ Սրա հետ Ադրբեջանը չի համաձայնի և նոր խնդիրներ կառաջացնի»,- եզրափակեց Ամատունի Վիրաբյանը։
«Վախեցողին են կարողանում ճնշել, նրան են ցեղասպանում, կամքն անսասան պահողի հետ հաշվի են նստում։ Մինչև շարժման սկսելը, մենք Արցախից այդ մեսիջն ուղարկեցինք, որ պետք է ուղղակի որոշում կայացնել ու կանգնել գաղափարի շուրջ, իսկ մեր գաղափարը հիմա հայրենիքի փրկությունն է, թույլ չտալ, որ մեր զոհվածների հիշատակը խեղաթյուրեն»,- եզրափակեց Մետաքսե Հակոբյանը։
«Ավելի քան համոզված եմ, որ Մինսկի խումբը կազմալուծված չէ, պարզապես որոշ ժամանակ նա կորցրել է իր ակտիվությունն ու դերակատարությունը։ Հետագայում այն կակտիվանա՞, թե՞ ոչ՝ կախված է Արևմուտքի հետ Ռուսաստանի հետ առճակատման ելքից»,- եզրափակեց Գառնիկ Դավթյանը։
Ապրիլի 23-ին Ուրուգվայում Թուրքիայի դեսպանատան բացման ժամանակ, Թուրքիայի արտգործնախարար Մևլութ Չավուշօղլուն հայ համայնքի ցուցարարներին ցուցադրել է «Գորշ գայլեր» ռասիստական կազմակերպության ժեստը և այդ ամենն արել է լայն ժպիտով։ Դեպքից հետո, Ուրուգվայի արտգործնախարարը Թուրքիայի դեսպանին կանչել է նախարարություն՝ այդ նշանի կապակցությամբ բացատրություններ ստանալու նպատակով։ Հանդիպումը նախատեսված է երկուշաբթի օրը:
ՀՀ Երրորդ նախագահ Սերժ Սարգսյանը Ջահերով երթի մեկնարկից առաջ պատասխանելով լրագրողի հարցին, թե արդյո՞ք իր մասնակցությամբ չի քաղաքականացվում երթը, նշեց, որ ինքը քաղաքացի է. «Ես քաղաքացի լինելուց հրաժարվե՞լ եմ: Քաղաքականությունը մի բան է, քաղաքացի լինելը՝ այլ: Ցանկացած քաղաքական գործիչ, առաջին հերթին, պետք է լինի քաղաքացի»:
«Ցավում եմ, բայց կարծում եմ, որ 2018թ. հղածս մաղթանքը այսօր էլ ավելի արդիական է»,-Ջահերով երթի մեկնարկից առաջ 168.am-ի հետ զրույցում ասաց ՀՀ Երրորդ նախագահ Սերժ Սարգսյանը:
«Նկարում՝ աջ կողմինն ամուսնուս եղբայրն է, ձախինը՝ նրա քեռու տղան, երկուսն էլ զոհվել են 90-ականներին։ Երկուսն էլ կիրթ տղաներ էին, նույն բուհում էին սովորել, նույն ամսում էլ զոհվեցին։ Բա մենք այդպիսի տղաներ կորցնենք 90-ականներին, 2016 թվականին և 44-օրյա պատերազմի ժամանակ, որ այսօր Նիկոլ Փաշինյանն ասի, որ Արցախը պետք է լինի Ադրբեջանի կազմո՞ւմ։ Չի՛ կարող նման բան լինել, Արցախի համար մի ամբողջ սերունդ է զոհվել, մարդիկ այսօր դիրքերից տուն չեն իջնում, որ իրենց տունը պահեն, մարդը նստած Երևանում՝ Արցախի ճակատագիրն է որոշում։
«Այս համատեքստում էլ նրանք առաջ գալով՝ մտնում են ՀՀ տարածքներ։ Այդ համաձայնագրի մեջ Խորհրդային սահմանները նշված են, որպեսզի զինվորները կանգնեն այդ սահմաններին, բայց ադրբեջանցիներն առաջ են գալիս այն հատվածներում, որտեղ սահմանապահներ ու զինվորներ չկան՝ հակառակ 1970-ական թվականներին իրենց իսկ վավերացրած քարտեզների»,- եզրափակեց Ռուբեն Գալիչյանը։
Արցախյան ազատամարտի մասնակից, «Արծիվ» մահապարտների գումարտակի անդամ Աղաբեկ Խաչատրյանի՝ Բեկի խոսքով՝ այսօր Հայաստանի իշխանության տարբեր ներկայացուցիչներ խոսում են Արցախի մասին, որոնք ո՛չ Արցախի տեղը գիտեն, ո՛չ էլ զինվորական համազգեստ են հագել։
Գլխավոր դատախազ Արթուր Դավթյանն անլուրջ է համարում այն խոսակցությունները, թե իր և իրավապահների հարաբերությունները լարված են։
Գլխավոր դատախազ Արթուր Դավթյան այսօր խորհրդարանում լրագրողների հետ զրույցում հրաժարվեց պատասխանել հարցին, թե սեպտեմբերին իր պաշտոնավարման ժամկետը լրանալուց հետո, նույն պաշտոնի համար կրկին կառաջադրվի՞, թե՞ ոչ։
ՀՀ գլխավոր դատախազ Արթուր Դավթյանն այսօր խորհրդարանում լրագրողների հետ զրույցում անդրադառնալով վերջերս ԱԺ-ում Նիկոլ Փաշինյանի հայտարարությունների առնչությամբ զոհված տղաների ծնողների Դատախազություն ներկայացրած հանցագործության վերաբերյալ հաղորդմանը և հարցին, թե չկա՞ արդյոք հանցակազմ այդ հայտարարություններում, պատասխանեց.
Այսօր ԱԺ-ում պետաիրավական հարցերի մշտական հանձնաժողովում Գլխավոր դատախազ Արթուր Դավթյանը ներկայացրեց ՀՀ դատախազության 2021 թվականի գործունեության մասին հաղորդումը։
«Կես ճանապարհից հետ չպետք է դառնան, պետք է շատանան, ոտքի կանգնեն ու հասնեն իրենց նպատակին։ Թե չէ այսպես օրը մի գյուղ, մի տարածք տալով՝ թշնամին գալու է հասնի Երևան, ու վաղը-մյուս օրը Հայաստանն էլ չի լինի»,- եզրափակեց Արծվիկ Սարգսյանը։
«Գորիսը հանուն Արցախի՝ միշտ էլ պատրաստ է ամեն ինչի։ Ես չեմ կարող ասել, թե կոնկրետ ինչ գործողություններ ենք անելու, քանի որ այդ հարցի շուրջ չենք խոսել։ Բայց կոնկրետ հանուն Արցախի՝ պատրաստ ենք ցանկացած քայլի։ Այս պահին դեռ որևէ որոշում չկա, մենք խառն ենք, բայց մեր առաջնահերթությունը շարունակում է մնալ Արցախը և Սյունիքի անվտանգությունը»,- եզրափակեց Արտյոմ Աղաջանյանը։
ԱԺ «Հայաստան» դաշինքն այսօր խորհրդարանում նախաձեռնել էր հանրային լսումներ՝ Հայաստան-Թուրքիա հարաբերությունների կարգավորման հայտարարության նախագծի վերաբերյալ։ Սակայն լսումները չեղարկվել են, քանի որ ըստ «Հայաստան» դաշինքի՝ իշխանությունը հրաժարվել է լսումների համար տրամադրել ԱԺ նիստերի դահլիճը և ապահովել ուղիղ եթեր։
