ԱԺ «Պատիվ ունեմ» խմբակցության պատգամավոր Տիգրան Աբրահամյանի խոսքով՝ հաշվի առնելով, որ վերջին 10 օրերի ընթացքում Ադրբեջանը և՛ Արցախի, և՛ Հայաստանի շփման գծի տարբեր ուղղություններով դիմում է տարբեր բնույթի սադրանքների, ապա մեծ է հավանականությունը, որ Հայաստանից Արցախ մուտք գործող գազատարի պայթյունը տեղի է ունեցել Ադրբեջանի նախաձեռնությամբ։
Մարտի 8-ի երեկոյան Արցախի Հանրապետության Ասկերանի շրջանի Խրամորթ գյուղի ուղղությամբ թշնամին կրկին կրակոցներ է արձակել։ 60 մմ տրամաչափի ականանետից 3 հատ ական է արձակել գյուղի ուղղությամբ։
«Կարծում եմ՝ այն բանից հետո, երբ Նիկոլ Փաշինյանի հայտարարած «խաղաղության դարաշրջանը» պսակվեց ուկրաինական պատերազմով, դրա մասին հատվածային առումով անիմաստ է խոսելը, որովհետև դրա հակադրությունն արդեն պարզ է։ Ամեն ինչ բացահայտված է՝ և՛ կողմերը, և՛ ծրագրերը դրա հետ կապված»,- 168.am-ի հետ զրույցում ասաց Գերագույն խորհրդի նախկին պատգամավոր Հրանտ Խաչատրյանը՝ անդրադառնալով Փաշինյանի հայտարարած «խաղաղության դարաշրջանին» և այդ համատեքստում Հայաստանին ու Արցախին սպասվող հնարավոր վտանգներին։
«Մենք նման ֆիլմ չենք ունեցել։ Այսինքն՝ սա պատմություն է սփյուռք-հայրենիք կապի, հայորդու մասին, որի կապը հայրենիքի հետ այնքան ամուր է, որ նա դառնում է մեկ այլ հայ ընտանիքի փրկության պատճառ։ Յուրին հայերեն երգեր էր գրել, մտածում էինք՝ սյուժե ստեղծել տեսահոլովակի համար, սակայն, երբ սկսեցին քննարկել, հասկացանք, որ նյութն այնքան շատ է, որ այն պետք է ֆիլմ դառնա»,- շեշտեց Հարություն Ղուկասյանը։
168.am-ի հետ զրույցում Արցախի Հանրապետության ԱԺ «Արդարություն» խմբակցության ղեկավար Դավիթ Գալստյանն անդրադառնալով Արցախի կողմից Ուկրաինայի Կիևի և Զապորոժիեի շրջանների բնակիչներին 14 տոննա մարդասիրական օգնություն ուղարկելուն, նշեց, որ այս օգնությունն ուղարկել են Արցախում խաղաղապահ առաքելության միջոցով, հաշվի առնելով այն հանգամանքը, որ այսօր Ռուսաստանն այդ քաղաքացիների համար նույնպես հումանիտար օգնություն է տրամադրում։
Հաշվի առնելով այն հանգամանքը, որ այսօր հայ զինվորի հետ միասին Արցախի անվտանգությունը պահպանում են նաև ռուս խաղաղապահները, այս քայլն ինչպե՞ս կարող է անդրադառնալ խաղաղապահ առաքելության վրա։ Ինչո՞ւ օգնություն չի ուղարկվել Դոնեցկի և Լուգանսկի հանրապետությունների բնակիչներին։
168.am-ի հետ զրույցում Ադրբեջանի հարցերով փորձագետ Գառնիկ Դավթյանն անդրադառնալով «խաղաղության պայմանագրին» և այդ համատեքստում ադրբեջանական կողմի սադրանքներին, նշեց, որ Նիկոլ Փաշինյանի և նրա կառավարության հնչեցրած հայտարարություններն իրենց բնույթով նորություն չեն։
168.am-ի հետ զրույցում Արցախի Հանրապետության արտաքին գործերի նախարար Դավիթ Բաբայանն անդրադառնալով մամուլի խոսնակի պաշտոնական այս պատասխանին և առհասարակ Ադրբեջանի հետ «խաղաղության պայմանագիր» կնքելու հնարավոր վտանգներին՝ նախ նշեց, որ որևէ մեկը խաղաղությանն ու խաղաղության պայմանագրին դեմ չէ, բայց այստեղ խնդիրն այն է, թե այդ ամենն ինչ գնով է լինելու։
ԱԺ «Պատիվ ունեմ» խմբակցության քարտուղար Հայկ Մամիջանյանի խոսքով՝ վիրավորական է, երբ զուգահեռներ են տանում իրենց և ներկայիս իշխանությունների միջև։
ԱԺ «Պատիվ ունեմ» խմբակցության քարտուղար Հայկ Մամիջանյանն այսօր խորհրդարանական խմբակցություների ճեպազրույցների ժամանակ անդրադարձավ իշխանական պատգամավորների այն մեղադրանքներին, թե հող հանձնողները եղել են նախկին իշխանությունները, այլ ոչ թե իրենք։
«Ադրբեջանի ղեկավարին հայկական կողմի արձագանքը պիտի լիներ 1,5 տարի առաջ և ամբողջ դիվանագիտական կորպուսը, խորհրդարանական դիվանագիտության լծակներն օգտագործվեին ճշմարտությունը բարձրաձայնելու համար»։
«Հիմա Արցախում ռուս խաղաղապահներն անում են այն ամենը, ինչ իրենցից կախված է, ես իրենցից գոհ եմ։ Հիմա խրամորթցիները հանգիստ իրենց գյուղատնտեսական աշխատանքներն են կատարում, բայց այն հատվածները, որոնք շատ են մոտ թշնամու դիրքերին, այդ հատվածներում դեռևս աշխատանքներ չեն տանում։ Թշնամին մեր խաղողի այգիներից 100-200 մետր հեռավորության վրա է»,- հավելեց Զորիկ Աբրահամյանը։
Այսօր ԱԺ խմբակցությունների ճեպազրույցների ընթացքում Արտաքին հարաբերությունների մշտական հանձնաժողովի նախագահ, ՔՊ-ական պատգամավոր Էդուարդ Աղաջանյանը լրագրողի հարցին անդրադարձավ անցյալ շաբաթ Կառավարության հետ ԱԺ հարցուպատասխանի ժամանակ Նիկոլ Փաշինյանի ելույթին, որտեղ նա մատ թափ տալով խոսելուն ուղղված դիտողությանն ասել էր, թե մատ թափ տալով կխոսի, եթե պետք լինի, այլ բան էլ թափ կտա։
Փետրվարի 18-ին Արցախի Հանրապետության խորհրդարանը միաձայն ընդունեց, Ադրբեջանի օկուպացիայի տակ հայտնված տարածքների վերաբերյալ օրենքի նախագիծ, որը հեղինակել էին ԱԺ հինգ խմբակցությունները։
Արցախում եղել են Փաշինյանի թիմակիցները, և պատգամավորն անձամբ է տեսել, թե նրանք մեկ շաբաթ շարունակ այնտեղ ինչով էին զբաղված։ Այցելություները մի քանի անգամ են եղել, սկզբում ԱԺ բոլոր խմբակցություններից ներկայացուցիչներ են եղել, այնուհետև այցելել են իշխանական պատգամավորները՝ շքախմբով, իրենց օգնականներով ու մի քանի տեսախցիկով։
Հայ-թուրքական հարաբերությունների կարգավորման հարցում էլ մեր զրուցակիցը հստակ իր տեսակետն ունի. Թուրքիան պետք է պատասխանատվություն ստանձնի, շտկի այն, ինչ արել է 1915 թվականին։ ««Կարմիր գիծ» կա, որը չպետք է անցնել։ Սխալ են արել, պետք է պատասխանատվություն կրեն։ Պետք է հարաբերություններ հաստատել, բայց ոչ Թուրքիայի նախապայմաններով»:
Գեղարքունիքի մարզում խմելու ջրի խնդրի լուծման միակ տարբերակը նոր ջրագծի կառուցումն է, այլ տարբերակ չկա, քանի որ նախկինում կառուցված ջրագծի մի հատվածն այսօր ադրբեջանցիների հսկողության տակ է։ Նրանք այդ ջրագծերն իրենց հսկողության տակ են վերցրել 2021 թվականի մայիսի 12-ից, երբ ներխուժեցին ու հաստատվեցին Հայաստանի սուվերեն տարածքում։ Այս մասին 168.am-ի հետ զրույցում ասաց Նորաբակի գյուղապետ Վազգեն Ասատրյանը։
168.am-ի հետ զրույցում Գերագույն խորհրդի նախկին պատգամավոր Հրանտ Խաչատրյանն անդրադառնալով Վահագն Խաչատուրյանի նախագահ ընտրվելուն և այդ ընտրությանն ընդդիմության չմասնակցելուն՝ նախ նշեց, որ 30 տարուց ավելի ասում է, որ Հայաստանում համակարգային փոփոխություններ են պետք։ Ոչ միայն ազգային նկարագրին, այլև աշխարհի ներկայիս իրավիճակին համապատասխան, ադեկվատ ազգային համակարգ է պետք ձևավորել։
Մարտի 4-ին ադրբեջանական կողմը հերթական սադրանքին է դիմել Արցախի Հանրապետության Նոր շեն գյուղի ուղղությամբ, նախ՝ օդ է կրակել, հետո բարձրախոսով հայերենով հայտարարել, որ բնակիչները լքեն իրենց գյուղը։
168.am-ի հետ զրույցում Արցախի ԱԺ «Արդարություն» կուսակցության պատգամավոր Մետաքսե Հակոբյանն անդրադառնալով նախատեսված խաղաղ ակցիային՝ նշեց, որ վերջին օրերին, երբ Ուկրաինայում սկսվեցին զինված գործողությունները, Հայաստանում արևմտամետ թևը հակառուսական ցույցով ակտիվության փորձ արեց: Նրանք նաև փորձեցին նմանատիպ տրամադրություն ստեղծել Արցախում, ինչը չհաջողվեց։
«Այս ամենը ծրագրված է Արևմուտքի կողմից՝ աշխարհը կիսել երկու-երեք մասի։ Մենք պետք է զգոն լինենք, այսօր շատերը խոսում են քաղաքակիրթ աշխարհի մասին, բայց որտե՞ղ էր Եվրոպայի քաղաքակրթությունը, երբ մեր ազգը կործանվում էր, իսկ Եվրոպան աչքերն ու բերանը փակել էր։ Այս ամենը ծրագիր է, և նրանք այս ծրագիրն իրականացնում են, ավելին՝ 30 տարի է՝ անում են։ Եթե ունենայինք հզոր ղեկավարներ, ապա այսօր մենք պետք է ունենայինք նաև հզոր բանակ, որովհետև հայ մարդը կռվող, պայքարող է, բայց հային դարձրեցին ստրուկ։ Այսօրվա գործակալները, որոնք կան Հայաստանում, ծնունդ են առել նախկին իշխանությունների ժամանակ, նրանք ինչո՞ւ չեն նկատել, որտե՞ղ էր մեր ԱԱԾ-ն։ Այսօր բոլորը միասին քանդում են մեր չքնաղ երկիրը»,- հավելեց Ս. Գասպարյանը։
Արցախի Հանրապետության Ասկերանի շրջանի Խրամորթ գյուղում թշնամին մի քանի օր է՝ դադարեցրել է իր պրովոկացիաները, նրանց հետ ռուսական կողմից տարվող բանակցությունները շարունակվում են, սակայն դրանց արդյունքների մասին դեռևս որևէ տեղեկություն չկա։ Այս մասին 168.am-ին ասաց Խրամորթի գյուղապետ Զորիկ Աբրահամյանը։
Սյունիքի մարզի նախկին մարզպետ Մելիքսեթ Պողոսյանին պաշտոնը թողնելուց հետո առաջարկվել է զբաղեցնել Պաշտպանության նախարարի խորհրդականի պաշտոնը։
168.am-ն այսօր խորհրդարանում ՔՊ-ական պատգամավոր Էդգար Հակոբյանից հետաքրքրվեց, թե ինչպե՞ս կմեկնաբանի Նիկոլ Փաշինյանի պահվածքը, որը նա ցուցաբերեց կառավարության հետ հարցուպատասխանի ժամանակ, արդյո՞ք երկրի ղեկավարին հարիր էր բարձր ամբիոնից նման արտահայտություններ թույլ տալը:
Նիկոլ Փաշինյանի որոշմամբ՝ Սյունիքի մարզպետ Մելիքսեթ Պողոսյանն ազատվել է զբաղեցրած պաշտոնից, նրա փոխարեն նշանակվել է Փաշինյանի օգնականը՝ կալավանցի Ռոբերտ Ղուկասյանը:
ԱԺ «Հայաստան» խմբակցության պատգամավոր Վահե Հակոբյանի խոսքով՝ այնպիսի տպավորություն է, որ Վահագն Խաչատուրյանը ոչ թե ՀՀ նախագահի թեկնածու է, այլ որևէ հանձնաժողովի շարքային անդամ, ով գալիս-նստում է նիստերի դահլիճում:
«Ինքս երբևէ Կառավարության հետ հարցուպատասխանին չեմ մասնակցել, որովհետև գիտեմ, որ ունենք անհավասարակշիռ մարդ, որը խոսում է՝ ինչի մասին ուզում է, որևէ սահմանափակում չունի և ուղիղ տրված հարցին պատասխանում է իր ուզած ոճով: Երեկ մենք ականատես եղանք մի խայտառակ ու լկտի պահվածքի, որն ուղղակի անթույլատրելի է ոչ միայն փաստացի երկրի վարչապետի պաշտոնը զբաղեցնող անձի կողմից, այլև առհասարակ շատ ամոթալի պահվածք էր»։
ԱԺ նախագահի պարտականությունները ժամանակավոր կատարող Հակոբ Արշակյանի խոսքով՝ այսօր Հայաստանում պատմական իրադարձություն է, քանի որ խորհրդարանը ՀՀ նախագահ է ընտրում, ինչը տեղի է ունենում արտահերթ խորհրդարանական ընտրությունների արդյունքում ձևավորված ԱԺ պատգամավորների ընտրությամբ:
ԱԺ «Պատիվ ունեմ» խմբակցության ղեկավար Արթուր Վանեցյանն այսօր լրագրողների հետ զրույցում հիշեցրեց, որ, երբ ձևավորվում էր ԱԺ 8-րդ նստաշրջանը, ինքը հայտարարել էր, որ եթե իշխանությունը ցանկանում է բացահայտել 44-օրյա պատերազմի սկսման, ընթացքի վերաբերյալ տեղեկությունները, ապա գործը քննելու համար լայն գործիքակազմ ունի:
ԱԺ նախագահի ժամանակավոր պաշտոնակատար Հակոբ Արշակյանն այսօր խորհրդարանում լրագրողների հետ ճեպազրույցում ասաց, որ Արցախի տարածքները հանձնել են նախկին իշխանությունները, մասնավորապես՝ Երկրորդ և Երրորդ նախագահները, քանի որ նրանք գնացել մեկ բանի մասին են բանակցել, սակայն եկել հասարակությանը մեկ այլ բան են ներկայացրել:
