«Ընդդիմությունը մինչև 2018 թվականը եղել է իշխանություն, և հիմա եթե նայեք «Յութուբում», ապա կտեսնեք, որ իրենք գովասանքի խոսքեր էին ասում անվադողեր հանձնողներին»,- խորհրդարանում լրագրողների հետ զրույցում ասաց Արման Սարգսյանը՝ արձագանքելով ընդդիմության և բազմաթիվ քաղաքացիների այն քննադատություններին, որ դիրքերն այսօր չեն կահավորվում։
ՀՀ պաշտպանության փոխնախարար Արման Սարգսյանն այսօր խորհրդարանում լրագրողների հետ զրույցում անդրադարձավ սահմանազատման և սահմանագծման վերաբերյալ հանձնաժողովի աշխատանքներին՝ տեղեկացնելով առաջիկա հանդիպումների մասին.
Ազգային անվտանգության ծառայության տնօրենի տեղակալ Արամ Հակոբյանի խոսքով՝ սահմանազատման և սահմանագծման հարցերով ստեղծված հանձնաժողովն իր առաջին աշխատանքը կատարել է։
168.am-ի հետ զրույցում ԱԺ նախկին պատգամավոր, իրավաբան Տարոն Սիմոնյանը չցանկացավ մեկնաբանել իշխանությունների այս հայտարարությունները, ընդգծելով, որ չի մեկնաբանում օրվա իշխանությունների խոսքերը, քանի որ դրանք շատ դեպքերում տրամաբանական չեն, դրանք որևէ ձևով խարսխված չեն հայկական շահի վրա։
Հարցին՝ Սյունիքում ստեղծված իրավիճակով պայմանավորված, երբ մարդիկ շատ են դիմում ԱԻՆ-ին, նախարարությունում աշխատանքային որևէ փոփոխություն եղե՞լ է, Արմեն Փամբուխչյանը պատասխանեց, որ այդ առումով կան փոփոխություններ, սակայն զերծ կմնա հրապարակային պատասխանելուց։
«Ոստիկաններն օրենքով սահմանված կարգով պարգևատրում են ստանում, տարիներ են եղել, որ նույնիսկ 3 անգամ են ստացել։ Օրինակ, 2018 թվականին ոստիկանությունը 3 անգամ պարգևատրվել է. 2 անգամ՝ ապրիլ ամսին, մեկ անգամ՝ արդեն հեղափոխությունից հետո։ Նման պարգևատրումներ եղել են 2019, 2020, 2021 թվականներին։ Դա գործընթաց է, որն իրականացվում է»,- խորհրդարանում լրագրողների հետ զրույցում ասաց փոխոստիկանապետ Վարդան Մովսիսյանը՝ անդրադառնալով ոստիկանությանը 2 միլիարդ 180 միլիոն դրամ պարգևավճար տալուն։
Այսօր ընդդիմությունը բազմաթիվ քաղաքացիների ուղեկցությամբ կրկին Ֆրանսիայի հրապարակից քայլերթով գնաց դեպի Վազգեն Սարգսյան փողոց՝ Արտգործնախարարության և մյուս նախարարությունների շենքի մոտ։
Այսօր խորհրդարանում լրագրողներն ԱԺ նախագահ Ալեն Սիմոնյանին հիշեցրեցին, որ Սերժ Սարգսյանի նախագահության ժամանակ ինքը Ակնայում նկարվել էր և գրառմանը կից գրել. «Բերքաբեր Արցախը: Ակնան (Աղդամը) իմ հայրենիքն է…», այսօր Ակնան իր հայրենիքը չի՞ համարում։
«Չեմ կարծում, որ մենք իրենց կօգնենք, մենք իրենց թույլ ենք տալու, որպեսզի իրենք մինչև վերջ մաշեցնեն իրենց բոլոր հնարավորությունները։ Իրենք մնացել են իրենց «պրիոմի» տակ։ Առիթից օգտվելով՝ ուզում եմ ժողովրդից ներողություն խնդրել, որ ստիպված են լինում խցանումների ու այս իրավիճակների ականատեսը լինել։ Մի քիչ դիմացեք, և այս ամենը կանցնի»,- խորհրդարանում լրագրողների հետ զրույցում ասաց ԱԺ նախագահ Ալեն Սիմոնյանը՝ անդրադառնալով ընդդիմության փողոցային պայքարին՝ կառավարության հրաժարականի պահանջով։
ԱԺ «Հայաստան» և «Պատիվ ունեմ» խմբակցությունները դիմել էին ԱԺ նախագահին հունիսի 3-ին արտահերթ նիստ գումարելու առաջարկով՝ օրակարգում՝ հայ-ադրբեջանական և հայ-թուրքական հարաբերությունների հարցը։ Սակայն «Քաղաքացիական պայմանագիր» խմբակցությունը հայտարարությամբ հրաժարվել է մասնակցել արտահերթ նիստին։
Թուրքիայի բարձրաստիճան պաշտոնյաներն իրենց հայտարարություններով արդեն մի քանի անգամ ասել են, որ չպետք է թույլ տան, որպեսզի «հայկական սփյուռքը վնասի հայ-թուրքական հարաբերությունների կարգավորմանը»։
Այսօր Կառավարության 3-րդ մասնաշենքի մոտ բողոքի ակցիայի մասնակիցների և ոստիկանության միջև բախման ընթացքում ոստիկանները բերման ենթարկեցին «yerkir.am» կայքի խմբագիր Վահե Սարգսյանին: Բերման ընթացքում նրա հագուստն ամբողջությամբ պատռվել էր, չնայած նրա բազմաթիվ հորդոր-պարզաբանումներին, որ լրագրող է, խմբագիր, կատարում է իր մասնագիտական առաքելությունը՝ ոստիկանները չլսեցին և պարտադրեցին նստել ոստիկանական ավտոմեքենա։
Կառավարության 3-րդ մասնաշենքի մոտ ոստիկանության և բողոքի ակցիայի մասնակիցների միջև կրկին բախում տեղի ունեցավ, ինչից հետո ոստիկանները բազմաթիվ քաղաքացիների բերման ենթարկեցին։
«Մենք այստեղ էինք հստակ պահանջով, որպեսզի հասկանանք ու հասարակության աչքին ակնառու դարձնենք այն, ինչ իրականում գոյություն ունի։ Ըստ այդմ, հստակ հասկանայինք, թե կառավարության անդամներն այս փաստաթղթի հետ կապված ինչ դիրքորոշում ունեն։ Այն, ինչ այժմ կատարվում է այստեղ և կատարվեց քիչ առաջ, նորանկախ Հայաստանի պատմության մեջ հերթական խայտառակություններից է»:
«Այստեղ հավաքված մարդիկ պետք է հասկական՝ կիսո՞ւմ են այս փաստաթուղթը, թե՞ ոչ։ Եթե չեն կիսում, ապա ինչն է խնդիրը։ Եվ եթե մեր քաղաքացիներից մարդիկ կան, որոնք չեն հասկանում սրանց իրական դեմքը, իրական նպատակները և թուրքամետ լինելը՝ սրանով կհասկանան»,- Կառավարության 3-րդ մասնաշենքի մոտ բողոքի ակցիայի ժամանակ լրագրողների հարցերին ի պատասխան՝ ասաց Լևոն Քոչարյանը։
Կառավարության 3-րդ մասնաշենքի մոտ ՀՅԴ ԳՄ ներկայացուցիչ, ԱԺ փոխնախագահ Իշխան Սաղաթելյանը հայտարարեց ՝ մինչև ԱԺ «Հայաստան» և «Պատիվ ունեմ» խմբակցությունների պատգամավորներին չընդունեն, բողոքի ակցիայի մասնակիցները տեղից չեն շարժվի։
Առավոտյան Ֆրանսիայի հրապարակից ընդդիմությունը բազմաթիվ քաղաքացիների ուղեկցությամբ քայլերթով գնաց դեպի Կառավարության 3-րդ մասնաշենք, որտեղ ՀՅԴ ԳՄ ներկայացուցիչ, ԱԺ փոխնախագահ Իշխան Սաղաթելյանը հայտարարեց, որ ԱԺ «Հայաստան» և «Պատիվ ունեմ» խմբակցությունների պատգամավորները պետք է բարձրանան նախարարություն և լսեն այնտեղ նստած պաշտոնյաների դիրքորոշումը այն փաստաթղթի վերաբերյալ, որն ընդունել են Ֆրանսիայի հրապարակում։
Առավոտյան Ֆրանսիայի հրապարակից ընդդիմադիրները տարբեր ուղղություններով մեկնարկել են բողոքի ակցիաները։ Նրանց մի մասը Ֆրանսիայի հրապարակից քայլերթով գնաց դեպի Կառավարության 3 մասնաշենք՝ իրենց պահանջը ներկայացնելու։
«Ինչպես և հայտարարել էինք, այսօրվանից մենք սկսում ենք այցելել տարբեր գիտական, կրթական հաստատություններ՝ հստակ ու ուղիղ պահանջով։ Այն հայտարարության տեքստը, որն ընդունվել է այս հրապարակում, առաջիկա 4 օրերի ընթացքում պետք է շատ հստակ թիրախավորված և հասցեավորված այցելենք տարբեր պետական հիմնարկներ, և բոլորը պարտավոր են այս փաստաթղթի վերաբերյալ արտահայտեն իրենց դիրքորոշումը»,- Ֆրանսիայի հրապարակում ընդդիմության բողոքի ակցիայի մեկնարկից առաջ հայտարարեց ՀՅԴ ԳՄ ներկայացուցիչ, ԱԺ փոխնախագահ Իշխան Սաղաթելյանը։
«Հանուն երեխաների պիտի ապրենք։ Ասում են՝ շարժումը կյանքի հոմանիշն է՝ առաջնորդվում ենք դրանով, որպեսզի երեխաները չընկճվեն, ձգտում եմ ամեն ինչ անել, որպեսզի իրենց նպատակներին հասցնեմ, չգիտեմ՝ ինձ մոտ դա որքանով կստացվի։ Տղաս միշտ ասում է, որ մի քանի տարի անցնի, մենք էլ կգնանք կպայքարենք ու մեր հողերը հետ կվերցնենք, հայրիկիս վրեժը կլուծեմ։ Տղայիս ասածներն ինձ և՛ վախեցնում, և՛ ուժ են տալիս, բոլորս էլ մեր երեխաների համար վախենում ենք, ամեն ինչ անում ենք, որ վատ բանի չհանդիպեն։ Բայց երևի հայի ճակատագիրն է՝ միշտ պայքարել։ Ուղղակի պիտի ուժեղ լինել, ես ո՛չ առաջինն եմ, ո՛չ էլ վերջինը, ինձ նման շատերը կան, հույս, հավատ ու ուժ է պետք ունենալ»,- եզրափակեց Էլինա Աղաջանյանը։
«30 տարի ինքս ապրել եմ ազատ, անկախ Հայաստանում, Արցախում, բայց այսօր խայտառակ վիճակ է։ Ես չգիտեմ, էլ ի՞նչ պետք է անեն, որ մարդիկ արթնանան քնից, հաջորդ քայլն ի՞նչ պետք է լինի, որ մարդիկ հասկանան, որ կործանվում ենք, Հայաստանը բացահայտ տանում են կործանման։ Ո՞ւմ են հող տալիս, ինչո՞ւ են տալիս, ինչի՞ գնով են տալիս։ Այսօր յուրաքանչյուր մարդ պետք է մտածի, թե մենք վաղն ի՞նչ ենք ժառանգելու մեր երեխաներին ու թոռներին, արդյո՞ք ինչ-որ բան ունենալու ենք ժառանգելու, թե՞ ոչ»,- եզրափակեց Արտյոմ Աղաջանյանը։
«Այս պահին, գոնե տեսանելի, շոշափելի ոչինչ չկա, դրանք բոլորը, այսպես ասած՝ դիվանագիտական մակարդակում են։ Այդուհանդերձ մեզ համար միանշանակ է, որ Տավուշում ո՛չ «անկլավ» գոյություն ունի, ո՛չ էլ մեր երկիրն ինչ-որ մեկի սեփականությունն է, որ կարողանա սակարկության առարկա դարձնել։ Բազմիցս ասել եմ, մեզ համար սա սրբազան հայրենիք է՝ ո՛չ արոտավայր է, ո՛չ առևտրի կետ, և ո՛չ էլ այլ ինչ։ Մենք որևէ կերպ պատրաստ չենք զիջումներ կատարել, սա թող լավ իմանան»,- նշեց Բագրատ սրբազանը։
Մայիսի 28-ին Արցախի Հանրապետությունում ևս տեղի կունենա հանրահավաք և երթ։ Արցախցիները նախ կհավաքվեն Ստեփանակերտի Սուրբ Հակոբ եկեղեցու մոտ, որտեղից երթով կգնան Վերածննդի հրապարակ, որտեղ էլ տեղի կունենա մեծ հանրահավաք։
«Ես միայն մեկ բան կարող եմ ասել՝ մեր հարցերի պատասխանները որևէ մեկը չունի, որովհետև այդ հարցերի պատասխանները հենց մենք պիտի տանք։ Փաստ է, որ այսօր փորձում են ոչնչացնել մեր երկիրը»,- եզրափակեց Մետաքսե Հակոբյանը։
«Այսօրվա կառավարության նիստում վարաչապետը ևս մեկ անգամ կրկնեց առաջին 4 ամիսների տնտեսական ցուցանիշները, համաձայն որի՝ մենք ունենք տնտեսական ակտիվության ցուցանիշի 8,8 տոկոս աճ ապրիլ ամսին։ Իսկ չորս ամսվա տվյալներով՝ տնտեսական ակտիվության ցուցանիշի աճը կազմում է 9.4 տոկոս։ Եվ առաջին 3 ամիսների ՀՆԱ ցուցանիշը, որը հավասար է 8,6 տոկոսի, նաև աշխատաշուկայի տվյալները, որտեղ ունենք լավ բարձր աճ, ապրիլին աշխատատեղերի քանակը 664 հազարից ավելի է»։
ՀՀ տարածքային կառավարման և ենթակառուցվածքների նախարար Գնել Սանոսյանն այսօր կառավարության հերթական նիստի ժամանակ ներկայացրեց «Վարչատարածքների բաժանման», ՏԻՄ-երի և «Հանրային ծառայության» մասին օրենքները և առաջարկեց այդ օրենքներում լրացումներ և փոփոխություններ կատարել։
Նիկոլ Փաշինյանի խոսքով՝ ծրագրից օգտվելու համար քաղաքացիները պետք է դիմեն բանկ, վարկերը տրվելու են 7 տարի ժամկետով և այդ տարիների ընթացքում սկզբից մինչև վերջ կառավարությունը համապատասխան տոկոսներով սուբսիդավորելու է։
Արդեն 3 ամսից ավելի է, շարունակվում է ռուս-ուկրաինական հակամարտությունը, և ըստ ԵՊՀ միջազգային հարաբերությունների և դիվանագիտության ամբիոնի դոցենտ Գրիգոր Բալասանյանի՝ ռազմական տեսանկյունից Ուկրաինայում իրավիճակը շարունակում է բավականին բարդ մնալ, սակայն վերջին շրջանում տեղի ունեցան լուրջ փոփոխություններ։
168.am-ի հետ զրույցում Արցախի ԱԺ փոխնախագահ, «Միասնական հայրենիք» խմբակցության ղեկավար Գագիկ Բաղունցն անդրադառնալով ԱԺ 4 խմբակցությունների տարածած հայտարարությանը չմիանալուն և առհասարակ Արցախի խնդրի վերաբերյալ իրենց տեսակետին, պատճառաբանեց, թե խմբակցությունն իր տեսակետը բազմիցս արտահայտել է, թերևս սա է պատճառը, որ չեն միացել 4 խմբակցությունների տարածած հայտարարությանը։
Արցախի Հանրապետության ԱԺ-ում ներկայացված քաղաքական կուսակցությունները նամակով դիմել են Արցախի նախագահ Արայիկ Հարությունյանին՝ անհրաժեշտ համարելով մայիսի 25-ին հրատապ կարգով հրավիրել ԱՀ Անվտանգության խորհրդի նիստ՝ օրակարգում ներառելով բրյուսելյան հանդիպումից հետո ստեղծված իրավիճակը և անելիքները:
