«Խորքային վերլուծություն է կատարվել և կայացվել է համապատասխան որոշում»,- այսօր խորհրդարանում լրագրողների հետ զրույցում ասաց Կ.Նահապետյանը` հավելելով, որ պաշտոնանկ եղած պաշտոնյաները քրեական պատասխանատվության կենթարկվեն այն դեպքում, եթե կատարել են քրեական հանցագործություններ: Ըստ նրա` տվյալ դեպքում նման փաստեր չկան, ՊՆ-ում և ԶՈՒ ԳՇ-ում կատարվում են համապատասխան ուսումնասիրություններ:
Նա չբացառեց, որ ԶՈՒ պաշտոնանկ արված ղեկավարները նաև պատասխանատվության կենթարկվեն, սակայն նշեց, որ աշխատանքային թերացումներն այլ խնդիր են, քրեական պատասխանատվությունը՝ այլ:
ԱԺ ԲՀԿ խմբակցության պատգամավոր Վարդան Օսկանյանը վաղը հայտարարություն կանի կուսակցություն ստեղծելու վերաբերյալ: Այս մասին այսօր ԱԺ-ում լրագրողների հետ զրույցում հայտարարեց անձամբ Օսկանյանը:
«Հանրապետության նախագահի ցանկացած որոշում ինքնանպատակ չի, ունի նպատակներ, պատճառներ և հետևանքներ»,- 168.am-ի հետ զրույցում հայտարարեց ԱԺ փոխխոսնակ Էդուարդ Շարմազանովը` պատասխանելով հարցին, թե արդյոք ՊՆ փոխնախարարի և 2 գեներալների պաշտոնանկությունը իրավիճակ կփոխի՞ բանակում:
Ըստ նրա` աննախադեպ իրավիճակ է եղել ԵԽ ԽՎ-ում, քանի որ այնտեղ չեն հիշում, որ ԵԽ ԽՎ նախագահը գրավոր, անգամ լիագումար ու բյուրոյի նիստերի ժամանակ լսի նման կշտամբանքներ, նման գնահատականներ իր գործունեության վերաբերյալ, և որևէ բանով չարձագանքի: Հ.Նաղդալյանը նշեց, որ իր հետ հանդիպումով՝ ԵԽ ԽՎ նախագահ Ագրամունտը փորձել է «նոր կամուրջ» ստեղծել և դուրս գալ այս մեղադրանքներից:
«Պատվիրակությունը շատ ծանրաբեռնված է աշխատել և ամբողջ կազմով ներգրավված է եղել, օրակարգի բոլոր հարցերի վերաբերյալ ելույթներ են եղել` կապելով քառօրյա պատերազմի հետ»
48 պատգավորներ չեն մասնակցել քվեարկությանը, այդպիսով` քվորում չապահովվեց, և երրորդ ընթերցմամբ ներկայացված օրինագիծը մերժվեց
«Ինչո՞ւ ոչ թե անձինք ենք համեմատվում, այլ մատնահետքերը»,- ասաց Ն.Փաշինյանը:
«Պեղեք Բաղդասարովին, գտեք, թող գա պատասխանավություն կրի»,- պահանջեց ԲՀԿ խմբակցության ղեկավար Նաիրա Զոհրաբյանը:
Այսօր ԱԺ նիստի սկզբում խորհրդարանի փոխնախագահ Էդուարդ Շարմազանովը ցավակցություն հայտնեց երեկ գիշեր Երևանում տեղի ունեցած ավտոբուսի պայթյունի կապակցությամբ
«Է, հիմա փեշը… փեշերը տակից երևում են, եթե չեմ սխալվում, մեր քվեատուփերն այդքան էլ բարձր չեն»,- նկատեց նա: Պատգամավոր Նիկոլ Փաշինյանը տեղից կանանց փեշերի երկարության հետ կապված ինչ-որ առաջարկ արեց, որը սակայն անհասանելի մնալ դահլիճից դուրս գտնվողների համար, բայց այն ոգևորեց Դավիթ Հարությունյանին: «Ավելի լավ առաջարկություն կա, ես կպաշտպանեի պարոն Փաշինյանի առաջարկությունը,- ծիծաղելով ասաց Հարությունյանն ու դիմեց Փաշինյանին,- Գրավոր կտաք, չէ՞»:
Այսօր ԱԺ նիստում Ընտրական օրենսգրքի նախագծի քննարկումների ժամանակ ԲՀԿ խմբակցության պատգամավոր Ստեփան Մարգարյանը ՀՀ կառավարության աշխատակազմի ղեկավար-նախարար Դավիթ Հարությունյանից հետաքրքրվեց, թե ինչո՞ւ են պատրաստ հրապարակել ընտրած քաղաքացիների ցուցակների համարները, բայց չեն հրապարակում ստորագրված ցուցակները, արդյոք դրանով բարդություն չի՞ ստեղծվում միայն ստուգողների համար:
Նոր Ընտրական օրենսգրքով ի՞նչ է լինելու ընտրախախտների հետ, արդյոք խստացվելո՞ւ է օրենքը, թե՞ ընտրակեղծարարն ազատվելու է պատասխանատվությունից` որոշակի գումար վճարելով: Նման հարցադրում այսօր ԱԺ նիստում Ընտրական օրենսգրքի նախագծի քննարկումների ժամանակ արեց «Ժառանգություն» խմբակցության քարտուղար Թևան Պողոսյանը:
Այսօր ԱԺ նիստում Ընտրական օրենսգրքի նախագծի քննարկումների ժամանակ պատգամավոր Ալեքսանդր Արզումանյանն ընդգծեց, որ շատ կարևորում է միասնական փաստաթղթով քվեարկությունը: «Դեռևս ժամանակ կա, կարող ենք աշխատել»,- ասաց նա: Ա.Արզումանյանն առաջարկեց, որ համապետական և տարածքային ցուցակների 75/25 հարաբերություն լինի, այսինքն` 75%-ը համապետական ցուցակով լինի, 25%-ը` տարածքային, իսկ հետագայում դա կարող է 50/50 դառնալ:
Այսօր ԱԺ նիստում Ընտրական օրենսգրքի նախագծի քննարկումների ժամանակ ԲՀԿ խմբակցության ղեկավար Նաիրա Զոհրաբյանը հայտարարեց, որ ի սկզբանե վստահ էր, որ «4+4+4» ձևաչափով քննարկումները կտապալվեն: «Քաղաքական ուժերը մեզանում առաջանորդվում են բացառապես այլ քաղաքական մոտիվացիաներով»,- ասաց Ն.Զոհրաբյանը` հավելելով, որ որոշ քաղաքական ուժեր աշխատում են ֆեյսբուքյան օգտատերերի վրա, թե ինչ կգրեն նրանք, իսկ միմյանց հետ հարաբերվելու միակ եզրույթը մնացել է «мордобой»-ը:
Ազգային ժողովի նիստում մեկնարկել են Ընտրական օրենսգրքի նախագծի շուրջ քննարկումները: ՀՀ կառավարության աշխատակազմի ղեկավար-նախարար Դավիթ Հարությունյանը նոր ԸՕ ներկայացումը պայմանավորեց 2 հանգամանքով՝ Սահմանադրության փոփոխություններով, որոնք թելադրում են նոր մոտեցումներ ԸՕ-ում:
Այսօր ԱԺ նիստում ՀՀԿ-ական պատգամավոր Մարգարիտ Եսայանը խորին շնորհակալություն հայտնեց Ռուբեն Վարդանյանին և մյուս կազմակերպիչներին՝ հոյակապ նախաձեռնության՝ «Ավրորա» մրցանակաբաշխության համար:
«Այս 20 օրերի ընթացքում մենք հասկացանք, որ ունենք երկու պետությունների գործադիր իշխանություն, բայց հնարավորություն չունենք այդ գործադիր իշխանության բարձրաստիճան պաշտոնայների հետ նստենք ու քննարկենք այն բացթողումները, որ պատերազմի ժամանակ այս հսկայական զոհերն ենք տվել: Ոչ միայն ՀՀ իշխանության ներկայացուցիչների, այլև ԼՂՀ իշխանության ներկայացուցիչների հետ հանդիպման կարիք ունենք, որովհետև փաստացի իրենք են պահել սահմանը և պատերազմական գործողությունները չեն տեղափոխվել ավելի խորը»,- այսօր ԱԺ նիստում հայտարարեց «Ժառանգություն» խմբակցության պատգամավոր Զարուհի Փոստանջյանը:
Այսօր Աժ նիստում օրակարգի քննարկման ժամանակ ԲՀԿ-ական պատգամավոր Ստեփան Մարգարյանը հայտարարեց, որ, թեև ԱԺ-ն պետք է շարունակի աշխատել, այնուամենայնիվ հասարակության օրակարգն այլ է՝ կապված ապրիլյան իրադարձությունների հետ: Նա կոչ արեց ՀՀ վարչապետի հետ խելամիտ ժամկետում փակ նիստում քննարկել եղած հարցերը:
«Եվ քանի դեռ նման կոնսենսուս ձեռք բերված չէ, հաշվի առնելով, որ Ղարաբաղի և Հայաստանի դեմ իրականացվում է արտաքին ագրեսիա, ՀԱԿ-ը նպատակահարմար չի գտնում, որ ԱԺ-ում ծավալվեն քննարկումներ ներքաղաքական անխուսափելի լարումներ առաջացնող այդ խնդրի շուրջ, առավել ևս, որ իշխանությունը հանրությանն ընդառաջելու որևէ ազդանշան չի տալիս»,- ասաց Լ.Զուրաբյանը՝ հավելելով, որ ճիշտ կլիներ հարցի քննարկումը հետաձգել մինչև անհրաժեշտ կոնսենսուսի ձևավորումը:
Նա առաջարկեց պաշտպանության նախարարի և ԳՇ պետի հետ քնարկումներ կազմակերպել և տեսնել, թե ինչ է կատարվում բանակում. «Երբ որ շքեղ ավտոմեքենաները, ջիպերը տասնյակներով դրվում են մարդկանց տակ, և հանկարծ հասարակ «Ալիկնկը» չկա, որը կար 25 տարի առաջ, և երեխաները իրար հետ կապվում են բջջային հեռախոսով, որը հիմք է տալիս լրացուցիչ զոհերի: Սա շատ լուրջ թեմա է և առաջարկում ենք հրատապ կարգով սա մտցնել ու քննարկել, հրավիրել այստեղ պաշտպանության նախարարին, տեսնել, թե այն գումարները, որ միշտ ասում ենք չեն բավարարում, դրանք ինչպես են օգտագործվում»:
«Ի՞նչ է նշանակում` մենք բանակցենք, այնտեղ կրակոցներ լինեն: Նման բան չի կարող լինել: Հիմնականում դա ոչ միայն ՌԴ-ի կարծիքն էր, այլև Լավրովը խոսում էր նաև Մինսկի խմբի անունից»:
«Փաստահավաք գործունեությամբ և այդ գործընթացի կազմակերպմամբ զբաղվում են իրավապահ մարմինները, որովհետև այնտեղ դիակների զննության, ապացուցողական բազան քրեական գործերի շրջանակում իրենք են անում: Այժմ փաստաթղթերը ձևավորելու փուլում են»,- 168.am-ի հետ զրույցում ասաց ԱԺ Պետաիրավական հարցերով մշտական հանձնաժողովի նախագահ Հովհաննես Սահակյանը` պատասխանելով հարցին, թե Ադրբեջանի ռազմական հանցագործությունների հարցով միջազգային տրիբունալ դիմելու գործընթացը ո՞ր փուլում է:
«Ռազմական փոխօգնությունը վաղուց կա, առաջին իսկ օրվանից: Փոխօգնության պայմանագիրն ուղղակի այդ փաստը, այսպես ասած, հրապարակայնացնելու խնդիր է լուծելու, ոչ թե պայմանագիր չկա, օգնություն չի կատավում»,- 168.am-ի հետ զրույցում հայտարարեց ԱԺ ՀԱԿ խմբակցության պատգամավոր Գագիկ Ջհանգիրյանը` պատասխանելով հարցին, թե արդյոք չի՞ ուշանում Արցախի հետ ռազմական փոխօգնության պայմանագրի կնքումը:
Զ.Փոստանջյանն օրինակ բերեց, որ, եթե Երևանի 4 ընտրատեղամասերից մեկում, ենթադրենք, Արաբկիր-Աջափնյակ-Դավիթաշենում «ՍԱՍ-ի Արտակը» և մյուս մականունավորներն առաջադրեն իրենց թեկնածությունը, քաղաքական հատվածը, որին պատկանում է նաև Դավիթ Հարությունյանը, հետ է մնալու, որովհետև չունեն գործարաններ, և այլն, այսինքն` տնտեսական լծակներ, որպեսզի ընտրողներին բերեն տեղամասեր:
Այսօր ԱԺ Պետաիրավական հանձնաժողովի նիստում Ընտրական օրենսգրքի նախագծի քննարկման ժամանակ պատգամավոր Էդմոն Մարուքյանը հայտարարեց, որ կոալիցիաներում կուսակցությունների թիվն Ընտրական օրենսգրքով սահմանափակելը չի բխում Սահմանադրությունից:
ՀԱԿ պատգամավոր Գագիկ Ջհանգիրյանի դիտարկմամբ` մասնագիտական քննարկումները նոր են սկսվում, և «4+4+4» ձևաչափի ձախողումը ողբերգություն չէ: «Մտավախություն չունե՞ք, որ այս համակարգի գործարկման արդյունքում մենք ապագայում ունենալու ենք ավելի վատ խորհրդարան, ավելի ցածր ինտելեկտուալ` անկախ ընդդիմության թվից, որակային ավելի վատ ԱԺ»,- հարցադրում արեց Գ.Ջհանգիրյանը` նշելով, որ թվերից գիտակները հաշվել են, որ այս համակարգի դեպքում ձայն բերող մարդիկ, որոնք օրենսդիր աշխատանքի համար պիտանի չեն, 53%-ից ավելի կլինեն:
Ընտրական օրենսգրքի նոր նախագծով ավելացվում է խորհրդարանում կանանց թիվը: Ինչպես այսօր ԱԺ Պետաիրավական հանձնաժողովի նիստում ԸՕ նախագծի քննակման ժամանակ հայտարարեց կառավարության աշխատակազմի ղեկավար-նախարար, ԸՕ նախագծի համահեղինակ Դավիթ Հարությունյանը, ցուցակների 25%-ը պետք է լինի կին` հավասարաչափ բաշխված, այսինքն` յուրքանչյուր քառյակի մեջ մեկը պետք է կին լինի (նախկինում ցուցակներում յուրաքանչյուր 7-րդը պետք է կին լիներ):
«Նորամուծությունները բավականին շատ են»,- այսօր ԱԺ Պետաիրավական հանձնաժողովի նիստում Ընտրական օրենսգրքի նախագծի քննարկման ժամանակ հայտարարեց ՀՀ կառավարության աշխատակազմի ղեկավար-նախարար, ԸՕ նախագծի համահեղինակ Դավիթ Հարությունյանը:
«Ընտրությունները շարունակում են մեր շրջանում լինել ցածր վստահություն վայելող և անհրաժեշտություն է առաջացել էական փոփոխություն մտցնել և ստեղծել այնպիսի համակարգ, որը հնարավարություն է ստեղծում վերականգնելու առկա պատկերը, բացահայտելու ընտրախախտումները, որը կունենա էական նշանակություն և կունենա էական կանխարգելիչ հանգամանք»,- հայտարարեց կառավարության աշխատակազմի ղեկավար-նախարար, ԸՕ նախագծի համահեղինակ Դավիթ Հարությունյանը:
