«Ապրիլի 24-ին Երևանը դարձավ աշխարհի կենտրոնը». Մարգարիտ Եսայան
Այսօր ԱԺ նիստում ՀՀԿ-ական պատգամավոր Մարգարիտ Եսայանը խորին շնորհակալություն հայտնեց Ռուբեն Վարդանյանին և մյուս կազմակերպիչներին՝ հոյակապ նախաձեռնության՝ «Ավրորա» մրցանակաբաշխության համար:
Ըստ նրա՝ դա միջազգային, համաշխարհային մակարդակի, աննախադեպ, բացառիկ միջոցառում էր: Նա կարևորեց, որ այն հպարտությունը, որ ունեցավ յուրաքանչյուրը, պահպանվի:
«Երեկ, հատկապես ապրիլի 24-ին, Երևանը դարձավ աշխարհի կենտրոնը»,- ասաց Մ.Եսայանը:
ԱԺ փոխխոսնակ Հերմինե Նաղդալայնը ավելացրեց, որ բոլորը միանում են շնորհակալություններին:
