«Ադրբեջանի նախագահի ցինիկ, արհամարհական, գերհաղթողի դիրքերից որակումներն ու մեկնաբանությունները՝ ուղղված հակառակորդին, ոչ թե նպատակ է հետապնդել ընդհանրապես խախտել կոմունիկացիաները, խափանել բոլոր տեսակի հնարավոր շփումները, ճիշտ հակառակը՝ շատ կոնկրետ մի նպատակ է հետապնդում՝ բոլոր շփումների ժամանակ բանակցային սեղանի շուրջ ինքը հանդես գա հաղթողի, թելադրողի դիրքերից: Եվ հաշվի առնելով այն արդյունքները, ինչ մենք արձանագրեցինք մոսկովյան վերջին եռակողմ հանդիպումից՝ կարող ենք ասել, որ Ալիևի մոտ ոնց որ թե ստացվում է»,- նշեց Խոսրով Հարությունյանը:
«Ես շատ մեծ հարգանք ունեմ մեր ԱԱԾ-ի նկատմամբ, բայց պետք է քննադատեմ: Պետք է գնալ այս հայտարարությունների հետքերով: Սա ի՞նչ է նշանակում, այսինքն, եթե Հայաստանում չեք ուզում ընտանիք կազմել, երեխա ունենալ, ուրիշները կանե՞ն: Բա մեր ԱԱԾ-ն ի՞նչ է մտածում սրա մասին,- խոսելով Սփյուռքի գործերի գլխավոր հանձնակատար Զարեհ Սինանյանի ֆեյսբուքյան գրառման մասին՝ ասաց ԲՀԿ պատգամավոր Գևորգ Պետրոսյանը՝ հավելելով,- Ընդհանրապես Սինանյանը ճիշտ կանի՝ եթեր դուրս չգա: Ամեն անգամ մի խայտառակ բան հեղինակում է, հետո յուրայիններն ընկնում են հերքելու հետևից»:
Հայաստանի դեղատներում մեծ պահանջարկ ունեցող և մարդկանց առողջության համար խիստ անհրաժեշտ դեղերի գները շարունակում են տատանվել: Խոսքը հատկապես անոթային, սրտանոթային, ճնշում իջեցնող դեղամիջոցների մասին է: Քաղաքացիների փոխանցմամբ՝ մեկ շաբաթ գները բարձրանում են, մեկ շաբաթ անց՝ որոշ չափով նվազում:
«Չորս օրական երեխային վերցնեմ, ո՞ւր տանեմ: Տուն-տեղ չունենք: Ամեն ինչ թողել ենք, անգամ տան գրքույկը չենք վերցրել: Աղջիկս, նրա սկեսրոջ ընտանիքը Շուշիում են իրենց տները կորցրել, իմ, ամուսնուս հայրական տները ևս կորցրել ենք, եղբորս տունը՝ նույնպես: 5 տուն կորցրել ենք, հիմա ես ո՞ւր գնամ, ո՞ւմ տուն գնամ: Առանց աշխատանքի գնամ Արցախ՝ ոնց ապրեմ: Այնտեղ փեսաս ինչքան փնտրել է, տուն չի գտել: Մեկ սենյականոց տան վարձը 150.000 դրամ է: Չունենք աշխատանք ոչ ես, ոչ ամուսինս, ոչ աղջիկս»,- նշեց մեր զրուցակիցը:
2015 թվականին Վատիկանի Սանտա Մարտա կեցավայրում հանկարծակի հանդիպեցին երկու ընկեր՝ Խորխե Մարիա Բերգոլիոն, որն աշխարհին ավելի հայտնի է Ֆրանցիսկոս Պապ անունով և Առաքելական եկեղեցու Արգենտինայի առաջնորդը՝ Գիսակ արքեպիսկոպոս Մուրադյանը։
«Վիճակն այն աստիճանի վատ է, որ 9-ամսյա փոքրիկ տղայի համար արհեստական կաթ՝ Humana 1, գնել չենք կարողանում: Ամուսինս չի աշխատում, մի օր գործ լինում է՝ կանչում են, մյուս օրը՝ ոչ: Մինչև ամուսնանալը ֆուրշետ և ձևավորում եմ սովորել, բայց գումարի պատճառով մինչև վերջ չեմ շարունակել ուսումս, վարձը չտվեցի, դուրս մնացի:
Ռուսաստանի Ներքին գործերի նախարարը 2020թ․ հունիսի 29-ին հատուկ հրամանով որոշել էր, որ ՌԴ-ում ինչքան հայկական համարանիշով մեքենա կա՝ պետք է առգրավել՝ նշելով, որ հայկական համարանիշով ավտոմեքենաներն անօրինական են գտնվում ՌԴ-ում:
Սպառողների ազգային ասոցիացիայի փոխնախագահ Ռուբեն Հայթյանը 168.am-ի հետ զրույցում նշեց, որ ալյուրը թանկացել է, սակայն հացի շուկայում դեռևս իրենք մոնիտորինգ չեն իրականացրել, սակայն, նրա փաստմամբ, շուկայում շարունակում են մնալ հացի քաշի, որակի հետ կապված թերությունները:
Մհեր Գասպարյանի 10 հոգանոց ընտանիքը, որն Ադրբեջանի կողմից սանձազերծված պատերազմի և տարածքներն օկուպացնելուց հետո ստիպված է եղել լքել Քարվաճառը, օգնության կարիք ունի՝ հիմնականում գումարի և սննդի տեսքով:
«Հրապարակ» թերթը գրել էր, որ առաջիկայում պաշտոնից կազատվի առողջապահության նախարար Արսեն Թորոսյանը։Կայքի իշխանական աղբյուրները փոխանցել են, որ դիմումը նա արդեն գրել է և փոխանցել Նիկոլ Փաշինյանին։ Հրաժարականի պատճառները նոր չեն եւ մեկը չէ։
«Թանկացումները սկսվել են նախքան Ամանորը: Պարենային շուկայում առաջին հերթին ձեթը, ալյուրը, հացը, ինչպես նաև շաքարավազը թանկացան: Սա կապված է նրա հետ, որ Ռուսաստանում ևս նշված ապրանքները թանացել էին»,- ասուլիսի ժամանակ ասաց Սպառողների խորհրդատվության կենտրոն ՀԿ նախագահ Կարեն Չիլինգարյանը՝ ընդգծելով, որ ներկրվող ապրանքը եթե թանկ եկել է, Կառավարությունը ներկրողին կամ վաճառողին չի կարող ստիպել չթանկացնել:
Հոկտեմբերի 30-ից 5 և 6 տարեկան փոքրիկ աղջիկների հետ Շուշին լքած Անուշ Մելքումյանի ընտանիքն օգնության կարիք ունի: «Ժամանակավոր բնակվում ենք Երևանում, այս պահին ունենք տան կոմունալների վճարումները կատարելու խնդիր: Հայրս էլ վատառողջ է, բուժման, դեղեր ձեռք բերելու համար ևս գումար է անհրաժեշտ, ինչն այս պահին չենք կարողանում ապահովել»,- 168.am-ի հետ զրույցում ասաց Անուշ Մելքումյանը: Անուշը […]
«Արգելված է, սակայն գազալցակայանների վրա ազդելու լծակ չկա, բայց երբ ԱԺ-ում 2020թ. սեպտեմբերի 9-ին քննարկված օրենքը հաստատվի, եթե գազալցավորվեց չփորձարկված բալոնը, ապա այնտեղ լուրջ տուգանքներ են կիրառվելու»:
«Տարեվերջին կրկին գրություն եմ ուղարկել Կառավարություն, և իմ մատնանշած կետերի հիմքում սա էր՝ քանի որ Կառավարության ներկայացուցիչները բազմիցս նշել են, որ Հայաստանի պետական, միջազգայնորեն ճանաչված սահմաններից ոչ մի զիջում չի արվելու, խնդրել եմ տրամադրել փաստաթղթեր, կոորդինատներ, նկարներ, ինչ-որ հիմնավորում, թե ո՞րն է Հայաստանի միջազգայնորեն ճանաչված սահմանը, որպեսզի մենք էլ կարողանանք հասկանալ, թե սահմանը որտեղո՞վ է անցնում: Նաև հարցման մեջ եղել է, թե ո՞ր թվականի քարտեզով է իրականացվելու սահմանազատումը: Դեռևս պատասխանելու օրենքով սահմանված ժամկետը չի լրացել, հույս ունեմ, որ կարձագանքեն»,- 168.am-ի հետ զրույցում ասաց Շահեն Շահինյանը:
Հունվարի 11-ին 44-օրյա պատերազմից հետո առաջին անգամ Մոսկվայում հանդիպեցին Հայաստանի վարչապետ Նիկոլ Փաշինյանը, Ռուսաստանի և Ադրբեջանի նախագահներ Վլադիմիր Պուտինը և Իլհամ Ալիևը: Նրանք քննարկել էին տարածաշրջանային կոմունիկացիաների ապաշրջափակման խնդիրը:
«Առաջինը` Նիկոլ Փաշինյանը հեռանում է, ձևավորվում է նոր իշխանություն, նոր բանակցողներ, և փորձ է արվում Ադրբեջանի, Ռուսաստանի հետ որոշակի համաձայնությունների հասնել: Հայաստանի մեջքն այնպես է ջարդվել, ու Հայաստանն այնպիսի հոգեվիճակում է հայտնվել, որ չի կարող շատ բան անել: Պետք է փորձենք լավ աշխատել, խաղաղ ժամանակն օգտագործել ու զրո վերջնարդյունքով խաղը փոխել, եթե միջնորդ պետությունը և հակառակորդ Ադրբեջանը իրենց շարունակեն պահել այնպես, ինչպես տավուշյան արկածախնդրությունից հետո իրեն պահում էր Նիկոլ Փաշինյանը՝ ստորացնելով կամ փորձելով ստորացնել Ալիևին, որի դեմքին երեկ չէր կարողանում նայել»,- նշեց վերլուծաբանը:
Նարինե Մարտիրոսյանը, ով բնակվում է Շիրակի մարզի Հայկասար գնուղում, խնդրում է օգնել գումարով, որպեսզի կարողանա լուծել 8-ամյա որդու բուժման հարցերը:
«Իշխանությունը չի կարողանում, ընդդիմությունն էլ չի կարողանում: Ընդդիմությունը խնդիրներ ունի ինքն իր մեջ՝ տարբեր հետաքրքրություններ, վեկտորներ: Պարզ է, որ ՀՀ հասարակության միակ խնդիրն այսօր պետք է լինի հետևյալը.Նիկոլ Փաշինյանը չի կարող և չպետք է մնա ՀՀ ղեկավար, իսկ ով կլինի՝ ինձ չի հետաքրքրում, լինի Արարատ Միրզոյանը, Տիգրան Ավինյանը, Էդմոն Մարուքյանը, Վազգեն Մանուկյանը կամ ինչ-որ մի բիզնեսմեն: Նիկոլ Փաշինյանով մենք կործանվում ենք: Ում ուզում եք՝ ընտրեք, բայց Նիկոլ Փաշինյանն ապացուցել է, որ ինքն ապիկար է, անգրագետ՝ բառիս լայն իմաստով: Մարդը 2.5 տարի վարչապետ է, բայց մինչև հիմա խոսում է, որ տնտեսությունը ՀԴՄ-ի վրա է հիմնված, բառիս լայն իմաստով է անգրագետ»,- նշեց քաղտեխնոլոգը:
«Ընդդիմության պայքարի դեպքում միգուցե փողոցում այս պահին արդյունք չկա, և միգուցե որոշ բաներ կան, որ այս ընդդիմությունը տապալել է, բայց պետական գրեթե բոլոր ինստիտուտները պահանջում են Փաշինյանի հրաժարականը: Նա շատ տեղերում դարձել է «իզգոյ», չի կարողանում մտնել որոշ տեղեր, օրինակ, եկեղեցի: Չի կարողանում ազատ ման գալ քաղաքում, տեսանք այսօր մթով փախուստ օդանավակայան, հազարավոր ոստիկաններ… այսինքն, ժամանակին, երբ դուրս էր գալիս փողոց, բոլորը սելֆի էին անում, իրեն ժողովրդական վարչապետ էր զգում, հիմա իրեն իրականությունն է մերժել»,- ասուլիսի ժամանակ ասաց մեդիափորձագետ Տիգրան Քոչարյանը:
«Պատերազմից հետո հատկապես Սյունիքի անվտանգությունն իջեցվել է զրոյական մակարդակի: Կարող ենք ասել, որ Կապանի և Գորիսի շրջանի որոշ գյուղեր այլևս անվտանգ չեն՝ ապրելու համար: Օրինակ, Շուռնուխ գյուղի մի մասում ադրբեջանցիներ են կանգնած: Ստրատեգիական բարձունքների ու ճանապարհների որոշ մաս է ադրբեջանցիների մոտ, և խոսել Սյունիքի որոշ մասի անվտանգության մասին՝ շատ բարդ է»:
«Դա շատ սխալ էր, որովհետև ինչպես Սաֆարովի, այնպես էլ՝ այդ երկու մարդասպանների դեպքում իրենք հասկացան՝ ինչքան Հայաստանն իրենց «ընդառաջ գնա», այնքան իրենք կարող են գերիներ վերցնել: Հիշում եք, չէ՞, որ դրանից հետո մոտ 70 հոգու գերի վերցրին ադրբեջանցիները, ու նրանց մասին որևէ տեղեկություն չկա»:
Ադրբեջանի կողմից սանձազերծված պատերազմի հետևանքով Շուշին սեպտեմբերի 29-ին լքած Անժելա Սահակյանը, ով ժամանակավոր բնակվում է Աշտարակում՝ ծնողների տանը, սոցիալական խնդրի առջև է կանգնել:
«Կարծում եմ՝ սա տեսակի, ինքնության պատերազմ է, և կողմ քաշվել, չմասնակցել այս իրադարձություններին՝ առնվազն դավաճանություն է, էլ չեմ ասում վերջին իրադարձությունը, որ մեզ համար անակնկալ էր, երբ երկրիս վարչապետն իր լկտի խմբով մեզ 44 օր շարունակ համոզում, ապացուցում, նաև ոգևորում էր այն փաստերով, որ պատերազմում մեծ հաղթանակներ ունենք: Սա ամբողջ սցենարի մի հատվածն էր. նախ կատարվեց բարոյալքում բանակում, մյուս ասպարեզներում, որպեսզի կանխամտածված ծրագիրը իրականացվեր, այն է՝ Արցախը տալ թուրքին: Ես դա կանվանեի նույնիսկ համագործակցություն:
Մտավորականներն այսօր հրատապ ժողով էին հրավիրել, որին մասնակցում էր նաև ՍԱՊԾ նախկին պետ, «Մեկ առողջություն» կոալիցիայի ղեկավար, համաճարակաբան Գրիգոր Գրիգորյանը, ով հորդորեց ամենքին պայքարել իր ոլորտում, հանրային հարթակներում:
«17 ընդդիմադիր կուսակցությունների շարժումը, որն ունի ընդգծված քաղաքական մոտեցում, և որի պահանջների զգալի մասը մենք կիսում ենք, դա գործող վարչակարգի հեռացումն է, և այսօր այն կենսական անհրաժեշտություն է Հայաստանի համար, ուստի որոշեցինք «Ձայն հայրենյաց» բարձրացնել՝ հասկացնելու համար, որ այստեղ կուսակցականություն, քաղաքականություն, աթոռակռիվ արտահայտությունները բոլորովին տեղին չեն: Այսօր, դժբախտաբար, կշեռքին դրված է մեր հայրենիքի գոյության-չգոյության և հետագա մեր ընթացքի խնդիրը, այդ պատճառով մտավորականների մի ստվար խումբ, որն անհանգստացած է երկրի գալիքով՝ այսպիսի շարժում է նախաձեռնել»,- լրագրողների հետ հանդիպման ժամանակ ասաց գրականագետ Սերժ Սրապիոնյանը:
«Երեք անչափահաս երեխա ունեմ, ապրում ենք վարձով, խոնավ բնակարանում: Տան վարձն ամիսը 15.000 դրամ է, կոմունալ ծառայությունների պարտքերը մի կերպ կարողանում եմ վճարել նպաստի գումարով, չեմ նայում՝ երեխաներին գումար կմնա՞, թե՞ չի մնա, ես պարտք չեմ սիրում: Այս պահին ունենք և՛ հագուստի, և՛ սննդի, և՛ գումարի կարիք»,- ասաց մեր զրուցակիցը:
«Այս պահին ամենաանվստահելին պետական աղբյուրներն են: 44 օր մեզ շատ տարբեր բաներ էին փորձում համոզել, ասել, որ չկա այսպիսի բան, փաստաթղթի ստորագրման օրն ասում էին, թե իբր Շուշիի համար շարունակվում են մարտերը: Այնուամենայնիվ, մենք գիտենք մի բան. 2 տարուց ավելի այս իշխանությունն ասում է՝ բանակցում ենք՝ ինչ ուզում ենք, ու մեզ չհարցնեք, թե ինչ ենք բանակցում:
Իրավապաշտպան Ռուբեն Մելիքյանը լրագրողների հետ զրույցում ասաց, որ պատճառը երեկվանից տարածվող լուրերն են, և իրենք իրավունք չունեն այս պահին լռել, հետևաբար՝ պարզաբանում են պահանջում առաջին հերթին՝ Արդարադատության նախարարությունից, քանի որ նրանց հերքումը բավարար չէ:
«Ընդհանրապես պետական սահմանն ազգերի ինքնորոշման փուլերից մեկն է: Անկախության հանրաքվեին մասնակցած իր ժողովուրդն իր բնակավայրերով դառնում է այդ պետությունը հիմնողը: Գուցե զարմանալի բան ասեմ, բայց Անդրկովկասում Ադրբեջան անունը կրող երեք հանրապետություն է եղել՝ Ադրբեջանական Դեմոկրատական Հանրապետությունը, խորհրդային և մերօրյա Հանրապետությունը և դրանցից ոչ մեկում անկախության հանրաքվե չի եղել, այսինքն, միջազգային իրավունքի տեսակետից օրինական սահմաններ չեն հաստատվել»,- այսօր հրավիրված ասուլիսի ժամանակ ասաց քաղաքագետ Ալեքսանդր Մանասյանը՝ ընդգծելով, որ այդ բոլոր սահմանները հայտնվել են արտաքին միջամտությամբ:
