«Նիկոլն ինչո՞ւ չի արձագանքում, բա ասում են՝ ժողովուրդ չկա, փետրվարի 20-ին Օպերան «տրաքում» էր մարդկանց բազմությունից: Ասել եմ, էլի կրկնում եմ, ինքը քաղաքացիական պատերազմի է տանում: Շատ լավ էլ տեսնում է, որ ժողովուրդն իրենից «յախա» է թափ տալիս: Մի քանի ֆեյքեր որ չլինեն, չկա ինքը: Նիկոլ Փաշինյան, չէիր ուզում հրաժարական տալ, երկիրը ճիշտ ղեկավարեիր: Այո, դու ընտրվել ես, ոչ մեկը դա չի կարող վիճարկել, բայց երկիրը ճիշտ ղեկավարեիր»,- «Հայելի» մամուլի ակումբում ասուլիսի ժամանակ ասաց ԲՀԿ նախկին պատգամավոր Գևորգ Պետրոսյանը:
«Հայրենիքի փրկության շարժման» բոլոր քաղաքական ուժերն իրենց մոբիլիզացիոն ռեսուրսն են օգտագործում՝ փետրվարի 20-ին տեղի ունեցած հանրահավաքի համար, և դրա արդյունքը բավականին տեսանելի էր, շուրջ 40.000 մարդ էր մասնակցում: Այն կուսակցական շարժում չէ, որովհետև այնտեղ հավաքված էին մեծ թվով մարդիկ, որոնք պարզապես քաղաքացիներ էին»,- «Հայելի» ակումբում ասուլիսի ժամանակ ասաց ՀՀԿ երիտթևի ղեկավար Հայկ Մամիջանյանը:
«Կիրակի առավոտ էր։ Երկար աշխատել էինք։ Նոր էի պառկել քնելու, երբ տնեցիներն արթնացրին՝ հայտնելով, որ պատերազմ է սկսվել։ Շատ ծանոթներ ունեի առաջնագծում, Արցախի մի շարք շրջաններում, այդ թվում և՝ Ստեփանակերտում, ուստի փորձեցի առաջինը կապ հաստատել նրանց հետ, իմանալ, թե ինչպես են։ Բոլորը մեկ բան էին ասում՝ ռմբակոծությունն ուժգին է և ամենուր, աննախադեպ հարձակում է սկսվել, և դա վերածվելու է մեծ պատերազմի: Այս բոթից 4 ժամ չանցած՝ Մոսկվայի միջազգային կինոփառատոնից բավականին մտածված նամակ ստացանք, որ տպավորություն էր՝ ամեն ինչ պատրաստված էր։ Նշված էր. «Շատ ցավում եմ, բայց դուք կհասկանաք, որ, ներկա հանգամանքներից ելնելով, «Դրախտի դարպասը» ֆիլմը չենք կարող ցուցադրել Մոսկվայի միջազգային կինոփառատոնի պաշտոնական ծրագրում»։
Մամուլում տեղեկություն էր հայտնվել այն մասին, որ կատվախոտի, նույնն է` վալերիանայի հաբը, որը հանրության շրջանում հայտնի է՝ որպես «սրտի դեղին հատիկներ», արդեն մի քանի ամիս է, ինչ հայաստանյան դեղատներում չկա։ Խոսքը բաց դեղին հատիկների մասին է, որոնք մշտապես ներկրվել են Բելառուսից։
«Հիմա նայեք 2020 թվականը 2017թ. համեմատությամբ: Համախառն ներքին արդյունքը 2018թ. աճել է 5.2 տոկոսով, 2019թ.՝ 7.5, իսկ 2020թ.՝ պակասել է 7.5 տոկոսով: Երբ ինքն ասում է՝ դա պանդեմիայի արդյունք է, ասեմ՝ նույն թվականին Ադրբեջանում պակասել է 4.3 տոկոսով, Վրաստանում՝ 5, Ռուսաստանում՝ 3: Երեք տարում աճել է հանքարդյունաբերությունը, մետաղի հանքաքարի արդյունահանումը հասել է 45 միլիոն տոննայի: Մեր, ծանր տարիներին 8 միլիոն տոննայից ավելի չէինք թողնում արդյունահանել: Մոլիբդենը, որ մեզ պետք է հերիքեր 300 տարի, 30 տարի հետո կվերջանա:
«Բոլորդ կհիշեք՝ 2020թ. հունիսի 5-ին ես ասացի՝ ժողովուրդ ջան, մենք անդունդի եզրին ենք, կառավարությունը պետք է հրաժարական տա, այս անփորձ երիտասարդներն ի վիճակի չեն, արդեն 2.5 տարի ոչ մի բան չեն արել, և եթե հրաժարական չտան՝ մենք Արցախը կորցնելու ենք, ունենք 3-4 ամիս ժամանակ, ու սեպտեմբերին արդեն պատերազմը սկսվել է: Եթե խելք ունենային, լսեին, բանակցեին, պատերազմ չէր լինի, այդքան զոհեր չէին լինի, ժողովուրդ»,- ասաց Գագիկ Ծառուկյանը:
«Ես առաջարկում եմ պլան «Ա» և պլան «Բ»: Առաջինն այն է՝ ինչ ցույց էլ որ անենք, 100.000 մարդ էլ հավաքենք՝ Նիկոլ Փաշինյանն իշխանությունը չի թողնելու, ուրեմն պետք է ջարդել այն հենարանները, որն ունի: Առաջին հենարանը մեր հայրենակիցների այն հատվածն է, որը չի գիտակցում, թե այս պետությունն ինչ ճանապարհով է գնում, և սպասում է՝ մինչև դժբախտությունը գա, չոքի իր տան դիմաց: Երկրորդ հենարանը ուժային կառույցներն են՝ ոստիկանությունը, ԱԱԾ-ն, որոնք համոզում են իրեն, որ կատարում են պետական պարտավորություն՝ առանց գիտակցելու, որ ծառայելով այս իշխանությանը՝ ծառայում են թուրք-ադրբեջանական ծրագրին:
«Հայրենիքի փրկության շարժմումը» այսօր՝ փետրվարի 20-ին, հանրահավաք է կազմակերպել, որին ներկա է նաև ՀՀԿ խոսնակ Էդուարդ Շարմազանովը:
«Խզբզանք կոչվածն այնքան է ատում իր ժողովրդին և Արցախը, որ անգամ պաշտոնական հաղորդագրության մեջ մի քանի տեղ, վստահ եմ՝ դիտավորյալ, աղավաղում և ծաղրում է Արցախյան շարժումը: Երբ որ կարդացի՝ տպավորություն ստացա, որ Թալեաթ փաշան Ապրիլի 24-ի օրով ցավակական ուղերձ է հղել հայ ժողովրդին: Նա Հայաստանում առնվազն քաղաքական ապագա չունի, նաև արդարադատության առջև պետք է կանգնի: Հայաստանը ունի նոր, ազգային իշխանության կարիք»:
«Շուշիից դուրս ենք եկել սեպտեմբերի 29-ին: Ոչինչ չենք վերցրել մեզ հետ՝ մտածելով, որ մի քանի օրից հետ ենք վերադառնալու, սակայն, ցավոք, այդպես չեղավ: Այնտեղ ապրում էի սկեսուրիս, սկեսրայրիս հետ, ամուսինս մի քանի տարի առաջ է մահացել: Ապրում էինք Շուշիի Սուրբ Ղազանչեցոց եկեղեցու դիմաց, ու եկեղեցու ռմբակոծությունից մեր շենքը ևս տուժել է: 3 օր է, ինչ վիրահատվել էի, երբ պատերազմը սկսվեց: Հողաթափերով դուրս եմ եկել տնից, մեքենա կար, ու մեջը մեկ հոգու տեղ էր, այդպես վիրակապված, երեխեքը գիրկս՝ մի կերպ դուրս ենք եկել, ու ոչինչ չեմ հասցրել վերցնել»,- 168.am-ի հետ զրույցում պատմեց Անժելան:
«Վերջնականապես ուզում եմ հերքել թեզը, թե պարտվել է հայոց բանակը: Մեր բանակը կազմված էր առյուծ տղաներից»,- այսօր ասուլիսի ժամանակ ասաց «Այլընտրանք» ՀԿ համահիմնադիր Նարեկ Մանթաշյանը:
«Հունվարի 15-ին Հեռուստատեսության և ռադիոյի ազգային հանձնաժողովը որոշում է կայացրել, համաձայն որի՝ Հայկական երկրորդ հեռուստաալիքը զրկվել է վերգետնյա հեռարձակման իրավունքից: Այստեղ կարևոր է նշել, որ միակ գործող հեռուստաալիքը, որը զրկվել է նման իրավունքից, դա Հ2-ն է: ՀՀ պատմության մեջ աննախադեպ երևույթ է, որ հանրապետական ծածկույթ ունեցող հեռուստաալիքը, որը ազատ, անաչառ է, եթերազրկվում է: Նման բան երբեք տեղի չի ունեցել: Սա լուրջ հարված է խոսքի ազատությանը, ժողովրդավարությանը»,- ասուլիսի ժամանակ ասաց Հ2 հեռուստաալիքի փոխտնօրեն Լևոն Սուլթանյանը:
Շահումյանի շրջանի Նոր Գետաշեն գյուղը ևս օկուպացվել է թշնամու կողմից: Ինչպես մեր շատ հայրենակիցների, այնպես էլ Մարինե Հակոբյանի 5 հոգանոց ընտանիքը ստիպված է եղել լքել հայրենի գյուղը:
Եղվարդ-Երևան հանրապետական նշանակության ճանապարհի ասֆալտափոսերն ամբողջությամբ քայքայվել են, մեծ վնաս են հասցնում մեքենաներին. դժգոհում են ամեն օր նշված ճանապարհով երթևեկող վարորդները:
2021 թվականի հունվարի 7-ին Ադրբեջանի նախագահը երբ ամփոփել է անցնող տարին, ասել է, որ իրենց վերահսկողության ներքո գտնվող հայկական տարածքներում կբնակվեն մահացած զինվորների ընտանիքները: Նա ասել է, որ Բաքվի, Գանձակի, Սումգայիթի բնակիչները կլինեն նրանց թվում: Ստացվում է՝ Ալիևը նրանց ստիպում է, որպեսզի գնան ու բնակվեն. այս մասին հայտնում են ադրբեջանական ընդդիմադիր լրատվամիջոցներն ու հավելում, որ միջազգային փորձագետները հայտնել են, որ այդ տարածքներն ականազերծելու համար առնվազն 5-10 տարի է պետք:
«3 օր է, սկսել էինք այդ գործունեությունը, երբ Կարեն Կարապետյանն ինձ կանչեց ու ասաց, թե՝ գիտեք՝ ինչ կա, այս գործը մենք այլևս չենք անելու, ինքը հրաժարական է տալու: Ես ապշած էի. այդ մարդն ո՞ւմ հետ էր հանդիպել…»,- մանրամասնեց «Ազգային անվտանգություն» կուսակցության նախագահը:
Փետրվարի 13-ին տեղական ժամանակով ժամը 15։29-ին երկրաշարժ տեղի ունեցավ Հայաստանում, էպիկենտրոնը՝ Երևանից 8 կմ հարավ-արևելք: Արտակարգ իրավիճակների նախարարության հաղորդմամբ՝ սեյսմիկ պաշտպանության տարածքային ծառայության սեյսմոլոգիական ցանցի կողմից 4․7 մագնիտուդով երկրաշարժը գրանցվել է հյուսիսային լայնության 40.11 աստիճան և արևելյան երկայնության 44.54 աստիճան աշխարհագրական կոորդինատներով, օջախի 10 կմ խորությամբ:
2020 թվականի սեպտեմբերի 27-ից Ադրբեջանի կողմից Արցախի դեմ սանձազերծված պատերազմական գործողությունների ու նոյեմբերի 9-ին ստորագրված հրադադարի եռակողմ հայտարարության հետևանքով Ադրբեջանի վերահսկողության տակ անցած հայկական գյուղերի թվում է նաև Իշխանաձորը:
Մամուլում տեղեկություն է տարածվել այն մասին, որ Երևանի քաղաքապետարանի ֆինանսական վարչությունը գրավոր ծանուցում է ուղարկել դպրոցներին՝ ֆինանսավորումը 10-15% կրճատելու մասին՝ հիմնավորելով, թե բյուջեում փող չկա: Այս որոշման արդյունքում դպրոցները լրջագույն խնդիրների առաջ են կանգնելու՝ ընդհուպ տարեվերջին ուսուցիչներին աշխատավարձ վճարել չկարողանալով:
17-ամյա Արտակ Հարությունյանը առողջական լուրջ խնդիրներ ունի՝ ողերի արանքում երեք ուռուցք կա, մեկն էլ՝ ողնաշարին է և շտապ վիրահատություն է անհրաժեշտ, որի համար անհրաժեշտ գումար այս պահին ընտանիքը չունի:
Որպեսզի սպառողը կաթնամթերք գնելիս մոլորության մեջ չհայտնվի, ապրանքը շուտով խանութներում կառանձնացվի: Անարատ կաթով ու փոխարինիչով պատրաստված մթերքը կլինի առանձին, և գնորդը կհասկանա, որ այս կամ այն ապրանքը ոչ թե պարունակում է բնական 100 տոկոսանոց կաթ, այլ պարունակում է բուսական յուղ:
Ամալյան և Գրիշան ամուսնացան ու տեղափոխվեցին Մեծ Շեն գյուղ, սակայն Արցախի դեմ թուրք-ադրբեջանական ագրեսիայի հետևանքով ստիպված են եղել լքել գյուղը:
Երևանի թատրոնի և կինոյի պետական ինստիտուտի մի խումբ ուսանողներ փետրվարի 11-ին ինստիտուտի դիմաց նստացույց էին անում: Ըստ նրանց, «օդում կախված» մի լուր կա, որ իրենց բուհը միավորվելու է Խաչատուր Աբովյանի անվան հայկական պետական մանկավարժական համալսարանի հետ։ Նրանք կարծում են, որ դա տեղի է ունենալու «Բարձրագույն կրթության և գիտության մասին» օրենքն ընդունվելու դեպքում։
Հայաստանի երրորդ նախագահ Սերժ Սարգսյանը պետք է շատ ավելի վաղ խոսեր, պարզապես պատերազմը, այնուհետև՝ անձնական ողբերգությունը, հետո էլ կորոնավիրուս տարավ, հետաձգեցին նրա հարցազրույցները»,- այսօր մամուլի ասուլիսի ժամանակ հայտնեց ՀՀԿ խոսնակ Էդուարդ Շարմազանովը:
«Գարեգին Նժդեհի յուրաքանչյուր ասույթ որպես գիրք պետք է ունենանք մեր սեղանին, որպես երկրորդ Աստվածաշունչ: Յուրաքանչյուր ծնված երեխա պետք է դաստիարակվի Նժդեհի գաղափարներով, բացառվում է՝ որպես ֆաշիստ ընկալվի: Որպես հայ մարդ՝ արգելում եմ Նժդեհի մասին խոսել ինչ-որ ֆաշիստական ակնարկով: Այդ մի մարդը կարողացավ հայերին մղել ազգային-ազատագրական պայքարի և ազատագրեց Սյունիքը: Գարեգին Նժդեհը մեր մեծագույն զորավարներից է, ամեն ընտանիքում նրա նկարը պետք է պատից կախված լինի»,- «Հայելի» ակումբում ասուլիսի ժամանակ ասաց երգչուհի Աննա Մայիլյանը՝ հավելելով, որ այն, ինչ հիմա կատարվում է մեր երկրի հետ, պետք է արթնացնի ժողովրդին, մղի ազգայինը պաշտպանելու գաղափարին:
«Նախկիններն ինչ որ արել են, արել են, հիմա դուք եկել եք իշխանությա՞ն, պետք է հասկանայիք, ինչ եք վերցնում: Հիմա ինչո՞ւ եք հետին թվով իմաստուն ձևանում»,- խոսքն ուղղելով իշխանական պատգամավորներին՝ «Հայելի» ակումբում ասուլիսի ժամանակ ասաց ԱԺ ԲՀԿ խմբակցության պատգամավոր Գևորգ Պետրոսյանը:
«Երբ ժողովուրդը ոտքի ելավ ընդդեմ Սերժի, «դեմ» բառն անհատին ուղղված միակ նախագիծն էր, այնինչ դա չի կարող լինել ազգային զարգացման նախագիծ: Լինել ընդդեմ Սերժի, դա բոլորովին չի նշանակում, թե դրական, կոնստրուկտիվ ծրագիր է: Մինչ օրս էլ իշխանությունները կարծես հավատարիմ են մնում այդ ուղեգծին՝ դատել նախկիններին, դատարան կանչել նախորդ պատերազմի հերոսներին: Բայց դա ազգային ծրագիր լինել չի կարող: Ազգային ծրագիր չի կարող լինել կոռուպցիայի դեմ պայքարի հռչակագիրը, ազգային ծրագիր չեն կարող լինել անհիմն խոստումները: Կարող է դա լինել ազգային ծրագիր, եթե նշես, թե ինչպես ես դա պատկերացնում»,- «Հայելի» ակումբում ասուլիսի ժամանակ ասաց քաղաքագետ, ԵՊՀ պրոֆեսոր Ալեքսանդր Մանասյանը։
«Հիմա պետք է լիցենզիա տան, և, եթե այն ստանում է շրջիկ կետը, մտնում է էլեկտրոնային հարթակ, դիմում է գրում: Ամեն օր տարբեր տեղեր կարող է լինել: Խոստացել էին, որ կետերն օժտված կլինեն հոսանքով, բայց նմանատիպ բան չեն արել: Ներկառուցված գեներատորով են աշխատելու, ասում են՝ այնպիսին պետք է լինի, որ անձայն լինի, սակայն դա շատ թանկ է ու ոլորտի համար նպատակահարմար չէ: Անձայն գերենատորի գինը սկսվում է 6000-7000 դոլարից, իսկ այդքան գումարի դեպքում կարող ես ինչ-որ փոքրիկ շինությունում բիզնես ունենալ, ոչ թե շրջիկ կետ»,- նշեց Արեն Մելիքյանը:
«Ես նոր տուն էի ստացել, մի տարի էլ չեմ ապրել, որպես բազմազավակ ընտանիք՝ տվել էին, «Համահայկական հիմնադրամն» էր սարքել: Սեփական տուն էր՝ ամեն ինչ՝ մեջը… Իսկ հիմա 13 հոգով 2 սենյակում ենք ապրում՝ անչափահաս 10 երեխաներս, ես, ամուսինս ու եղբայրս: Հյուրանոցի ծախսերը պետությունն է հոգում, մենք փորձում ենք սննդի, հագուստի հարցով զբաղվել: Կհորդորեմ բոլորին՝ հետ վերադառնալ՝ պետք է ապրենք ու շենացնենք մեր երկիրը, օջախները չպետք է թողնենք»,- հավելեց Հերմինե Հայրապետյանը:
«Մեր դպրոցներում այնպես է ստացվել, որ շեշտը դրվում է ոչ միայն նրա վրա, որ պետք է սովորել, կարևորը գիտելիքն է, այլ շեշտադրում կատարվում է նրա վրա, որ գնահատականը պետք է բարձր լինի, թվանշանն ավելի կարևոր է, քան գիտելիքը: Երբ արժեհամակարգը փոխվի, անգամ գնահատականը կարելի է չհանել: Բայց, առհասարակ, փոքր տարիքում այն բավականին մեծ դեր է խաղում:
