Փետրվար 14, 2017

ՌԴ պաշտպանության նախարարությունում հայտարարել են Արևմտյան ռազմական օկրուգի զորամասերում զորամիավորումների անսպասելի ստուգումների մասին։

ՌԴ նախագահ Վլադիմիր Պուտինը պատրաստ է լսել ԶԼՄ-ներում խելամիտ քննադատության, սակայն անընդունելի է համարում անձնական վիրավորանքները։ Այս մասին այսօր հայտարարել է ՌԴ նախագահի մամուլի քարտուղար Դմիտրի Պեսկովը, հայտնում է Lenta-ն։

Ն. Փաշինյանի խոսքով՝ Վարդան Օսկանյանը 10 տարի Հայաստանում քաղբանտարկյալների առկայությունն արտաքին աշխարհում արդարացնող թիվ մեկ գործոնն է եղել. «Շատերն ասում են՝ արտգործնախարար է եղել: Այդպես լիներ, Ռիբենտրոպին Նյուրնբերգի դատարանում չէին դատի, կասեին՝ ինքն ընդամենն արտաքին գործերի նախարար է եղել: Վարդան Օսկանյանը Ռոբերտ Քոչարյանի Ռիբենտրոպն է»:

Հայոց ցեղասպանությունը ճանաչած թուրք լրագրող, Ջեմալ փաշայի թոռ Հասան Ջեմալը Քրդական բանվորական կուսակցության ղեկավարներից մեկի` Ֆեհման Հուսեյնի մասին հոդված գրելու պատճառով դատապարտվել է 1 տարի և 3 ամիս ազատազրկման: Այս մասին տեղեկացնում է թուրքական «Հուրիեթ» պարբերականը:

«Խաղաշրջանի սկզբում Մխիթարյանի և Մոուրինյոյի միջև ինչ-որ բան այն չէր: Մխիթարյանը չէր առանձնանում, սակայն հիմա նա ցնցող է: Մխիթարյանի խաղը փլեյմեյքերի դերում ֆանտաստիկ էր»,- ասել է Նևիլը:

Օպերայի և բալետի ազգային ակադեմիական թատրոնի դահլիճում Մշակույթի նախարար Արմեն Ամիրյանի, թատրոնի անձնակազմի, մասնագետների և լրագրողների մասնակցությամբ գործարկվեց նոր թարգմանական էլեկտրոնային վահանակը։

Շիրակի մարզի Ջաջուռ գյուղում արտակարգ դեպք է գրանցվել, հղի կինն արտաքնոց է գնացել, որտեղ և երեխան ծնվել է և ընկել հորը:

Ստացված կրկնակի դատաբժշկական փորձաքննության եզրակացության համաձայն՝ Ա.Սարգսյանի մոտ առկա հիվանդությունները, այդ թվում նաև Բեխտերևի հիվանդությունը՝ առանց ներքին օրգանների ախտահարումների, չեն դասվում ՀՀ կառավարության 2006 թվականի մայիսի 26-ի N 825-Ն որոշման N 2 հավելվածով սահմանված պատիժը կրելուն խոչընդոտող ծանր հիվանդությունների շարքին, և վերջինս ստացիոնար բուժման կարիք չունի:

2011թ. վրաց-ռուսական համաձայնագիրը տարանցման միջանցքների մասին ոչ մի առնչություն չունի Հարավային Օսիայի հետ։ Այս մասին հայտարարել է Վրաստանի վարչապետի՝ Ռուսաստանի հետ հարաբերությունների կարգավորման հարցերով հատուկ ներկայացուցիչ Զուրաբ Աբաշիձեն՝ ի պատասխան ՌԴ ԱԳՆ ներկայացուցիչ Մարիա Զախարովայի, տեղեկացնում է «Գրուզիա օնլայնը»։

ԿԲ խորհուրդը որոշեց իջեցնել վերաֆինանսավորման տոկոսադրույքը 0.25 տոկոսային կետով

«Ինչքան հիշում եմ, Րաֆֆի Հովհաննիսյանն էլ ընտրությունից հետո Մոսկվա գնաց՝ հաղթանակը բերելու: Կարծում եմ, որ այդ դաշինքի ներկայացուցիչները գաղափարական առումով իրար շատ մոտ են, շատ բնական եմ համաում, որ իրենք միասին են, նաև կարծում եմ՝ իրենց մոտեցումները շատ մոտ են Հանրապետականին, և իրենք կարող են միասնական մասնակցել»:

Փետրվարի 12-ին ադրբեջանական ԱՊԱ լրատվական գործակալությունը տարածել է տեսանյութ, որտեղ պնդում են, որ «հայկական հրետանին նշանառության տակ է պահում ադրբեջանական գյուղերը»:

2 օրից ավարտվում է Կենտրոնական ընտրական հանձնաժողով ընտրացուցակների ներկայացման ժամկետը։ Սակայն, ինչպես 168.am-ին հայտնեցին ԿԸՀ-ից, մինչ այս պահը ոչ մի կուսակցություն կամ կուսակցությունների դաշինք ցուցակ չի ներկայացրել։

Կոտայքի մարզի Լեռնանիստ գյուղում մթերային խանութի փլուզման հետեւանքով մահացած 38-ամյա Անուշ Սարգսյանը իր ամուսնու ու երեխայի հետ էր եկել խանութ:

«Մասնագիտությամբ վարսավիր եմ, պիտի առավոտվա 10-ից մինչև 7-ն աշխատեմ, ես էլ չեմ կարա տենց: Երեք անչափահաս երեխա ունեմ, իրանց ո՞վ պիտի տանի-բերի, շուկա ո՞վ պիտի գնա: Կինս 2 տարեկան երեխուս հետ ա ամբողջ օրը: Միջնեկն էլ մանկապարտեզ չի գնում՝ պոչկաների խնդիր ունի: Էլ ես ո՞նց աշխատեմ: Ինչ օգնություն էլ որ տալիս են, լավ ա: Փառք Աստծո, օրվա հացով ապրում ենք, չենք դժգոհում: Էս ա երկրի պայմանները, ով կհավանի, թող մնա, ով չէ` թող գնա: Մենք հավանում ենք, ապրում ենք: Չնայած ապրելը ո՞րն ա, յոլա ենք գնում: Կարևորը՝ օրվա հացը լինի, երեխեքն էլ առողջ լինեն»,- ասաց սիրիահայերից մեկը:

Բաքվում ձերբակալված Ռուսաստանի քաղաքացի Մարատ Ուելդանով-Գալուստյանը զանգահարել է քրոջը՝ Կրասնոդար, և խնդրել հայտարարություն գրել Ադրբեջանի դատախազությանը՝ հետաքննությունը ավարտելու վերաբերյալ, հայտնում է Rusarminfo-ն։

Փետրվարի 15-ին շրջանների զգալի մասում ժամանակ առ ժամանակ դադարներով, 16-ին Լոռիում, Տավուշում, Սյունիքում և Արցախում, 17-ին միայն Սյունիքում և Արցախում սպասվում է թույլ ձյուն, առանձին հատվածներում՝ նաև մառախուղ:

«Սեյրան Օհանյանը եղել է գլխավոր շտաբի պետը, և մարդը ասում է՝ Մարտի 1-ը գանք՝ բացահայտենք, մի քիչ էլ անցնի, կարող է ասի՝ ազատություն քաղբանտարկյալներին: Եթե կարելի է նման կերպով վերաբերվել քաղաքականությանը, ուրեմն՝ ամեն ինչ կարելի է»:

«Մեծ հարգանք տածելով երկու կուսակցությունների ներկայացուցիչների նկատմամբ էլ՝ այնուամենայնիվ Գագիկ Ծառուկյանն այս փուլում նպատակահարմար չի գտնում նրանց հետ դաշինքային համագործակցությունը՝ հաշվի առնելով ստեղծված իրավիճակը: Գագիկ Ծառուկյանի համար շարունակում է առաջնահերթություն մնալ Հայաստան-Սփյուռք հարաբերությունների ամրապնդումը և այդ գործում քաղաքական դաշտի միասնական ներգրավվածությունը՝ առանց ինտրիգների և ներքին խժդժությունների»:

ԱՄՆ Վիրջինիա նահանգի դատարանը վճռել է, որ ԱՄՆ նախագահ Դոնալդ Թրամփի միգրացիոն հրամանագիրը, որն արգելում է երկիր 7 մուսուլմանական բնակչություն ունեցող քաղաքացիների մուտքը, կարող է խախտել նահանգի բնակիչների իրավունքը, գրում է Bloomberg-ը։

Պոլսո պատրիարքական փոխանորդ Արամ արքեպիսկոպոս Աթեշյանը Ստամբուլի հայկական «Ժամանակ» թերթին մեկնաբանություն է տվել` կապված պատրիարքարանի հոգևոր խորհրդի նախագահ Սահակ եպիսկոպոս Մաշալյանի հրաժարականի և այդ առնչությամբ հրապարակած հայտարարության հետ:

Ադրբեջանի Միլի մեջլիսի պատգամավոր Ազայ Գուլիևը անհրաժեշտ է համարում բողոքի նոտա հղել պաշտոնական Փարիզին՝ կապված Ֆրանսիայի նախագահ Ֆրանսուա Օլանդի վերջին հայտարարությունների հետ։

«ՀԱՊԿ շրջանակներում եղել է մեր ռուս գործընկերների առաջարկը համադրել ջանքերը և միասին նման օգնություն տրամադրել նաև ՀԱՊԿ անդամ այլ երկրների մասնակցությամբ: Եվ Հայաստանի Հանրապետությունը, արձագանքելով այս առաջարկին, նախաձեռնեց այս մարդասիրական օգնության առաքումը: Եվ մենք շատ շնորհակալ ենք ռուսական կողմին, որ, տրամադրելով բեռնատար օդանավը, հնարավոր է դարձնում այս մարդասիրական օգնության առաքումը»,- ասաց ՀՀ պաշտպանության նախարարը:

Փետրվարի 13-ին պաշտպանության բանակում հանդիսավոր պայմաններում մեկնարկել է 2017թ. բանակային ուսումնական տարվա առաջին կիսամյակը:

Լրագրողի ճշտող հարցին էլ, թե՝ հետընտրական դաշինքի հնարավորություն նրանց հետ տեսնո՞ւմ եք, Ս. Միքայելյանն այսպես արձագանքեց. «Իրենց հետ չէ, ընդհանուր բոլորի հետ: Եթե այս ընտրարշավի ժամանակ երևա, որ դաշինքները գնում են այն ճանապարհով, որ մենք ենք գնում, թե՛ հետընտրական, թե՛ նախընտրական պրոցեսների ժամանակ ամեն ինչ հնարավոր է»:

Հայաստանի Հանրապետական կուսակցությունը փետրվարի 14-ին գործադիր մարմնի նիստ է հրավիրել: Այս մասին «Արմենպրես»-ին հայտնեց ՀՀԿ կազմակերպչական հանձնաժողովի նախագահ Ռուբեն Թադևոսյանը: «Կուսակցության գործադիր մարմնի նիստը տեղի կունենա այսօր, ժամը 18:00-ին»,- ասաց Թադևոսյանը:

Ռուսաստանը իրավաչափ է համարում Հարավային Օսիայի դիրքորոշումը այն բանի վերաբերյալ, որ բեռների տարանցման հարցը այդ հանրապետության տարածքով կարող է լուծվել միայն դրա իշխանությունների հետ բանակցությունների արդյունքում, միևնույն ժամանակ, այդ թեման քննարկելը դեռ վաղ է, քանի դեռ չի գործարկվել մոնիթորինգային մեխանիզմը, հայտարարել է ՌԴ ԱԳՆ ներկայացուցիչ Մարիա Զախարովան։

ՍԴՀԿ համաշխարհային ղեկավարությունն այս պայմաններով պատրաստ է եղել բարոյական աջակցություն ցուցաբերել դաշինքին։ Մի քանի օր է, սակայն, բոլոր հնարավոր առումներով միակողմանիորեն խախտվում են քաղաքական պայմանավորվածությունները, որի պատճառով «Հնչակյան» կուսակցությունը դադարեցնում է Գագիկ Ծառուկյանի գլխավորած միավորման հետ քննարկումները»,- ասված է հայտարարության մեջ:

«Ելք» դաշինքի անդամ, «Քաղաքացիական պայմանագիր» կուսակցության ներկայացուցիչ Նիկոլ Փաշինյանն էլ նշեց, որ «Ելք» դաշինքը կարևորում է ինստիտուտների գոյությունը, աշխատանքը և ընդհանրապես պրոցեսներն ինստիտուցիոնալ ռելսերի վրա դնելը. «Մեզանից յուրաքանչյուրը ցանկանում է համոզված լինել, որ համամասնական ցուցակում հայտնվելը թիմի յուրաքանչյուր անդամի ներքին համոզման, ցանկության և քաղաքական որոշման արգասիքն է: Կարծում եմ՝ այս փաստը կարևոր է Հայաստանում քաղաքական կուսակցական համակարգի կայացման իմաստով և կարևոր է Հայաստանում ժողովրդավարության և ինստիտուտների կայացման իմաստով: Ցանկացած լուծում լինելու է բոլորիս հաղթանակը»:

ԱՄՆ Սենատը փետրվարի 13-ի երեկոյան Սթիվեն Մնուչինի թեկնածությունը հաստատել է երկրի ֆինանսների նախարարի պաշտոնում, հայտնում է RIA Novosti-ն։