Ռուսաստանն անսպասելի զորավարժություններ է սկսել Ուկրաինայի հետ սահմանի հարևանությամբ
ՌԴ պաշտպանության նախարարությունում հայտարարել են Արևմտյան ռազմական օկրուգի զորամասերում զորամիավորումների անսպասելի ստուգումների մասին։
«Բարձր աստիճանի մարտական պատրաստվածության են բերվել մոտոհրաձգային, հրետանային, հրթիռային ու զենիթահրթիռային բրիգադները, բանակային ավիացիայի բրիգադը, Լենինգրադի ռազմածովային բազան, ներգրավվել են նաև Սանկտ Պետերբուրգի, Պսկովի, Նովգորոդի մարզերի ու Կարելիայի Հանրապետության զինվորական կոմիսարիատները»,- ասված է հաղորդագրության մեջ։
ՌԴ Արևմտյան ռազմական օկրուգը սահմանակից է Ուկրաինայի հյուսիսին, մասնավորապես Չեռնիգովսկի, Խարկովի ու Լուգանսկի մարզերին։
