Մարտի 14-ին, ժամը 00.05-ին, հիվանդանոցից ոստիկանության Մալաթիայի բաժնում հաղորդում է ստացվել, որ գլխի պատռված վերքով Երևանի Հովնաթանի փողոցի տներից մեկից իրենց մոտ է տեղափոխվել 1983 թ. ծնված Արթուր Ս.-ն, ով հայտնել է, որ վնասվածքը ստացել է քարով գլխին հարված ստանալու հետևանքով:
Հայաստանի իշխանությունները վերջերս բազմաթիվ հայտարարություններ են արել Ընտրական օրենսգրքի շուրջ ընդիմության հետ համագործակցելու մասին, սակայն գործնական քայլեր չեն արվել: Այս մասին այսօր Աժ նիստում հայտարարությունների ժամին ասաց ՀԱԿ խմբակցության ղեկավար Լևոն Զուրաբյանը՝ կարևորելով, որ փաստաթուղթը լինի փոխհամաձայնեցված:
Ըստ նրա, Վարդանյանի խոհափիլիսոփայական մտքերից հաջորդ գոհարն էր՝ Ցեղասպանության «200-ամյակը մենք կնշենք շատ ավելի բարձր մակարդակով», այն է, երևի թե «կտոնենք շատ ավելի բարձր մակարդակով»: Ն.Զոհրաբյանի կարծիքով՝ այս ամենից լրջագույն հետևություններ չարվեցին, ԱԳՆ-ն լռում է, իսկ լռությունը ևս պատասխան է: Սակայն, ըստ նրա, չի կարելի լռել, երբ մի դեսպանն իր հավատարմագիրը նոտարում է վավերացնում, մեկ ուրիշը՝ ընդհանրապես գնում է և նրա անձի հետ կապված սկանդալային տեղեկատվություն է ստացվում, որ զբաղվում է բիզնեսով:
«Ելնելով այս կարևորությունից և արձանագրելով այն, որ երբեք Հայաստանում այսքան կոնսոլիդացիա չի եղել, այս օրենքի իրավիճակը բարելավելու համար մենք այս պատմական շանսը եթե բաց թողեցինք, ուրեմն՝ մեղավորը մենք ենք»:
Բեռլինի ոստիկանությունը հայտարարել է, որ ավտոմեքենայի պայթյունը, որի հետևանքով զոհվել էր մեկ մարդ, ահաբեկչական ակտ չէ, հայտնում է Reuters-ը:
«Վարկերը բեռ են գյուղացիների համար, մենք պետք է գործուն միջոցներ ձեռնարկենք նրանց վիճակը թեթևացնելու համար»,- այսօր ԱԺ նիստում հայտարարությունների ժամին ասաց ԲՀԿ-ական պատգամավոր Միքայել Մելքումյանը: Նա նշեց, որ 1.4 մլն վարկեր կան, որից 150 հազարը գյուղացիական վարկեր են, որոնք պետությունը պետք է կարողանա գույքագրել՝ հասկանալու համար դրանք իրենցից ին՞չ են ներկայացնում, տույժ ու տուգանքները հիմնավո՞ր են, թե՞ պետության ստեղծած միջավայրն է նման իրաավիճակի պատճառ հանդիսացել:
Երկու տարուց նշելու ենք մեր ժողովրդի արժանապատվության՝ Սարդարապատի հերոսամարտի հաղթանակի ու Հայաստանի առաջին հանրապետության հռչակման 100-ամյակը, որոնց պետք է նախապատրաստվել արժանապատվորեն և ազգովի: Յուրաքանչյուր հայի համար թանկ ու միակ մեր պետության անկախությունը բարձրագույն արժեք է, որին իրենց կյանքն են նվիրաբերել բազմաթիվ հայորդիներ և համոզված եմ՝ անհրաժեշտության դեպքում էլի են զոհաբերելու:
«Մենք ֆիզիկական անձանց չենք տուգանում, մենք տուգանում ենք տնտեսվարող սուբյեկտներին, կոնկրետացրեք՝ որ տնտեսվարողին նկատի ունեք»,- այսօր Ազգային ժողովում լրագրողների հետ զրույցի ժամանակ այս մասին ասաց ՏՄՊՊՀ նախագահ Արտակ Շաբոյանը՝ արձագանքելով հարցին, թե մտահոգիչ չի՞ համարում, որ Սամվել Ալեքսանյանը հայտարարում է, որ «խախտումներ անում ենք, բայց աշխաատեղ ենք ստեղծում»:
ԼՂՀ Նախագահ Բակո Սահակյանը մի շարք օրենքներ է ստորագրել:
Նախորդ տարվանից «Թեքնոլոջի ընդ Սայնս Դայնամիքս»-ը սկսել է «Արմթաբ» պլանշետները ներդնել նաև Հայաստանի դպրոցներում: 2015 թվականի ընթացքում արդեն իսկ դպրոցներին է տրամադրվել 700 պլանշետ. այս տարի ևս ծրագիրը կշարունակվի: Տեղեկացվել է, որ ընկերության արտադրանքն իրացվում է և Հայաստանում, և արտերկրում:
Այսօր ԱԺ նիստում ՏՄՊՊՀ 2016 թ. ծրագրի քննարկման ժամանակ ՀԱԿ խմբակցության ղեկավար Լևոն Զուրաբյանը հայտարարեց, որ ՀԲ զեկույցի համաձայն, Հայաստանը շարունակում է մնալ ամենամենաշնորհացված երկիրը տարածաշրջանում: Ըստ նրա՝ թեև Մրցունակության զեկույցում ՀՀ-ն դիրքերը բարելավել է, սակայն Վրաստանն ու Ռուսաստանը շատ ավելի են բարելավել իրենց դիրքերը, այսինքն՝ Հայաստանը շարունակում է մնալ տարածաշրջանում ամենամենաշնորհացված երկիրը:
Սիրիայում գտնվող ռուսական ավիացիան շարունակում է հարվածներ հասցնել ահաբեկիչների դիրքերին ու օբյեկտներին: Այդ մասին այսօր հայտարարել է ՌԴ պաշտպանության փոխնախարար Նիկոլայ Պանկովը, հայտնում է TASS-ը:
«Երևան Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված, ս.թ. մարտի 16-ին նախատեսված են ջրամատակարարման հետևյալ ընդհատումները:
ՀՀ ՊՆ ռազմական ոստիկանության Հատուկ օպերատիվ ծառայության կողմից ձեռնարկված օպերատիվ-հետախուզական միջոցառումների արդյունքում մարտի 15-ին, առանձնակի խոշոր չափի կաշառք ստանալու պահին (5 մլն ՀՀ դրամ), ձերբակալվել է ՀՀ ՊՆ ՆՏԱ դեպարտամենտի աշխատակից Արսեն Շիրինի Ղարիբջանյանը:
Թուրքիայում ԱՄՆ դեսպանությունը նախազգուշական նամակ է ուղարկել այդ երկրում գործող ամերիկյան ընկերություններին՝ կապված ահաբեկչության սպառնալիքի հետ, հայտնում է Habertürk-ը:
Ըստ նրա՝մեզ անհընդհատ պարտադրում են որոշակի խաղի կանոններ և ասում են՝ սա են խաղի կանոնները, դուք կարող եք այդ խաղի կանոնների շրջանակում որոշակի փոփոխությունների, քննարկումների վերաբերյալ առաջարկություններ ներկայացնել. «Իսկ մենք ինչքանով հաշվի կառնենք, թողեք մեր հայեցողությանը: Կարծում եմ՝ մենք ունենք հերթական մարտահրավերը՝ հանձինս նման մոտեցման եւ Ընտրական օրենսգրքում ձևակերպումների»:
Պաշտոնական այցով Հունաստանի Հանրապետությունում գտնվող Նախագահ Սերժ Սարգսյանն այսօր ծաղկեպսակ է դրել Աթենքի Նեա Զմիրնիի հրապարակում գտնվող Հայոց ցեղասպանության զոհերի հիշատակին նվիրված հուշարձանին և հունահայ համայնքի ներկայացուցիչների, հոգևորականների, Հունաստանում ռազմական կրթություն ստացող հայ կուրսանտների հետ միասին հարգանքի տուրք մատուցել ցեղասպանության զոհերի հիշատակին:
2014թ. մարտական հերթապահության ժամանակ զինծառայող Վլադիմիր Հայրապետյանի մահվան գործով դատավճիռը բողոքարկվել է Վերաքննիչ դատարան: Քրեական գործի շրջանակներում Վլադիմիր Հայրապետյանի սպանության համար մեղադրանք էր առաջադրվել նրա ծառայակցին՝ Սիմոն Մկրտչյանին: Սյունիքի մարզի ընդհանուր իրավասության դատարանի դատավճռով Սիմոն Մկրտչյանը մեղավոր էր ճանաչել և դատապարտվել 13 տարվա ազատազրկման:
«Մի շարք արատավոր երևույթներ, որոնք նախկինում տեղի են ունեցել ընտրությունների ժամանակ, մտահոգության պատճառ են հանդիսացել, ուստի նոր ԸՕ-ի քննարկումը տեղին էր ու կարևոր»,- այսօր Ազգային ժողովում Վենետիկի հանձնաժողովի անդամների հետ հանդիպումից հետո՝ լրագրողների հետ զրույցի ժամանակ, այս մասին հայտնեց ԲՀԿ խմբակցության քարտուղար Վահե Էնֆիաջյանը:
Գերմանիայի կանցլեր Անգելա Մերկելը «դժվար օր» է անվանել կիրակի Գերմանիայում տեղի ունեցած տեղական ընտրությունները, որի արդյունքում ուլտրաաջերը հաջողության էին հասել դաշնային երեք հողերում, հայտնում է BBC-ն:
Է.Մարուքյանը ՏՄՊՊՀ նախագահ Արտակ Շաբոյանից հետաքրքրվեց, թե ի՞նչն է պատճառը, որ հանձնաժողովն ուսումնասիրություններ է սկսել «Հայկական ծրագրեր» ընկերությունում: «Ընկերությունն արդար չէ իր ներկայացրած դիրքորոշման մեջ»,- հայտարարեց Ա.Շաբոյանը:
Նշվում է, որ իր համերգի ընթացքում Մաքքարթնին կկատարի The Beatles-ի, ինչպես նաեւ Wings խմբի ամենահայտնի հիթերը, խումբ, որը նա հիմնել է 1971 թվականին՝ լեգենդար «լիվերպուլյան քառյակի» կազմալուծումից հետո, եւ որը գոյություն է ունեցել մինչեւ 1981 թվականը: Այնուամենայնիվ, ելույթի հիմնական մասը բացկացած կլինի հենց The Beatles-ի կոմպոզիցիաներից:
Անկարայում այցով գտնվող Ադրբեջանի նախագահ Իլհամ Ալիևը դեմ առ դեմ հանդիպում է ունեցել Թուրքիայի նախագահ Ռեջեփ Թայիփ Էրդողանի հետ, հայտնում է APA գործակալությունը:
Երեկ հայտնել էինք, որ դատախազը չի հաստատել Գևորգ Սաֆարյանի գործով մեղադրական եզրակացությունը, այն վերադարձվել է քննիչին՝ լրացուցիչ քննություն կատարելու համար: Դատախազի որոշմամբ վերացվել է Գևորգ Սաֆարյանի հետ կապված մեկ այլ որոշում. վերացվել է ոստիկանների կողմից բռնություն գործադրելու վերաբերյալ հաղորդման հիման վրա հարուցված քրեական գործի վարույթը կարճելու մասին որոշումը:
Ինչպես գիտեք, մինչ օրս Ադրբեջանի և Եվրամիության բանակցությունները երկկողմ հարաբերությունների հարցով երկու անգամ են անցկացվել: Այս մասին, ինչպես հայտնում է APA գործակալությունը, հայտարարել է Ադրբեջանում ԵՄ ներկայացուցչության ղեկավար Մալենա Մարդը:
Մարտի 17-ի գիշերը Տավուշի և Սյունիքի հովտային գոտիներում և Արարատյան դաշտում՝ օդում հնարավոր է 0…-2 աստիճան: Այս մասին տեղեկացնում է ՀՀ արտակարգ իրավիճակների նախարարության Հիդրոմետ ծառայության օդերևութաբանության կենտրոնի պետի տեղակալ Գագիկ Սուրենյանը:
Եվրամիությունը կոչ է արել բանկերին զերծ մնալ ռուսական պետական պարտատոմսերի տեղաբաշխումից՝ Ռուսաստանի դեմ պատժամիջոցների աջակցության շրջանակում, գրում է The Financial Times-ը՝ հղում կատարելով աղբյուրներին:
Այսօր Ազգային ժողովի նիստում քննարկվում է Տնտեսական մրցակցության պաշտպանության պետական հանձնաժողովի 2016 թ. գործունեության ծրագիրը: ՏՄՊՊՀ նախագահ Արտակ Շաբոյանը ներկայացրեց, որ հանձնաժողովն այս տարի շարունակելու է մրցակցության բարելավմանն ուղղված աշխատանքները: Նա նշեց, որ անցած տարի ուսումնասիրություն են իրականացրել «Հարավկովկասյան երկաթուղի» ընկերությունում՝ փոխադրումների գների բարձրացման կապակցությամբ, ուսումնասիրել են մի շարք ապրանքային շուկաներում գների փոփոխությունների խնդիրներ, այդ թվում՝ շաքարավազի, բենզինի, և այլն:
«Դա ապատեղեկատվություն է, նման մտադրություն չունեմ»,- այսօր Ազգային ժողովում լրագրողների հետ զրույցում ասաց պատգամավոր Վահան Բաբայանը՝ անդրադառնալով լուրերին, թե ինքը մտադիր է անդամակցելու Վարդան Օսկանյանի ստեղծվելիք կուսակցությանը:
Ոստիկանության Կումայրիի և Ախուրյանի բաժինների ծառայողները Գյումրիի Սպանդարյան փողոցի տներից մեկում հայտնաբերել և գողություն կատարելու կասկածանքով բերման են ենթարկել 1976 թ. ծնված Արմեն Ղ.-ին:
