Մենք կշարունակենք բանակցություններն Ադրբեջանի հետ. ԵՄ ներկայացուցիչ
Ինչպես գիտեք, մինչ օրս Ադրբեջանի և Եվրամիության բանակցությունները երկկողմ հարաբերությունների հարցով երկու անգամ են անցկացվել: Այս մասին, ինչպես հայտնում է APA գործակալությունը, հայտարարել է Ադրբեջանում ԵՄ ներկայացուցչության ղեկավար Մալենա Մարդը:
Նա հայտնել է, որ ԵՄ դիվանագիտության ղեկավար Ֆեդերիկա Մոգերինիի ադրբեջանական այցի ժամանակ մտադրություն է հայտնվել բանակցությունները շարունակելու մասին։
«Մենք կշարունակենք նախնական բանակցությունները։ ԵՄ-ում կանոններն այնպիսին են, որ նախնական բանակցություններից հետո մենք այդ հարցը կներկայացնենք անդամ երկրների խորհրդին և մանդատ կխնդրենք նոր՝ երկկողմ ձևաչափով բանակցություններ սկսելու համար։ Նման ընթացակարգը վերաբերում է բոլոր պայմանավորվածություններին»,- ասել է Մարդը:
