Անկարայում մեկնարկել է Թուրք-ադրբեջանական բարձր մակարդակի համագործակցության խորհրդի 5-րդ նիստը
Անկարայում այցով գտնվող Ադրբեջանի նախագահ Իլհամ Ալիևը դեմ առ դեմ հանդիպում է ունեցել Թուրքիայի նախագահ Ռեջեփ Թայիփ Էրդողանի հետ, հայտնում է APA գործակալությունը:
Ինչպես հայտնում է գործակալությունը, դրանից անմիջապես հետո մեկնարկել է Թուրք-ադրբեջանական բարձր մակարդակի համագործակցության խորհրդի 5-րդ նիստը։
Խորհրդի նիստն այսօր պետք է կայանար Բաքվում, սակայն չեղյալ էր հայտարարվել Անկարայի ահաբեկչության պատճառով:
Թուրքական Anadolu գործակալության հաղորդմամբ՝ Իլհամ Ալիևը, որպես համերաշխության նշան Անկարայի ահաբեկչության, առաջարկել էր հանդիպումը տեղափոխել Թուրքիայի մայրաքաղաք: Ռեջեփ Թայիփ Էրդողանն այդ քայլն անվանել է «համերաշխության կոնկրետ դրսևորում»:
