Մերկելը չի փոխի միգրացիոն քաղաքականությունը՝ չնայած ընտրություններում ուլտրաաջերի հաջողությանը
Գերմանիայի կանցլեր Անգելա Մերկելը «դժվար օր» է անվանել կիրակի Գերմանիայում տեղի ունեցած տեղական ընտրությունները, որի արդյունքում ուլտրաաջերը հաջողության էին հասել դաշնային երեք հողերում, հայտնում է BBC-ն:
Նախընտրական արշավի ժամանակ հականերգաղթյալային «Այլընտրանք Գերմանիայի համար» կուսակցությունը մշտապես խոսել է «աղետի» մասին: Այդպես են կուսակցությունում գնահատում Մերկելի որոշումը՝ երկիր թողնել ավելի քան 1 մլն ներգաղթյալի:
Սակայն Գերմանիայի կառավարության ներկայացուցիչը հայտարարել է, որ ներգաղթյալների նկատմամբ քաղաքականությունը չի փոխվի:
Մերկելն ասել է, որ միգրացիան ճգնաժամը հնարավոր է լուծել միայն Եվրամիության բոլոր երկրների ընդհանուր ջանքերով:
«Մարդիկ դե չեն տեսնում ինչ-որ գոհացուցիչ որոշում, որն առաջարկել են քաղաքական գործիչները ու դա մեծ ազդեցություն է ունեցել քվեարկության արդյունքների վրա»,- կարծում է Գերմանիայի կանցլերը:
