Մուրացանի հոսպիտալում գտնվող ժամկետային զինծառայող Հայկ Թորոսյանը դուրս է եկել կոմայից, վիճակը արդեն գնահատվում է կայուն ծանր: Այս մասին «Արմենպրես»-ին տեղեկացրեց Երևանի Մուրացանի զինվորական հոսպիտալի պետ Արամ Ասատուրյանը: «Նա միացված էր արհեստական շնչառական ապարատին, սակայն նրա վիճակում դրական դինամիկա կա, քանի որ վիճակը ծայրահեղ ծանրից դարձել է կայուն ծանր»,-ասաց Ասատուրյանը:
«Ադրբեջանական կողմը վերջերս ընդհանրապես ավելի դեստրուկտիվ է իրեն պահում, կան նաև հայկական պատանդներ, որոնց սպանել են և դիակները մինչև հիմա չեն վերադարձրել. այսպիսի երևույթներ էլ կան»:
ՀՀ կառավարության այսօրվա նիստի ավարտին վարչապետ Հովիկ Աբրահամյանը հորդորեց գերատեսչություններին ղարաբաղաադրբեջանական շփման գծում տիրողի իրավիճակի հետ կապված պայմանավորվածությունների նկատմամբ ուշադիր լինել: «Ով ինչ հանձնարարություններ, պարտավորություններ ուներ՝ նույն տեմպով իրականացնենք»,- ասաց Հովիկ Աբրահամյանը:
«Ասում էր, պապ, ես քեզանից լավը պետք ա դառնամ». զոհված զինծառայող Հարություն Աբրահամյանի հայր:
Պատագամավոր Հրանտ Բագրատյանի գնահատականով` ոչ մի վտանգ չի չեզոքացվել, վտանգը շարունակում է մնալ. «Այս ամբիոնից ես ուզում եմ ասել, որ համաձան չեմ մեր բարձրագույն պետական այրերի արտաքին քաղաքականության շատ էլեմենտների հետ, դրանք փափուկ են, չկշռադատված: Մասնավորապես` ես կուզենայի կոչ անել ՀՀ վարչապետին հրաժարվել մասնակցել ԵՏՄ նիստին»:
ԵԱՀԿ Մինսկի խմբի համանախագահներ Իգոր Պոպովը (Ռուսաստան), Պիեռ Անդրիեն (Ֆրանսիա) և Ջեյմս Ուորլիքը (ԱՄՆ) այսօր Բաքվում սկսել են անցկացնել իրենց պլանավորված հանդիպումները, հայտնում է ադրբեջանական APA գործակալությունը:
«Թուրք հաքերների կողմից շոկ Հայաստանին» վերնագրով հրապարակված նյութի մեջ աղբյուրը տեղեկացնում է, որ «Aslan Neferler Tim» (Առյուծ զինվորների թիմ) թուրքական հաքերային խումբը մի շարք կիբեռհարձակումներ է գործել Հայաստանի Հանրապետության պաշտպանության, էներգետիկայի և գյուղատնտեսության նախարարությունների պաշտոնական կայքերի վրա:
«Ամերիկայի Միացյալ Նահանգները ողջունում է կրակի դադարեցման ռեժիմի սահմանումն ու կոչ է անում կողմերին հետևել դրան»,- ասվում է Ադրբեջանում ԱՄՆ-ի դեսպանության Facebook-յան էջում:
«Այս պահին տեղի է ունենում ռազմական գործողությունների դադարեցում, որը չգիտենք՝ ինչքան կտևի: Կարմիր խաչը միջնորդել է, որովհետև բազմաթիվ դիակներ կան այն տարածքում, որը ետ է վերցվել ԼՂՀ ՊԲ-ի կողմից, և հնարավորություն է տրվում, որ ադրբեջանական կողմը ետ վերցնի իր դիակները: Դա նաև ցույց է տալիս, որ ԼՂՀ ՊԲ-ը հավատարիմ է միջազգային հումանիտար իրավունքի բոլոր պահանջներին. չի ռմբակոծում խաղաղ բնակչությանը՝ ի տարբերություն Ադրբեջանի և առաջնորդվում է Ժնևյան կոնվենցիայով ստանձնած պարտավորություններով»,- այս մասին այսօր լրագրողների հետ հանդիպման ընթացքում ասաց ՀՀ արտաքին գործերի նախկին նախարար, ԱԺ պատգամավոր Ալեքսանդր Արզումանյանը:
ՀՀ ՊՆ խոսնակ Արծրուն Հովհաննիսյանը ֆեյսբուքյան իր էջում հրապարակում է շփման գծում հակառակորդի կրակոցներից զոհված զինվորների անունները:
Ադրբեջանի կողմից սանձազերծված գործողություններն աննախադեպ էին ոչ միայն՝ 1994թ. զինադադարից հետո, այլև՝ ընդհանրապես Ղարաբաղյան առաջին պատերազմի համեմատ՝ հաշվի առնելով մի քանի հանգամանքներ: Այս մասին այսօր կառավարության նիստից առաջ ասաց ՀՀ պաշտպանության նախարար Սեյրան Օհանյանը:
Երեկ ռուս գործարար Գերման Ստերլինգովը, ով որոշ ժամանակ ապրել է Լեռնային Ղարաբաղում, ռուսական RBK հեռուստատեսության ուղիղ եթերում քննարկել է ԼՂՀ-ի տնտեսությունը:
«Մենք հիմա Թալիշում ենք, գյուղը մեր ձեռքում է». Պն խորհրդական Դավիթ Ջամալյան:
Ինչպես հաղորդում է azadliq.info լրատվական կայքը, Քերիմլին Facebook-ի իր էջում հիշեցրել է Ադրբեջանի բարձրագույն ղեկավարության կողմից Լեռնային Ղարաբաղը «վերագրավելու» մասին ամեն օր հորջորջվող «Պետք լինի, Ղարաբաղը կվերցնենք» արտահայտությունը, եւ հարց տվել նրանց. «Բա ինչո՞ւ չկարողացաք վերցնել»:
ՌԴ արտգործնախարար Սերգեյ Լավրովն այսօր կուղևորվի Բաքու՝ մասնակցելու Իրանի և Ադրբեջանի արտգործնախարարներ Մոհամմադ Ջավադ Զարիֆի և Էլմար Մամեդյարովի հետ եռակողմ հանդիպմանը:
«Ղարաբաղ Տելեկոմ»-ը տեղեկացնում է, որ ապրիլի 2-ից 5-ը ներառյալ ձայնային և SMS կապի ծառայությունների համար բոլոր հետվճարային, ֆիքսված անլար՝ ֆիքսված հեռախոսակապի համար հաշիվները կզրոյացվեն:
Ստեփանակերտի Հանրապետական բժշկական կենտրոնում այս պահին բուժում է ստանում 4 քաղաքացիական վիրավոր: Զավեն Ավանեսյանը, Կամո Աբրահամյանը, Ծովինար Աղաջանյանը գտնվում են վերակենդանացման բաժանմունքում, նրանց վիճակը` կայուն ծանր է, դրական դինամիկայով:
«Ծանր հերտանու, տանկերի և օդուժի հարձակման թիրախ են դարձել Լեռնային Ղարաբաղի պաշտպանական բանակի դիրքերը, քաղաքացիական օբյեկտները և բնակավայրերը, որի արդյունքում ունենք նաև զոհեր»:
«Շարքային Գեւորգ Մանուկյանն այն զինվորն է, ով ապրիլի 2-ին խոցել է հայկական բանակի դիրքերի ուղղությամբ գրոհող ադրբեջանական ուղղաթիռը»։
Առաջատար իրավաբանները եւ բանկիրները դիմել են լատինամերիկյան պետության իշխանություններին՝ հայտարարելով, թե ներկայիս սկանդալը փորձ է «փչացնելու Պանամայի՝ որպես օֆշորային բանկային եւ ֆինանսական ծառայությունների կենտրոնի վարկը», հաղորդել է ՏԱՍՍ-ը:
LifeNews-ի ռուս լրագրողները, որոնք նկարահանումներ էին կատարել Ադրբեջանում՝ Լեռնային Ղարաբաղի հետ սահմանակից շրջաններում, պատմել են, որ ոստիկանությունն ու տեղի ադմինիստրացիան մշտապես ճնշումներ է գործադրել իրենց վրա՝ փորձելով արտաքսել երկրից:
Բուենոս Այրեսի հայ համայնքը Լեռնային Ղարաբաղի հակամարտության հարցում տեղի ունեցող վերջին զարգացումների առնչությամբ բողոքի ցույց է անցկացրել Ադրբեջանի դեսպանատան դիմաց: Այս մասին տեղեկացնում են Արգենտինայի հայ համայնքից:
«Սրանք այդ հանցագործությունները կատարող մարդասպանների միայն մի մասի դիակներն են, ովքեր հայ զինվորների կողմից ոչնչացվել են նահանջելու կամ ավելի ճիշտ՝ փախուստի պահին: Հատուկ ուզում եմ նշել, որ սրանք «էլիտար» դեմքերն են, սրանք են Թալիշի վայրագությունների հեղինակները»:
«Այս ամենը զարմանալի չէ, քանի որ թե՛ Մերձավոր Արեւելքում ԻՊ ահաբեկիչների, թե՛ ադրբեջանական ԶՈՒ հանցագործությունները, մասնավորապես Թալիշում անօգնական ծերերի սպանդը նույն ձեռագիրն է, որը կարող է ուղղորդվել Թուրքիայի կողմից: Չավուշօղլուի այդ հայտարարությունը ոչ այլ ինչ է, քան ջղաձիգ արձագանք իրենց ձախողված բլիցկրիգին»,-նշել է ԱԺ փոխնախագահը:
Sputnik Արմենիայի թղթակիցներն ու լուսանկարիչը Ստեփանակերտում են։ Նոր ֆոտոշարքն ապացուցում է, որ ղարաբաղցին ապրում է, ու նրան ոչինչ չի կարող վախեցնել։
«Ամենասարսափելին այն կլինի, եթե պատերազմը ծավալվի: Սա սարսափելի ողբերգություն է, սարսափելի դժբախտություն է ողջ տարածաշրջանի համար, սարսափելի է: Պատերազմը միշտ դժբախտություն է: Պատերազմ ցանկանում են միայն նրանք, ովքեր պատերազմ չեն տեսել»,- ասում է հաղորդավարը՝ հույս հայտնելով, որ ռազմական հակամարտությունը խաղաղ ճանապարհով կլուծվի:
Շփման գծում երկկողմ կրակի դադարեցումը դեռ չի նշանակում, որ Ադրբեջանը վերջնականապես հետ կքաշվի ու կսկսի մտածել հիմնախնդիրը բացառապես խաղաղ ճանապարհով կարգավորելու մասին:
«ՄԽՎ-ն հետեւողականորեն պաշտպանում է Լեռնային Ղարաբաղի հակամարտության խաղաղ լուծման եւ անընդմեջ բանակցային գործընթացի աջակցման սկզբունքը, պաշտպանում է ԵԱՀԿ-ի Մինսկի խմբի միջնորդական ջանքերը»,- ասված է հայտարարության մեջ:
«Նման պայմաններում ԼՂ ժողովրդի ինքնորոշման իրավունքի իրացումը չի կարող կասկածի տակ առնվել, քանի որ խոսքը գնում է ժողովրդի ֆիզիկական գոյության մասին: Հայաստանի Հանրապետությունը՝ որպես 1994թ. հրադադարի եռակողմ համաձայնագրի մաս, կձեռնարկի անհրաժեշտ քայլեր: ԼՂ ժողովուրդն ունի ինքնապաշտպանության իրավունք և Հայաստանը՝ որպես նրա ֆիզիկական անվտան գության երաշխավոր, կսատարի Լեռնային Ղարաբաղին: Հայաստանի նախագահը հրահանգել է ԱԳՆ-ին նախապատրաստել Հայաստանի Հանրապետության և Լեռնային Ղարաբաղի Հանրապետության միջև ռազմական փոխօգնության պայմանագրի նախագիծ», – շեշտել է ՀՀ ներկայացուցիչը:
Հայաստանի Հանրապետության արտաքին գործերի նախարար Էդվարդ Նալբանդյանն ապրիլի 8-ին կմեկնի Մոսկվա, ուր նախատեսված է նրա հանդիպումը Ռուսաստանի արտգործնախարար Սերգեյ Լավրովի հետ։
