Չինաստանը խաղադրույք է կատարում էժան անօդաչու թռչող սարք-որսորդների վրա՝ դրանք դարձնելով արտահանման նոր հիթ. FT
Չինական ընկերությունները սկսել են զանգվածաբար մշակել փոքր չափի որսորդ-դրոններ, որոնց իրանները տպագրվում են 3D տպիչների միջոցով։ Դրանք կարող են զարգացնել մինչև 300 կմ/ժ և ավելի արագություն, տեսախցիկների, նշանառության համակարգերի և արհեստական բանականության շնորհիվ ինքնուրույն հայտնաբերել և գրոհել թիրախները։
Նման մեկ որսորդ-դրոնի արժեքը կազմում է մոտ 1500–2900 դոլար, իսկ պարզեցված տարբերակներն ավելի էժան են։ Արտադրողներից մի քանիսը սկսել են դրանց մշակումը ընդամենը մի քանի ամիս առաջ, սակայն արդեն ունակ են թողարկել հազարավոր միավորներ ամսական, այդ թվում՝ արտահանելով Ռուսաստան և Մերձավոր Արևելքի երկրներ։
Պահանջարկը կտրուկ աճել է Ուկրաինայում ընթացող պատերազմի ֆոնին, որը ցույց տվեց էժան հարվածային ԱԹՍ-ների զանգվածային կիրառման արդյունավետությունը և միաժամանակ հսկայական շուկա ստեղծեց դրանց ոչնչացման միջոցների համար։
