Բաքվում մեկնարկել են ԵԱՀԿ Մինսկի խմբի համանախագահների հանդիպումները
ԵԱՀԿ Մինսկի խմբի համանախագահներ Իգոր Պոպովը (Ռուսաստան), Պիեռ Անդրիեն (Ֆրանսիա) և Ջեյմս Ուորլիքը (ԱՄՆ) այսօր Բաքվում սկսել են անցկացնել իրենց պլանավորված հանդիպումները, հայտնում է ադրբեջանական APA գործակալությունը:
Դիվանագետները պլանավորել են հանդիպել Ադրբեջանի նախագահ Իլհամ Ալիևի և մյուս պաշտոնատար անձանց հետ:
ԵԱՀԿ Մինսկի խմբի համանախագահները վաղը կայցելեն Լեռնային Ղարաբաղ: Նրանց այցը Հայաստան նախատեսված է ապրիլի 9-ին:
